Новости за 17.02.2020

(Санкт-Петербург, 17 февраль, «Татар-информ», Марат Ишкильдин). Санкт-Петербургта актер Павел Прилучный катнашында «Фау-2: Побег из ада» дигән блокбастер төшерә башладылар. Фильмда совет очучысы Михаил Девятаевның батырлыгы турында чын тарих бәян ителәчәк.

(Казан, 17 февраль, «Татар-информ», «Ватаным Татарстан», Рәшит Фәтхрахманов). Мишустин кабинеты бизнеска салым йөген киметү турында уйлана башлаган. Моңа бик әллә ни гаҗәпләнәсе юк: җитештерүчеләрне талауны туктатмыйча торып, икътисади үсешкә ирешәм димә.

(Казан, 17 февраль, «Татар-информ»). ТР Гидрометеорология һәм әйләнә-тирә мохитне күзәтү идарәсе Татарстан территориясендә шторм турында кисәтү игълан итте.

(Казан, 17 февраль, «Татар-информ», Лилия Гаделшина). Герой-шагыйрь Муса Җәлилнең тууына быел 114 ел тулды. Германия башкаласы Берлинда яшәүче татар яшьләре шагыйрьнең туган көне — 15 февральдә әдәби-музыкаль кичә оештырды. Муса Җәлил шигырьләрен төрле милләт вәкилләре рус, татар, кырым татар, немец, француз, гарәп телләрендә укыды. Бу хакта «Татар-информ»га Берлин татар яшьләре оешмасы җитәкчесе Тимур Харрасов хәбәр итте.

(Казан, 17 февраль, «Татар-информ»). 22-24 февральдә россиялеләрне Ватанны саклаучылар көнен бәйрәм итүгә бәйле рәвештә өч көн ял көтә. Бу хакта Хезмәт һәм мәшгульлек федераль хезмәтенең матбугат хезмәте хәбәр итә.

(Казан, 17 февраль, «Татар-информ», Диана Авакян). Татарстан Президенты Рөстәм Миңнеханов Нурлатта ветераннарга «1941-1945 еллардагы Бөек Ватан сугышында Җиңүгә 75 ел» юбилей медальләрен тапшырды. Тантаналы чара Нурлат районында узды.

(Казан, 17 февраль, «Татар-информ»). Татарстан һәм Төрекмәнстанның товар әйләнеше күләмен арттыру өчен зур мөмкинлекләре бар, нефть чыгару, машина төзелеше, энергетика, фармацевтика, авыл хуҗалыгы кебек өлкәләрдә дә шактый потенциал тупланган. Татарстан Президенты Рөстәм Миңнеханов Төрекмәнстанның сәнәгать һәм төзелеш производствосы министры Сердар Бердымөхәммәдов белән очрашуда шул хакта хәбәр итте.

(Казан, 17 февраль, «Татар-информ»). Бүген II Халыкара «Җәлил укулары» бәйгесенең финалы узачак. Герой-шагыйрьнең ижади мирасын популярлаштыруга үз өлешен керткән яшь талантлар башкалабыз Казанга җыела. Бу хакта Бөтендөнья татар конгрессы матбугат хезмәте хәбәр итә.

(Казан, 17 февраль, «Татар-информ»). Татарстан Дәүләт автоинспекциясе машина йөртүчеләр һәм җәяүлеләргә һава шартлары начарайган вакытта сак булырга кирәклеген искәртте.

(Казан, 17 февраль, «Татар-информ»). Татарстанның беренче Президенты Минтимер Шәймиев тарафыннан нигез салынган республиканың «Яңарыш» фонды бүген үзенең 10 еллыгын билгеләп үтә. Фонд ярдәмендә республикада федераль һәм республика әһәмиятенә ия һәйкәлләргә, шул исәптән борынгы Болгар шәһәре һәм Зөя утрау-шәһәрлегенә реставрация ясалды.

