Новости за 07.03.2021

სახელმწიფო დაცვის სამსახურის უფროსი, ანზორ ჩუბინიძე აცხადებს, რომ "TV პირველის" მიერ გავრცელებული აუდიოჩანაწერების შინაარსს იუმორის გარეშე ვერ შეხედავს. ასე გამოეხმაურა ის "იმედის" ეთერში მისი ირაკლი ღარიბაშვილისა და ბერა ივანიშვილის შესაძლო საუბარს. "ეს იყო გამიზნული პროვოკაცია დაფუძნებული რაღაც გაუგებარ ჩანაწერებზე, თუმცა ჩემთვის გასაოცარი იყო ​უტიფრობის და აბსურდულობის სიღრმე. აბსურდული მცდელობა, რომ ქართველი საზოგადოება დაარწმუნონ, რომ ანზორ ჩუბინიძე კარდაკარ, ქუჩა-ქუჩა ბავშვებს დასდევს და უსწორდება - ამას იუმორის გარეშე ვერ მივიღებ. Читать дальше...

"გირჩის" ლიდერი იაგო ხვიჩია არ გამორიცხავს, რომ "TV პირველის" ეთერით გავრცელებული ფარული ჩანაწერების მიზანი ხელისუფლებასა და ოპოზიციას შორის მოლაპარაკების ჩაშლა ყოფილიყო.  "მე ვუშვებ იმას, რომ ეს ჩანაწერები საჯარო სივრცეში მოხვდა სწორედ იმის გამო, რომ მოლაპარაკებები ჩაიშალოს. ამის უარყოფა შეუძლებელია იმიტომ, რომ ზუსტად ისე, როგორც ქართული ოცნება შლიდა მოლაპარაკებებს, მაგალითად ნიკა მელიას დაჭერით, ასევე შეიძლება ამას აკეთებდეს ვიღაც", - თქვა ხვიჩამ "იმედის" გავრცელებულ კომენტარში. "ქართულ ოცნებაში" აცხადებენ... Читать дальше...

15 არასამთავრობო ორგანიზაცია "TV პირველის" ეთერით გავრცელებული ჩანაწერის გამო მასში მონაწილე ერთ-ერთი პირისგან, საქართველოს პრემიერ-მინისტრისგან, ირაკლი ღარიბაშვილისგან განმარტებებს მოითხოვს. ღარიბაშვილი ამ საკითხს ამ დრომდე არ გამოხმაურებია. "ჩანაწერი მიუთითებს, რომ განხორციელდა ახალგაზრდების, მათ შორის, არასრულწლოვანი პირების დევნა და მუქარა, მათ მიერ სოციალურ ქსელში სხვადასხვა ფორმით გამოხატული მოსაზრებების გამო. ჩვენთვის უცნობია, რამდენად ავთენტურია გავრცელებული ჩანაწერი, თუმცა მისი შინაარსი... Читать дальше...

საპარლამენტო უმრავლესობის წევრი, ნინო წილოსანი "TV პირველის" მიერ გავრცელებულ აუდიოჩანაწერზე საუბრისას Deepfake-სა და ტყუილს ახსენებს. მისი თქმით, საზოგადოება, ერთი მხრივ, გმობს ფარულ ჩანაწერებს, მეორე მხრივ კი "ინტერესით და გაფართოებული თვალებით" ეცნობა. "ონლაინსამყაროს წესებით, Deepfake-სა და თანამედროვე ტექნილოგიების გამოყენებით შექმნილ ტყუილებს მაშინ გაეცემა პასუხი, როცა ჩვენ ადეკვატურ რეაგირებას დავიწყებთ. გუშინ გავრცელებული მდაბიოდ შეკოწიწებული ფეიკ ჩანაწერები, მეტი არაფერია თუ არა დაგეგმილი... Читать дальше...

ბათუმში, პუშკინის ქუჩაზე საცხოვრებელ სახლში გაჩნდა ხანძარი, სადაც მეხანძრე-მაშველებმა შეზღუდული შესაძლებლობების მქონე ერთი პირი გარდაცვლილი იპოვეს, სამი მცხოვრები ხანძრიდან გამოიყვანეს. სახლში სულ ხუთი ოჯახი ცხოვრობს. "ხანძარი ლოკალიზებულია. ნაპოვნია შშმ პირის ცხედარი. მიმდინარეობს ხანძრის სალიკვიდაციო სამუშაოები. ადგილზე მობილიზებულია 5 სახანძრო-სამაშველო ეკიპაჟი", - აცხადებენ სამაშველო სამსახურში. მეხანძრეებთან ერთად შემთხვევის ადგილზე მუშაობენ ექსპერტ-კრიმინალისტები და ბათუმის მუნიციპალიტეტის სამსახურების წარმომადგენლები. Читать дальше...

