Новости за 05.02.2021

ელდარ გოგოლაძე - “ქართუ ჯგუფის” ყოფილ ვიცე-პრეზიდენტი და ბიძინა ივანიშვილის უსაფრთხოების სამსახურის ყოფილი უფროსი, რომელიც ასევე სათავეში ედგა ედუარდ შევარდნაძის დაცვის სამსახურს, საქართველოს მთავარმა პროკურატურამ მოწმედ დაიბარა 1993 წელს, აშშ-ის ცენტრალური სადაზვერვო სამმართველოს (CIA) ჯაშუშის, ფრედი ვუდროფის მკვლელობის გახმაურებულ საქმეზე. გოგოლაძე პროკურატურაში დღის 12.00 საათზე მივიდა და ამ დრომდე მისი გამოკითხვა არ დასრულებულა. ერთი დღით ადრე, ტელეკომპანია „მთავართან“ინტერვიუში გოგოლაძემ განაცხადა... Читать дальше...

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი ცხინვალის ე.წ. სასამართლოს მიერ საქართველოს მოქალაქისთვის ზაზა გახელაძისთვის 12,5-წლიანი პატიმრობის განაჩენის გამოტანის ფაქტს გმობს და აღნიშნავს, რომ ამ გადაწყვეტილებას არანაირი სამართლებრივი საფუძველი არ გააჩნია, განსაკუთრებით იმ ფონზე, როდესაც ადამიანის უფლებების ევროპული სასამართლოს იანვრის გადაწყვეტილებით, რუსეთს, როგორც საქართველოს ოკუპირებულ ტერიტორიებზე ეფექტური კონტროლის განმახორციელებელ ძალას, ცალსახად ეკისრება... Читать дальше...

ფარმაცევტულმა გიგანტმა Johnson & Johnson-მა აშშ-ის მარეგულირებელ უწყებას მიმართა მის მიერ შექმნილი ვაქცინის სასწრაფო წესით გამოყენებაზე ნებართვის მისაღებად, რაც, შესაბამისი გადაწყვეტილების მიღების შემთხვევაში, ნიშნავს, რომ ეს იქნება მესამე ყველასთვის ხელმისაწვდომი ვაქცინა აშშ-ის მიერ დამტკიცებული, Pfizer-BioNTech-ისა და Moderna-ს პრეპარატების შემდეგ. ამ ორი ვაქცინის ეფექტიანობა 95 პროცენტს უტოლდება, თუმცა ეს შედეგი ეფუძნება ცდებს, რომლებიც ჩატარდა მსოფლიოს ზოგიერთ ადგილას ვირუსის ახალი ვარიანტების გავრცელებამდე. Читать дальше...

საქართველოს საგარეო საქმეთა სამინისტრო უკიდურეს შეშფოთებას გამოთქვამს ცხინვალში საქართველოს მოქალაქისთვის 12,5 წლით პატიმრობის მისჯასთან დაკავშირებით. უწყება ამას რუსეთის საოკუპაციო რეჟიმის პროვოკაციას უწოდებს და საერთაშორისო თანამეგობრობას მიმართავს, რომ სათანადოდ შეაფასონ მორიგი პროვოკაცია. "საქართველო აამოქმედებს მის ხელთ არსებული ყველა დიპლომატიურ და სამართლებრივი ბერკეტს და საკითხს უმაღლეს დონეზე დასვამს ყველა შესაბამის საერთაშორისო ფორმატში, რათა შეწყდეს საოკუპაციო ხაზზე ადამიანების უკანონო... Читать дальше...

რუსეთის ყოველი მეხუთე მოქალაქე დადებითად აფასებს ოპიზიციის ლიდერის, ალექსეი ნავალნის, საქმიანობას, - ამის შესახებ ნათქვამია „ლევადა-ცენტრის“ მიერ ჩატარებულ გამოკითხვაში, რომლის თანახმად ნავალნის მხარს უჭერს გამოკითხულ მოქალაქეთა 19 %. გამოკითხვაში გამოყენებული კითხვები ერთობლივად, „ლევადა-ცენტრისა“ და არასამთავრობო ორგანიზაცია „ღია რუსეთის“ მიერ იყო შედგენილი, ხოლო გამოკითხვა ჩატარდა „პუტინის სასახლის“ თაობაზე გახმაურებული დოკუმენტური ფილმის გამოქვეყნების, ალექსეი ნავალნის დაბრუნებისა და მისი დაპატიმრების შემდეგ. Читать дальше...

