Новости за 08.12.2021

„ერთიანი ნაციონალური მოძრაობის“ თავმჯდომარემ ნიკა მელიამ დაასახელა ხუთი მუნიციპალიტეტი (წალენჯიხა, ზუგდიდი, სენაკი, ჩხოროწყუ, რუსთავი), რომელთა საკრებულოებშიც ოპოზიციას აქვს უმრავლესობა. მან დააზუსტა, რომ ამ მუნიციპალიტეტებში უმრავლესობა მანდატებისა აქვს „ნაციონალურ მოძრაობას“, მაგრამ ეს არ არის საკმარისი საკრებულოს თავმჯდომარის დამოუკიდებლად ასარჩევად. ამიტომ, მელია მზად არის გარკვეული დათქმით, გაიზიაროს „გახარია საქართველოსთვის“ წინადადება. „ქართულ ოპოზიციურ სპექტრში იყო გახარიას პარტიის განცხადება... Читать дальше...

რუსეთის ინტერვენციის შემთხვევაში უკრაინის დასაცავად აშშ-ის ჯარების გაგზავნა არ იგეგმება, ვინაიდან უკრაინა არ არის ნატოს წევრი ქვეყანა, განაცხადა აშშ-ის პრეზიდენტმა ჯო ბაიდენმა. „იდეა, რომ შეერთებული შტატები ცალმხრივი წესით გამოიყენებს ძალას, რათა წინ აღუდგეს რუსეთის შეჭრას უკრაინაში, ამ მომენტში არ განიხილება. ჩვენ გვაქვს მორალური და იურიდიული პასუხისმგებლობა ნატოში ჩვენი მოკავშირეების მიმართ - ხელშეკრულების მეხუთე მუხლის მიხედვით. მაგრამ ეს გარემოება არ ვრცელდება უკრაინაზე,“ განაცხადა ბაიდენმა ოთხშაბათს თეთრ სახლში... Читать дальше...

აშშ-ისა და რუსეთის პრეზიდენტების ორსაათიან საუბარს არ მოუტანია გარღვევა ორი ქვეყნის ურთიერთობაში, მაგრამ, რაც შეეხება რუსეთის შესაძლო აგრესიას უკრაინის წინააღმდეგ, ჯო ბაიდენმა მკაფიოდ მიახვედრა ვლადიმერ პუტინს, რომ აშშ მზად არის წავიდეს ყველაზე უფრო მკაცრ სანქციებზე და გააკეთოს ის, რაც 2014 წელს არ გაუკეთებია. „პრეზიდენტმა ბაიდენმა სრულიად პირდაპირ განუცხადა პრეზიდენტ პუტინს: თუ რუსეთი კიდევ უფრო ღრმად შეიჭრება უკრაინაში, აშშ და მისი ევროპელი მოკავშირეები ამას მკაცრი ეკონომიკური ზომებით უპასუხებენ. Читать дальше...

უგზო-უკვლოდ დაკარგული 8 ადამიანის ცხედარი, წითელი ჯვრის დახმარებით, აფხაზეთიდან გადმოასვენეს. ისინი 1992-93 წლების კონფლიქტის დროს გაუჩინარდნენ. ნეშტებს აფხაზეთში, სხვადასხვა ადგილას 2017-2019 წლებში მიაგნეს. გარდაცვლილებს 9 დეკემბერს დაკრძალავენ, მანამდე კი თბილისში, სამების ტაძარში სამოქალაქო პანაშვიდი იმართება. რადიო თავისუფლებამ მათი ახლობლების დახმარებით მოკლე ისტორიები შეაგროვა. რუსუდან ხობუა, გურამ ჩიქოვანის მეუღლე: „ჩემი მეუღლე გურამ ჩიქოვანი ეროვნულ მოძრაობაში იყო ჩართული, მერე ომი დაიწყო და იქ იბრძოდა. Читать дальше...

რუსეთის საგარეო საქმეთა სამინისტრომ მოსკოვში აშშ-ის საელჩოს გადასცა საპროტესტო ნოტა და გააფრთხილა შავ ზღვაში საჰაერო ინციდენტების სახიფათო შედეგების შესახებ. ამის თაობაზე სამინისტროს ოფიციალურმა წარმომადგენელმა მარია ზახაროვამ განაცხადა. სამინისტროს ვებსაიტზე გამოქვეყნებულ განცხადებაში აღნიშნულია, რომ „აშშ-ისა და ნატოს წევრთა აქტიურობა რუსეთის საზღვრების პერიმეტრზე, მათ შორის საბრძოლო ავიაციის ფრენა და სამხედრო-საზღვაო ძალების სახიფათო მანევრები, სიჩქარეს იკრებს.“ მანამდე „როსავიაციამ“ განაცხადა ინციდენტის შესახებ... Читать дальше...