"ქართული ოცნების" თავმჯდომარე, ირაკლი კობახიძე "TV პირველის" ეთერით გავრცელებულ ჩანაწერებს "ნაციონალური მოძრაობის" ხელწერას უწოდებს და ჩანაწერის გავრცელებულ ვერსიას კი ფაბრიკაციას. კობახიძე ჩანაწერებთან დაკავშირებით "ფეისბუკზე" პოსტს ირაკლი ღარიბაშვილისა და ბერა ივანიშვილის ერთად გადაღებული ფოტოთი აქვეყნებს. "ეს პარტია ვერ ამაღლდა და ვერც ვერასდროს ამაღლდება "კუდის" სიმაღლიდან, ანუ მორალური და პოლიტიკური ფსკერიდან. მთავარია, რომ ქართული საზოგადოება კვლავაც კარგად არჩევს თეთრსა და შავს. ჩემი პატივისცემა ღირსეულ პრემიერს... Читать дальше...

ნაზანინ ზაღარი-რატკლიფს, ირანული წარმოშობის ბრიტანელს, რომელიც ჰუმანიტარულ ორგანიზაციაში მუშაობდა, ახსნეს ელექტრონული სამაჯური, რადგან გაუვიდა ირანში მისთვის შეფარდებული სასჯელის ვადა 7 მარტს, მაგრამ არ არის ცხადი, შეუძლია თუ არა ისლამური რესპუბლიკის დატოვება. ირანის სააგენტო ISNA იტყობინება, რომ ზაღარი-რატკლიფი 13 მარტს დაიბარეს სასამართლოში, რამაც იმედი, რომ ის დაუყოვნებლივ შეძლებდა სამშობლოში დაბრუნებას, შეამცირა. ბრიტანეთის საგარეო საქმეთა მინისტრმა, დომინიკ რააბმა განაცხადა, რომ ზაღარი-რატკლიფი დაუყოვნებლივ უნდა გათავისუფლდეს... Читать дальше...

მმართველი პარტია "ქართული ოცნება" მიიჩნევს, რომ ოპოზიციის რადიკალურ ნაწილს ბერა ივანიშვილს, ირაკლი ღარიბაშვილსა და ანზორ ჩუბინიძის სატელეფონო საუბრის გავრცელებით, დაწყებული მოლაპარაკებების ჩაშლა სურთ. პარტიაში აცხადებენ, რომ "ნაციონალური მოძრაობის" ხელისუფლებაში ყოფნის დროს, 2010-2011 წელს ჩაწერილ საუბრებს "საჭირო მომენტისთვის ინახავდნენ". "რადიკალურ ოპოზიციას სურს, ეს ჩანაწერები გამოიყენოს მოლაპარაკებებზე უარის თქმის საბაბად და ვხედავთ მათ მიერ აგორებულ ახალ კამპანიასაც, რომელსაც პერსპექტივა ერთი... Читать дальше...

კახეთის პოლიციის თანამშრომლებმა დააკავეს 28 წლის მამაკაცი, რომელიც მშობლებისა და ბებიის განზრახ მკვლელობაშია ბრალდებული. მომხდარი დანაშაული 16-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა ცეცხლსასროლი იარაღიდან გასროლით სასიკვდილო ჭრილობები მიაყენა 1960 წელს დაბადებულ მამას, 1963 წელს დაბადებულ დედას და 1935 წელს დაბადებულ ბებიას, რის შემდეგაც შემთხვევის ადგილიდან მიიმალა. სამართალდამცველებმა დანაშაულის ჩადენის იარაღი ნივთმტკიცების სახით ამოიღეს. Читать дальше...

"ქართული ოცნება" აცხადებს, რომ "TV პირველმა" გუშინ, 6 მარტს, 2010-2011 წელს ჩაწერილი სატელეფონო საუბრების დამონტაჟებული ვერსია გაავრცელა. პარტია გავრცელებულ განცხადებაში ჩანაწერს "საჭირო მომენტისთვის გადანახულს" უწოდებს და აცხადებს, რომ ის ასახავს "ქართუს" პრეზიდენტი ირაკლი ღარიბაშვილისა და არასრულწლოვანი ბერა ივანიშვილის საუბრის ფრაგმენტებს. "გამოქვეყნებული გაყალბებული საუბარი შედგება როგორც მინიმუმ რამდენიმე თვის განმავლობაში, ათეულობით ჩანაწერიდან ამოღებული სიტყვებისა და ფრაზებისაგან. ეს არის... Читать дальше...

