Новости за 23.12.2016

ლიბიური თვითმფრინავის გამტაცებლები სამართალდამცველებს ჩაბარდნენ.

თვითმფრინავი ლიბიაში შიდა რეისს ასრულებდა, თუმცა დღეს დილით ის, აფეთქების მუქარით, ორმა მამაკაცმა გაიტაცა.

მგზავრების და ეკიპაჟის წევრების გათავისუფლების შემდეგ პოლიციამ ორივე მათგანის დაკავება შეძლო.

ეარბას 320-ის ბორტზე 118 ადამიანი, მათ შორის ერთი ბავშვი, იმყოფებოდა.

ლაინერი აფრენიდან 2 საათნახევარში მალტის საერთაშორისო აეროპორტში დაეშვა. გავრცელებული ცნობით, გამტაცებლები ლიბიის ყოფილი ლიდერის მუამარ კადაფის მხარდამჭერები არიან. Читать дальше...

ვლადიმერ პუტინმა წლის შემაჯამებელი პრესკონფერენცია გამართა.

მან მედიასთან საუბრისას როგორც ქვეყნის საშინაო, ასევე საგარეო მდგომარეობა  მიმოიხილა.

პრეზიდენტმა ქვეყანაში არსებული ეკონომიკური მდგომარეობა შეაფასა და განაცხადა, რომ სიტუაცია უმჯობესდება.

ვლადიმერ პუტინმა უკრაინასთან დაკავშირებულ საკითხებზეც იმსჯელა. ის ვარაუდობს, რომ ადრე თუ გვიან, მოსკოვსა და კიევს შორის ურთიერთობები გამოსწორდება.

ქვეყნის ლიდერი თურქეთში რუსეთის ელჩის მკვლელობას ორ ქვეყანას შორის ურთიერთობების გაფუჭების მცდელობად აფასებს. Читать дальше...

საქართველოს ზოგიერთ რეგიონში სკოლის მოსწავლეებს ჰიჯაბის ტარებას უკრძალავენ.

გზებზე მოძრაობის უსაფრთხოებაზე მომუშავე ორგანიზაციები საპროტესტო აქციისთვის ემზადებიან. არასამთავრობო სექტორი მთავრობისგან იმ ცვლილებების ამოქმედებას ითხოვს, რომელიც რამდენიმე თვის წინ შინაგან საქმეთა სამინისტროს მიერ იყო ინიცირებული. ჯერჯერობით უცნობია დაუბრუნდება თუ არა პარლამენტი იმ კანონპროექტის განხილვას, რომელიც მართვის მოწმობის 100 ქულიანი სისტემის შემოღებასთან ერთად უკონტაქტო პატრულის ამოქმედებასაც გულისხმობს.

The competition for the vacant position of the Director of Public Broadcaster was announced a few days ago. At the decision of the board, the competition regulations  have been amended.

საზოგადოებრივი მაუწყებლის დირექტორობისთვის ამ დროის მონაცემებით 7 კანდიდატი იბრძოლებს. კონკურსი საზოგადოებრივი მაუწყებლის დირექტორის ვაკანტური ადგილის დასაკავებლად რამდენიმე დღის წინ გამოცხადდა. სამეურვეო საბჭოს გადაწყვეტილებით საკონკურსო წესში ცვლილებები შევიდა.

თედო კობახიძე არც თანამდებობის დატოვებას და არც უფლებამოსილების შეჩერებას გეგმავს. იურიდიული კომისიის თავმჯდომარემ დღეს არ დამალა, რომ საკუთარ თანაგუნდელებზე ნაწყენია და იურიდიული კომისიის 5 თანამშრომელს, რომელიც მას ზეწოლაში ადანაშაულებს, ბრალდებებით უპასუხა. P.S-ში გასული რეპორტაჟის შემდეგ კობახიძის მხრიდან თანამშრომლებზე ზეწოლის სავარაუდო ფაქტებზე მოკვლევა დაწყებულია, მაგრამ შედეგი ჯერ არ არის.

Bread manufacturers are waiting for the decision on the energy tariff change. They said that the increase of tariffs will result in the increase in the price of bread.

ენერგომატარებლებზე ტარიფის ცვლილებასთან დაკავშირებულ გადაწყვეტილებას პურის მწარმოებლები ელოდებიან. მათი თქმით, დენის გადასახადთან ერთად ავტომატურად გაიზრდება პურის ფასიც.

სემეკმა დღეს 9 ჰიდროელექტროსადგურს წარმოების ტარიფები შეუმცირა და მხოლოდ ერთის გაზარდა. 10-ვე ჰიდროელექტროსადგური ენერგო-პროს ეკუთვნის და ისინი ბაზარზე არსებული ელექტროენერგიის 40%-ს გამოიმუშავებენ.

Constitutional Commission formed - first session will be held tomorrow

საკონსტიტუციო კომისია დაკომპლექტებულია, მასში სულ 73 წევრია, რომლიდანაც 23 წევრი უმრავლესობას, 8 ნაციონალურ მოძრაობას, 2 პატრიოტთა ალიანსს თითო-თითო კი ლეიბორისტებს, თავისუფალ დემოკრატებს და დემოკრატიულ მოძრაობას ეყოლება.

