Новости за 25.10.2023

რუსეთში გაიმართა სტრატეგიული ბირთვული ძალების წვრთნები, რომელზეც დამუშავდა „მასიური ბირთვული დარტყმა მტრის ბირთვული პასუხად“. როგორც კრემლის ოფიციალური ვებგვერდი იტყობინება, წვრთნებს ვლადიმერ პუტინი ხელმძღვანელობდა. როგორც რუსეთის ფედერაციის პრეზიდენტის პრესსამსახურში აღინიშნა, წვრთნის დროს, განხორციელდა ბალისტიკური და ფრთოსანი რაკეტების პრაქტიკული გაშვება. კერძოდ, კამჩატკაში, პლესეცკის საცდელ კოსმოდრომზე მდებარე პოლიგონ „კურაზე“ სამხედროებმა გაუშვეს საკონტინენტთაშორისო ბალისტიკური რაკეტა „იარსი“. Читать дальше...

მეოთხე მცდელობის შემდეგ რესპუბლიკური პარტიის წარმომადგენელი მაიკ ჯონსონი აშშ-ის წარმომადგენელთა პალატის სპიკერად აირჩიეს. ტელეკომპანია CNN-ის თანახმად, სპიკერის პოსტზე ჯონსონის კანდიდატურას 221 რესპუბლიკელიდან 220-მა დაუჭირა მხარი. დემოკრატიულმა კანდიდატ ჰაკიმ ჯეფრის კი 209 ხმა ერგო. გამარჯვებისთვის საჭირო იყო 217 ხმის შეგროვება.   მაიკ ჯონსონი ცნობილია, როგორც აშშ-ის ყოფილი პრეზიდენტის, დონალდ ტრამპის პოლიტიკის მხარდამჭერი. კერძოდ, ჯონსონი იყო ტრამპის იურისტთა გუნდის წევრი და იცავდა აშშ-ს ყოფილ პრეზიდენტს ორივე იმპიჩმენტის დროს. Читать дальше...

პოლიტიკოს ბორის ნემცოვის მკვლელობაში ეჭვმიტანილი რუსლან გერემეევი და შინაგანი ჯარების ჩეჩნური ბატალიონის "ჩრდილოეთის" ყოფილი ოფიცერი ჩეჩნეთში შექმნილი რუსეთის თავდაცვის სამინისტროს ახალ ბატალიონს უხელმძღვანელებს. ამის შესახებ სახელმწიფო დუმის დეპუტატმა ადამ დელიმხანოვმა ტელეგრამის არხით გაავრცელა ცნობა. დელიმხანოვის თქმით, გერემეევმა თავი წარმოაჩინა, როგორც" ჩეჩნეთის პირველი პრეზიდენტის ახმატ კადიროვის გუნდის ღირსეულმა წარმომადგენელმა", რომელიც "გაბედულად და მაღალ დონეზე ასრულებს მის წინაშე დასახულ... Читать дальше...

„ყირიმის პლატფორმა“ მსოფლიოს დარწმუნებას ცდილობს იმაში, რომ პუტინის შეჩერება მხოლოდ ძალითაა შესაძლებელი.

ბრიუსელში სამუშაო ვიზიტით მყოფმა საქართველოს პრემიერ-მინისტრმა ირაკლი ღარიბაშვილმა, რომელმაც მონაწილეობა მიიღო ევროკომისიის მიერ ორგანიზებულ „გლობალური კარიბჭის ფორუმში", ილაპარაკა ქვეყნისთვის ევროკავშირის წევრობის სტატუსის მინიჭების საკითხზე. პრემიერმა მედიასთან თქვა, რომ ოპტიმისტურად არის განწყობით და ელოდება 8 ნოემბერს ევროკომისიის გადაწყვეტილებას.  „ეს პროცესი იყო, მოგეხსენებათ ძალიან გამჭვირვალე, ღია. სამწუხაროდ, უნდა ითქვას, რომ ძალიან ბევრი ხელისშემშლელი გარემოება არსებობდა, ძალიან ბევრი საბოტაჟი თუ ასე ვთქვათ... Читать дальше...