ნინო გოგორიშვილმა, რომელიც პატიმრობაში მყოფი საქართველოს მესამე პრეზიდენტის მკურნალი ექიმია, მისი ჯანმრთელობის მდგომარეობის შესახებ ილაპარაკა გორის სამხედრო ჰოსპიტალთან. „მიხეილ სააკაშვილის ჯანმრთელობის მდგომარეობის შესახებ მისი ობიექტური მონაცემები დიდად არ განსხვავდება წინა სასამართლო სხდომის დროინდელისგან. თვითონ უფრო სუსტად მიიჩნევს თავს, ამიტომ, 9 დეკემბრის პროცესზე მისი წასვლა-არწასვლის საკითხი მისი გადასაწყვეტი იქნება“, - თქვა ნინო გოგორიშვილმა. ის აღნიშნავს, რომ სააკაშვილს წნევის პრობლემა ჰქონდა 7 დეკემბერს, დღეს ეს პრობლემა არ აქვს. Читать дальше...

ორწლიანი პროცესის შემდეგ, 2021 წლის 8 დეკემბერს, საქალაქო სასამართლომ უარი უთხრა „რუსთავი 2“-ის დამფუძნებლებს ჯარჯი აქიმიძესა და დავით დვალს კომპანიის დაბრუნებაზე და „რუსთავი 2“ ქიბარ ხალვაშის მფლობელობაში დატოვა.

გორის სამხედრო ჰოსპიტალში პატიმრობაში მყოფი საქართველოს მესამე პრეზიდენტის მიხეილ სააკაშვილის მონახულების შემდეგ, ცენტრ „ემპათიის“ ხელმძღვანელმა მარიამ ჯიშკარიანმა თქვა, რომ ექსპრეზიდენტი კვლავ საჭიროებს მკურნალობას. მისი თქმით, საჭიროა ინტენსიური მკურნალობა-რეაბილიტაციის კურსის შერჩევა, განსაკუთრებით ნეირო-ფსიქოლოგიური მიმართულებით. ჯიშკარიანი შეეხო სააკაშვილთან გლდანის #18 სამკურნალო დაწესებულების თანამშრომლების მისვლას. „გუშინდელმა ფაქტმა, რა თქმა უნდა, გაამწვავა არაადამიანურ მოპყრობასთან... Читать дальше...

პატიმრობაში მყოფი საქართველოს მესამე პრეზიდენტი გორის სამხედრო ჰოსპიტალში ნახა დედამ, გიული ალასანიამ. მან ჟურნალისტებს გადასცა ექსპრეზიდენტის წერილი, რომელშიც ის აღნიშნავს, რომ, სავარაუდოდ, ვერ დაესწრება 9 დეკემბერს დანიშნულ სასამართლო პროცესს. „ვატყობ, რომ ხვალ სისუსტის გამო დიდი ალბათობით ვერ დავესწრები პროცესს“, - ვკითხულობთ მიხეილ სააკაშვილის წერილში. 9 დეკემბერს საქართველოს სახელმწიფო საზღვრის უკანონო კვეთის საქმეზე თბილისის საქალაქო სასამართლოში მიხეილ სააკაშვილის სასამართლო პროცესი გაიმართება. Читать дальше...

გორის საგანმანათლებლო რესურსცენტრის ხელმძღვანელის ნანა ტერმაკოზაშვილის ინფორმაციით, გორში დაკარგული 12 წლის მოზარდი იპოვეს. არსებული ინფორმაციით, გოგონა უკვე ნახეს ოჯახის წევრებმა. სამძებრო მოქმედებები 8 საათის განმავლობაში მიმდინარეობდა. რამდენიმე წუთის წინ პოლიციის შენობაში გოგონას მშობლები იმყოფებოდნენ, რომლებიც პოლიციის ავტომანქანით გაურკვეველი მიმართულებით წაიყვანეს. დეტალები ჯერჯერობით უცნობია. მოზარდს სამართალდამცველები დილიდან ეძებდნენ. ძმამ გოგონა დილით სკოლასთან მიიყვანა, თუმცა როგორც სკოლის კამერების ვიდეოჩანაწერით გაირკვა... Читать дальше...

