Новости за 25.07.2023

ბრიტანეთის პრემიერ-მინისტრმა რიში სუნაკმა და უკრაინის პრეზიდენტმა ვოლოდიმირ ზელენსკიმ 25 ივლისს სატელეფონო საუბარი გამართეს იმაზე, თუ როგორ უნდა იქნეს უზრუნველყოფილი უკრაინული მარცვლეულის გატანა საერთაშორისო ბაზრებზე. ამავე დროს ევროკავშირმა გამოაცხადა, რომ  უკრაინას ინფრასტრუქტურის შეკეთებისთვის 1,5 მილიარდი ევროს (1,66 მილიარდი დოლარი) ოდენობის დახმარებას აღმოუჩენს რუსეთის ახალი საჰაერო თავდასხმების ფონზე საპორტო ქალაქ ოდესასა და დედაქალაქ კიევზე. ბოლო დღეებში რუსეთის დარტყმები მიმართული იყო უკრაინის სურსათის საექსპორტო ობიექტებზე... Читать дальше...

„განცდა, რომ რუსი ერის სხეულს ფლეთენ, რომ დასავლეთი ცდილობს კიდურები წაგვაგლიჯოს, ჩვენ კი ერის სხეულის გამთლიანებისთვის, ხელახალი შენივთებისთვის უნდა ვიბრძოლოთ - ეს ძველი ოპერაა: იმავე არიას მღეროდნენ 200 წლის წინ პოლონელების მისამართითაც - პოლონელები, სლავი ერი, ცბიერმა ვატიკანელმა მღვდლებმა გააბრიყვეს და გადაიბირეს, ჩვენ კი ისინი სლავურ ერთიანობას, მთლიანობას უნდა დავუბრუნოთ”, - ეუბნება ოქსფორდის უნივერსიტეტის პროფესორი ანდრეი ზორინი რადიო თავისუფლებას. ვაჟა თავბერიძე პროფესორ ზორინს რუსების საქართველოსადმი დამოკიდებულებაზე... Читать дальше...

უკრაინასთან მასშტაბურ ომში ჩართული რუსეთი მძიმე დემოგრაფიული პრობლემების წინაშეც დგას. როსსტატის - რუსეთის სტატისტიკის სახელმწიფო სამსახურის მონაცემებით, 2023 წელს დაფიქსირდა შობადობის ყველაზე დაბალი მაჩვენებელი უკანასკნელი 24 წლის განმავლობაში. დემოგრაფიულ სურათს ერთიორად ამძიმებს ომში დაღუპულთა და დასახიჩრებულთა სტატისტიკა, რომელიც კიდევ უფრო თვალსაჩინოს ხდის "დემოგრაფიულ ორმოში" ჩავარდნილი რუსეთის მდგომარეობას. „ჯარისკაცები არ დაზოგოთ, ქალები კიდევ დააჩენენ!“ - ეს ფრთიანი გამონათქვამი, რომელსაც... Читать дальше...

რუსეთის საჰაერო-კოსმოსური ძალების მოიერიშე თვითმფრინავმა სირიის ცაში ამერიკული სადაზვერვო დრონი MQ-9 Reaper-ი დააზიანა. თვითმფრინავი ძალიან მიუახლოვდა დრონს და სარაკეტო სითბური ხაფანგები გადმოაგდო. ამის შესახებ აშშ-ის სამხედრო-საჰაერო ძალების პრესსამსახური იტყობინება 25 ივლისს. გავრცელებული ინფორმაციით, ხაფანგებთან შეჯახების შედეგად დრონის პროპელერი სერიოზულად დაზიანდა. ოპერატორებმა მოახერხეს ფრენის გაგრძელება და მისი ბაზაზე დაბრუნება. რუსული მხრიდან ოპერაციაში მონაწილეობდა თვითმფრინავი Su-35... Читать дальше...

