Новости за 02.10.2023

აშშ მიესალმება სერბიის არმიის მეთაურის განცხადებას, რომ კოსოვოსთან საზღვრიდან გაყვანილია სამხედროთა ნაწილი, თუმცა ვაშინგტონი კვლავ შეშფოთებულია ჩრდილოეთ კოსოვოში არსებული დაძაბულობით - ამბობს სახელმწიფო დეპარტამენტის პრესმდივანი.  "ჩვენ მეტ დასტურს ველით, მაგრამ თუ სიმართლეა, ამ ნაბიჯს მივესალმებით" - უთხრა პრესმდივანმა, მეთიუ მილერმა ჟურნალისტებს 2 ოქტომბერს, მას შემდეგ, რაც სერბიის არმიის ხელმძღვანელმა, გენერალმა მილან მოისილოვიჩმა ბელგრადში ჟურნალისტებს უთხრა, რომ საზღვართან სამხედროთა რაოდენობა 8,350-დან 4,500-მდე შემცირდა. Читать дальше...

ჩეჩნეთის ლიდერის, რამზან კადიროვის 24 წლის ქალიშვილი, აიშატი, გახდება ჩეჩნეთის ვიცე-პრემიერი, სოციალურ საკითხებში. ამ წინადადებით რესპუბლიკის ხელმძღვანელობის გაფართოებულ სხდომაზე გამოვიდა ჩეჩნეთის პარლამენტის თავმჯდომარე, მუსლიმ ხუჩიევი. რამზან კადიროვმა წინადადება დაამტკიცა. აიშატ კადიროვა 21 წლის ასაკიდან ჩეჩნეთის კულტურის მინისტრის მოადგილე იყო, ერთი წლის შემდეგ კი საკუთრივ მინისტრის პოსტი დაიკავა. მას მინიჭებული აქვს რესპუბლიკის კულტურის დამსახურებული მუშაკის წოდება, ფლობს, მათ შორის, მედლებს... Читать дальше...

აზერბაიჯანის პრეზიდენტი, ილჰამ ალიევი იმედს გამოთქვამს, რომ ესპანეთში, გრანადაში დანიშნული შეხვედრა გააძლიერებს სამშვიდობო პროგრამას მთიანი ყარაბაღისთვის - იმ ფოზე, როცა ვრცელდება ცნობები სნაიპერულ ცეცხლზე და საზღვრის გასწვრივ სროლაზე, რასაც, სომხეთის განცხადებით, ემსხვერპლა მისი ერთი სამხედრო.  ალიევმა ეს განცხადება გააკეთა 2 ოქტომბერს, ბაქოში, მის რეზიდენციაში გამართულ მიღებაზე, რომელზეც ის მასპინძლობდა ანგლიკანური ეკლესიის ხელმძღვანელს, კენტერბერის არქიეპისკოპოს ჯასტინ ველბის.  გრანადაში 5 ოქტომბერსაა დანიშნული შეხვედრა... Читать дальше...

რეპუბლიკა სრპსკას პრეზიდენტმა, მილორად დოდიკმა 2 ოქტომბერს, უნგრეთის პრემიერ-მინისტრ ვიქტორ ორბანთან ბუდაპეშტში შეხვედრის შემდეგ გამოაცხადა, რომ უნგრეთმა შესაძლოა უხელმძღვანელოს იმ ინფრასტრუქტურულ პროექტებს, რომლებიც გერმანიამ შეწყვიტა ბოსნიის ამ ერთეულში, დოდიკის სეპარატისტული პოლიტიკის გამო.  გერმანიამ აგვისტოში გამოაცხადა თავისი გადაწყვეტილება საერთო ჯამში 105 მილიონი ევროს ოდენობის ოთხი ინფრასტრუქტურული პროექტის შეწყვეტაზე რეპუბლიკა სრპსკაში.  დოდიკის თქმით, ორბანმა "გამოხატა სურვილი შეცვალოს პროექტები, რომლებიც გერმანიამ გააუქმა". Читать дальше...

