Новости за 07.02.2020

(Казан, 7 гыйнвар, «Татар-информ», Рузилә Мөхәммәтова). Татарстан Язучылар берлеге рәисе Данил Салихов Туфан Миңнуллин исемендәге республика драматурглары премиясенә тәкъдим ителгән. Кандидатура идарә әгъзалары тарафыннан яклау тапкан. Бу мәгълүмат «Татар-информ»га үз чыганаклары аша билгеле булды.

(Казан, 7 февраль, «Татар-информ», Зилә Мөбәрәкшина). Бүген Казан федераль университетының Император залында 2018- 2019 уку елы нәтиҗәләре буенча Татарстан Республикасының махсус дәүләт стипендиясенә лаек булган 90 студент бүләкләнде. Алар арасында 22 аспирант һәм адъюнкт, 48 югары уку йорты студенты һәм Гадәттән тыш хәлләр министрлыгы хәрби училищелары һәм мәгариф оешмалары курсантлары, 20 һөнәри белем бирү оешмасы студентлары бар.

(Казан, 7 февраль, «Татар-информ», Алинә Айдарова). Мөмкинлекләре чикләнгән Лилия Сәхәлетдинова «Интертат» электрон сайтына биргән интервьюсында «Барс Медиа» татар медиагруппасының аны «Татар-җыры» фестиваленә кертмәүләрен сөйләде.

(Казан, 7 февраль, «Татар-информ»). Казанда мәшһүр опера җырчысы Федор Шаляпинның тууына 147 ел тулуга багышланган чаралар узачак. Бәйрәм программасы кысаларында 13 февраль көнне Горький һәм Шаляпин музеенда данлыклы якташыбызның реставрация ясалган роялен тәкъдим итәчәкләр. Бу хакта ТР Милли музееның матбугат хезмәте хәбәр итә.

(Казан, 7 гыйнвар, «Татар-информ», Рузилә Мөхәммәтова). Татарстан Язучылар берлеге биш язучыны Тукай премиясенә тәкъдим итә. Бу мәгълүматны «Татар-информ»га Берлекнең идарә утырышында катнашучылар әйтте.

(Казан, 7 февраль, «Татар-информ», Алинә Айдарова). Теләчедә узган Аксакаллар шурасының республикакүләм еллык җыелышында Аксакаллар рәисе Айрат хәзрәт Әюпов җырчы Салават Фәтхетдиновның концертларында муллалар турындагы урынсыз мәзәк сөйләвен шелтәләде. Аның фикеренчә, әлеге мәзәк белән танылган җырчы муллаларны зина кылуда гаепли.

(Казан, 7 февраль, «Татар-информ», Гөлнар Гарифуллина). Бу минутларда Татарстан Республикасы Президенты Рөстәм Миңнеханов Казан Кремлендә резиденциядә республиканың дәүләт премияләрен, шул исәптән фән һәм техника өлкәсендә премияләр тапшыра.

(Казан, 7 февраль, «Татар-информ»). Яр Чаллы онкология диспансерының химиотерапия бүлеге Россиядә иң яхшысы булды. Медучреждение структурасы стационар шартларда шешкә каршы махсуслаштырылган дәвалау терапиясен күрсәтүдә «Россиянең иң яхшы 100 товары» һәм «Яңалык» федераль конкурсының лауреаты булды. Бу хакта Республика клиник онкология диспансеры матбугат үзәге хәбәр итә.

(Сарман, 7 февраль, «Татар-информ», «Сарман», Зөлфия Шәрипова ). Татарстан Дәүләт Советы рәисе урынбасары Марат Әхмәтов Сарман районы үзәгендә 18 фатирлы яңа күпкатлы йорт файдалануга тапшыру чарасында булды. Бу турыда район басмасы хәбәр итә.

(Казан, 7 февраль, «Татар-информ», «Мәдәни җомга», Әлфинә Сибгатуллина).