25 ოქტომბერს 7-9 მარტის აქციების მონაწილის, ლაზარე გრიგორიადისის საქმეზე სასამართლომ 3 მოწმე დაკითხა და ფოტო და ვიდეომტკიცებულებები გამოიკვლია. სასამართლოს ჩვენება მისცეს პროკურატურის მოწმეებმა - გამომძიებელმა სალომე შიოშვილმა, ექსპერტმა მედეა ჩუბინიძემ და სპეცრაზმელმა გიორგი ჭოველიძემ.

ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჟოზეპ ბორელმა განაცხადა, რომ ბრიუსელში დაუშვებლად მიიჩნევენ უკრაინის კაპიტულაციას ვლადიმერ პუტინის რეჟიმის წინაშე. "ჩვენ ვერ დავუშვებთ, რომ პუტინმა კიევში მარიონეტული მთავრობა შექმნას და პოლონეთის საზღვარზე რუსული არმია განათავსოს", - განაცხადა ბორელმა. მისი აზრით, "პუტინი ალბათ ორჯერ იფიქრებდა უკრაინაში შეჭრაზე, რომ სცოდნოდა, თუ როგორ დაუჭერდა მხარს ევროკავშირი და სხვა ქვეყნები კიევს." ბორელის თქმით... Читать дальше...

ამას წინათ ფეისბუკზე მინსკში მცხოვრები ჩემი თანაკურსელის პოსტი წავიკითხე. წერდა, 7 ოქტომბრიდან მოყოლებული ისეთი გრძნობა მაქვს, თითქოს დაუსრულებელ საშინელებათა ჟანრის ფილმს ვუყურებდე, რომელსაც პულტზე თითის დაჭერით ვერ გამოვრთავო.

ჩეჩნეთის ხელმძღვანელის რამზან კადიროვის 15 წლის ვაჟს, ადამს გადაეცა ორდენი "ყარაჩაი-ჩერქეზეთის რესპუბლიკის წინაშე დამსახურებისთვის“, რომელიც არის ამ რეგიონის უმაღლესი ჯილდო და რიგით მეორე ორდენი, რომელიც უმცროს კადიროვის ორი დღის ინტერვალით გადაეცა. წინა დღეს, 24 ოქტომბერს, ადამმა, რომელმაც ცოტა ხნის წინ ციხეში ვიდეოკამერის წინ ცემა პატიმარი, ნიკიტა ჟურაველი, - თათრეთის რესპუბლიკის მეორე ყველაზე მნიშვნელოვანი ორდენი მიიღო.   როგორც ყარაჩაი-ჩერქეზეთის ხელმძღვანელმა რაშიდ თემრეზოვმა დაწერა თავის ტელეგრამის არხში... Читать дальше...

სლოვაკეთის პრეზიდენტმა ზუზანა კაპუტოვამ რობერტ ფიცო  ქვეყნის პრემიერ-მინისტრად დანიშნა.  ფიცოს პოპულისტურმა მემარცხენე-ცენტრისტულმა პარტიამ საპარლამენტო არჩევნებში  გამარჯვების შემდეგ კიდევ ორ პარტიასთან ერთად კოალიციური მთავრობა ჩამოაყალიბა. არჩევნების წინ ფიცო უკრაინისთვის სამხედრო დახმარების შეწყვეტას ემხრობოდა და რუსეთის მიმართ სანქციების წინააღმდეგ გამოდიოდა. თუმცა, უცნობია ეცდება თუ არა მისი მთავრობა ამის განხორცილებას ევროკავშირის დონეზე. არჩევნების შემდეგ სლოვაკეთის პარლამენტის პირველი სხდომა ოთხშაბათს ჩატარდა. Читать дальше...

მიუხედავად აქტიური საომარი მოქმედებებისა და სამშვიდობო მოლაპარაკებების არარსებობისა, რუსეთისა და უკრაინის წარმომადგენლები, აგრძელებენ ერთმანეთთან კონტაქტს, რომელიც ძირითადად ჰუმანიტარული საკითხების მოგვარებას, მათ შორის პატიმრებისა და გარდაცვლილთა ცხედრების გაცვლას და რუსეთში გაყვანილი უკრაინელი ბავშვების უკან დაბრუნებას ისახავს მიზნად. ამის შესახებ The Washington Post-ი მოლაპარაკებების უკრაინელ მონაწილეებზე დაყრდნობით იუწყება. ზოგიერთ შემთხვევაში, მოლაპარაკებები იმართება შუამავლების, მათ შორის თურქეთია... Читать дальше...