გორის მუნიციპალიტეტის სოფელ ხურვალეთში საოკუპაციო გამყოფი ხაზის სიახლოვეს, ქართველმა სამართალდამცავებმა, რუსეთის საოკუპაციო ძალების ორი შეიარაღებული წარმომადგენელი დააკავეს. რადიო თავისუფლების წყაროს ცნობით შეიარაღებული პირები საქართველოს ხელისუფლების მიერ კონტროლირებულ ტერიტორიაზე, დაახლოებით 500 მეტრის სიღრმეში შევიდნენ. წყაროს თქმით, თავად ნახა, როგორ დააკავეს პოლიციელებმა რუსეთის ე.წ მესაზღვრეები. „ერთ - ერთ ნაკვეთში, ჩვენი სოფლელი ტრაქტორისტი რამაზ ჩალაური მიწას ხნავდა. შეიარაღებული პირები რომ დაინახა გაიქცა და თან პოლიციაში რეკავდა... Читать дальше...

მთავრობის ადმინისტრაციასთან "TV პირველით" გავრცელებული სატელეფონო საუბრის შინაარსის გამო გაიმართა მცირემასშტაბიანი აქცია: "შეაგინე ბერას". აქციის მონაწილეებმა პრემიერ-მინისტრ ირაკლი ღარიბაშვილის გადადგომა მოითხოვეს. "TV პირველმა" 6 მარტს გაავრცელა ფარული სატელეფონო ჩანაწერი, სადაც, ჟურნალისტის მტკიცებით, ბერა ივანიშვილი, "ქართული ოცნების" ყოფილი თავმჯდომარის, ბიძინა ივანიშვილის ვაჟი და პრემიერ-მინისტრი, ირაკლი ღარიბაშვილი, სოციალურ ქსელში დაწერილი კომენტარის გამო სკოლის მოსწავლის მიმართ განხორციელებულ ძალადობის ფაქტს განიხილავენ. Читать дальше...

7 მარტს თელავში მოკლეს ერთი ოჯახის სამი წევრი. პირველადი ინფორმაციით, მშობლების და ბებიის მკვლელობაში 30 წლამდე მამაკაცია ბრალდებული. მომხდარ ფაქტს ადასტურებს შინაგან საქმეთა სამინისტრო. უწყებაში რადიო თავისუფლებას განუცხადეს, რომ გამოძიება მიმდინარეობს ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით (სსკ-ის 11 პრიმა-109-ე მუხლი). შემთხვევის ადგილზე პოლიციაა მობილიზებული და მიმდინარეობს საგამოძიებო და ოპერატიული ღონისძიებები დანაშაულის ჩამდენი პირის დაკავების მიზნით.

ევროპის სამედიცინო საშუალებათა სააგენტოზე (EMA) შარშან განხორციელებული კიბერთავდასხმის უკან დგანან რუსეთის და ჩინეთის ჰაკერები, ამტკიცებს ნიდერლანდის გამოცემა Volkskrant-ი. იგი ეყრდნობა ანონიმურ ინფორმატორებს, რომლებიც გამოძიების მსვლელობას იცნობენ. ახლა ეს სააგენტო განიხილავს ევროკავშირში ვაქცინების, მათ შორის, რუსეთის Sputnik V-ის სერტიფიცირების საკითხს. გამოცემის თანახმად, რუსმა ჰაკერებმა სააგენტოს თანამშრომლებს გაუგზავნეს ელექტრონული წერილები, რომელთა გახსნას მოჰყვა ზიანის მომტანი პროგრამების გააქტიურება. Читать дальше...

