Новости за 19.07.2023

ანდრეი რუბლიოვის ხატი, 1422-27 წლებში შექმნილი "სამება" - რომელიც 3 ივნისიდან გამოფენილი იყო მოსკოვის მაცხოვრის ტაძარში - ოთხშაბათს გადაიტანეს გრაბარის სახელობის სამხატვრო სამეცნიერო-სარესტავრაციო ცენტრში, სადაც ხატს კონსერვაცია და რესტავრაცია ჩაუტარდება. მანამდე ხელოვნებათმცოდნეები გამოდიოდნენ "სამების" მუზეუმიდან ტაძარში გადატანის წინააღმდეგ და აცხადებდნენ, რომ სამუზეუმო პირობების გარეთ მის შენახვას შესაძლოა შეუქცევადი ზიანი გამოეწვია. გრაბარის ცენტრში რესტავრატორებმა ხატი უნდა მოამზადონ მისი... Читать дальше...

ტანვარჯიშის საერთაშორისო ფედერაციამ (FIG) გადაწყვიტა მომავალი წლის შეჯიბრებებში დაუშვას რუსი და ბელარუსი სპორტსმენები. ისინი გამოსვლას შეძლებენ მხოლოდ ინდივიდუალურად, ნაკრებების გარეთ და მხოლოდ ნეიტრალური სტატუსით.  ფედერაციის განცხადებით, რუსი და ბელარუსი ათლეტები შეძლებენ გამოვიდნენ შეჯიბრებებში, რომლებშიც ჩატარდება შერჩევა პარიზის 2024 წლის ოლიმპიური თამაშებისთვის - თუმცა უშუალოდ ოლიმპიურ ასპარეზობაზე მათი დაშვების შესახებ გადაწყვეტილებას მიიღებს საერთაშორისო ოლიმპიური კომიტეტი.  ფედერაციამ... Читать дальше...

ბრიუსელში სამუშაო ვიზიტის ფარგლებში საქართველოს საგარეო საქმეთა მინისტრი ილია დარჩიაშვილი შეხვდა ევროკომისარს გაფართოებისა და სამეზობლო პოლიტიკის საკითხებში, ოლივერ ვარჰეის და ევროკომისიის სამეზობლოსა და გაფართოების საკითხებში მოლაპარაკებების გენერალური დირექტორატის გენერალურ დირექტორს, გერტ იან კოპმანს. როგორც საქართველოს საგარეო უწყება აცხადებს, ვიზიტის მიზანს წარმოადგენდა საქართველოს ევროკავშირში გაწევრიანების პროცესის შეფასება და საქართველო-ევროკავშირის თანამშრომლობის მიმდინარე დღის წესრიგის განხილვა და სამომავლო ნაბიჯების განსაზღვრა. Читать дальше...

ევროპის პარლამენტში LGBTI პირების უფლებებზე მომუშავე ჯგუფმა ევროკავშირის მესვეურებს მიმართა წერილით, რომელშიც შეშფოთებას გამოთქვამს ძალადობრივი თავდასხმების გამო თბილისი პრაიდის მონაწილეებზე წერილის ადრესატები არიან ევროკავშირის პრეზიდენტი, ურზულა ფონ დერ ლაიენი, ევროპული საბჭოს პრეზიდენტი, შარლ მიშელი, საქართველოში ევროკავშირის ელჩი, პაველ ჰერჩინსკი და ევროკომისარი თანასწორობის საკითხებში, ჰელენა დალი.   "საჭირო გახდა ყოველწლიური LGBTIQ Pride ღონისძიების გაუქმება და ღონისძიების მონაწილეთა ევაკუაცია შესაბამისმა უწყებებმა განახორციელეს... Читать дальше...

აშშ-მა უკრაინისთვის უსაფრთხოების სფეროში დახმარების სახით გამოაცხადა ახალი პაკეტი, 1,3 მილიარდი დოლარის მოცულობით. პაკეტი მოიცავს საჰაერო თავდაცვის მოწყობილობებს და საბრძოლო მასალებს. "ეს განცხადება წარმოადგენს დასაწყისს საკონტრაქტო პროცესისა, რომლითაც უკრაინას მიეწოდება დამატებითი პრიორიტეტული დახმარება" - ამბობს პენტაგონი 19 ივლისს.