(Казан,7 февраль, «Татар-информ»). 3 февральдә Ташкентта Россотрудничество вәкиллеге каршындагы Россия Фән һәм мәдәният үзәгендә Бөек Ватан сугышында җиңүнең 75 еллыгы алдыннан «Җиңү хаты» халыкара акциясенә старт бирелде. Шул уңайдан Бөек Ватан сугышы ветераны, Татарстан Республикасы Эчке эшләр министрлыгының Ветераннар советы һәм президиумы әгъзасы Борис Ботов белән телекүпер оештырылды. Бу хакта Үзбәкстан Республикасының Татарстандагы вәкиллеге хәбәр итә.

(Казан,7 февраль, «Татар-информ»). 4 февральдә өлкә Халыклар дуслыгы йортында «Дуслык» региональ мәдәни-иҗтимагый оешмасының җыелышы узды. Көн кадагына «Татар кызы-2020» бәйгесенең региональ этабын, II Халыкара «Мирас» татар мәдәнияте һәм «Татар бистәсе» фестивальләрен уздыру мәсьәләләре куелган иде. Бу хакта Бөтендөнья татар конгрессы матбугат хезмәте хәбәр итә.

(Әлмәт, 7 февраль, «Татар-информ», «Әлмәт таңнары»). 5 февральдә «АПОПАТ» АҖдә Әлмәт районы буенча гомуми белем бирү оешмаларының мәктәп автобуслары йөртүчеләре белән профилактик әңгәмә оештырылды. Бу турыда район басмасы Әлмәт районы буенча ЮХИДИ бүлегенә сылтама белән хәбәр итә.

(Ютазы, 7 февраль, «Татар-информ», «Ютазы таңы»). Ютазы районы Кече Урыссу мәдәният йортында Россия рәссамнарының иҗат берләшмәсе әгъзасы, район рәссамы, Балалар сәнгать мәктәбе укытучысы Камил Ибраһимовның картиналар күргәзмәсен ачу тантанасы булды. Бу турыда район басмасы хәбәр итә.

(Чирмешән, 7 февраль, «Татар-информ», «Безнең Чирмешән», Габдулла Латыйпов). Чирмешән районының Чумачка авылында ТАССРның 100 еллыгы һәм Бөек Җиңүнең 75 еллыгы уңаеннан әлеге даталарга һәм авылның бер гасырлык тарихына кагылышлы мемориал төзергә ниятлиләр. Бу турыда район басмасы хәбәр итә.

(Алексеевск, 7 февраль, «Татар-информ», «Таң», Алексей Вангаев). Алексеевск районында прокуратура хезмәткәрләре арасында «Кызыл ромашка» сәнгать иҗаты бәйгесе узда. Бәйгенең зона сайлап алу этабында Камааръягы зонасының җиде районыннан килгән вәкилләр катнашты. Бу турыда район басмасы хәбәр итә.

(Казан, 7 февраль, «Татар-информ»). Киров өлкәсенең Вятка Аланында «Татар кызы — нәни энҗеләр» бәйгесенең беренче этабы үтте. Беренче этап «Татар мәдәнияты. Киләчәккә караш» дип аталган. Анда сигездән ун яшькә хәтле булган кыз балалар камыр басып токмач кисүдә үз осталыкларын күрсәтте. Бу хакта Бөтендөнья татар конгрессы «Дуслык» газетасына сылтама белән хәбәр итә.

(Әлмәт, 7 февраль, «Татар-информ», «Әлмәт таңнары»). 1-3 февраль көннәрендә Тәтештә ир-атлар һәм хатын-кызлар арасында ирекле көрәш буенча Татарстан Республикасы Чемпионаты узды. Киеренке көрәш нәтиҗәсендә, Әлмәт кызлары ике көмеш һәм бер бронза медаль алып кайтты. Бу турыда район басмасы хәбәр итә.