Новости за 15.07.2023

უკრაინამ რუსეთთან ომში თავისი ახლანდელი კონტრიერიშის პირველ კვირებში სამხედრო ტექნიკის არსებითი დანაკარგი განიცადა, იტყობინება New York Times-ი. დანაკარგი ეხება სხვათა შორის, საბრძოლო მანქანებს, Bradley-ის, და Leopard-ის ტიპის ტანკებს, იტყობინება NYT-ი დასავლელ მოხელეებზე დაყრდნობით. ბოლო კვირებში ეს დანაკარგი შემცირდა, რადგან კიევმა შეცვალა თავისი სტრატეგია, რომლის თანახმად, ახლა უკრაინის არმია ცდილობს რუსეთის ძალების დასუსტებას არტილერიის და შორი მოქმედების რაკეტებით დარტყმების საშუალებით და არა ჯავშანტექნიკის წინსვლით. Читать дальше...

შვედეთში აღარ ჩატარდა აქცია, რომელსაც მუსლიმი პირი გეგმავდა და თორასა და ბიბლიის წიგნების დაწვა აღარ განხორციელდა. პირმა, რომელსაც აქციის მოწყობას აპირებდა, გამოაცხადა, რომ სურდა დაესაჯა ისინი, ვინც შვედეთში ყურანი დაწვა. 32 წლის მუსლიმმა განაცხადა, რომ წმინდა წიგნების დაცვა ყურანის სწავლებას ეწინააღმდეგება და ამიტომ ის ამას არ გააკეთებს. შვედეთი კრიტიკის სამიზნე გახდა მუსლიმანურ ქვეყნებში იმის გამო, რომ მეჩეთის წინ ყურანი დაწვეს. პოლიცია არ ჩაერია, რადგან სასამართლოს გადაწყვეტილებით, არ ჰქონდა ამის უფლებამოსილება.

ისრაელის პრემიერ-მინისტრი, ბენიამინ ნეთანიაჰუ 15 ივლისს საავადმყოფოში მოათავსეს, იტყობინება მისი ოფისი და დასძენს, რომ 73 წლის პოლიტიკოსს შესაძლებელია „მსუბუქი დეჰიდრატაცია“ დაემართა, მაგრამ „მდგომარეობა კარგია“. „პრემიერ-მინისტრი შიბას სამედიცინო ცენტრში სულ ახლახან მივიდა“, - ნათქვამია განცხადებაში. საავადმყოფო თელ-ავივის მახლობლად მდებარეობს. პრემიერს სამედიცინო კვლევა უტარდება. „დღეს მან ცოტა თავბრუსხვევა იგრძნო და პირადი ექიმის, დრ. ცვი ბერკოვიცის რჩევით, შიბას სასწრაფო სამედიცინო განყოფილებაში გადაიყვანეს“... Читать дальше...

15 ივლისს, ბრიუსელში, ევროკავშირის შუამავლობით, გაიმართა სომხეთისა და აზერბაიჯანის სამშვიდობო მოლაპარაკების მორიგი რაუნდი. მანამდე, ბაქომ მთიანი ყარაბაღის სეპარატისტებს ბრალი დასდო ამ რეგიონში სამგზავრო თვითმფრინავების რადიოკავშირისთვის ხელის შეშლაში. მთიანი ყარაბაღის წარმომადგენლობამ ბრალდება უარყო. აზერბაიჯანის პრეზიდენტი, ილჰამ ალიევი, სომხეთის პრემიერ-მინისტრი, ნიკოლ ფაშინიანი და ევროპული საბჭოს თავმჯდომარე, შარლ მიშელი ერთმანეთს შეხვდნენ ბელგიის დედაქალაქში მოსალაპარაკებლად, რაც მიმართულია ათწლეულების განმავლობაში... Читать дальше...

რუსეთის უსაფრთხოების სამსახურის აცხადებს, რომ აღკვეთა კრემლის პროპაგანდისტის მარგარიტა სიმონიანისა და ჟურნალისტ ქსენია სობჩაკის მკვლელობა, რომელსაც ნეონაცისტური ჯგუფი „პარაგრაფი-88“ უკრაინის უსაფრთხოების სამსახურის დავალებით გეგმავდა. ФСБ აცხადებს, რომ ბრალდებული ნეონაცისტები 14 ივლისს მოსკოვსა და რიაზანის რეგიონში დააკავეს: „მათ დაადასტურეს მკვლელობის მცდელობის მომზადება SBU-ს დავალებით, თითოეული მკვლელობისთვის 1,5 მილიონი რუბლის ჯილდოსთვის“. მალევე, RT-მ გამოაქვეყნა 18 წლის მოსკოვის მკვიდრის დაკითხვის ამსახველი კადრები. Читать дальше...