ოჩამჩირეში დაბადებულ და გაზრდილ ზაურ კვირაიას ქართული პასპორტის მისაღებად სამართლის გამოცდაში ორი ქულა დააკლდა. მან და მისმა ცოლმა, ტატიანამ ბოლო 30 წელიწადში ორჯერ დაკარგეს სახლი. ჯერ 1993-ში, ოჩამჩირეში, შარშან კი - უკრაინის ქალაქ ხერსონში, რომელიც რუსულმა ჯარმა დაიკავა.

საქართველოს მოქალაქეობის მსურველები აბარებენ სამ ტესტს: ენაში, ისტორიაში და სამართალში.

დღემდე არაფერი შეცვლილა თბილისში, ბელიაშვილის ქუჩაზე, სადაც საბჭოთა დროინდელი მოზაიკის დაზიანებას 8 თვის წინ საზოგადოების პროტესტი და თბილისის მერიის დაპირება მოჰყვა, რომ მოზაიკას აღადგენდნენ.

რუსეთის საოკუპაციო რეჟიმის წარმომადგენლები ე.წ. საზღვრის დარღვევის ბრალდებით, არამხოლოდ ეთნიკურად ქართველებს აკავებენ. სამხრეთ ოსეთის დე ფაქტო რესპუბლიკის ტერიტორიაზე მცხოვრებლებსაც ე.წ. საზღვრის და სასაზღვრო ზონის დარღვევის გამო სოლიდური ჯარიმების გადახდა უწევთ.   18 ივლისს ოკუპირებულ სოფელ წინაგარში დე ფაქტო პრეზიდენტი ალან გაგლოევი მათი პრობლემების მოსასმენად ჩავიდა. წინაგარი ხურვალეთს და ბერშუეთს ესაზღვრება. ოსური მედიის ცნობით, იქ მცხოვრებმა ადამიანებმა  გაგლოევს შესჩივლეს, რომ რუსეთის მესაზღვრეები ხშირად აკავებენ და აჯარიმებენ. Читать дальше...

რუსულ გასამხედროებულ ჯგუფთან, "ვაგნერთან" დაკავშირებულ ტელეგრამის არხებზე გამოჩნდა ვიდეოჩანაწერი, რომელიც ასახავს "ვაგნერის" ხელმძღვანელების, ევგენი პრიგოჟინისა და დმიტრი უტკინის გამოსვლას მეომრების წინაშე. ვარაუდობენ, რომ ჩანაწერი ბელარუსშია გაკეთებული, თუმცა დადგენილი არ არის მისი გადაღების ზუსტი თარიღი. ჩანაწერში პრიგოჟინი და უტკინი აცხადებენ, რომ "ვაგნერელები" დროებით ამ ქვეყანაში დარჩებიან, შემდეგ კი აფრიკაში და, შესაძლოა, უკრაინის ფრონტზე დაბრუნდებიან. ამ პერიოდში ისინი ბელარუსის შეიარაღებული... Читать дальше...

პატიმრობაში მყოფ საქართველოს მესამე პრეზიდენტთან კლინიკა „ვივამედში" პოლონელი ექიმების ვიზიტის შესახებ ილაპარაკა პრემიერ-მინისტრმა ირაკლი ღარიბაშვილმა. ის გამოეხმაურა სააკაშვილისგან აღებული ნიმუშის მალულად გატანის საქმეს და თქვა, რომ ამის გამო ყოველგვარი სანდოობა დაიკარგა პროცესის მიმართ. პრემიერი აცხადებს, რომ ინციდენტის გამო საქართველოს მთავრობა გადახედავს პოლონელი ექიმების მონაწილეობის საკითხს.  „საერთოდ, გაუგებარი მოქმედება ჩაატარეს პოლონელმა ექიმებმა. მანამდე ძალიან ბევრი დეზინფორმაცია გავრცელდა... Читать дальше...