არაძალადობრივი და სტრატეგიული სამოქალაქო კამპანიების მხარდაჭერის ცენტრის, „კანვას საქართველოს" ერთ-ერთი დამფუძნებელი ნინი გოგიბერიძე სახელმწიფო უსაფრთხოების სამსახურში გამოკითხვაზე დაიბარეს. ე.წ. რევოლუციური სცენარის საქმეზე გოგიბერიძის გამოკითხვა 3 ოქტომბერს, 11:00 საათზე არის დანიშნული. სუს-ისგან მიღებული უწყება გოგიბერიძემ „ფეისბუკის" პირად გვერდზე გამოაქვეყნა. 2 ოქტომბერს, სუს-ში ბრიფინგი გაიმართა, რომელზეც ითქვა, რომ USAID-ის ​დაფინანსებულ ტრენინგზე გადაამზადეს დიდი ჯგუფი, "რომლებმაც გადამწყვეტი... Читать дальше...

ყველა პარამეტრით ცუდი სომეხი ვარ. არასოდეს მიცხოვრია სომხეთში, ცოტა და ცუდად ვიცი ჩემი სომხური ფესვების ამბავი, არ ვლაპარაკობ სომხურად. მაგრამ ცხოვრებაში მეორედ გავაცნობიერე, თუ რა არის სისხლის ყივილი. ასეთ დროს საფეთქლები იწყებს ფეთქვას ტკივილის, უძლურებისა და თანაგრძნობისგან.

უკრაინის პრეზიდენტმა, ვოლოდიმირ ზელენსკიმ ევროკავშირის ქვეყნების საგარეო საქმეთა მინისტრებს 2 ოქტომბერს უთხრა, რომ უკრაინაში შეჭრილ რუსეთის ჯარზე გამარჯვება "პირდაპირაა" დამოკიდებული კიევის თანამშრომლობაზე ევროკავშირთან. ზელენსკის განცხადებების ფონია შეშფოთება ევროკავშირის მხრიდან უკრაინისადმი მხარდაჭერის კლებაზე, სლოვაკეთის არჩევნებში უკრაინისთვის სამხედრო დახმარების გაწევის მოწინააღმდეგე, პოპულისტური ორიენტაციის პარტიის გამარჯვების გამო.  "დარწმუნებული ვარ, რომ უკრაინას და მთელ თავისუფალ სამყაროს შეუძლიათ გაიმარჯვონ ამ კონფრონტაციაში. Читать дальше...

საქართველოს პარლამენტი გეგმავს დაჩქარებული წესით, კანონით შეზღუდოს საპროტესტო აქციების ფორმა და კანონდარღვევად გამოაცხადოს პროტესტის ნიშნად კარვის გაშლა ან, შესაძლოა, აქციაზე გამომსვლელთათვის სცენის მოწყობაც.

რუსეთის ხელისუფლებამ დაპატიმრებული ყირიმელი თათარი აქტივისტი, აბდულმედჟიტ სეითუმეროვი უცნობი მიზეზებით გაგზავნა ფსიქიატრიულ კლინიკაში - იუწყება პატიმრის ადვოკატი, ემილ კუბერდინოვი 2 ოქტომბერს.  სეითუმეროვი აგვისტოს ბოლოს დააპატიმრეს ტერორიზმის ბრალდებით, რომელსაც თავად ის და მისი მხარდამჭერები უარყოფენ. მის ფსიქიატრიულ კლინიკაში გადაყვანას კუბერდინოვმა უწოდა "სადამსჯელო ზომა, რომლითაც ჩვენს კლიენტზე ზეწოლას ახორციელებენ" და დასძინა, რომ სეითუმეროვმა, შესაძლოა, 25 დღე დაჰყოს ამ სამედიცინო დაწესებულებაში. Читать дальше...

საპარლამენტო არჩევნების შედეგები სლოვაკეთში „უკრაინით დაღლის“ პირველი რეალური პოლიტიკური მაჩვენებელი აღმოჩნდა. ერთ ეტაპზე ისე ჩანდა, რომ საარჩევნო სიურპრიზი მზადდებოდა.

საქართველოს პრეზიდენტი სალომე ზურაბიშვილი ბოდიშს უხდის ბელგიის მეფე ფილიპეს იმის გამო, რომ ვერ მიიღებს მონაწილეობას "ევროპალია საქართველოს" ინაუგურაციაში. პრეზიდენტი 1 ოქტომბერს დათარიღებულ წერილში აღნიშნავს, რომ მიზეზი საქართველოს მთავრობისგან მიღებული დაუსაბუთებელი უარია ღონისძიებაში მონაწილეობაზე. "ჩემი ნებისგან სრულიად დამოუკიდებელი ორი მიზეზი – ერთი მხრივ, მთავრობის დაუსაბუთებელი უარი ღონისძიებაში მონაწილეობის შესახებ ჩემს წინადადებაზე, მეორე მხრივ, სწორედ 3 და 4 ოქტომბერს ჩანიშნული საკონსტიტუციო... Читать дальше...

