Новости за 19.02.2021

აშშ-ის სენატის საგარეო კომიტეტის მაღალი რანგის სენატორები ჯიმ რიში და ჯინ შაჰინი სპეციალურ განცხადებას ავრცელებენ საქართველოში განვითარებულ მოვლენებთან დაკავშირებით: ”ჩვენ ღრმად გვაღელვებს საქართველოში ბოლო დროს განვითარებული პოლიტიკური მოვლენები. საქართველოს ხალხი იმსახურებს კანონის უზენაესობას, დემოკრატიასა და პატიოსან და დამოუკიდებელ სასამართლო სისტემას. ბოლო რამდენიმე წლის განმავლობაში, საქართველოს ოფიციალურ პირებთან ჩვენ არაერთხელ გაგვიმახვილებია ყურადღება პოლიტიკური დევნის პრობლემის შესახებ", - ნათქვამია სენატორების განცხადებაში. Читать дальше...

პრემიერ-მინისტრობის კანდიდატი ირაკლი ღარიბაშვილი და მინისტრთა კაბინეტის შემადგენლობა 22 თებერვალს შეხვდებიან ოპოზიციურ ჯგუფებს, მათ შორის, „ევროპელი სოციალისტების" ოთხს დეპუტატს. როგორც პარტიის განცხადებაშია ნათქვამი, ისინი ირაკლი ღარიბაშვილის კანდიდატურას მხარს არ დაუჭერენ.  „ირაკლი ღარიბაშვილი გახლავთ „ქართული ოცნების“ პოლიტიკური გუნდის მიერ წარდგენილი კანდიდატურა. რამდენად სწორია ეს გადაწყვეტილება, ამას დრო აჩვენებს. ეს არის მმართველი პარტიის პრეროგატივა. აქედან გამომდინარე, შედეგებზე პასუხისმგებლობა ეკისრება მმართველ გუნდს. Читать дальше...

19 თებერვალს მიუნხენში მდებარე სასტუმრო Bayerischer Hof-მა უმასპინძლა საერთაშორისო უსაფრთხოების კონფერენციის „სპეციალურ გამოშვებას“, რომელმაც ნიადაგი უნდა მოუმზადოს, სავარაუდოდ, წლის ბოლოსკენ გადატანილი არა ვირტუალური, არამედ რეალური ფორუმის გამართვას მსოფლიოს არაერთი სახელმწიფოს ლიდერის, წამყვანი პოლიტიკოსების, ბიზნესმენების, ანალიტიკოსებისა და მრავალრიცხოვანის მედიის თანდასწრებით. მას შემდეგ, რაც აშშ-ში ადმინისტრაცია შეიცვალა, მიუნხენის კონფერენციის დღის წესრიგში ისე მწვავედ აღარ დგას კითხვა... Читать дальше...

ინფრასტრუქტურისა და რეგიონული განვითარების ყოფილ მინისტრსა და ყოფილ ვიცე-პრემიერს მაია ცქიტიშვილს მადლობა გადაუხადა პარტია „ქართული ოცნების" თავმჯდომარემ ირაკლი კობახიძემ. „მაია ცქიტიშვილმა განსაკუთრებული წვლილი შეიტანა „ქართული ოცნების“ 2012 წლის გამარჯვებაში და ის იყო არაერთი რეფორმისა და პროექტის ინიციატორი და განმახორციელებელი. მადლობა მას ამისათვის! წარმატებები!" - წერს კობახიძე „ფეისბუკზე".  ცქიტიშვილმა საქართველოს პრემიერ-მინისტრობის კანდიდატის ირაკლი ღარიბაშვილის მიერ მთავრობის განახლებული შემადგენლობის წარდგენისას განაცხადა... Читать дальше...

საქართველოს ძიუდოისტთა ნაკრების წევრი ნუგზარ ტატალაშვილი, კორონავირუსის პანდემიითა და ტრავმით გამოწვეული ერთწლიანი პაუზის შემდეგ, საერთაშორისო არენას მედლით დაუბრუნდა. 73 კილოგრამ წონით კატეგორიაში მოჭიდავე ევროპის სამგზის პრიზიორმა დღეს, თელ-ავივის გრან სლემზე, ხუთი შეხვედრიდან ოთხი მოიგო და მესამე ადგილი დაიკავა. ისრაელში მიმდინარე პრესტიჟულ შეჯიბრებაზე დღეს ტატამზე სულ ოთხი ქართველი გავიდა. 73 კილოგრამში, ტატალაშვილის გარდა, საქართველოს სახელით, ოლიმპიურმა და ევროპის ჩემპიონმა ლაშა შავდათუაშვილმაც იჭიდავა... Читать дальше...