ევროკავშირის ხუთი ქვეყანა გაახანგრძლივებს უკრაინის მარცვლეულის იმპორტის აკრძალვას ადგილობრივი ფერმერების ინტერესების დასაცავად - აცხადებენ ამ სახელმწიფოთა სოფლის მეურნეობის მინისტრები 19 ივლისს. თუმცა, მათ ტერიტორიებზე კვლავ განხორციელდება საკვების გადაზიდვა მსოფლიოს სხვა ადგილებისთვის, რისი საჭიროებაც დადგა რუსეთის მხრიდან შავი ზღვის სატრანზიტო შეთანხმების დატოვების შემდეგ. პოლონეთის, სლოვაკეთის, უნგრეთის, ბულგარეთის და რუმინეთის მინისტრებმა ერთობლივ დეკლარაციას ხელი ვარშავაში მოაწერეს და განაცხადეს... Читать дальше...

მთიანი ყარაბაღის ბლოკადის გაძლიერებისა და ჰუმანიტარული კრიზისის გამწვავების შემდეგ ყარაბაღის დე ფაქტო პრეზიდენტმა არაიკ არუთუნიანმა „უკიდურეს ზომას“ მიმართა და სტეფანაკერტში მჯდომარე აქციას შეუერთდა.

რუსეთის სახელმწიფო მუზეუმმა "ახალი აკადემიის" მხატვრების ნამუშევრების გამოფენა გააუქმა. გამოფენა 20 ივლისს უნდა გახსნილიყო. აკადემიის პედაგოგის, ოლეგ მასლოვის განცხადებით, გამოფენა მუზეუმის ახალმა დირექტორმა აკრძალა, ვინაიდან მასში „პორნოგრაფიის პროპაგანდა“ დაინახა.   მასლოვმა გამოფენის გაუქმების შესახებ თავის ფეისბუკის გვერდზეც დაწერა. გამოფენის ანონსი გაქრა მუზეუმის ვებგვერდიდანაც. მუზეუმის ახალმა დირექტორმა ანა მალინოვამ თანამდებობა აპრილში დაიკავა, მანამდე ის პეტერბურგის ვიცეგუბერნატორის პოსტს იკავებდა კულტურის დარგში. Читать дальше...

ჩაქვში მდებარე სასტუმრო „Dreamland Oasis"-ის ადვოკატი ამბობს, რომ აუზზე, სადაც 18 ივლისს, 5 წლამდე ასაკის ბავშვი დაიხრჩო, ყველა რეგულაცია დაცული იყო. კახა წერეთლის თქმით, მოქმედი კანონმდებლობით, სასტუმროებს აუზში ჩასვლის პროცესის კონტროლის ვალდებულება არ აქვთ. რეგულაცია კი მისი თქმით, მხოლოდ უსაფრთხოების წესების თვალსაჩინო ადგილას გამოკვრას გულისხმობს და ეს რეგულაცია აუზის ტერიტორიაზე დაცული იყო: „არ არსებობს რეგულაცია, რომ აუზთან მაშველი უნდა იყოს თუ არა. პირდაპირი ვალდებულება არ არსებობს. გაფრთხილებები კი ყველგან გამოკრულია... Читать дальше...

ცნობილ ბელარუს ჟურნალისტს და ფოტოგრაფს, ზმიცერ ბაიაროვიჩს და მის ცოლს, ვალერიას, ასამართლებენ იმ მასობრივ საპროტესტო დემონსტრაციებში მონაწილეობისთვის, რომლებიც იმართებოდა 2020 წლის აგვისტოს საპრეზიდენტო არჩევნების ოფიციალური შედეგების წინააღმდეგ, რომლის მიხედვითაც, არჩევნებში გამარჯვებულად გამოცხადდა ბელარუსის ავტორიტარი მმართველი ალიაქსანდრ ლუკაშენკა. მინსკის ლენინის რაიონის მოსამართლე იულია ინჩინამ სასამართლო პროცესი 19 ივლისს გახსნა. ბაიაროვიჩი და მისი ცოლი მარტში დააპატიმრეს, თავიანთ საცხოვრებელ სახლთან ახლოს. Читать дальше...