USAID-ის შესახებ სუს-ის და საქართველოს ხელისუფლების ოფიციალური პირების განცხადებებს გამოეხმაურა ამერიკის შეერთებული შტატების საელჩო საქართველოში. განცხადებაში ნათქვამია, რომ მცდარია მისი მხარდაჭერილი ერთ-ერთი პროექტის შესახებ გამოთქმული ბრალდებები და არსებითად არასწორად ასახავს საქართველოსთვის აშშ-ის დახმარების მიზნებს. „USAID-ი საქართველოს მოსახლეობას 1992 წლიდან უჭერს მხარს. როგორც ყოველთვის, ეს მხარდაჭერა გამჭვირვალეა და მივესალმებით ნებისმიერ შესაძლებლობას, განვიხილოთ ყველა შეშფოთება, რომელიც მთავრობას შეიძლება ჰქონდეს"... Читать дальше...

ბიზნესმენმა, სოციალური ქსელის X-ის (ყოფილი Twitter) მფლობელმა ილონ მასკმა თავის გვერდზე გამოაქვეყნა უკრაინის პრეზიდენტის ვოლოდიმირ ზელენსკის ფოტოკოლაჟი. დაძაბული გამომეტყველების ზელენკის ფოტოს ახლა წარწერა „როცა უკვე 5 წუთია არ მოგითხოვია მილიარდობით დოლარის დახმარება“. მასკის პოსტმა გამოქვეყნებიდან რამდენიმე საათში 24 ათასი კომენტარი მოაგროვა უმეტესობა უარყოფითი ხასიათის. მომხმარებლები წერდნენ მებრძოლო უკრაინის მხარდაჭერის აუცილებლობაზე და შეახსენებენ მასკს, რომ სამხედრო დახმარების პაკეტები ინვესტიციაა... Читать дальше...

ხუთი არასამთავრობო ორგანიზაცია ხელისუფლებას მიმართავს და აგვისტო-სექტემბერში, შოვსა და გურიაში განვითარებულ სტიქიურ მოვლენებთან დაკავშირებით ეფექტიანი გამოძიების ჩატარებას მოითხოვს. ამ ორ ღვარცოფს 40-მდე ადამიანი ემსხვერპლა. ჯერაც ეძებენ შოვის სტიქიისას დაკარგულ ბოლო ადამიანს, არასრულწლოვან ბიჭს.

ბელარუსის გენერალურმა პროკურატურამ სისხლის სამართლის საქმე აღძრა ბელარუსის სახალხო რესპუბლიკის რადის ხელმძღვანელობისა და წევრების წინააღმდეგ. მათ ძალაუფლების ხელში ჩასაგდებად შეთქმულება ედებათ ბრალად. ამის შესახებ განაცხადეს ბელარუსის გენერალურ პროკურატურაში. ბელარუსის პროკურატურა ბელარუსის სახალხო რესპუბლიკის რადის საქმიანობასთან კავშირში მყოფი ყველა პირის მიმართ სისხლისსამართლებრივი პასუხისმგებლობის დაკისრებას აპირებს, „სადაც არ უნდა იმყოფებოდნენ ისინი, საზღვარგარეთ თუ ბელარუსში..." ბელარუსის... Читать дальше...

სახელმწიფო უსაფრთხოების სამსახურის ბრიფინგს განცხადებით გამოეხმაურა ორგანიზაცია „კანვას საქართველო". ის ხელისუფლების მოქმედებას ზეწოლად აფასებს როგორც ორგანიზაციის ხელმძღვანელზე, ისე იმ აქტივისტებზე, რომლებიც „ორგანიზაციასთან თანამშრომლობენ, იღებენ განათლებას, ავრცელებენ ცოდნას სტრატეგიული არაძალადობრივი კამპანიების შესახებ". როგორც განცხადებაშია ნათქვამი, სამოქალაქო საზოგადოების მიერ „რუსული კანონის” წინააღმდეგ თებერვალ-მარტში წარმატებით წარმოებული კამპანიის საპასუხოდ, სახელმწიფოს უმაღლესი თანამდებობის... Читать дальше...

