Новости за 17.12.2016

საკვების გარეშე და სიცივეში დარჩენილი ალეპოს მოსახლეობის ერთადერთი თავშესაფარი დანგრეული შენობებია. ქალაქის აღმოსავლეთ რაიონებიდან ევაკუაციას ათასობით მშვიდობიანი მოქალაქე ამ დრომდე უშედეგოდ ელის.

ამერიკელებმა მსოფლიო თანამეგობრობას ალეპოში მყოფი ხალხის დახმარებისკენ მოუწოდეს - ხალხმრავალი აქცია ვაშინგტონში გაიმართა. დემონსტრაციას ამერიკაში მცხოვრები სირიელები და ირანელებიც შეუერთდნენ.

„2017 წლის ბიუჯეტს აქვს ძალიან ბევრი კითხვა,“ - ასე აფასებს ეკონომისტი, თავისუფალი და აგრარული უნივერსიტეტების ლექტორი 2017 წლის ბიუჯეტს და აცხადებს, რომ ბიუჯეტის პირველ და საბოლოო პროექტს შორის ძალიან დიდი სხვაობაა.

„2017 წლის ბიუჯეტი არის დოკუმენტი, რომელიც საქართველოს მოსახლეობას კიდევ უფრო მეტად გაღარიბებს,“ - ასე შეაფასა პარლამენტის მიერ დამტკიცებული მომავალი წლის ბიუჯეტი ენმ-ის წარმომადგენელმა, დეპუტატმა ოთარ კახიძემ.

ქარხანა, რომლის დაფინანსებასაც საპარტნიორო ფონდი აღარ აპირებს, მილიარდერი ბიზნესმენის, ალექსანდრე მაშკევიჩის, პროექტია, რომლისთვისაც გასულ წელს 10 მილიონამდე დოლარი გამოიყო. მომავალი წლის ბიუჯეტშიც კომპანია ჰუმანითი ჯორჯიას დაფინანსება გათვალისწინებულია. 

მადრიდში წინასაშობაო საქველმოქმედო მარათონი გაიმართა. ქალაქის მთავარ ბულვარზე ათი ათასამდე ადამიანი შეიკრიბა, სანტა კლაუსების და ელფების ფორმები მოირგო და 6 კილომეტრიანი დისტანცია გაირბინა.

თურქმა ძალოვანებმა ქალაქ კაისერიში მომხდარ ტერაქტთან დაკავშირებით 7 ეჭვმიტანილი დააკავეს. შინაგან საქმეთა მინისტრის ინფორმაციით, ტერაქტის შედეგად 13 ადამიანია დაღუპული, 55 დაშავებული კი საავადმყოფოებში იმყოფება.

ალეპოს სოლიდარობის აქცია გაიმართა ვაშინგტონში. სანთლები, დაბომბვისას დაღუპული ბავშვების ფოტოები და ფლეშმობი თეთრი სახლის წინ - ამერიკის შეერთებული შტატების მოსახლეობა სირიაში მიმდინარე სისხლიან მოვლენებს აპროტესტებს.

რომის პაპი დღეს იუბილეს ზეიმობს. პაპ ფრანცისკეს 80 წელი შეუსრულა.

პონტიფიკოს დაბადების დღე კარდინალებმა მესის დროს მიულოცეს. ლოცვის დასრულების შემდეგ კი პაპმა მათ მადლობა გადაუხადა და აღიარა, რომ სიბერის ეშინია და მორწმუნეებს სთხოვა, რომ მისთვის ილოცონ.

რომის პაპისთვის იუბილეს მილოცვა ნებისმიერ მსურველს შეუძლია. სპეცილაურად ამ მიზნით ვატიკანმა 7 სხვადასხვა ენაზე ელექტრონული ფოსტის მისამართები შეიქმნა. პაპისთვის დაბადებისდღის მილოვა სოციალური ქსელითაც შესაძლებელია.

ალეპოს აღმოსავლეთ რაიონებიდან ევაკუაცია მხარეებს შორის მიღწეული ახალი შეთანხმების საფუძველზე განახლდება.

