Новости за 28.02.2020

(Казан, 28 февраль, «Татар-информ»). Бөтендөнья сәламәтлек саклау оешмасы Covid-2019 коронавируска каршы көрәшкә Россия һәм кайбер башка илләр тарафыннан кабул ителгән агрессив алымны хуплый. Шул турыда Бөтендөнья сәламәтлек саклау оешмасы башлыгы Тедрос Гебрейесус оешма брифингында белдерде. Бу хакта РИА Новости хәбәр итә.

(Казан, 28 февраль, «Татар-информ», Гөлнар Гарифуллина). Бөек Ватан сугышы геройлары исемнәре белән аталган урамнарны капиталь ремонт программасына кертү кирәк. Бу хакта Казан шәһәре Думасының 38нче сессия утырышында Казан шәһәре мэры Илсур Метшин әйтте.

(Казан, 28 февраль, «Татар-информ», Полина Шевчук). Казанда бер яшьлек сабый сигнализация өзеклеге аркасында автомобильдә бикләнеп калган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 28 февраль, «Татар-информ»). Татарстан Президенты Рөстәм Миңнеханов бүген 2019 елда республика башкаласының ничек үсүе турындагы докладларны тыңлый, шулай ук КХЛ плей-оффы башланыр алдыннан «Ак Барс» хоккейчыларына теләкләрен җиткерәчәк. Бу хакта «Татар-информ»гаТР Президенты матбугат хезмәтендә хәбәр иттеләр.

(Казан, 28 февраль, «Татар-информ»). ЗАГС идарәсе «Гаилә — Түбән Кама горурлыгы» дигән конкурс игълан итә. Ул ТАССРның 100 еллыгына һәм Җиңүнең 75 еллыгына багышлана. Бу турыда Түбән Кама муниципаль районы рәсми сайтында хәбәр ителә.

(Казан, 28 февраль, «Татар-информ»). Яңа Чишмә районында балалар сугыш ветераннары фотоларыннан төзелгән экспозициядә үзләренең бабайларын эзләде. Бу турыда Бөтендөнья татар конгрессы сайтында хәбәр ителә.

(Әлмәт, 28 февраль, «Татар-информ», «Әлмәт таңнары»). Әлмәт районы башлыгы Тимур Нагуманов Әлмәт көрәшчеләре командасы һәм «Ак Бүре» көрәш федерациясе вәкилләре белән очрашты. Бу турыда район басмасы хәбәр итә.

(Чирмешән, 28 февраль, «Татар-информ», «Безнең Чирмешән», Гөлсирә Шәрифуллина). Чирмешән районының Лашман авылында Садыйковлар гаиләсе өчен әлеге көн икеләтә истәлекле булды. Яшь гаиләгә никах теркәү турында таныклык белән бергә ТАССРның 100 еллыгы уңаеннан юбилей медале дә тапшырдылар. Бу турыда район басмасы хәбәр итә.

(Саба, 28 февраль, «Татар-информ», «Саба таңнары», Илмира Галимуллина). Саба районының борынгы мәчетәренең берсе — Явлаштау мәчетенә 95 ел тулды. Ул манарасы киселми калган бердәнбер иман йорты, республиканың «Мәдәни мираслар» исемлегенә кертелгән тарихи ядкарь булып исәпләнә. Мәчет юбилеен авыл халкы Явлаштау мәдәният йортында зурлап билгеләп үтте. Бу турыда район басмасы хәбәр итә.

(Казанн, 28 февраль, «Татар-информ»). Ульяновск өлкәсе Тимерьюл районының «Киндяковка» мәдәният йортында Халыкара ана теле hәм Ватанны саклаучылар көне уңаеннан хәзер инде традициягә кергән «Туган тел» бәйрәме узды. Бу турыда «Өмет» газетасы сайтында хәбәр ителә.

(Казан, 28 февраль, «Татар-информ», «Алга»). 2020-2022 елларда Питрәч районында да күп фатирлы йортлар территорияләрен тәртипкә китерәчәкләр. «Безнең ишегалды» программасы 2014 елга кадәр төзелгән һәм ремонт таләп итә торган барлык йортларның ишегалларында гамәлгә ашырылачак. Бу турыда район басмасы хәбәр итә.