არაერთმა სომხურმა წყარომ და ტელეგრამის არხმა დღეს, 2 ოქტომბერს, გაავრცელა ინფორმაცია, თითქოს არაღიარებული მთიანი ყარაბაღის რესპუბლიკის სამი ყოფილი "პრეზიდენტი": არკადი ღუკასიანი, ბაკო საჰაკიანი და არაიკ არუთუნიანი 1 ოქტომბერს სტეფანაკერტიდან (აზერბაიჯანული სახელი - ხანკენდი) სომხეთში გაემგზავრა. ამის შესახებ წერდნენ ტელეგრამის არხები „ბაგრამიან 26“, Armenia today და პარტია „დემოკრატიული ალტერნატივის“ თავმჯდომარე სურენ სურენიანცი. მან მოგვიანებით ფეისბუკის პოსტი წაშალა და ახალ პოსტში დაწერა, რომ... Читать дальше...

საქართველოს პრემიერ-მინისტრმა ირაკლი ღარიბაშვილმა მთავრობის სხდომის დაწყებამდე თქვა, რომ ელოდება "გამჭვირვალე ახსნა-განმარტებას" USAID-ის ადგილობრივი ოფისიდან იმ ინფორმაციაზე, რომელიც მანამდე სახელმწიფო უსაფრთხოების სამსახურმა გაავრცელა. დღეს, 2 ოქტომბერს, სუსში ბრიფინგი გაიმართა, რომელზეც ითქვა, რომ USAID-ის ​დაფინანსებულ ტრენინგზე გადაამზადეს დიდი ჯგუფი, "რომლებმაც გადამწყვეტი როლი უნდა შეასრულონ ხელისუფლების ძალადობრივი გზით დამხობის პროცესების მომზადებასა და განხორციელებაში". "ეს, რა თქმა უნდა... Читать дальше...

რუსეთში არაოფიციალურად აღნიშნეს მეორმოცე დღე გასამხედროებული ჯგუფის, "ვაგნერის" ლიდერის, ევგენი პრიგოჟინის სიკვდილიდან. მოსკოვში, სანკტ-პეტერბურგში, სოჭში, ეკატერინბურგში, ჩელიაბინსკში და რუსეთის კიდევ რამდენიმე ქალაქში სახელდახელოდ აღმართულ მემორიალებთან მოქალაქეებმა ყვავილები მიიტანეს. მსგავსი ცერემონიები გაიმართა ბელარუსის ქალაქ ჰომელში და რუსეთის მიერ ანექსირებული უკრაინის ყირიმის ქალაქ სევასტოპოლში. "ვაგნერის" წევრმა რადიო თავისუფლებას უთხრა, რომ ციმბირის ქალაქ ნოვოსიბირსკში 150-მდე მანქანამ მიიღო მონაწილეობა პროცესიაში... Читать дальше...

2 ოქტომბერს მედიცინის დარგში ნობელის პრემია მიენიჭათ კატალინ კარიკოს და დრიუ ვაისმანს, აღმოჩენებისთვის, რომლებმაც შესაძლებელი გახადა mRNA-ის ტიპის ეფექტიანი ვაქცინების შემუშავება COVID-19-ის წინააღმდეგ. ნობელის პრემია ერთ-ერთი ყველაზე პრესტიჟული ჯილდოა სამეცნიერო სამყაროში და მას შვედეთის კაროლინსკას სამედიცინო ინსტიტუტი გასცემს. პრემია 1 მილიონამდე დოლარის ოდენობის თანხას მოიცავს. კარიკო პროფესორია სცეგედის უნივერსიტეტში, უნგრეთში და ასევე მუშაობს პენსილვანიის უნივერსიტეტში, სადაც ვაისმანთან ერთად ატარებდა კვლევას ვაქცინებზე. Читать дальше...