ინდოეთის თავდაცვის შტაბის უფროსი ბიპინ რავათი და კიდევ 12 ადამიანი - მათ შორის რავათის მეუღლე - დაიღუპნენ ოთხშაბათს, როცა მათმა ვერტმფრენმა ავარია განიცადა ქვეყნის სამხრეთში, თამილნადის შტატში. კატასტროფის შედეგად გადარჩა ერთი ადამიანი, რომელმაც ტრავმები მიიღო და ჰოსპიტალიზებულია. ბიპინ რავათი ინდოეთის თავდაცვის შტაბის პირველი ხელმძღვანელი იყო მას შემდეგ, რაც ეს თანამდებობა შემოიღეს 2019 წელს. ის პრემიერ-მინისტრ ნარენდრა მოდის ერთ-ერთ უახლოეს თანამებრძოლად ითვლებოდა. რუსული წარმოების ვერტმფრენი Mi-17... Читать дальше...

„კონსერვატიული მოძრაობა“ როგორც პოლიტიკური პარტია დარეგისტრირებულია. საჯარო რეესტრის ეროვნული სააგენტოს ვებსაიტზე, ჰომოფობიური გამოსვლებით ცნობილი და 5 ივლისის ძალადობრივი აქციის ორგანიზატორი „ალტ-ინფოს“ ჯგუფის მიერ დაფუძნებული პარტიის წესდება ჯერჯერობით ატვირთული არ არის, თუმცა, პარტიის ერთ-ერთი დამფუძნებელი კონსტანტინე მორგოშია რადიო თავისუფლებას ეუბნება, რომ ხარვეზები შესწორებულია, პარტიამ კი პოლიტიკური საქმიანობა უკვე დაიწყო. „კონსერვატიული მოძრაობის“ ყრილობის შემდეგ, მალევე, პარტიის დამფუძნებელი მდივანი გიორგი ქარდავა... Читать дальше...

რუსეთის მიერ ოკუპირებული აფხაზეთის დე ფაქტო რესპუბლიკის ე.წ. საგარეო საქმეთა მინისტრმა ინალ არძინბამ ადგილობრივი ოპოზიციის იმ განცხადებებს უპასუხა, რომლის თანახმად ე.წ. პრეზიდენტს ასლან ბჟანიას პროქართული ორიენტირი აქვს. არძინბას თქმით, „არავითარი თამაში საქართველოსთან არ არის და არც იქნება“. „აფხაზეთის რესპუბლიკის პრეზიდენტი, რომელსაც დიდი ხანია ვიცნობ, მთელ ძალისხმევას მიმართავს ჩვენი ეროვნული ინტერესებისკენ და საქართველოსკენ არავითარი ორიენტირი არ არის. მსგავს განცხადებებს არაკორექტულად მივიჩნევ“, - ამბობს ის. Читать дальше...

რუსეთის კოსმოსურმა რაკეტამ, რომელშიც იაპონელი მილიარდერი და რუსეთის სახელმწიფო საინფორმაციო სააგენტო ტასის ჟურნალისტი იმყოფებიან, 8 დეკემბერს დილით აიღო სტარტი ყაზახეთში მდებარე ბაიკონურის კოსმოდრომიდან. დედამიწისთვის ოთხჯერ შემოვლის შემდეგ Soyuz MS-20 საერთაშორისო კოსმოსურ სადგურთან შეპირაპირდა. რაკეტით კოსმოსში გაფრინდნენ იაპონელი მილიარდერი იასაკუ მაეზავა, მისი ასისტენტი და ტასის რეპორტიორი ალექსანდრ მისურკინი. ეს უკანასკნელი 12 წლის განმავლობაში პირველი შემთხვევაა, როცა რუსეთმა კოსმოსში გაუშვა ტურისტები. Читать дальше...

გორში 12 წლის მოზარდს დილის შემდეგ სამართალდამცავები ეძებენ. ძმამ გოგონა დილით სკოლასთან მიიყვანა, თუმცა, როგორც სკოლის კამერების ვიდეოჩანაწერით ირკვევა, ის სკოლაში არ შესულა და გვერდით ქუჩაზე გააგრძელა გზა. ამის შემდეგ მისი კვალი ქრება. რადიო თავისუფლების ინფორმაციით, მოზარდის მშობლები ახლა პოლიციის განყოფილებაში გამოკითხვაზე იმყოფებიან. ისიც ცნობილია, რომ სამართალდამცავებმა სკოლის ვიდეოკამერების ჩანაწერები უკვე ამოიღეს და გაშიფრეს. შსს-ს ცნობით, მოზარდის აქტიური ძებნა მიმდინარეობს ამ წუთებშიც.