გურჯაანის რაიონულ სასამართლოში, სასტუმრო „ყვარლის ტბის” მიმდებარე ტერიტორიაზე, 20 მაისს რუსეთის საგარეო საქმეთა მინისტრის სერგეი ლავროვის შვილის საქართველოში ჩამოსვლის გამო, გამართულ საპროტესტო აქციაზე დაკავებულების სასამართლო სხდომა გაიმართა. 14 დაკავებულის პროცესი 6 საათის განმავლობაში მიმდინარეობდა. სხდომის დაწყებისას შინაგან საქმეთა სამინისტროს წარმომადგენელმა მარიამ კერესელიძემ საქმის მოსამართლის იოსებ აბრამიძის აცილება მოითხოვა. „მიმდინარე წლის ივლისში, შსს-მ იუსტიციის საბჭოს შემადგენლობაში... Читать дальше...

ერთ-ერთი კომპანიის ოფისში, რომელიც თბილისში, „მზიურის" პარკთან ახლოს მდებარეობს, კაცი ცეცხლსასროლი იარაღით დაჭრეს.  შინაგან საქმეთა სამინისტროს პრესცენტრში რადიო თავისუფლებას უთხრეს, რომ გამოძიება დაიწყო სისხლის სამართლის კოდექსის 117-ე და 236-ე მუხლებით, რაც გულისხმობს ჯანმრთელობის განზრახ მძიმე დაზიანებასა და იარაღის უკანონო ტარებას.  დაჭრილი კლინიკაში გადაიყვანეს და მის სიცოცხლეს საფრთხე არ ემუქრება. ვრცელდება ინფორმაცია, რომ ის ბიზნესმენია.

ირლანდიაში თავშესაფრის მიღების მსურველებს შორის საქართველოს მოქალაქეები რაოდენობით პირველ ადგილზე არიან - სტატისტიკურ ინფორმაციას თავშესაფრის მიმღებთა საცხოვრებლებში განთავსებულების შესახებ ირლანდიის ბავშვთა, თანასწორობის, შშმ პირთა, ინტეგრაციისა და ახალგაზრდობის დეპარტამენტი აქვეყნებს. დოკუმენტში, რომელიც 16 ივლისს გამოქვეყნდა, საქართველო თავშესაფრის მთხოვნელთა რაოდენობით უწრებს ისეთ ქვეყნებს, როგორიცაა ნიგერია, სირია, სომალი, ზიმბაბვე და კონგო. ამ ანგარიშის მიხედვით, საქართველოდან თავშესაფრის მთხოვნელთა რიცხვი 8-ჯერ მეტია... Читать дальше...

ჩეჩენი მომღერალი ზელიმხან ბაკაევი, რომელიც უკვალოდ გაუჩინარდა 2017 წელს, სავარაუდოდ, სამართალდამცავი ორგანოების თანამშრომლებმა მოკლეს. ამის შესახებ კრიზისული ჯგუფის, „სკ SOS“-ის გამოძიებაშია ნათქვამი. უფლებადამცველები დარწმუნებული არიან, რომ ბაკაევი ჰომოსექსუალობაში იყო ეჭვმიტანილი და მას უთვალთვალებდნენ. მომღერალი დროის უმეტეს ნაწილს მოსკოვში ატარებდა და არ სჯეროდა, რომ ის შეიძლება მოეკლათ. ბაკაევი რუსეთში რჩებოდა ავადმყოფი დედის მოვლის აუცილებლობის გამო. ორგანიზაციის თანამოსაუბრის თქმით, ბაკაევის... Читать дальше...

საქართველოს პარლამენტისა და აღმოსავლეთ პარტნიორობის სამოქალაქო საზოგადოების ფორუმის, „საქართველოს გზა ევროკავშირისკენ", დასრულების შემდეგ, ევროკავშირის ელჩმა საქართველოში პაველ ჰერჩინსკიმ უპასუხა ჟურნალისტების შეკითხვას, რომელიც ეხებოდა კლინიკა „ვივამედში" ექსპრეზიდენტ მიხეილ სააკაშვილთან პოლონელი ექიმების ვიზიტს. დიპლომატი იმედს გამოთქვამს, რომ პოლონელი ექიმების დასკვნა ქართველ ექიმებს დაეხმარება. „ნამდვილად მადლიერი ვარ საქართველოს ხელისუფლების იმისთვის, რომ დათანხმდნენ პოლონელი ექიმების მიერ მიხეილ სააკაშვილის მონახულებას. Читать дальше...

