Новости за 13.06.2018

Маршо Радионо бовзуьйту таханлера боцца хаамаш

Дуьххьара 2004-чу шарахь арахийцира "ГОЧ" журнал. I3 лоьмар бен еша таро ца хилира и дезаш тIеэцначийн. Кхи дIа журнал арадийлийта ницкъ а ца тоьана, болх сацийра. Къоначу яздархочо Петирова ПетIамата стохка юха керла са чу кхоьллира "ГОЧ" журнална. Нохчийн меттан говзанчас дуьйцу журналан селханех, таханех, цуьнан кханенах а.

Жимачу Бекмурзаев Асхьаба видеоца дехар дина Нохчийчоьнан куьйгалхочуьнга Кадыровга шен да Расамбек лаьцначуьра мукъаваккхийтар доьхуш. 2017-чу шеран Мангал-беттан 21-чу дийнахь лаьцна Расамбек 2000-чу шарахь ФСБ-н белхахо верца боьзна талламаш дIахьош. Гергарчара дийцарехь, 2001-чу шарахь, бехк а ца карийна, дIахецна хилла иза, оцу хенахь дуьйна болх бина таксица Хьалха-Мартанахь.

Оьрсийчоьнан президентан пресс-секретаро Песков Дмитрийс цIерш яьхна дуьненан футболан чемпионате богIучу пачхьалкхийн куьйгалхойн. Уьш бу – Казахстанан лидер - Назарбаев Нурсолта, Белоруссин – Лукашекно Александр, Абхазин —Хаджимба Рауль, Киргизин —Жээнбеков Сооронбай. Иштта церемонехь шаьш хирг хиларх схьахаийтина Молдавин президенто — Додон Игора а, Панаман — Варела Хуан Карлоса а, Таджикистанан —Рахмон Эмомалис а, Къилба ХIиричоьнан — Бибилов Анатолийс а, Узбекистанан — Мирзиёев Шавката а. Песковс бахарехь... Читать дальше...

"Чемпионат йоьдучу юкъахь а таIзарш совцош дац" аьлла, акци кхайкхийна "Доза доцчу репортераша" кхааридийнахь. Республикан майданахь Парижехь йолийначу акцин Iалашо ю - Оьрсийчоьнан набахтешкахь латтош болу журналисташ дагабахкийтар ю. Организацино мах хадорца, шайн профессионалан декхарш кхочушдина аьлла, таIзаре хIоттийначу 7 журналистан суьрташ тIехь долу плакаташ деанера репортераша майдана. Ву царлахь Нохчийчохь наркотикаш лелийна аьлла, бехкевина набахтехь даккха кхо шо тоьхна "Кавказский узел" агенталлан журналист Гериев Жалавди а. Читать дальше...

Соьлжа-ГIаларчу "Мемориал" офисан куьйгалхочух Титиев Аюбах лаьцна гайта спектакл кечъеш ю Театр.doc. Кхааридийнахь YouTube-хь хьажа таро хир ю цуьнга Москохарчу хенаца - суьйранна ворхI сахьт даьлча. Кху шеран Дечкен-баттахь дуьйнна лаьцна латтош ву бакъонашларъярхо Титиев Аюб, наркотикаш бахьанехь. Титиевс а, цуьнан белхан накъосташа а полисхоша марихуана цунна тесна ю боху. Титиев дIахецар доьхуш, кхайкхамаш бира Оьрсийчоьнан а, дуьненаюкъарчу а политикаша.

ГIалгIайчуьрчу Малгобекехь 7 шарахь чIирехь лаьттина шина тайпанна юкъахь маслаIат дина. Республикера маслаIатан комисси юкъахьовзарца ЦечоевгIара гечдина шайн гергара стаг вийначу МамерговгIарна. Барт бечу миссехь теш хIоьттина мехкан урхалхо Евкуров Юнус-Бек, иштта дакъалаьцна махкахь лоручу Iеламнаха а, хаамбо ГIалгIайчоьнан куьйгалхочун пресс-гIуллакххоша. "ЧIирхошна юкъахь бартбар Далла дезначух ду элира Евкуровс. Дахарехь зеделлачо а, къанойн хьекъало а, адаман сингаттамна уьш сема хиларо... Читать дальше...

Нохчийчоьнан муфтий Межиев Салахь лерина вистхилла махкахошка марха достучу дийнах лаьцна. Цо билгалдаьккхина, марха муьлхачу дийнахь достуш ду билггал цкъачунна хууш цахилар. Еарин сарахь бен къаьстар дац аьлла цо де. Иштта муфтийс кхойкху бахархошка собаре хиларе, марха достучу дийнах харц хаамаш дIаса ца баржоре а. "Цхьана эха сахьтехь информацино дуьненна го боккхучу кху заманахь, са ма гатде аш, шуьга хаам дIакхачор бу мархийн Iийдан дийнах", - аьлла Динан урхаллан хьалханчас.

Нохчийчохь кхачан-сурсатийн мехаш марха досту денош гергакхаьчча хьаладаьхначул тIаьхьа, даздина тIедухучу хIуман мехаш а аьлла, дIахьедина махкарчу бахархоша. Цара дийцарехь, Iеламчаша мехаш ма ийде аьлла, дина дIахьедар йохкархоша тергал ца дина. Бахархоша даредарехь, байначу беттан тIаьххьарчу деношкахь дуьйнна цхьайолчу сурсатийн мехаш дазделлера 10-25 соьмана. Динан дайша дIакхайкхийнера, бусулба пачхьалкхашкахь Рамадан баттахь мехаш мелхо а охьадохуш хиларх. WhatsApp-ан мессенджерехула дIасабаржийра... Читать дальше...

Оьрсийчоьнан къайлахчу сервисийн дозанхошна Азербайджанан 17, Таджикистанан 5 вахархо хаавелла миграцин низамаш талхош Нохчийчохь хан йоккхуш. Административан жоьпалле а озийна, 2 эзар сом гIуда а хьарчош, пхи вахархо махкара араваьккхина, кхаа шарна Оьрсийчу бахкар а доьхкуш. "Нелегал 2018" цIе йолчу бараман гурашкахь кхи дIа а лоьхуш бу территори тIехь хан яккха бакъо йоцу мигранташ. Оьрсийчоьнан миграцин низамашца а догIуш, 2 эзарна тIера 5 эзаре кхаччалц гIуда а тухуш, пачхьалкхера аравакхар кхачадо иштачу меттигехь.

Мехкан куьйгалхочо ша ладуьйгIира аьлла забарен цуьнан дуьненан Чемпионатех эшаре, миллионашкахь кхечара а санна. Даим а аьтто ца болу футболхойн толам баккха, амма собаро а, юморо а ницкъ ло царна оцу дерригенца а ларадала. "Суна хазахийтира Слепаковн йиш, доггах вийлира со. Амма цхьабакъду, сан дош пармезан нехчал а ницкъболуш дац, сан дош тIулгал чIогIа ду. Ма мотталахь, Нохчийчохь забарх ца кхеташ бу алий. Делахь а, цхьа хIума ца тайна суна, Семенна со панацея (мифологехь массо а лазаран дарба... Читать дальше...