საქართველოს ეროვნულმა ბანკმა დაადგინა ეროვნული ვალუტის გაცვლითი კურსი. 8 დეკემბერს გამართული ვაჭრობის შედეგად, ლარი აშშ დოლართან მიმართებით 0,82 თეთრით გაუფასურდა და ერთი დოლარის ოფიციალური ღირებულება 3,0991 ლარს შეადგენს. ეროვნული ბანკის მიერ დადგენილი კურსის მიხედვით, ეროვნული ვალუტა ევროსთან მიმართებით 1,85 თეთრით გაუფასურდა, შედეგად ერთი ევროს ოფიციალური ღირებულება 3,4998​ ლარი გახდა. ასევე, ლარი 0,16 თეთრით გაუფასურდა თურქულ ლირასთან მიმართებით და ერთი თურქული ლირის ღირებულება 22,68 თეთრი გახდა. Читать дальше...

ცენტრ „ემპათიის“ ხელმძღვანელი მარიამ ჯიშკარიანი აცხადებს, რომ პირები, რომლებიც მონაწილეობდნენ საქართველოს ექსპრეზიდენტის, მიხეილ სააკაშვილის მიმართ სავარაუდოდ განხორციელებულ არაჰუმანურ მოპყრობასა და წამებაში, გამოძიების დასრულებამდე გადაყენებულ უნდა იქნენ თანამდებობიდან. მარიამ ჯიშკარიანის თქმით, თანამდებობა უნდა დატოვოს იუსტიციის მინისტრმა რატი ბრეგაძემაც. ეს განცხადება ფსიქიატრმა გორის სამხედრო ჰოსპიტალში, მიხეილ სააკაშვილთან შესვლამდე გააკეთა. მისივე თქმით, დასკვნაში, რომელსაც „ემპათია“ უახლოეს პერიოდში წარადგენს... Читать дальше...

დიდი ბრიტანეთის საგარეო საქმეთა მინისტრმა ლიზ ტრასმა ირანს მოუწოდა, დაუბრუნდეს მსოფლიოს წამყვანი ქვეყნების მიერ 2015 წელს მიღწეულ შეთანხმებას. მისი თქმით, ეს ამის გაკეთების „უკანასკნელი შანსია“. „ეს მართლაც უკანასკნელი შანსია ირანისთვის, რომ ხელი მოაწეროს. დაჟინებით მოვუწოდებ მათ, გააკეთონ ეს, ვინაიდან ჩვენს მოკავშირეებთან ერთად მყარად გვაქვს გადაწყვეტილი, ხელი შევუშალოთ ირანს ბირთვული იარაღის მოპოვებაში“, - უთხრა ტრასმა 8 დეკემბერს ანალიტიკურ ცენტრ Chatham House-ს. თეირანის სადავო ბირთვული პროგრამის... Читать дальше...

საქართველოს კალათბურთის ფედერაციის მოქმედმა პრეზიდენტმა პაატა გურასპაულმა გადაწყვიტა, მოახლოებულ საპრეზიდენტო არჩევნებში მონაწილეობა აღარ მიიღოს, საკუთარი კანდიდატურა მოხსნას და თავის ერთადერთ კონკურენტს - ვეტერან კალათბურთელს, პარლამენტარ ვიქტორ სანიკიძეს თანამდებობა კონკურენციის გარეშე დაუთმოს. ამის შესახებ გურასპაულმა დღეს განაცხადა, სწორედ სანიკიძესთან ერთად გამართულ პრესკონფერენციაზე. „გადავწყვიტეთ, მომავალ არჩევნებზე ერთი გუნდით წარვდგეთ და პრეზიდენტობის კანდიდატი ვიქტორ სანიკიძე იქნება"... Читать дальше...

გორის სამხედრო ჰოსპიტალში შეხვდა პატიმრობაში მყოფ საქართველოს მესამე პრეზიდენტს, მიხეილ სააკაშვილს ფრაქცია „ერთიანი ნაციონალური მოძრაობის" წევრი ეკა ხერხეულიძე. როგორც დეპუტატი ამბობს, სააკაშვილს უჭირს თავისუფლად გადაადგილება. ეკა ხერხეულიძე აცხადებს, რომ ჯანმრთელობის მდგომარეობიდან გამომდინარე, მიხეილ სააკაშვილი ვერ შეძლებს 9 დეკემბერს დანიშნულ სასამართლო სხდომაზე დასწრებას. „ამის გამო მას ძალიან გული წყდება. იცით, რომ სასამართლო არის ერთადერთი შესაძლებლობა, სადაც მას შეუძლია, ეს პლატფორმა გამოიყენოს ტრიბუნად და... Читать дальше...