საქართველოს წყალბურთის ნაკრებმა ტოკიოს ოლიმპიური თამაშების ლიცენზიის მოპოვების შანსი დაკარგა. დეიან სტანოევიჩის გაწვრთნილმა გუნდმა, როტერდამში მიმდინარე სალიცენზიო ტურნირის მეოთხედფინალში წააგო ხორვატიასთან, ანგარიშით 6:15 და მეხუთე-მერვე ადგილების პლეი ოფში გადაერთო, სადაც ხვალ, ტურნირის მასპინძელ ნიდერლანდებს დაუპირისპირდება. თამაში თბილისის დროით 17:00 საათზე დაიწყება. ქართველმა წყალბურთელებმა როტერდამის ტურნირზე, მეოთხედფინალამდე ჯგუფური ეტაპის ოთხი მატჩი ჩაატარეს. მოუგეს კანადას (14:11) და ბრაზილიას (12:8)... Читать дальше...

აშშ-ის პრეზიდენტმა ჯო ბაიდენმა მიუნხენის უსაფრთხოების კონფერენციის მონაწილეებისადმი მიმართვაში მოკავშირეები გააფრთხილა, რომ მსოფლიო დემოკრატიასა და ავტოკრატიული ფასეულობებს შორის იდეოლოგიური ბრძოლის „შემობრუნების წერტილშია“ და მოუწოდა მათ გაერთიანდნენ თავისუფლების დასაცავად. ბაიდენის სიტყვებით, „ ისტორიკოსები გამოიკვლევენ და დაწერენ ამ მომენტის შესახებ. მჯერა მთელი არსებით, რომ დემოკრატია გაიმარჯვებს“. ბაიდენი რუსეთის თემას შეეხო და განაცხადა, რომ კრემლი უტევს ამერიკის დემოკრატიას და იყენებს კორუფციას... Читать дальше...

პოლიციამ გაათავისუფლა პარტია „ლელოს" ხუთი წევრი, რომელიც რამდენიმე საათის წინ პარლამენტთან გამართულ აქციაზე დააკავა. მათ შორის არის საბა ბუაძე, რომელიც ამ სიტყვებით აფასებს სამართალდამცავების მოქმედებას: „ეს იყო სისტემის პანიკის კიდევ ერთი ლუსტრაცია". „ლელო" პრემიერ-მინისტრობის კანდიდატად ირაკლი ღარიბაშვილის წარდგენას აპროტესტებდა. „ეს იყო უბრალოდ ჩვენი პროტესტი იმის გამო, რომ ირაკლი ღარიბაშვილის პრემიერად დანიშვნას ვაპროტესტებდით, გროტესკული პერსონაჟების, რომლებთანაც კარგი არაფერი არ ასოცირდება ამ ქვეყანაში. Читать дальше...

საქართველოს საკალათბურთო ნაკრებმა ევროპის ჩემპიონატის საკვალიფიკაციო ეტაპზე, ზედიზედ მოპოვებული ოთხი გამარჯვების შემდეგ, პირველი თამაში წააგო. ილიას ზუროსის გაწვრთნილმა გუნდმა თბილისში, თორნიკე შენგელიას, გოგა ბითაძის, გიორგი ცინცაძისა და სანდრო მამუკელაშვილის გარეშე, ვერაფერი მოუხერხა სერბეთის ნაკრებს, რომელიც ასევე გადახალისებული შემადგენლობით თამაშობდა. სტუმრებმა ოცდაექვსქულიანი უპირატესობით მოიგეს - 92:66. ევროპის 2022 წლის ჩემპიონატის შესარჩევი საკვალიფიკაციო ეტაპის ბოლო ორი (მეხუთე და მეექვსე)... Читать дальше...