აქონდროპლაზიის დიაგნოზის მქონე იმ ბავშვების მშობლებმა, რომლებსაც პირველებს უნდა მიეღოთ პრეპარატი „ვოსორიტიდი“, ჯერ ისევ არ იციან მედიკამენტის მიღების კონკრეტული თარიღი. სექტემბრის დასაწყისში ჯანდაცვის სამინისტრომ გაავრცელა ინფორმაცია, რომ სახელმწიფო აქონდროპლაზიის სამკურნალო მედიკამენტ „ვოსორიტიდის“ დანერგვას იწყებდა. მშობლებმა კი ხელი მოაწერეს დოკუმენტს, რომლითაც პასუხისმგებლობა აიღეს სახელმწიფო პროტოკოლით გათვალისწინებულ მკურნალობაზე. აქონდროპლაზიის დიაგნოზის მქონე ერთ-ერთი ბავშვის დედა ქეთევან ბეგიაშვილი რადიო თავისუფლებას ეუბნება... Читать дальше...

თურქეთის პრეზიდენტმა რეჯეპ ტაიპ ერდოანმა გააკრიტიკა ის ქვეყნები, რომლებიც რადიკალურ ისლამისტურ დაჯგუფება „ჰამასს“ ტერორისტულს უწოდებენ. ერდოანის თქმით, ორგანიზაცია წარმოადგენს „მოჯაჰედების განმათავისუფლებელ ჯგუფს, რომელიც თავისი მიწისა და მოქალაქეების დაცვას დარაჯობს“, - ეს განცხადება თურქეთის პრეზიდენტმა პარლამენტში გამოსვლისას გააკეთა. გარდა ამისა, ერდოანმა ისრაელში თავისი ვიზიტის გაუქმების შესახებაც განაცხადა. თურქეთის პრეზიდენტმა აღნიშნა, რომ ანკარა ისრაელთან ურთიერთობის საბოლოო ნორმალიზებას გეგმავდა... Читать дальше...

საქართველოს პრეზიდენტი სალომე ზურაბიშვილი ევროკავშირის წევრი ქვეყნების ელჩებს შეხვდა. ათონელის სასახლეში გამართული შეხვედრის შესახებ მოკლე ვიდეოჩანაწერი ჟურნალისტებს ადმინისტრაციის პრესსამსახურმა მიაწოდა - საუბრის შინაარსი უცნობია. ​ევროკავშირის წევრი ქვეყნების ელჩებს პრეზიდენტი შეხვდა რამდენიმე კვირის წინაც, როცა საკონსტიტუციო სასამართლოში მის წინააღმდეგ წარდგინება შეიტანა მმართველმა პარტიამ, "ქართულმა ოცნებამ". ელჩების გარდა, ბოლო რამდენიმე დღის განმავლობაში  საქართველოს პრეზიდენტი შეხვდა ოპოზიციური... Читать дальше...

საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის შესახებ ახალ, მეთერთმეტე დასკვნას აქვეყნებს სახალხო დამცველის მიერ შექმნილი სპეციალისტთა/ექსპერტთა ჯგუფი. დასკვნაში "გარკვეულ დადებით დინამიკაზეა" საუბარი. ომბუდსმენის პრესსამსახურის მიერ გავრცელებული განცხადების მიხედვით, ექიმთა ჯგუფმა - კერძოდ, ნევროლოგმა თენგიზ წულაძემ, კარდიოლოგმა გიორგი კაჭარავამ და ენდოკრინოლოგმა ნინო ზავრაშვილმა - მიხეილ სააკაშვილი კლინიკა "ვივამედში" 19 ოქტომბერს მოინახულა. ვიზიტის შემდგომ გამართულ... Читать дальше...

ხათუნა სამნიძე, საქართველოს პარლამენტის წევრი და "რესპუბლიკური პარტიის" თავმჯდომარე, ამბობს, რომ ქვეყნის პარტნიორები ევროკავშირის წევრობის კანდიდატის სტატუსის მინიჭებასთან დაკავშირებით ოპოზიციური პოლიტიკური ფიგურებისგან არაერთგვაროვან გზავნილებს ისმენენ. იგი რადიო თავისუფლებას ეუბნება, რომ პარტნიორებთან შეხვედრის დროს მათ დაუსახელეს კონკრეტული პოლიტიკოსების ვინაობაც. "დღეს ოპოზიციურ სპექტრში საჯაროდ, დეკლარირებულად ნათქვამი აქვთ, რომ ქვეყანა იმსახურებს სტატუსს და უნდა იყოს დადებითი დასკვნა, მიუხედავად იმისა... Читать дальше...