ავღანეთში, ყანდაარის რეგიონში თავდასხმა მოხდა. ორმა შეიარაღებულმა პირმა, რომლებიც მოტოციკლით გადაადგილდებოდნენ, ცეცხლი გაუხსნა მიკროავტობუსს, რომელშიც ყანდაარის აეროპორტის უსაფრთხოების სამსახურის თანამშრომლები იმყოფებოდნენ.

თურქეთში ავტობუსის აფეთქების შედეგად, სულ მცირე, 13 ადამიანი დაიღუპა. საავადმყოფოებში კი 55 ადამიანია გადაყვანილი, მათ შორის არიან სამხედროებიც და მშვიდობიანი მოქალაქეებიც. 6 დაჭრილის მდგომარეობას ექიმები კრიტიკულად აფასებენ.

პირველი იანვრიდან ძალაში შედის ავტომობილების იმპორტის, ნავთობპროდუქტების და თამბაქოს აქციზის გაძვირება. პარლამენტმა ბიუჯეტის თანდართული კანონპროექტები მიიღო. მმართველი გუნდი სამომხმარებლო ფასების მოსალოდნელ ზრდას არ უარყოფს, თუმცა ქართულ ოცნებაში ვარაუდობენ, რომ გარკვეული პერიოდის შემდეგ რეფორმები ეროვნულ ვალუტას გაამყარებს.

ბელგიასა და გერმანიაში საშობაო ბაზრობებზე დაგეგმილი თავდასხმები აღკვეთეს.

მასშტაბური ანტისამთავრობო აქციის მონაწილეებმა პოლონეთში საკანონმდებლო ორგანოს ბლოკირება მოახდინეს.

გაეროს გენერალური მდივანმა შესაძლოა, სამხრეთ კორეის საპრეზიდენტო არჩევნებში მიიღოს მონაწილეობა.

ბარაკ ობამამ პრეზიდენტის რანგში ბოლო პრესკონფერენცია გამართა, სადაც მიმდინარე მოვლენებზე ვრცლად ისაუბრა. მან ასევე რუსეთის ჰაკერულ თავდასხმებზე გააკეთა განცხადება. 

ცოტა ხნის წინ მორიგი ძლიერი აფეთქება მოხდა თურქეთში. ქალაქ კაისერიში უნივერსიტეტის მახლობლად, სამგზარო ავტობუსი აფეთქდა.

დონალდ ტრამპის კომპანია საქართველოსა და აზერბაიჯანში ბიზნესპროექტებში მონაწილეობას აჩერებს. 

Donald Trump`s stops participation in business projects in Georgia and Azerbaijan.

Barack Obama imposes full responsibility for atrocities committed against civilians in Aleppo on the Assad regime, Iran and Russia.

ალეპოში მშვიდობიანი მოსახლეობის წინააღმდეგ ჩადენილ სისასტიკეზე ბარაკ ობამა სრულ პასუხისმგებლობას ასადის რეჟიმს, რუსეთსა და ირანს აკისრებს.

ათასობით ადამიანი ალეპოდან ევაკუაციის განახლების მოლოდინშია. ხუთშაბათის შემდეგ ქალაქი 9 ათასზე მეტმა ადამიანმა დატოვა, მათ შორის 3 ათასამდე ბავშვმა, თუმცა გაეროს ცნობით, იქ ამ დრომდეა ჩარჩენილი ათასობით მშვიდობიანი მოსახლე.

Help Lari ! "Defend the Freedom" platform members will hold a rally at the State Administration today. They have specific economic recommendations and will try to share their position with the government.

უშველე ლარს! - პლატფორმა დაიცავი თავისუფლების წევრები დღეს მთავრობის ადმინისტრაციასთან აქციას გამართავენ. მათ კონკრეტული ეკონომიკური რეკომენდაციები აქვთ და ეცდებიან, საკუთარი პოზიცია ხელისუფლებას გააცნონ.