გიორგი გახარიას მოულოდნელი გადადგომის შემდეგ, პრემიერის პოსტზე 18 თებერვალს დასახელებულმა ირაკლი ღარიბაშვილმა მთავრობის შემადგენლობა პარლამენტს სასწრაფო წესით, უკვე 19 თებერვალს წარუდგინა. მთავრობაში ჯერჯერობით მხოლოდ ორი ახალი მინისტრია. თუმცა წინა პრემიერობის დროს, თითქმის უცვლელი სტარტის შემდეგ, ღარიბაშვილის გუნდში მინისტრები ელვის სისწრაფით იცვლებოდნენ. კაბინეტის განახლებული შემადგენლობისთვის ნდობის გამოცხადება პარლამენტს ორ წელიწადში (2013-2015 ) სამჯერ მოუწია. მხოლოდ ორი მინისტრი განახლებულ... Читать дальше...

რუსეთის კომის რეგიონში ახალგაზრდა კაცს, რომელიც ალექსეი ნავალნის დაპატიმრების მიმართ პროტესტის გამო დააკავეს, ხმამაღალი დაპირისპირება ჰქონდა მოსამართლესთან თავისი უფლების დასაცავად -  მშობლიურ ენაზე ეპასუხა მისი შეკითხვებისთვის. კომის სასამართლო დარბაზში ენასთან დაკავშირებით დაპირისპირება რუსეთში პატარა ენების მიმართ არსებული დამოკიდებულების გამო დიდ უთანხმოების კიდევ ერთი გამოხატულებაა.   თებერვალში  გამართული სასამართლო მოსმენა რუსეთის ჩრდილოეთის ქალაქ სიკტივკარში  ერთი ჩვეულებრივი წინასწარი მოსმენის სხდომა  უნდა ყოფილიყო. Читать дальше...

პარლამენტის შენობის წინ მიმდინარე მოვლენებს ეხმიანება სახალხო დამცველი, სადაც აქტივისტებს პოლიციის თანამშრომლები კარვის განთავსების შესაძლებლობას არ აძლევენ. განცხადების თანახმად, დაპირისპირება შეკრების ოცზე მეტი მონაწილის დაკავებით დასრულდა. საქართველოს სახალხო დამცველი განმარტავს, რომ მსგავსი დროებითი კონსტრუქციების განთავსება შეკრების თავისუფლებით არის დაცული, ხოლო ხსენებული შესაძლებლობის ჩამორთმევა გაუმართლებელია, როდესაც კარვის განთავსება არ იწვევს შენობის შესასვლელის ბლოკირებას ან სატრანსპორტო მოძრაობის შეფერხებას. Читать дальше...

პრინცი ჰარი და მისი მეუღლე, მეგან მარკლი, დიდი ბრიტანეთის სამეფო ოჯახის მოვალეობებს აღარ დაუბრუნდებიან, განაცხადა ბაკინგემის სასახლემ. სასექსის ჰერცოგმა და ცერცოგინიამ მათი გადაწყვეტილება დაადასტურეს დედოფალ ელისაბედ მეორესთან საუბრის დროს. პრინცი დატოვებს ყველა საპატიო  სამხედრო წოდებას. ისინი  აღარ იმუშავებენ საქველმოქმედო ორგანიზაციებთან, რომლებსაც პატრონაჟს უწევდენენ სამეფო ოჯახის სახელით.   ჰერცოგისა და ცერცოგინიას ყველა მოვალეობას დედოფალი გაანაწილებს სამეფო ოჯახის მოქმედ წევრებს შორის. Читать дальше...

"დღეს გვაქვს გამოკვეთილი სურათი, თუ რა არის საჭირო კახეთის განვითარებისთვის და რომლის გაკეთებაც შეგვიძლია მთავრობას და ბიზნესს. ლაგოდეხს აქვს თამბაქოს წარმოებისა და პირველადი გადამუშავების, ასევე აბრეშუმის წარმოების განვითარების რესურსი. ახმეტას აქვს ტყავის გადამამუშავებელი წარმოების განვითარების რესურსი. გურჯაანს აქვს აგურისა და რკინა-ბეტონის გადამუშავების რესურსი. სიღნაღში შეგვიძლია სამკერვალო წარმოება განვავითაროთ", - ეს ირაკლი ღარიბაშვილმა 2015 წლის აპრილში, პრემიერობის დროს თქვა, როცა კახელებს პროექტს "ძლიერი რეგიონი... Читать дальше...