გიორგი სახოკია 75 წლის კაცია, პროფესიით ეკონომისტი, მთელი ცხოვრება ბუღალტრად მუშაობდა. ფილოლოგიური განათლება არასდროს ჰქონია, მაგრამ მის საწერ მაგიდაზე ახლა მხოლოდ ხელნაწერები და ლექსიკონებია დახვავებული, ძირითადად მეგრულ-ქართული.

ჩინეთის საგარეო საქმეთა მინისტრი ცინ განი თანამდებობიდან გაათავისუფლეს. ის საზოგადოებაში ერთი თვე არ გამოჩენილა. ცინ განის გათავისუფლება ჩინეთის კომუნისტური პარტიის ხელმძღვანელობის საგანგებო და უჩვეულოდ ხანმოკლე სხდომაზე გამოცხადდა, წერს The Washington Post-ი. მისი გადადგომის მიზეზები არ დაუსახელებიათ. საგარეო საქმეთა სამინისტროს ახალი ხელმძღვანელი გახდა ვან ი, რომელსაც ეს პოსტი 2022 წლის 30 დეკემბრამდე ეკავა. 57 წლის ცინ განი ბოლოს 25 ივნისს გამოჩნდა ხალხში. შემდეგ ის პეკინში შეხვდა თავის კოლეგებს რუსეთიდან, ვიეტნამიდან და შრი-ლანკიდან. Читать дальше...

სახელმწიფო დუმამ საბოლოო, მესამე მოსმენით დაამტკიცა კანონპროექტი 2024 წლიდან რუსეთში ჯარში გაწვევის ასაკის 30 წლამდე გაზრდის შესახებ. კანონპროექტის მიღებას მხარი დაუჭირა 328-მა დეპუტატმა, წინააღმდეგი იყო 13, კიდევ 27-მა თავი შეიკავა. თავდაპირველად იგეგმებოდა, რომ გაზრდიდნენ გაწვევის ასაკის ქვედა ზღვარსაც: 18-დან 21 წლამდე. თუმცა, მოგვიანებით სახელმწიფო დუმის თავდაცვის კომიტეტის ხელმძღვანელმა ანდრეი კარტაპოლოვმა თქვა, რომ კომიტეტმა გადაწყვიტა, ეს არ გაეკეთებინა. მან ცვლილებები იმით ახსნა, რომ... Читать дальше...

თბილისის საქალაქო სასამართლომ 7-9 მარტის აქციების საქმეზე დაკავებული ლაზარე გრიგორიადისის საქმის განხილვის ფარგლებში, 25 ივლისის სხდომაზე მოწმის სახით სასაქონლო ექსპერტი დაკითხა. ამირან ჯვარშეიშვილმა სასამართლოს უთხრა, რომ მას 13 მაისს დაევალა ექსპერტიზის ჩატარება ორი დაზიანებული ავტომობილისთვის, "შკოდა კოროლასა" და "შკოდა რაპიდისთვის". მას უნდა შეეფასებინა ავტომობილების დაზიანებით დამდგარი ზიანის ღირებულება. ამირან ჯვარშეიშვილმა სასამართლოს უთხრა, რომ ორივე დაზიანებული ავტომობილი საჯარიმო, ღია ავტოსადგომზე დაათვალიერა. Читать дальше...

ხარაგაულის, ხაშურისა და ზესტაფონის მუნიციპალიტეტების 15 სოფლის მოსახლეობა წლებია ფაქტობრივ სატრანსპორტო ბლოკადაშია მოქცეული.

საგამოძიებო კომიტეტმა საბოლოოდ წაუყენა ბრალი დარია ტრეპოვას სანქტ-პეტერბურგში ომის მომხრე ბლოგერის, ვლადლენ ტატარსკის, მკვლელობის საქმეზე. ამის შესახებ „რია ნოვოსტი“ იუწყება საგამოძიებო კომიტეტის ხელმძღვანელ ალექსანდრ ბასტრიკინზე დაყრდნობით. ტრეპოვას წინააღმდეგ მიმდინარეობს გამოძიება ტერაქტის საქმეზე. მაისში რუსეთის შინაგან საქმეთა სამინისტრომ ძებნილთა სიაში შეიყვანა უკრაინის მოქალაქე იური დენისოვი, რომელიც ტატარსკის მკვლელობის ორგანიზატორად ითვლება. გამოძიების ვერსიით, დენისოვმა რუსეთში ყოფნისას შეაგროვა ინფორმაცია ტატარსკის შესახებ... Читать дальше...