რუსეთის ყოველდღიური საჰაერო თავდასხმებისა და უკრაინის არმიის კონტრშეტევის პარალელურად, დასავლელი პარტნიორები გრძელვადიანი, უწყვეტი დახმარების მობილიზაციაზე ზრუნავენ. ვილნიუსის სამიტისშემდგომ, ონლაინ "რამშტაინზე", შავი ზღვის მარცვლეულის დერეფნის პერსპექტივასა და სხვა საგულისხმო ამბებს მიმოვიხილავთ.

ბრიტანეთის უცხოეთის სადაზვერვო სამსახურის, MI6-ის ხელმძღვანელის, რიჩარდ მურის თქმით, ივნისში რუსული გასამხედროებული ჯგუფის, "ვაგნერის", ამბოხების მცდელობამ აჩვენა, რომ რუსეთის პრეზიდენტი ვლადიმირ პუტინი ზეწოლის ქვეშაა. მურმა დასძინა, რომ ოპტიმისტურად აფასებს უკრაინის მიერ წარმოებულ კონტრშეტევას. პრაღაში ვიზიტისას, 19 ივლისს წარმოთქმულ სიტყვაში მურმა ასევე თქვა, რომ რუსებმა, რომლებიც შეძრწუნებული არიან უკრაინაში მიმდინარე ომით, უნდა ითანამშრომლონ მის სადაზვერვო სამსახურთან იმისთვის, რომ სისხლისღვრას წერტილი დაესვას.

უკრაინის პრეზიდენტმა ვოლოდიმირ ზელენსკიმ რუსეთს ბრალი დასდო ღამით იერიშის განზრახ მიტანაში შავ ზღვაზე, ოდესის პორტში მდებარე მარცვლეულის ობიექტებზე. პარალელურად, ანექსირებულ ყირიმში, რუსეთის საბრძოლო მასალების საწყობში 19 ივლისს, დილით ადრე, გაჩნდა ხანძარი და მოხდა აფეთქება, რამაც გამოიწვია მასობრივი ევაკუაცია და გზის გადაკეტვა. ოდესის რეგიონზე ღამით მიტანილი იერიში "ყველაზე მასშტაბური" იყო ომის დაწყების შემდეგ, - უთხრა რეგიონის სამხედრო ადმინისტრაციამ რადიო თავისუფლებას. ერთ-ერთმა ოფიციალურმა პირმა თქვა, რომ ეს იყო "ჯოჯოხეთური ღამე". Читать дальше...

სამხრეთ აფრიკაში, აგვისტოში დაგეგმილ ბრაზილიის, რუსეთის, ინდოეთის, ჩინეთისა და სამხრეთ აფრიკის რესპუბლიკის (BRICS) ლიდერთა სამიტზე რუსეთის პრეზიდენტის ვლადიმირ პუტინის ნაცვლად საქმეთა მინისტრი სერგეი ლავროვი ჩავა. ინფორმაციას ამის შესახებ სამხრეთ აფრიკის პრეზიდენტის ვებსაიტი აქვეყნებს. ინფორმაციის თანახმად ცვლილება ორმხრივი შეთანხმების საფუძველზე შედგა. მანამდე, სამხრეთ აფრიკის რესპუბლიკის პრეზიდენტმა სირილ რამაფოსამ სისხლის სამართლის საერთაშორისო სასამართლოსგან ითხოვა ნებართვა, არ დაეპატიმრებინათ რუსეთის პრეზიდენტი ვლადიმირ პუტინი... Читать дальше...