რუსმა ოპოზიციონერმა პოლიტიკოსმა, ალექსეი ნავალნიმ, რომელიც პატიმრობას იხდის ვლადიმირის ოლქში, ქალაქ პოკროვის კოლონიაში, ოთხშაბათს მეხუთე სარჩელი შეიტანა პენიტენციური დაწესებულების ხელმძღვანელობის წინააღმდეგ. ამას მეტყველებს ქალაქ პეტუშკის რაიონული სასამართლოს ვებსაიტი. როგორც სასამართლოს შეტყობინებიდან ჩანს, ნავალნის სარჩელი ეხება კოლონიის ადმინისტრაციის მოქმედებას, მაგრამ არ არის დაკავშირებული კოლონიაში პატიმრობის პირობებთან. მოთხოვნების შესახებ დეტალებს ჯერჯერობით არ იტყობინებიან. მანამდე სასამართლომ... Читать дальше...

თბილისის მერი კახა კალაძე პოლიტიკურ ოპონენტებს მიმართავს და მოუწოდებს, კონკურენციის მიუხედავად, შეეცადონ, ქალაქის განვითარებაში საკუთარი წვლილი შეიტანონ. „შესაძლოა, არ გვქონდეს მეგობრული ურთიერთობა, მაგრამ ოპოზიციასთან თანამშრომლობა სხვადასხვა საკითხზე, ძალიან მნიშვნელოვანია“, - აცხადებს კახა კალაძემ. თბილისის მერის თქმით, ქვეყანას და თბილისს დასაკარგი დრო აღარ აქვს: „მქონდა წარმოდგენა, რომ ყველაფრის მიუხედავად, შეძლებდნენ, იყვნენ კონსტრუქციული, რადგან ამ ქალაქის მოსახლეობის გარკვეულმა ნაწილმა მათ დაუჭირა მხარი და მისცა შესაძლებლობა... Читать дальше...

ზამთრის ოცდამეოთხე ოლიმპიურ თამაშებამდე ორ თვეზე ნაკლები რჩება. პეკინი-2022-ის საორგანიზაციო კომიტეტი აქტიურად ემზადება ოლიმპიადის გახსნის ცერემონიალისთვის, რომელიც 4 თებერვალს უნდა გაიმართოს პეკინის ეროვნულ სტადიონზე, მაგრამ ბოლო პერიოდში მოვლენები ისე ვითარდება, შესაძლოა, გახსნის ცერემონიალზე დაპატიჟებულ საპატიო სტუმართა დიდი ნაწილი ოლიმპიური თამაშების მასპინძელ ქვეყანაში საერთოდ არ ჩავიდეს. ამერიკის შეერთებული შტატების პრეზიდენტმა ჯო ბაიდენმა ჯერ კიდევ ერთი თვის წინ უთხრა ჟურნალისტებს, რომ მისი... Читать дальше...

კოალიცია „მედიის ადვოკატირებისთვის“ მიმართავს სახალხო დამცველს შეისწავლოს ბრიფინგებზე ჟურნალისტების დისკრიმინაციის ფაქტები და გამოსცეს შესაბამისი რეკომენდაცია, ასევე დაწესებულებებსა და პირებს გაუგზავნოს ზოგადი წინადადებები დისკრიმინაციის თავიდან აცილებისა და მის წინააღმდეგ ბრძოლის საკითხებზე. კოალიცია “მედიის ადვოკატირებისთვის” აცხადებს, რომ მზადაა წარმოადგინოს ჟურნალისტების და მედიაორგანიზაციების ინტერესები სადავო საკითხის განხილვისას. ორგანიზაცია ეხმიანება 8 დეკემბრის შემთხვევას, როდესაც კულტურის... Читать дальше...

ყვარელი-ლაგოდეხის დამაკავშირებელ ცენტრალურ გზასთან, სოფელ მთისძირის მიმდებარე ტერიტორიაზე აღმოაჩინეს აგურით ნაშენები ხიდი, რომელიც სპეციალისტების წინასწარი ინფორმაციით, ირანიდან მომავალი "საქარავნო გზის" შემადგენელი ნაწილი უნდა იყოს. ლაგოდეხის მხარეთმცოდნეობის მუზეუმის ხელმძღვანელმა დავით ყვავაძემ რადიო თავისუფლებას უთხრა, რომ ხიდი შემთხვევით ერთ-ერთმა ადგილობრივმა იპოვა. "სოფელ აფენში ერთ-ერთმა მწყემსმა საქონლის ძოვებისას შემთხვევით ნახა ეს ხიდი, რომელიც მთლიან ბარდ-ეკლისგან და ნაწილობრივ მიწისგან იყო დაფარული. Читать дальше...