მევენახეებს, რომლებსაც გასული თვეების განმავლობაში სეტყვამ მოსავალი გაუნადგურა, დასეტყვილ თითოეულ ჰექტარზე 3500 ლარს გადაუხდიან. ამის შესახებ საქართველოს პრემიერ-მინისტრმა ირაკლი ღარიბაშვილმა დღეს, 2 ოქტომბერს, მთავრობის სხდომის დაწყების წინ განაცხადა. "მევენახეებს, სამწუხაროდ, ძალიან ბევრს დაესეტყვა ათასობით ჰექტარი ვენახი, განადგურდა მათი მოსავალი, მიუხედავად იმისა, ჩვენ ვთქვით, რომ, რა თქმა უნდა, ამ დაზიანებულ ყურძენს ჩავიბარებთ და ჩავიბარეთ კიდევაც, უკვე დაწყებულია პროცესი... ახლაც გვინდა დავეხმაროთ... Читать дальше...

კოსოვოს საზღვარზე სერბეთის ჯარებით განლაგება ჩამოჰგავს უკრაინის მიმართ რუსეთის ქმედებებს, სანამ ის იქ შეიჭრებოდა, განაცხადა კოსოვოს საგარეო საქმეთა მინისტრმა და ევროკავშირს მოუწოდა, ბელგრადის წინააღმდეგ ზომები მიიღოს, მაგალითად, გაყინოს მისი კანდიდატობის სტატუსი. გასულ კვირაში შეერთებულმა შტატებმა განაცხადა, რომ თვალყურს ადევნებს კოსოვოს საზღვრის გასწვრივ სერბეთის ჯარების თავმოყრის საგანგაშო პროცესს, რაც რეგიონის დესტაბილიზაციას იწვევს. ნატომ განაცხადა, რომ კოსოვოში დამატებითი სამშვიდობო ძალების გაგზავნის სანქციას იძლევა. Читать дальше...

რუსეთის საგარეო საქმეთა მინისტრი სერგეი ლავროვი 3 ოქტომბერს სოჭში მოლაპარაკებებს გამართავს რუსეთის მიერ ოკუპირებული აფხაზეთისა და სამხრეთ ოსეთის დე ფაქტო რესპუბლიკების ე.წ. ლიდერებთან. რუსეთის საგარეო საქმეთა სამინისტროს ცნობით, დაგეგმილია ორმხრივი და სამმხრივი შეხვედრები დე ფაქტო პრეზიდენტ ასლან ბჟანიასთან და ე.წ. საგარეო საქმეთა მინისტრ ინალ არძინბასთან; ასევე - დე ფაქტო პრეზიდენტ ალან გაგლოევთან და ე.წ. საგარეო საქმეთა მინისტრ ახსარ ჯიოევთან. „დღის წესრიგში შედის ორმხრივი ურთიერთობების აქტუალური საკითხების ფართო სპექტრი... Читать дальше...

რუსეთის ფედერაციის საბჭოს საერთაშორისო საკითხთა კომიტეტის ხელმძღვანელი გრიგორი კარასინი საქართველოს პრეზიდენტ სალომე ზურაბიშვილს კვლავ აკრიტიკებს. „საქართველოს პრეზიდენტმა ზურაბიშვილმა კიდევ ერთი ღრმააზროვანი განცხადება გააკეთა. მისი თქმით, თუ უკრაინა ვერ გასწევს წინააღმდეგობას, საქართველო და ბალტიისპირეთის ქვეყნები შეიძლება იყვნენ შემდეგი, რომლებსაც რუსეთი დაესხმება თავს. პოლიტიკური შიზოფრენია რთულად იკურნება, ქალბატონო პრეზიდენტო! რატომ არ ვახსენოთ ამ შემთხვევაში უფრო შორეული სამიზნეები - გერმანია, შვეიცარია თუ მალტა? Читать дальше...

ბულგარეთის ხელისუფლებამ აკრძალა ქვეყანაში რუსული სანომრე ნიშნებიანი მანქანების შესვლა. აკრძალვა ძალაში შევა 2 ოქტომბერს, დღის ბოლომდე. ამის შესახებ ბულგარეთის სასაზღვრო პოლიციის უფროსმა ანტონ ზლატანოვმა განაცხადა, იტყობინება ადგილობრივი მედია. ზლატანოვის თქმით, აკრძალვა შეეხება როგორც მსუბუქ, ასევე სატვირთო მანქანებს. ბულგარეთი არ ესაზღვრება რუსეთს და, ხელისუფლების განცხადებით, რუსული სანომრე ნიშნებით „არც ისე ბევრი“ მანქანა კვეთს ქვეყნის საზღვრებს. თუმცა რუსეთის ზოგიერთი მოქალაქე საქართველოს... Читать дальше...