Новости за 11.09.2020

Кіраўнік латвійскага МЗС Эдгарс Рынкевічс 11 верасьня патэлефанаваў беларускай пісьменьніцы, ляўрэатцы Нобэлеўскай прэміі па літаратуры за 2015 год Святлане Алексіевіч і выказаў «поўную падтрымку Латвіяй беларускага грамадзтва ў яго імкненьні да палітычных правоў і свабодаў».

11 верасьня ў Менску і рэгіёнах прайшоў шэраг судоў над удзельнікамі мірных акцый пратэстаў, затрыманымі ў папярэднія дні. Праваабарончы цэнтар «Вясна» зьбірае інфармацыю пра вынікі судовых пасяджэньняў.

Адвакат Калесьнікавай — пад вартай, Лукашэнка едзе да Пуціна 14 верасьня, паўгода каранавірусу. Найважнейшае за 11 верасьня.

Супраць выканаўчага сакратара Каардынацыйнай рады Івана Краўцова, які днямі зьехаў ва Ўкраіну, завялі крымінальную справу.

У Польшчы стартавала праграма польскага ўраду «Польшча. Business Harbour» для «прадпрымальных беларусаў з ICT-сэктару», паведамляецца на дзяржаўным сайце Рэспублікі Польшча.

У Гомлі затрымалі маці траіх дзяцей, фэльчарку Алену Давыдаву. Яна накіроўвалася на працу і зьнікла — паведаміла Свабодзе яе сяброўка.

Пасол Украіны накіраваў ноту ў Міністэрства замежных справаў Беларусі ў сувязі з парушэньнем Венскай канвэнцыі, паведамілі Радыё Свабода ў пасольстве Ўкраіны ў Менску.

11 верасьня ў Менску прайшла сустрэча міністра замежных справаў Беларусі Ўладзімера Макея і сакратара ў дачыненьнях зь дзяржавамі Дзяржаўнага сакратарыяту апостальскай сталіцы архібіскупа Пола Рычарда Галахера.

Былога вядоўцу і кіраўніка прэзыдэнцкага пулу журналістаў на канале АНТ Дзьмітрыя Семчанку 11 верасьня арыштавалі на 15 содняў. Яго абвінавацілі ва ўдзеле ў недазволеных масавых мерапрыемствах. Незадоўга да арышту ён даў інтэрвію расейскай журналістцы Ксеніі Сабчак.

Увечары 11 верасьня ля Чырвонага касьцёла ў Менску сілавікі пачалі затрымліваць жанчын, паведамляе Tut.by.

У Бялынічах Магілёўскай вобласьці за ўдзел у акцыях пратэсту супраць вынікаў выбараў пакаралі штрафам у 540 рублёў маці траіх дзяцей Вікторыю Адамовіч. Жанчыну суткі трымалі ў мясцовым ізалятары, скарыстаўшыся тым, што яе васьмігадовая дачка ў санаторыі.

Сэйм Літвы прызнаў Ціханоўскую нацыянальна абраным лідэрам Беларусі, а Лукашэнку — нелегітымным кіраўніком. Што гэта будзе азначаць для двухбаковых адносінаў? Чым стаўленьне Эўразьвязу ў цэлым да Лукашэнкі адрозьніваецца ад стаўленьня да яго пасьля папярэдніх выбараў?

Для Ільлі Салея, юрыста штабу Віктара Бабарыкі і аднаго з адвакатаў сябра прэзыдыюму Каардынацыйнай рады для ўрэгуляваньня палітычнага крызісу Марыі Калесьнікавай, 11 верасьня абралі меру стрыманьня ў выглядзе ўзяцьця пад варту.

Злучаныя Штаты «ў найбліжэйшыя дні» ўвядуць санкцыі супраць асобаў з атачэньня Аляксандра Лукашэнкі і, магчыма, іншыя санкцыйныя захады. Пра гэта заявіў у пятніцу намесьнік дзяржаўнага сакратара ЗША Стывэн Бігэн.

Намесьнік генэральнага пракурора Аляксей Стук расказаў, як будзе выконваць даручэньні Аляксандра Лукашэнкі.

Што кажуць прадстаўнікі праўладных партыяў, якія 10 жніўня падпісалі рэзалюцыю з патрабаваньнем спыніць гвалт і правесьці новыя выбары?

Нехта паскардзіўся на бел-чырвона-белы сьцяг у вакне будынка, дзе месьціцца рэдакцыя.

У Магілёве асудзілі на 14 дзён адміністрацыйнага арышту аўтара разнапрофільных праектаў і ідэяў, скіраваных на паляпшэньне якасьці жыцьця ў горадзе, Сяргея Пехцерава.

У Менскім абласным судзе 11 верасьня пачалі разглядаць пазоў аб’яднаньня «Беларуськалій» да страйкаму прадпрыемства. Суд заслухаў былога старшыню страйкаму Сяргея Шыца.

Мужчыну, які ў першы дзень пратэстаў у Менску заскочыў на міліцэйскі аўтазак і ўпаў адтуль на поўнай хуткасьці, пасьля выпіскі зь лякарні затрымалі і зьмясьцілі ў СІЗА № 1.

Праект брытанскага сьпевака Дэймана Олбарна Gorillaz разам са сьпеваком гурту The Cure Робэртам Сьмітам запісалі новую песьню пад назвай Strange Timez (дзіўныя часы).

У гэтай сувязі Генпракуратура Беларусі ініцыюе ўзмацненьне адказнасьці бацькоў за супрацьпраўныя паводзіны дзяцей.

Дзяржаўны памежны камітэт Беларусі апублікаваў відэа агляду аўтамабіля амбасадара Ўкраіны Ігара Кізіма пасьля перасячэньня ўкраінска-беларускай мяжы.

Раніцай 11 верасьня каля Менскага абласнога суду затрымалі прынамсі шэсьць чалавек. У судзе разглядалася справа «Беларуськалію» супраць сяброў страйкаму.

«Узамен на расейскую падтрымку аўтакрат рыхтуецца распрадаць сваю краіну», — піша брытанскі часопіс The Еconomist, які крытыкуе пасіўную пазыцыю Эўразьвязу ў дачыненьні да ўладаў Беларусі.