ორ დღეში, 27 ივლისს, ბათუმში შევა სოჭიდან გასული საკრუიზო ლაინერი. ინფორმაცია დასტურდება საქართველოს საზღვაო ტრანსპორტის სააგენტოს მიერ გავრცელებული განცხადებითაც, რომელშიც არ არის ნათქვამი, რომ საკრუიზო გემს ტურისტები გადაჰყავს. "აღსანიშნავია რომ საკრუიზო გემის „ASTORIA GRANDE“-ი შემოსვლა კომერციული ხასიათისაა. იგი რეგისტრირებულია სეიშელის კუნძულებზე კომპანია “Goodwin Shipping Limited”-ის სახელით და საერთაშორისო სანქციებში არ ფიქსირდება", - აცხადებენ საქართველოს საზღვაო ტრანსპორტის სააგენტოში. Читать дальше...

რუსეთის თავდაცვის სამინისტრომ განაცხადა, რომ საპატრულო გემ „სერგეი კოტოვს“ უპილოტო კატარღები დაესხნენ თავს. იუწყებიან, რომ თავდასხმა განხორციელდა შავი ზღვის სამხრეთ-დასავლეთ ნაწილში, სევასტოპოლიდან 370 კილომეტრში. სამინისტროს განცხადებაში ნათქვამია, რომ კორვეტს უკრაინის არმია დაესხა თავს. როგორც იტყობინებიან, „სერგეი კოტოვი“ „ნავიგაციის კონტროლის ამოცანებს“ ასრულებს, რაც, კერძოდ, შეიძლება ნიშნავდეს მის მონაწილეობას უკრაინის შავი ზღვის პორტების ბლოკადაში. აცხადებენ, რომ თავდასხმაში ორი დრონი მონაწილეობდა და ორივე განადგურდა. Читать дальше...

Tesla-ს და SpaceX-ის დამაარსებელი ილონ მასკი დაუბრუნდა მსოფლიოს უმდიდრესი ადამიანების სიის სათავეს, რომელსაც Forbes-ი ადგენს ხოლმე. რეიტინგი ქვეყნდება რეალურ დროში არსებული ვითარების მიხედვით. 24 ივლისს Tesla-ს აქციები 2,5%-ით გაძვირდა მას მერე, რაც კომპანიამ გამოაცხადა, რომ თავისი ელექტრომანქანების მყიდველებს შვიდწლიან კრედიტს მისცემს. ამის შედეგად მასკი, რომელსაც ეკუთვნის კომპანიის 23%, ოთხ მილიარდ დოლარზე მეტით გამდიდრდა. Forbes-ის გამოთვლით, მასკის ქონება 242 მილიარდ დოლარს უდრის.

ბრიტანეთის დაზვერვა წერს, რომ რუსეთმა 18 ივლისიდან, უკრაინის სამხრეთში "მარცვლეულის შეთანხმების" დატოვების შემდეგ, გაახშირა თავდასხმები ოდესასა და მის სანავსადგურო ინფრასტრუქტურაზე. ბრიტანეთში მიიჩნევენ, რომ კრემლი თავს ესხმის ნავსადგურებს, რადგან ფიქრობს, რომ უკრაინა იქ სამხედრო აღჭურვილობას ინახავს. ამის შესახებ ნათქვამია ბრიტანეთის თავდაცვის სამინისტროს სადაზვერვო ანგარიშში, რომელიც გამოქვეყნდა Twitter-ზე. დაზვერვა მიიჩნევს, რომ ამ თავდასხმების დროს რუსეთმა გამოიყენა მძიმე Х-22-ის ტიპის რაკეტები... Читать дальше...