თბილისის საკრებულოს წევრის, ალეკო ელისაშვილის მიერ თედო კობახიძის გადადგომის მოთხოვნის საკითხს გიორგი ვოლსკი გამოეხმაურა. პარლამენტის ყოფილი ვიცე-სპიკერის მანანა კობახიძის ძმას თანამშრომლებზე შესაძლო ზეწოლაში ადანაშაულებენ.

პარლამენტის თავმჯდომარის მოადგილე გიორგი ვოლსკი საკონსტიტუციო კომისიის შემადგენლობაში კომპეტენტური ადამიანების მონაწილეობაზე ამახვილებს ყურადღებას და აცხადებს, რომ კომისიის მუშაობის დროს არასაპარლამენტო ოპოზიციის წინადადებებიც განხილული იქნება.

The composition of the Constitutional Commission is already known - Parliamentary Speaker Irakli Kobakhidze has already issued a decree on the approval of 73 members, including politicians and lawyers.

საკონსტიტუციო კომისიის შემადგენლობა ცნობილია - დღეს კომისიის წევრები პარლამენტის თავმჯდომარემ ირაკლი კობახიძემ დაასახელა.კომისიაში სულ 73 წევრია, მათ შორის არიან მოქმედი პოლიტიკოსები და იურისტები.

საკონსტიტუციო კომისიის მუშაობაში პრეზიდენტისა და პარლამენტის ყოფილი თავმჯდომარის არმონაწილეობა ნაციონალური მოძრაობის წევრმა, გიგი წერეთელმა კურიერის პირდაპირ ეთერში შეაფასა.

თბილისის საკრებულოს სხდომაზე დღეს ხმაურით ჩატარდა. დასაწყისშივე ოპოზიციის წევრებმა წარადგინეს ერთობლივი დოკუმენტი, რომლითაც მოითხოვეს დეპუტატ თედო კობახიძისთვის უფლებამოსილების შეჩერება. საუბარია პარლამენტის ყოფილი ვიცე-სპიკერის მანანა კობახიძის ძმაზე, რომელსაც თანამშრომლებზე შესაძლო ზეწოლაში ადანაშაულებენ. ოპოზიციის მოთხოვნით დაწყებული და თავად კობახიძის გამოსვლით გაგრძელებული სხდომა კამათსა და დაპირისპირებაში გადაიზარდა.

The composition of the commission is known. Davit Usupashvili has refused to participate in the work of the Constitutional Commission. The decision of the former speaker of parliament has recently become known.

საკონსტიტუციო კომისიის შემადგენლობა ცნობილია. დავით უსუფაშვილმა უარი თქვა კომისიის მუშაობაში მონაწილეობაზე. პარლამენტის ყოფილი თავმჯდომარის გადაწყვეტილების შესახებ ცნობილი ცოტა ხნის წინ გახდა. 

თბილისის საკრებულოს იურიდიული კომისიის თანამშრომელის, ანა ვარდოსანიძის განცხადებით, ის ერთადერთია კომისიის წევრებს შორის, ვისაც პრემია არ აუღია და ეს არის კობახიძის გადაწყვეტილება. საკრებულოს სხდომაზე კობახიძემაც აღნიშნა, რომ მას აქვს დისციპლინური გადაცდომა, რასაც ვარდოსანიძე არ აღიარებს.

National Movement requests to terminate the authority of the Chairman of the City Council Legal committee, Tedo Kobakhidze. Tamaz Shoshiashvili commented on the issue in the live broadcast of the Courier. According to him, it is necessary to terminate the authority of Kobakhidze, because he puts pressure on employees.

City Council Budget and Finance Committee Chairman Jaba Samushia responded to the scandal around Tedo Kobakhidze in the City Council and said that employees` rights would not be violated. According to him, the employees should present some documentation in order to study the fact.

ნაციონალური მოძრაობა საკრებულოს იურიდიული კომისიის თავმჯდომარის, თედო კობახიძისთვის უფლებამოსილების შეწყვეტას ითხოვს. ამის შესახებ კურიერის პირდაპირ ეთერში დამატებითი განმარტება თამაზ შოშიაშვილმა გააკეთა. მისი თქმით, აუცილებელია, რომ კობახიძეს უფლებამოსილება შეუწყდეს, რადგან მან არ განახორციელოს ზეწოლა თანამშრომლებზე, რომლებმაც ზეწოლის ფაქტები დააფიქსირეს.

საკრებულოს საფინანსო-საბიუჯეტო კომისიის თავმჯდომარე ჯაბა სამუშია თედო კობახიძის საკითხზე საკრებულოში განვითარებულ მოვლენებს ეხმაურება და აცხადებს, რომ არცერთი თანამშრომლის უფლება არ შეილახება. მისი თქმით ფაქტის შესასწავლად თანამშრომლებმა გარკვეული დოკუმენტაცია უნდა წარმოადგინონ.