პარასკევს შუადღისას საბერძნეთის დედაქალაქ ათენში აკროპოლისი დაიხურა ვიზიტორების მზისგან „დასაცავად“. მოხალისეები საბერძნეთის წითელ ჯვართან ერთად უფასო წყალს არიგებდნენ, ადგილზე გაგზავნეს პირველადი სამედიცინო დახმარების მუშაკები. სინტაგმას მოედანზე ტემპერატურამ 45 გრადუსს მიაღწია, აკროპოლისის მიმდებარედ - 48 გრადუსს. საბერძნეთის ეროვნულ მეტეოროლოგიურ სამსახურში აცხადებენ, რომ დღეიდან სიცხის ინტენსივობის შემცირებაა მოსალოდნელი, ხუთშაბათიდან კი ტემპერატურა კვლავ დაიწყებს მატებას ქვეყნის უმეტეს ნაწილებში.

რუსეთი თუ დაამარცხა უკრაინამ, მაშინ ნატოს წევრობა რაღა საჭიროა?! - ამბობს საქართველოს პრემიერ-მინისტრი, ირაკლი ღარიბაშვილი ნატოს ვილნიუსის სამიტის შედეგების კომენტირებისას. „იცით, რომ თავიდან [ქართულმა ოპოზიციურმა ტელევიზიებმა] სურათი წარმოაჩინეს, თითქოს რაღაც სასწაული მოხდა ნატოს სამიტზე და უკრაინამ დეოკუპაციაც მოახდინა უკვე, გაიმარჯვა, სასწაული მოხდა და საქართველო ამ ყველაფრის მიღმა აღმოჩნდა. რა მოხდა, რეალურად რომ ვთქვათ, კითხვა დავსვათ. გარდა იმისა, რომ თქვეს, MAP-ი აღარ დასჭირდება, ჩვენ პირდაპირი განცხადებები მოვისმინეთ... Читать дальше...

ევროპის, განსაკუთრებით სამხრეთის ქვეყნებში, ძალიან დაცხა. საბერძნეთის 87-მა მეტეოროლოგიურმა სადგურმა გაზომა 40 გრადუსზე მაღალი ტემპერატურა. 44,2 გრადუსს მიაღწია ჰაერის ტემპერატურამ თებეში, ათენიდან 50 კილომეტრში. მაღალი ტემპერატურის გამო დახურულია არქეოლოგიური ღირსშესანიშნაობანი, სხვათა შორის, აკროპოლისი, ასევე ზოგიერთი პარკი. რამდენიმე დღეა, განსაკუთრებით ცხელა იტალიაში, რომლის ზოგიერთ რეგიონში, მაგალითად, სარდინიაზე, თერმომეტრმა 45 გრადუსი აჩვენა. იტალიის 16 ქალაქში, მათ შორის რომში, ბოლონიასა... Читать дальше...

საფრანგეთში მცხოვრები რეჟისორი ნინო კირთაძე საქართველოს კინოცენტრთან თანამშრომლობას წყვეტს სფეროს მოღვაწეების პროტესტის ფონზე. ინფორმაციას „ნეტგაზეთი“ ავრცელებს. კირთაძემ გამოცემას უთხრა, რომ განცხადება 11 ივლისს დაწერა და ორი დღის შემდეგ დაუკმაყოფილდა. იგი, ასევე, ტოვებს საქართველოს წარმომადგენლის პოზიციას ფონდ „ევრიმაჟში“ და „ევროპულ კინო პრომოუშენში“. საქართველო ევროპის საბჭოს - ევროპული კინოს მხარდაჭერის ფონდ „ევრიმაჟის“ (Eurimages) 36-ე წევრი ქვეყანა 2011 წელს გახდა. მას შემდეგ ქართულმა... Читать дальше...

Reuters-ის ცნობით, რუსეთის პრეზიდენტმა, ვლადიმირ პუტინმა სატელეფონო საუბარი გამართა სამხრეთ აფრიკის რესპუბლიკის პრეზიდენტთან, სირილ რამაპოსასთან. ორმა პრეზიდენტმა განიხილა შავი ზღვის გზით მარცვლეულის გატანის შესახებ საერთაშორისო შეთანხმება და აფრიკის სამშვიდობო ინიციატივა. ამის თაობაზე Reuters-ის სააგენტო იმოწმებს კრემლის განცხადებას, რომელიც 15 ივლისს გავრცელდა. მარცვლეულის შეთანხმების შესახებ, რომელსაც მოქმედების ვადა გასდის 17 ივლისს, პუტინმა თანამოსაუბრეს განუცხადა, რომ რუსეთის მიერ სურსათის... Читать дальше...