უკრაინაში რუსეთის სრულმასშტაბიანი შეჭრის დაწყებიდან მიმდინარე ბრძოლებში მთიან ალტაიში მდებარე გნეზდილოვის სახელობის პოლიტექნიკური კოლეჯის 21 კურსდამთავრებული დაიღუპა. „სიბირ.რეალიის“ თანახმად, ამის შესახებ ცნობილი გახდა მას შემდეგ, რაც მთიანი ალტაის სახელმწიფო საბჭომ დაღუპულთა პატივსაცემად "ხსოვნის წიგნის" პრეზენტაცია გამართა. ღია წყაროების თანახმად, გასული თვის განმავლობაში უკრაინაში დაიღუპა მთიანი ალტაიდან გაწვეული 12 სამხედრო მოსამსახურე. გამოცემა „მედიაზონისა“ და BBC-ის რუსული სამსახურის ცნობით... Читать дальше...

ოქტომბრის ბოლოს არ შედგება ევროპული საბჭოს პრეზიდენტის, შარლ მიშელის შეხვედრა სომხეთის პრემიერ-მინისტრ ნიკოლ ფაშინიანთან და აზერბაიჯანის პრეზიდენტ ილჰამ ალიევთან. ამის შესახებ განაცხადა ევროკავშირის სპეციალურმა წარმომადგენელმა სამხრეთ კავკასიაში ტოივო კლაარმა, რომელიც დისტანციურად მონაწილეობდა ერევანში ორგანიზაცია „APRI Armenia -ს" მიერ ორგანიზებულ კონფერენციაში სახელწოდებით: „პროგრესი გაურკვევლობაში“. ევროკავშირის სპეციალურმა წარმომადგენელმა მიზეზად დროის ნაკლებობა დაასახელა. "ჩვენი მიზანია... Читать дальше...

საქართველოში ისევ არ უშვებენ უკრაინელ ყოფილ პატიმრებს, რომლებიც იძულებით წაიყვანეს რუსეთი კოლონიებში. გამოცემა "მედუზას" ცნობით 7 კაცი საქართველო-რუსეთს შორის სასაზღვრო ზონაში უკვე 14 დღეა იმყოფება. ერთმა მათგანმა პროტესტის ნიშნად თვითდაზიანებები მიიყენა. მას სამედიცინო დახმარება გაუწიეს და მისი მდგომარეობა სტაბილურია. როგორც საქართველოში მცხოვრები უკრაინელების დამხმარე ორგანიზაციის Volunteers Tbilis-ის წარმომადგენლები ჰყვებიან, მამაკაცები საქართველოში შემოსვლას „ზემო ლარსის“ სასაზღვრო-გამშვები პუნქტიდან ცდილობდნენ 11 ოქტომბერს. Читать дальше...

ჩეჩნეთის პრომოსკოვური ხელისუფლების მეთაურმა, რამზან კადიროვმა, განაცხადა, რომ დასრულდა შეიხ მანსურის სახელობის ახალი ბატალიონის ფორმირება, რომელიც რუსეთის თავდაცვის სამინისტროს შემადგენლობაში იბრძოლებს. რამზან კადიროვი ტელეგრამის არხში წერს, რომ დანაყოფის მეთაურთან რუსლან გერემეევთან ერთად ეწვია ქალაქ გუდერმესში მდებარე სამშენებლო ობიექტს, სადაც ახალი დანაყოფის დისლოცირებისათვის სამხედრო ინფრასტრუქტურა შენდება. კადიროვის თქმით, სპეციალისტებმა ოთხი ყაზარმის რეკონსტრუქცია მოახდინეს და ორი ააშენეს. Читать дальше...