(Казан, 17 февраль, «Татар-информ», Эльвира Зәйнуллина). 2019 елда Казанга килгән туристлар саны 2018 ел белән чагыштырганда 9 процентка арткан. Татарстан башкаласында 3,5 миллион кеше кунак булган. Туризмны үстерү комитеты директоры Дарья Санникова мэриядә узган эшлекле дүшәмбе киңәшмәсендә шул хакта хәбәр итте.

(Казан, 17 февраль, «Татар-информ»). Татарстан башкаласында «Куркынычсыз һәм сыйфатлы автомобиль юллары» илкүләм проекты буенча Зур Казан боҗрасының беренче этабын төзү эшләре дәвам итә. Хәзерге вакытта юл үткәргеч торыгын бетонларга җыеналар. Бу хакта ТР Транспорт һәм юл хуҗалыгы министрлыгының матбугат хезмәте хәбәр итә.

(Казан, 17 февраль, «Татар-информ»). Бу атнада Шаляпин фестивалендә - «Сөембикә» операсы.

(Казан, 17 февраль, «Татар-информ»). Россиядә балалар онколог-гематологы белгечлеге булдырылды. Бу хакта ТАСС агентлыгы РФ Сәламәтлек саклау министрлыгының баш штаттан тыш балалар гематологы Александр Румянцевка сылтама белән хәбәр итә.

(Казан, 17 февраль, «Татар-информ», Полина Шевчук). Казанда «Ауди» автомобиле зур тизлектә бетон киртәгә килеп бәрелгән, ике кешенең гомере өзелгән. Социаль челтәрләрдән файдаланучылар интернетта әлеге авариянең видеосын урнаштырган.

(Казан, 17 февраль, «Татар-информ»). Әлмәттә коткаручылар кулы кайнар батареяга кысылып калган балага ярдәм иткән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 17 февраль, «Татар-информ»). Бүген Татарстанга эш сәфәре белән Төрекмәнстан сәнәгать һәм төзелеш производствосы министры Сердар Бердымөхәммәдов килде. Бу хакта ТР Президентының матбугат хезмәте хәбәр итә.

(Казан, 17 февраль, «Татар-информ»). Татарстан Республикасы 2019 елда тормыш сыйфаты буенча төбәк рейтингында дүртенче урынны алды. Бу хакта РИА Новости тикшеренүеннән билгеле булды.

(Казан, 16 февраль, «Татар-информ», «Бөгелмә авазы»). 3-15 февраль көннәрендә Бөгелмә муниципаль районы делегациясе Татарстан Республикасы Авыл хуҗалыгы һәм азык-төлек министрлыгы оештырган агросәнәгать форумында булды. Бу хакта район газетасы яза.

(Казан, 16 февраль, «Татар-информ», «Ютазы таңы»). Урыссу интернат-мәктәбендә мөмкинлекләре чикле балалар өчен «Әти, әни һәм мин — спорт гаиләсе» дигән спорт чарасы узды. Бу хакта район басмасы яза.

(Казан, 16 февраль, "Татар-информ", "Якты юл"). 23 февраль көнне Игенче авылында мәчет ачылу тантанасы үткәреләчәк. Бу хакта район газетасы яза.

(Казан, 17 февраль, «Татар-информ», «Байрак»). Буа районының Яңа Чәчкап авылы мәдәният йортында «Сугыш урлаган балачак» исемле кичә үтте. Анда тыл ветераннары, фронтовик уллары, хезмәт ветераннары катнашты. Алар белән очрашуга авыл мәктәбе укучылары да килделәр. Бу хакта район газетасы яза.

(Казан, 17 февраль, «Татар-информ», «Саба таңнары», Фәнил Мәүлетов). Саба районының Эзмә авыл җирлегендә ТАССРның –100, районның 90 еллыгына багышланган кышкы спартакиада үткәрелде. Бу хакта район басмасы яза.

(Казан, 17 февраль, «Апастово-информ», Ләйлә Шиһабиева). Апас урта мәктәбендә район башлыгы Равил Хисаметдинов һәм Татарстан Республикасы Дәүләт Советы депутаты Фәнил Баһаветдинов катнашында Парламент дәресе узды. Бу хакта район газетасы яза.