თელავის რაიონული სასამართლოს მოსამართლე ვერიკო ზათიაშვილმა სამი ტელეკომპანიის ჟურნალისტებზე ძალადობის ბრალდებით დაკავებულს, საგარეჯოს „დასუფთავების სამსახურის“ თანამშრომელ მამუკა შაქარაშვილს პატიმრობა შეუფარდა. შაქარაშვილის პატიმრობის მოთხოვნით, სასამართლოს ბრალდების მხარემ მიმართა. სასამართლო პროცესზე, პროკურორი ალექსანდრე ჩხეიძე ამტკიცებდა, რომ დაკავებული ძალადობისკენ მიდრეკილი პირია და არსებობდა საშიშროება, რომ ის ჟურნალისტებს ხელახლა გაუსწორდებოდა. „საქმის მასალებიდან ირკვევა, რომ ბრალდებულისთვის... Читать дальше...

საქართველოს პრემიერ-მინისტრი, ირაკლი ღარიბაშვილი უკრაინის უმაღლესი რადის კრიტიკულ მიმართვასთან დაკავშირებით ამბობს, რომ მისთვის გაუგებარია, რატომ რჩება ომში მყოფი ქვეყნის ხელისუფლებას ქართული შიდა პოლიტიკური საკითხებისთვის დრო. „ჩემთვის აბსულუტურად გაუგებარია, უკრაინის ხელისუფლებას რატომ რჩება დრო, რომ ჩვენს შიდა პოლიტიკურ საკითხებზე გააკეთონ კონცენტრირება. ეს ხომ ძალიან ხელოვნურია და ეს ხომ კიდევ ერთხელ აძლიერებს თუნდაც კონსპირაციულ თეორიას, რომელიც ძალიან ბევრი მოგვისმენია ჩვენს ქვეყანაში თუ გარეთ. Читать дальше...

საქართველოს პრემიერ-მინისტრი, ირაკლი ღარიბაშვილი სამარცხვინოს და შემაშფოთებელს უწოდებს ექსპრეზიდენტ მიხეილ სააკაშვილთან ვიზიტით მყოფი პოლონელი ექიმების მიერ სავარაუდოდ ნიმუშების მალულად გატანის მცდელობას. „სამარცხვინოა რაც მოხდა, ვფიქრობ, შემაშფოთებელი ფაქტი. თავადვე მოახდინეს ამ პროცესის დისკრედიტაცია, როცა დამალეს ის ნიმუშები, რომლებიც მათ აიღეს ოფიციალურად, ჩვენი თანხმობის შემდეგ“, - თქვა ღარიბაშვილმა 15 ივლისს. მისივე მტკიცებით, ექიმების ქმედება მიუთითებს, რომ პროცესი არის პოლიტიზებული და რა განზრახვა ჰქონდათ მათ, ამას დრო აჩვენებს. Читать дальше...

რუსეთის დუმამ მიიღო კანონი ტრანსგენდერული ცვლილების, ანუ მარტივად რომ ვთქვათ, სქესის შეცვლის აკრძალვის შესახებ.

სამხრეთ აფრიკის რესპუბლიკის პრეზიდენტი, სირილ რამაპოსა გამოიყენებს რუსეთ-აფრიკის სამიტს სანქტ-პეტერბურგში ივლისის ბოლოს და შეეცდება, რუსეთის პრეზიდენტს, ვლადიმირ პუტინს გადააფიქრებინოს ჩასვლა იოჰანესბურგში - სწრაფად განვითარებადი ქვეყნების, ინდოეთის, ჩინეთის, რუსეთისა და სამხრეთ აფრიკის რესპუბლიკის გაერთიანების - BRICS-ის შეხვედრაზე. ამის შესახებ წერს Financial Times-ი. სამხრეთ აფრიკის რესპუბლიკაში პუტინის ჩასვლის სირთულეს იწვევს სისხლის სამართლის საერთაშორისო სასამართლოს მიერ პუტინზე გაცემული დაპატიმრების ორდერი. Читать дальше...