ადამიანის უფლებათა სწავლებისა და მონიტორინგის ცენტრი მიიჩნევს, რომ "TV პირველით" გავრცელებული ბერა ივანიშვილის სატელეფონო საუბარი შესაძლოა უკანონო გზით იყოს მოპოვებული, თუმცა მნიშვნელოვანი ინფორმაციის მატარებელია. ორგანიზაცია მიიჩნევს, რომ მინიმუმ ჩანაწერების ნაწილი იმ პერიოდშია გაკეთებული, როცა მასში მონაწილე პირები ირაკლი ღარიბაშვილი და ანზორ ჩუბინიძე თანამდებობებს იკავებდნენ. "​აუდიო-ჩანაწერი ერთი შეხედვით უკანონოდ არის მოპოვებული, თუმცა, მასში გაჟღერებული ინფორმაცია მიუთითებს სხვადასხვა ძალადობრივ დანაშაულზე... Читать дальше...

ირანმა გამოაცხადა, რომ მზადაა გადადგას ნაბიჯები და შეასრულოს 2015 წლის ბირთვული შეთანხმების ყველა პირობა მაშინვე, როცა აშშ მოუხსნის დაწესებულ სანქციებს. „ირანი მზად არის, დაუყოვნებლივ შეასრულოს ბირთვული შეთანხმების პირობები და თავისი ვალდებულებები მას მერე, რაც აშშ გაუუქმებს უკანონო სანქციებს და უარს იტყვის მუქარის და ზეწოლის პოლიტიკაზე“, - განაცხადა 7 მარტს ირანის პრეზიდენტმა, ჰასან როჰანიმ. როჰანიმ ეს განცხადება გააკეთა ირლანდიის საგარეო საქმეთა მინისტრ საიმონ კოვენისთან შეხვედრის დროს დიპლომატიური მცდელობების ფონზე... Читать дальше...

აფხაზეთის თვითგამოცხადებულ რესპუბლიკაში გამოძიებამ ბრალდება წაუყენა დე ფაქტო პრეზიდენტის თანაშემწეს, ახრა ავიძბას, რომელიც 4 მარტს დააკავეს სოხუმში. ბრალდება გულისხმობს იარაღის უკანონო შენახვას. ამის თაობაზე იტყობინება „ეხო კავკაზა“, ავიძბას ადვოკატზე დაყრდნობით, რომელიც შეხვდა ბრალდებულს სახელმწიფო უშიშროების სამსახურის შენობაში. ავიძბა ცნობილი საველე მეთაურია, რომელიც უკრაინის სეპარატისტულ რეგიონ დონეცკის სახალხო რესპუბლიკაში იბრძოდა. ის, როგორც აფხაზეთის თვითგამოცხადებული რესპუბლიკის მოსახლეობის უმეტესობა, რუსეთის მოქალაქეა. Читать дальше...

გავრცელებული ჩანაწერების შინაარსის გამო ივანიშვილის რეზიდენციასთან აქცია იმართება. ადგილზე მისულ 30-მდე მოქალაქეს რეზიდენციის შესასვლელთან პოლიციის კორდონი დახვდა. "ბერას დაცვის პოლიცია გახდით", - მიმართა ერთ-ერთმა მოქალაქემ პოლიციას. აქციაზე მყოფმა მოქალაქეებმა რეზიდენციის მიმდებარე ტერიტორიაზე რამდენიმე წარწერა "მონა" დატოვეს. იყო ხანმოკლე კონფლიქტიც - პოლიცია მათ უკრძალავდა წარწერების გაკეთებას. "TV პირველმა" 6 მარტს გაავრცელა ფარული სატელეფონო ჩანაწერი, სადაც, ჟურნალისტის მტკიცებით... Читать дальше...

რომის პაპმა ფრანცისკემ ერაყის ომის მსხვერპლისთვის ილოცა უძველეს ეკლესიაში ერაყის ჩრდილოეთის ქალაქ მოსულში, რომელიც 2014 წელს დაიკავა ექსტრემისტულმა გაერთიანება „ისლამურმა სახელმწიფომ“ და იქ არსებული უძველესი ქრისტიანული თემი გაანადგურა. სამი წლის წინ ისლამისტები არეალიდან განდევნეს. მლოცველები 7 მარტს შეიკრიბნენ „უბიწო ჩასახვის“ (ალ-ტაჰირა-კუბრა) ეკლესიის ეზოში, რომელიც ერთ-ერთი უძველესია იმ 14 ეკლესიას შორის, რომლებიც „ისლამურმა სახელმწიფომ“ გაანადგურა. კათოლიკეთა 84 წლის მამამთავარმა სთხოვა ერაყელ... Читать дальше...

