Новости за 01.09.2020

Акцыя студэнтаў з затрыманьнямі, Калесьнікава гатовая стаць лідэрам партыі, Балтыя спыняе куплю электраэнэргіі зь Беларусі. Найважнейшае за 1 верасьня

Намесьнік дзяржсакратара ЗША Стывэн Бігэн заклікаў вызваліць несправядліва затрыманых і спыніць гвалт, абмеркаваў ролю Расеі і ЗША ў вырашэньні супрацьстаяньня і выказаў захапленьне мужнасьцю беларусаў.

Аб’яднаньне хрысьціян поўнага Эвангельля ў Беларусі выступіла з заявай, у якой выказала абурэньне ў сувязі з адмовай ва ўезьдзе ў Беларусь мітрапаліту, арцыбіскупу каталіцкай царквы Тадэвушу Кандрусевічу.

Навошта патрэбная новая партыя «Разам», да стварэньня якой заклікалі Віктар Бабарыка і Марыя Калесьнікава? Ці можа Каардынацыйная рада адыгрываць ролю лідэра? Партыя «Разам» ствараецца, каб кіраваць цяперашнімі пратэстамі, ці на будучыню?

Кіраўнік Беларусі Аляксандар Лукашэнка ў інтэрвію карэспандэнту расейскага тэлеканалу RT Канстанціну Прыдыбайлу падзякаваў расейскім журналістам за падтрымку ў арганізацыі працы беларускага дзяржаўнага тэлебачаньня — пасьля масавага сыходу і страйку супрацоўнікаў.

Затрыманыя падчас асьвятленьня студэнцкай акцыі пратэсту журналісты застануцца ў РУУС Кастрычніцкага раёну прынамсі да раніцы.

Некалькі тысяч студэнтаў з розных ВНУ Менску выйшлі на забастоўку 1 верасьня.

У пастанове на ператрус у доме Ліліі Ўласавай пазначана, што сьледчыя дзеяньні праводзяцца ў рамках расьсьледаваньня падатковых парушэньняў, дапушчаных фірмамі «Мерлинтур» і «ПолетКонсалт». Яе сын — іх заснавальнік.

Кіраўнік МЗС Нідэрляндаў Стэф Блок правёў перамовы са Сьвятланай Ціханоўскай.

Апошні раз Аляксандра Будніцкага бачылі раніцай 11 жніўня. 31 жніўня стала вядома, што Будніцкага няма ў жывых: яго цела нібыта знайшлі непадалёк ад ГЦ «Рыга».

Супраць сямі грамадзян Беларусі, якія падазраюцца ў фальсыфікацыі выбараў 9 жніўня і гвалце супраць мірных дэманстрантаў, могуць быць уведзеныя санкцыі. Пра гэта паведаміў агенцтву Reuters высокапастаўлены супрацоўнік дзярждэпартамэнту ЗША.

Міністар адзначыў, што рашэньне ўрадаў Латвіі, Літвы і Эстоніі, «несумненна, стане дадатковым фактарам для Беларусі, каб паскорыць стварэньне вытворчасьцяў, арыентаваных на спажываньне залішняй электраэнэргіі».

Свой адказ на гэтае пытаньне дае ў артыкуле «Чаму Беларусь важная» Ёрг Форбрыг, дырэктар па Цэнтральнай і Ўсходняй Эўропе нямецкага фонду Маршала. Ён піша пра наступствы, якія нясьмеласьць Захаду будзе мець ня толькі для беларусаў, якія хочуць пераменаў, але і для бясьпекі ўсяго рэгіёну.

Выбаршчыкі пачалі зьбіраць подпісы пад сваімі патрабаваньнямі, сярод якіх — ініцыяваць стварэньне парлямэнцкай камісіі па расьсьледаваньні злачынстваў, учыненых сілавікамі з 9 па 13 жніўня ў Менску супраць грамадзян.

1 жніўня Ленінскі суд Магілёва асудзіў журналіста інтэрнэт-выданьня «Магілёўскі рэгіён 6tv.by» Аляксандра Сабалеўскага на 8 сутак адміністрацыйнага арышту. На знак пратэсту супраць незаконнага зьняволеньня журналіст абвясьціў галадоўку.

У Горадні супрацоўніцу «Гроднапрамбуду» Юлію Сьліўко выклікалі на допыт у СК. Да яе дому прыходзілі невядомыя.

Берасьцейскі абласны кіраўнік БСДП (Грамада) Ігар Маслоўскі ня выйшаў на волю ў прызначаны час.

Прэзыдэнт Літвы Гітанас Наўседа зьвярнуўся да Рады па правах чалавека (РПЧ) ААН з заклікам у тэрміновым парадку абмеркаваць сытуацыю ў Беларусі. Пра гэта гаворыцца ў пасланьні літоўскага лідэра да генэральнага сакратара ААН Антоніу Гутэрыша.

Праваабарончы цэнтар «Вясна» апублікаваў справаздачу аб сытуацыі з правамі чалавека ў Беларусі ў жніўні.

Увесь стадыён скандуе «Жыве Беларусь!». «Крумкачы» выйгралі ў «Дынама» (Менск) зь лікам 2:0.

Падчас асьвятленьня акцыі пратэсту студэнтаў 1 верасьня сілавікі затрымалі некалькі журналістаў.

АМАП затрымаў некалькі чалавек на скрыжаваньні Сьвярдлова і Кірава. Каля стадыёна «Дынама» на Кірава таксама адбыліся затрыманьні. некалькі дзясяткаў студэнтаў, якія ішлі калёнай. Рэшта разьбеглася. Цяпер тут каля сотні студэнтаў

Аляксандар Лукашэнка заявіў, што арцыбіскуп Тадэвуш Кандрусевіч «улез у палітыку» — нібыта выяжджаў у Варшаву, дзе атрымаў «пэўныя задачы». Акрамя таго, правяраецца наяўнасьць у яго некалькіх грамадзянстваў.

ААН сьцьвярджае, што мае зьвесткі і пра эпізоды гвалту над дзецьмі і жанчынамі, уключаючы сэксуальны гвалт.

Кіраўнік Беларусі Аляксандар Лукашэнка, зьвяртаючыся па дапамогу да Расеі, хутчэй за ўсё, адмаўляецца ад улады ў Менску, хоць сам гэтага не ўсьведамляе. Такое меркаваньне выказаў былы памочнік прэзыдэнта ЗША па нацыянальнай бясьпецы Джон Болтан.