"რონდელის ფონდის" მკვლევარი, ალექსანდრე კვახაძე აგრძელებს საქართველოს აზერბაიჯანელებით დასახლებული სოფლების შესწავლას. მან მორიგი, ძალიან საინტერესო მიგნებებით სავსე გამოკვლევა მარნეულის მუნიციპალიტეტს მიუძღვნა - "საქართველოს ნოყიერი ნახევარმთვარე - მარნეულის მუნიციპალიტეტი".

ჯანდაცვის ყოფილი მინისტრი და "ევროპული საქართველოს" პოლიტსაბჭოს წევრი, ზურაბ ჭიაბერაშვილი აცხადებს, რომ ვაქცინაციის გარდა ძალიან მნიშვნელოვანია მასობრივი სწრაფი ტესტირება და კონტაქტების კვლევა. წინააღმდეგ შემთხვევაში, ეფექტიანი იმუნიზაციის მიღწევამდე მასშტაბური აფეთქების საფრთხე არ შემცირდება.

რუსეთის მიერ ოკუპირებული ცხინვალის რეგიონის დე ფაქტო უზენაეს სასამართლოში დღეს კიდევ ერთი სხდომაა დანიშნული ზაზა გახელაძის საქმეზე. წინასწარი ინფორმაციით, დე ფაქტო სასამართლო საბოლოო გადაწყვეტილებას გამოაცხადებს. ზაზა გახელაძეს ბრალი წაყენებული აქვს რუსეთის სისხლის სამართლის კოდექსის ორი მუხლით - სიცოცხლის ხელყოფის მცდელობა, რომელიც 12-დან 20 წლამდე პატიმრობას ითვალისწინებს და სახელმწიფო საზღვრის უკანონოდ გადაკვეთა. კასპის მუნიციპალიტეტის სოფელ ქვემო ჭალის მცხოვრები ზაზა გახელაძე საოკუპაციო ძალების წარმომადგენლებმა 2020 წლის 11 ივლისს... Читать дальше...

რადიო თავისუფალი ევროპა/რადიო თავისუფლების პრეზიდენტად და აღმასრულებელ დირექტორად ჯეიმი ფლაი დაინიშნა. მედიაკორპორაციის დირექტორთა საბჭოს გადაწყვეტილებით, ჯეიმი ფლაი თანამდებობას 16 თებერვლიდან დაიკავებს. ჯეიმი ფლაიმ განაცხადა, რომ მოხარულია დაბრუნდეს რადიო თავისუფლების პრეზიდენტის თანამდებობაზე და ასეთ რთულ დროს უხელმძღვანელოს. ფლაიმ თქვა, რომ ამაყობს რადიო თავისუფლების ჟურნალისტებით და თანამშრომლებით, რომლებიც პანდემიის ზეწოლის და სარედაქციო დამოუკიდებლობის ერთგულების გამოწვევების მიუხედავად აგრძელებდნენ ობიექტური ინფორმირების მისიას. Читать дальше...

აშშ-ის სახელმწიფო მდივანმა ენტონი ბლინკენმა რუსეთი გააფრთხილა, რომ აშშ-ის ახალი ადმინისტრაცია „მტკიცედ“ უპასუხებს რუსეთის ქმედებებს აშშ-ისა და მისი მოკავშირეების წინააღმდეგ. სახელმწიფო დეპარტამენტის თანახმად, ბლინკენმა ეს გაფრთხილება 4 თებერვალს გამოთქვა რუსეთის საგარეო საქმეთა მინისტრ სერგეი ლავროვთან სატელეფონო საუბარში. ენტონი ბლინკენმა სხვა საკითხებთან ერთად დააყენა აშშ-ის 2020 წლის არჩევნებში რუსეთის ჩარევა, მისი სამხედრო აგრესია უკრაინასა და საქართველოში და ალექსეი ნავალნის მოწამვლა. ... Читать дальше...

აშშ-ის პრეზიდენტ ჯო ბაიდენის თქმით, მან რუსეთის პრეზიდენტი ვლადიმირ პუტინი გააფრთხილა, რომ წარსულს ჩაბარდა ის დრო, როცა შეერთებული შტატები რუსეთის მხრიდან გადაცდომებზე არ რეაგირებდა. „მკაფიოდ ავუხსენი პრეზიდენტ პუტინს, ჩემი წინამორბედისგან ძალიან განსხვავებული მანერით, რომ ჩაიარა იმ დღეებმა, როცა შეერთებული შტატები უმოქმედოდ ხვდებოდა რუსეთის აგრესიულ ქმედებებს - ჩვენს არჩევნებში ჩარევას, კიბერთავდასხმებს, საკუთარი მოქალაქეების მოწამვლას.“ თქვა ბაიდენმა 4 თებერვალს ვაშინგტონში, სახელმწიფო დეპარტამენტის თანამშრომელთა წინაშე გამოსვლისას. Читать дальше...