"ნაციონალური მოძრაობის" ლიდერი, ზაალ უდუმაშვილი აცხადებს, რომ საქართველოს პრემიერ-მინისტრი ირაკლი ღარიბაშვილი და სახელმწიფო დაცვის სამსახურის უფროსი ანზორ ჩუბინიძე თანამდებობიდან უნდა გადადგნენ. ამის მიზეზად უდუმაშვილი "TV პირველის" გავრცელებულ ჩანაწერებს ასახელებს და აღნიშნავს, რომ საუბარი დანაშაულის ნიშნებს შეიცავს. "ეს მასალა შეიცავდა დანაშაულის ნიშნებს და პროკურატურაში საქმე უნდა იყოს აღძრული... "ქართულ ოცნებაშიც" არავის უარყვია ამ ჩანაწერის ავთენტურობა. ისინი საუბრობენ თარიღებზე. რა მნიშვნელობა აქვს თარიღს", - თქვა უდუმაშვილმა. Читать дальше...

ჯანდაცვის მსოფლიო ორგანიზაციის თანახმად, ევროპაში კვლავ დაიწყო კორონავირუსით ინფიცირებულთა რიცხვის მატება, პირველად ბოლო კვირაში. მანამდე, ექვსი კვირის განმავლობაში ეს რიცხვი იკლებდა. გასულ კვირაში ევროპის ქვეყნებში ინფიცირების ახალი შემთხვევების რიცხვმა მილიონს მიაღწია, რაც 9 პროცენტით მეტია წინა კვირაზე. ზრდას უკავშირებენ ვირუსის ახალი ვარიანტების გავრცელებას და ასევე საზოგადოებების "გახსნას", შეზღუდვების შერბილებას, როცა ეს ხდება "არა უსაფრთხო და გაუკონტროლებელი ფორმით", განაცხადა ორგანიზაციის ევროპის რეგიონის განყოფილების დირექტორმა... Читать дальше...

გოგი წულაია პარტია "თავისუფალი საქართველო", რომლის ერთ-ერთი დამფუძნებელი და თანათავმჯდომარეა, დატოვა. ამ საკითხზე მედიას ის თავად ესაუბრა. როგორც მან განაცხადა, პარტიიდან მისი წასვლა მომავალში ინდივიდუალურად მოქმედების სურვილია. არ გამორიცხავს, რომ შექმნას ახალი პარტია, ან რომელიმე მოქმედ პარტიაში გაწევრიანდეს. "თავისუფალ საქართველოში 12 წელია ვარ. სამწუხაროდ ვერ მოვიგე ვერც ერთი არჩევნები, რაც ამ ხნის განმავლობაში ჩატარდა. მირჩევნია ამ ეტაპზე ცალკე, ვებრძოლო ივანიშვილის რეჟიმს", - განაცხადა მან. Читать дальше...

საქართველოში, გასული დღე-ღამის განმავლობაში გარდაიცვალა COVID-19-ით დაავადებული 9 პაციენტი. უწყებათაშორისი საკოორდინაციო საბჭოს ინფორმაციით, ბოლო 24 საათში ჩატარებული 15 919 ტესტირებიდან გამოვლენილია კორონავირუსის 234 შემთხვევა. სამთავრობო საიტ stopcov.ge-ზე გამოქვეყნებული მონაცემებით, დადებითობის მაჩვენებელია: დღიური - 1,47%; ბოლო 7 დღის - 1,56%; ბოლო 14 დღის - 1,55%. გასული დღე-ღამის განმავლობაში 349-ით გაიზარდა კორონავირუსისგან გამოჯანმრთელებულთა რიცხვი. 2020 წლის 26 თებერვლიდან... Читать дальше...

რეპერი ზაზა ნოზაძე, რომელმაც წლების წინ ბერა ივანიშვილს შეურაცხყოფის გამო ბოდიში ვიდეომიმართვაში მოუხადა, განმარტებებს ავრცელებს. რეპერი აღნიშნავს, რომ მიმართვა ვინმეს ძალადობით არ ჩაუწერია და ეს "TV პირველის" ეთერში მოყოლილ ძალადობასთან კავშირში არ ყოფილა. "კონკრეტული ადამიანები თუ ძალები ცდილობენ ჩემი „ბოდიში“ მიაწერონ ბოლო დროს გავრცელებულ აუდიო ჩანაწერებს, რაც არის სრული ს ი ყ ა ლ ბ ე... საბედნიეროდ, პირადად არ გავმხდარვარ მსხვერპლი მსგავსი ავადმყოფური გამოვლინების, თუმცა ნებისმიერი მსხვერპლის... Читать дальше...