თბილისი ელის, რომ კიევი გადასცემს გია ლორთქიფანიძესა და ზურაბ ადეიშვილს, ეუბნება საქართველოს პარლამენტის თავმჯდომარე ჟურნალისტებს, უკრაინის რადის კრიტიკული განცხადების პასუხად, ექსპრეზიდენტ მიხეილ სააკაშვილთან დაკავშირებით. „ესეც ერთი შერცხვენაა საქართველოს მიმართ უკრაინის ხელისუფლების მხრიდან, რომ მის ხელისუფლებაში არიან ზურაბ ადეიშვილი, გია ლორთქიფანიძე. ადამიანი, რომელმაც დააორგანიზა მიხეილ სააკაშვილის შემოპარვა საქართველოში, რათა აერია მდგომარეობა, უკრაინის კონტრდაზვერვის უფროსის მოადგილე. ახლა ეს რაზეც მეტყველებს... Читать дальше...

დიდი ბრიტანეთის თავდაცვის სამინისტროს ცნობით, რუსეთის სამხედრო ხელმძღვანელობას, სავარაუდოდ, უფრო და უფრო აკრიტიკებენ სამხედროები. სამინისტრო მიუთითებს გენერალ-მაიორის ივან პოპოვის თანამდებობიდან გათავისუფლებაზე, რაც მოჰყვა მის მიერ სამხედრო ხელმძღვანელობის კრიტიკას, ჯარისკაცებისთვის განკუთვნილ ვიდეომიმართვაში. პოპოვმა, რომელიც მეთაურობდა 58-ე კომბინირებულ არმიას, რომელიც იბრძოდა უკრაინის ფრონტზე, ზაპოროჟიეს მახლობლად, თქვა, რომ რუსეთის თავდაცვის სამინისტროს ხელმძღვანელობა ზურგში ურტყამდა ჯარს ყველაზე რთულ და ინტენსიურ მომენტში. Читать дальше...

სამხრეთ კორეის პრეზიდენტი, იუნ სოკ ელი წინასწარ გამოუცხადებელ ვიზიტად ჩავიდა უკრაინაში, სადაც მან პრეზიდენტ ვოლოდიმირ ზელენსკისთან შეხვედრამდე მოინახულა კიევის მახლობლად მდებარე ქალაქები ბუჩა და ირპენი. კორეის პრეზიდენტის ოფისის ცნობით, „თავდაპირველად პრეზიდენტი ჩავიდა მასობრივი მკვლელობის ქალაქ ბუჩაში, რომელიც კიევის მახლობლად მდებარეობს და ქალაქ ირპენში, სადაც სარაკეტო დარტყმები მიაყენეს საცხოვრებელ რაიონებს“. სამხრეთმა კორეამ, რომელიც მსოფლიოში მეათე ადგილზეა იარაღის ექსპორტის მხრივ, ჰუმანიტარული... Читать дальше...

რუსეთის პრეზიდენტმა ვლადიმირ პუტინმა მიუთითა, რომ ურჩევნია შეინარჩუნოს „ვაგნერის“ ჯგუფი, ვიდრე დაშალოს ის, მაგრამ ცდილობს ევგენი პრიგოჟინის დაშორებას „ვაგნერის“ ხელმძღვანელობისა და ძალებისგან. ამის შესახებ ომის შემსწავლელი ინსტიტუტი (ISW) წერს. 13 ივლისის ინტერვიუში რუსულ გამოცემა „კომერსანტთან“ პუტინმა დაადასტურა, რომ 29 ივნისს შეხვდა პრიგოჟინს და „ვაგნერის“ 35 მეთაურს. პუტინის მტკიცებით, მან „ვაგნერის“ მებრძოლებს შესთავაზა ემსახურათ „სედას“ მეთაურობით, რომელიც უძღვება „ვაგნერის“ ძალებს ბოლო 16 თვის განმავლობაში. Читать дальше...

პარასკევს იაპონიის კინოთეატრებში გამოვიდა How Do You Live („როგორ ცხოვრობ“) - ანიმაციის ცნობილი რეჟისორის, ჰაიაო მიაძაკის უახლესი და როგორც თავად ამბობს, უკანასკნელი ფილმი. მიაძაკის ფილმები - Princess Mononoke, Spirited Away და Howl's Moving Castle - იაპონიის 10 ყველაზე შემოსავლიან ფილმებს შორისაა. ისინი შთაგონების წყაროდ იქცა ანიმაციური რეჟისორების თაობებისთვის იაპონიასა და მთელ მსოფლიოში. უდიდესია მიაძაკისა და სტუდია „გიბლის“ გავლენა, რომელიც მან გარდაცვლილ რეჟისორ ისაო ტაკაჰატასთან ერთად დააარსა. Читать дальше...