გაეროს პალესტინელი ლტოლვილების სააგენტო აცხადებს, რომ საწვავის დაუყოვნებელი მიწოდების გარეშე, მას მალე მოუწევს მკვეთრად შეამციროს ჰუმანიტარული ოპერაციები ღაზის სექტორში, რომელიც ბლოკადაშია და რომელზეც ისრაელის მხრიდან საჰაერო დარტყმები ხორციელდება მას შემდეგ, რაც დაახლოებით ორი კვირის წინ "ჰამასის" მებრძოლებმა ისრაელზე მიიტანეს იერიში. გაეროს სააგენტოს გაფრთხილების ფონზე, "ჰამასის" მიერ მართულ ღაზაში საავადმყოფოები ცდილობენ მწირი რესურსებით აღმოუჩინონ დახმარება დაჭრილებს. ჯანდაცვის მესვეურები აცხადებენ... Читать дальше...

საქართველოს ეროვნულმა ბანკმა რეფინანსირების განაკვეთი, რომლის ეტაპობრივი შემცირებაც წელს დაიწყო, ამჯერად 10%-ზე დატოვა. გადაწყვეტილება 25 ოქტომბერს გამოაცხადა ეროვნული ბანკის მონეტარული პოლიტიკის კომიტეტმა. კომიტეტის განმარტებით, ეროვნული ბანკი ინფლაციის დაბალ დონეზე შენარჩუნებაზე კონცენტრირებული რჩება და „მკაცრ მონეტარულ პოლიტიკას ინარჩუნებს“. რეფინანსირების განაკვეთი - იგივე მონეტარული პოლიტიკის განაკვეთი - არის საპროცენტო განაკვეთი, რომელსაც ცენტრალური ბანკი აწესებს კომერციული ბანკებისთვის გაცემულ სესხზე. Читать дальше...

რუსეთის პარლამენტის ზედა პალატამ, ფედერაციის საბჭომ, მხარი დაუჭირა კანონპროექტს, რომელიც აუქმებს მოსკოვის მხრიდან ბირთვული ცდების აკრძალვის ყოვლისმომცველი ხელშეკრულების (CNTB) რატიფიკაციას. 25 ოქტომბერს გამართულ კენჭისყრაზე ფედერაციის საბჭომ ამ ნაბიჯს მხარი დაუჭირა 156 ხმით 0-ის წინააღმდეგ. ამის შემდეგ კანონპროექტი ხელმოსაწერად პრეზიდენტ ვლადიმირ პუტინს გაეგზავნება. რუსეთის პარლამენტის ქვედა პალატამ, სახელმწიფო სათათბირომ, კანონპროექტი მიმდინარე თვეში მიიღო. რუსეთის მიერ ბირთვული გამოცდის აკრძალვის... Читать дальше...

რუსეთის თავდაცვის მინისტრმა, სერგეი შოიგუმ უკრაინის დონეცკის რეგიონში მოინახულა რუსეთის სამხედროები - აცხადებს მისი სამინისტრო 25 ოქტომბერს. ვიზიტი განხორციელდა ფრონტის ხაზის სიახლოვეს.  შოიგუ - რომელსაც მწვავედ აკრიტიკებდა გასამხედროებული ჯგუფის ლიდერი, აგვისტოში ავიაკატასტროფაში დაღუპული ევგენი პრიგოჟინი - მიმდინარე თვეში რამდენჯერმე აჩვენეს სატელევიზიო ვიდეოკლიპებში, რომელთა მიზანიც იყო თავდაჯერების გამოხატვა უკრაინაში რუსეთის მიერ წარმოებული ომის გარშემო.  უკრაინის განცხადებით, რუსეთის ძალები... Читать дальше...

კინემატოგრაფიის ეროვნული ცენტრის საერთაშორისო წარმომადგენლად „ევრიმაჟსა“და ჩრდილოეთ ამერიკაში რეჟისორი გიგა აგლაძე დაინიშნა. 18 აგვისტოს გამოცხადებული კონკურსის შედეგზე ინფორმაცია ცენტრის ფეისბუქგვერდზე გამოქვეყნდა. "კინემატოგრაფიის ეროვნული ცენტრი ულოცავს გიგა აგლაძეს თანამდებობაზე დანიშვნას და უსურვებს წარმატებებს", - წერია განცხადებაში. ცენტრი აქვეყნებს გიგა აგლაძის ბიოგრაფიულ მონაცემებსაც: მან 2007 წელს დაამთავრა საქართველოს შოთა რუსთაველის სახელობის თეატრისა და კინოს უნივერსიტეტი. 20-წლიანი გამოცდილების ფარგლებში ქმნიდა მხატვრულ... Читать дальше...