ორგანიზაცია "ჰიუმან რაიტს უოჩის" (HRW) თანახმად, შესაძლო ომის დანაშაულის სტატუსით უნდა იქნეს გამოძიებული 6 ივლისის სარაკეტო თავდასხმა დასავლეთ უკრაინის ქალაქ ლვოვზე, რომელსაც მაღალსართულიანი სახლის 10 მცხოვრები ემსხვერპლა. უფლებადამცველი ჯგუფის მიერ 19 ივლისს გავრცელებული განცხადებით, "რუსეთის ძალებმა ფრთოსანი რაკეტები გამოიყენეს 6 ივლისის შეტევისას ლვოვზე და უკანონოდ დაესხნენ თავს მაღალსართულიან საცხოვრებელ სახლს, რომელიც სავსე იყო მძინარე სამოქალაქო პირებით, რაც ომის კანონებთან წინააღმდეგობაში მოდის".

აშშ მიიჩნევს, რომ რუსეთის ძალების წინააღმდეგ წარმოებული კონტრშეტევისას უკრაინას პროგრესი აღენიშნება და ბრძოლაში გამოსაყენებლად კვლავაც დარჩენილი აქვს "მნიშვნელოვანი" რესურსი - აცხადებს ამერიკელი გენერალი, გაერთიანებული შტაბის ხელმძღვანელი მარკ მილი. "უდიდესი საფასურის მიუხედავად, უკრაინელები წინ მიიწევენ სტაბილურად და განზრახვის თანახმად, უძლებენ დაუნდობელ და სისხლიან ბრძოლებს თავიანთი სამშობლოს დასაბრუნებლად", - უთხრა მილიმ ჟურნალისტებს 18 ივლისს, უკრაინის თავდაცვის სფეროს წარმომადგენლებთან ვირტუალური შეხვედრის შემდეგ. Читать дальше...

ამერიკის შეერთებულმა შტატებმა უახლოეს მომავალში შესაძლოა, ყირგიზეთს სანქციები დაუწესოს რუსეთისთვის დაწესებული შეზღუდვების გვერდის ავლაში დახმარებისთვის და შავ სიაში შეიყვანოს ის კომპანიები, რომლებსაც ჩინეთიდან და სამხრეთ კორეიდან იმპორტირებული პროდუქცია რუსეთში გააქვთ ექსპორტზე - ინფორმაციას The Washington Post-ი ავრცელებს ამერიკელ მაღალჩინოსნებზე დაყრდნობით. გამოცემა წერს, რომ მას შემდეგ, რაც რუსეთი დასავლეთისგან სამხედრო გამოყენების პროდუქტს ვეღარ იღებს, მოსკოვი მუდმივად ეძებს დახმარებას ცენტრალური აზიისა და პოსტსაბჭოთა ქვეყნებისგან. Читать дальше...

19 ივლისს მსოფლიოს სამ კონტინენტზე მილიონობით ადამიანი შეაწუხა ჰაერის ტემპერატურის მკვეთრმა ზრდამ, ხანძრებისა და ჯანმრთელობისთვის შექმნილი საფრთხეების ფონზე. საბერძნეთში ებრძვიან ხანძრებს, რეკორდულად მაღალი ტემპერატურა აღირიცხა აშშ-ში, ევროპასა და ჩინეთში. ექსპერტთა თქმით, ამჟამინდელი ექსტრემალური სიცხის გამომწვევი გადამწყვეტი ფაქტორია კლიმატის ცვლილება, რომელსაც, თავის მხრივ, იწვევს წიაღისეული საწვავის წვა.

პოლონეთის საგარეო საქმეთა სამინისტრო ავრცელებს განცხადებას პატიმრობაში მყოფ საქართველოს მესამე პრეზიდენტთან კლინიკა "ვივამედში" პოლონელი ექიმების ვიზიტის დროს მომხდარ ინციდენტთან დაკავშირებით. საგარეო საქმეთა სამინისტრო იმედოვნებს, რომ თანამშრომლობა უცვლელად გაგრძელდება. "თბილისში, ვივამედის კლინიკაში, პრეზიდენტ მიხეილ სააკაშვილთან პოლონელი ექიმების ვიზიტის დროს, რომლის მიზანი იყო ყოფილი პრეზიდენტის დახმარება, მოხდა შეთანხმებასთან შეუსაბამო, განუზრახველი და გაუთვალისწინებელი ინციდენტი, რაც დაუყოვნებლივ... Читать дальше...