დღეს ვსაუბრობთ იმის შესახებ, თუ რა არის მთავარი ეკონომიკური ფაქტორები, რომლებიც მოქალაქეს აიძულებს დატოვოს ქვეყანა, უმრავლეს შემთხვევაში - არალეგალურად მუშაობის პერსპექტივით. მოქალაქეთა მზარდი გადინების მყისიერ და პერსპექტიულ ეკონომიკურ ეფექტზე ვსაუბრობთ დღევანდელ რუბრიკაში.

22 ივლისს სოჭიდან საკრუიზო ლაინერმა, Astoria Grande-მ, ახალი მარშრუტით დაიწყო პირველი რეისის შესრულება. როგორც ერთ-ერთი რუსულენოვანი ტელეარხი იუწყება, ლაინერი ბათუმის პორტშიც შევა, მოგზაურობის მეხუთე დღეს. "ტურისტების მოთხოვნით გადაწყვიტეს დამატებითი გაჩერება შავი ზღვის სანაპიროზე. ორგანიზატორები მიიჩნევენ, რომ საქართველოს კურორტს შეუძლია მნიშვნელოვნად გაზარდოს ინტერესი. მგზავრს არ სჭირდება დამატებითი დოკუმენტების აღება", - ნათქვამია ამავე ტელეარხის მიერ მომზადებულ მასალაში. მათივე ინფორმაციით, საკრუიზო გემზე ახლა 850 მგზავრია. Читать дальше...

საბერძნეთში და ესპანეთში ჰაერის მაღალი ტემპერატურაა, ხოლო იტალიის ჩრდილოეთში კოკისპირულმა წვიმებმა შექმნა პრობლემები. მილანსა და ლომბარდიის სხვა არეალებში ქარიშხალს დაერთო სეტყვა და წვიმა. წაქცეულმა ხეებმა გადაკეტეს გზები და დააზიანეს სახლები. სკაუტების ბანაკში ხე დაეცა კარავს და ახალგაზრდა იმსხვერპლა, შვიდი პირი მსუბუქად დაშავდა. მილანიდან ნიუ-იორკში მიმავალი თვითმფრინავი უამინდობის გამო აფრენიდან მალევე გახდა იძულებული, მიმართულება შეეცვალა და რომისკენ აეღო კურსი. მაღალი ტემპერატურაა ალჟირში, სადაც ტყის ხანძრების გამო 34 ადამიანი დაიღუპა.

თურქეთის ოფიციალური სტატისტიკური მონაცემებით, 2022 წელს, წინა წელთან შედარებით, ქვეყანაში 33,2%-ით შემცირდა იმიგრანტების რიცხვი. ამ ფონზე 25%-ით გაიზარდა რუსეთიდან ემიგრირებულთა რაოდენობა. 2022 წელს რუსეთმა უკრაინის წინააღმდეგ ფართომასშტაბიანი ომი დაიწყო. თურქეთის სტატისტიკის ინსტიტუტის მონაცემებით, 2022 წელს რუსი იმიგრანტების რაოდენობა იყო 99 786, რაც უცხო ქვეყნების მოქალაქეებს შორის ყველაზე მაღალი მაჩვენებელია. მეორე ადგილზეა უკრაინა(8,1%). პირველ ხუთეულში არიან ირანი(6,5%), ავღანეთი(5,4%) და ერაყი(4,8%). Читать дальше...

ისრაელში ათასობით ადამიანი გავიდა ქუჩაში მას მერე, რაც პარლამენტმა მხარი დაუჭირა სასამართლო რეფორმის ჩარჩოებში შემუშავებულ ახალ კანონს. წუხელ დემონსტრანტებმა თელ-ავივში ავტომაგისტრალი გადაკეტეს და ქალაქში დადგმულ ბარიკადებს ცეცხლი წაუკიდეს. დემონსტრაციის დროს მოხდა ინციდენტი - ავტომანქანა დაეტაკა სამ დემონსტრანტს. ისინი მცირედ დაშავდნენ, იტყობინება Haaretz-ი. ერთ-ერთი დაშავებულის თქმით, "ეს იყო წინასწარ განზრახული თავდასხმა: მანქანა ჩვენკენ მოქროდა". პოლიციამ დააკავა მანქანის ოცი წლის მძღოლი. Читать дальше...