15 თებერვალს დასაქმების სააგენტომ გამოაქვეყნა ინფორმაცია, რომ საქართველოს მოქალაქეებს შეუძლიათ ლეგალურად დასაქმდნენ გერმანიაში, რაც გულისხმობს 3 თვით გერმანიის რომელიმე სოფელში ვენახებსა და სხვადასხვა პლანტაციაში მუშაობას. დამსაქმებლები გერმანელი ფერმერები არიან. მათ და საქართველოს მოქალაქეებს ერთმანეთთან დაკავშირებაში საქართველოსა და გერმანიის დასაქმების სააგენტოები ეხმარებიან. რეგისტრაციის პირველ დღეს 24 საათში 35 121-მა პირმა შეავსო აპლიკაცია გერმანიაში დროებით დასაქმების თაობაზე. ერთ-ერთი მათგანია 26 წლის ვალერი კუბლაშვილი. Читать дальше...

პარლამენტის შენობის წინ კარვის გაშლის მცდელობისთვის დაკავებული 20 პირი ხელწერილით გაათავისუფლეს. ისინი  დაკავებულები იყვნენ ადმინისტრაციულ სამართალდარღვევათა კოდექსის 173-ე მუხლით, რაც გულისხმობს სამართალდამცავი ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას. პარლამენტის შენობის წინ სამოქალაქო აქტივისტებს სამართალდამცავებმა დღეს ორჯერ შეუშალეს ხელი კარვის გაშლაში. მათ კარვები წაართვეს. სამოქალაქო აქტივისტებს პარლამენტის შენობის უკანა შესასვლელთან რამდენიმე თვეა კარავი აქვთ გაშლილი. Читать дальше...

საქართველოს პარლამენტის წინ მიმდინარე აქციას ეხმაურება ახალგაზრდა იურისტთა ასოციაცია. პოლიციამ აქციის მონაწილეებს არ მისცა უფლება გაეშალათ კარავი, ხოლო პოლიციის თანამშრომლებმა პარლამენტის შენობის წინ შეკრებილი აქტივისტები დააკავა. საია განმარტავს კანონს, რომელიც კარვის გაშლის საკითხს უკავშირდება. „შეკრებებისა და მანიფესტაციების შესახებ“ კანონის მე-111 მუხლის მე-4 პუნქტის თანახმად: „დაუშვებელია ტრანსპორტის სავალი ნაწილის ავტომანქანებით, სხვადასხვა კონსტრუქციებით ან/დასაგნებით გადაკეტვა.“ ლევან ხაბეიშვილი... Читать дальше...

პარლამენტის ბიურომ განსაზღვრა ირაკლი ღარიბაშვილის თაოსნობით მინისტრთა კაბინეტის მოსმენის დღის წესრიგი. 20-21 თებერვალს პარლამენტში საკომიტეტო ფორმატში მოუსმენენ მთავრობის წევრობის კანდიდატებსა და სამთავრობო პროგრამას. 22 თებერვალს პრემიერმინისტრობის კანდიდატსა და კაბინეტის სხვა წევრებს მოუსმენენ, როგორც ფრაქცია „ქართულ ოცნებაში“, ასევე, ოპოზიციაში („მოქალაქეები“, „ევროპელი სოციალისტები“). მინისტრთა კაბინეტის შემადგენლობას პლენარულ სხდომაზე კენჭს უყრიან იმავე დღეს. პარლამენტის თავმჯდომარის არჩილ თალაკვაძის თქმით... Читать дальше...

"ლელოს" ახალგაზრდული ფრთის წარმომადგენლებსა და სამართალდამცველებს შორის დაპირისპირება მოხდა პარლამენტთან, სადაც აქციის მონაწილეები პრემიერმინისტრობის კანდიდატად ირაკლი ღარიბაშვილისა და მინისტრთა კაბინეტის ახალი წევრების წარდგენას აპროტესტებდნენ. აქციის მონაწილეების განცხადებით, ისინი წარწერის გაკეთებას გეგმავდნენ, რისი საშუალებაც პოლიციამ არ მისცა. აქციაზე დააკავეს 5 პირი. მათ შორის არიან  „ლელოს“  პოლიტსაბჭოს წევრები საბა ბუაძე, თაზო დათუნაშვილი და ირაკლი კუპრაძე და ახალგაზრდული ფრთის წარმომადგენლები ლუკა თევზაძე და გიორგი ტალახაძე. Читать дальше...

პარლამენტის თავმჯდომარის არჩილ თალაკვაძის მიმართვის საფუძველზე საპარლამენტო უმრავლესობის ლიდერი ირაკლი კობახიძე დააჯილდოვეს თავისუფლების საპარლამენტო ორდენით. ამ ორდენით პირის დაჯილდოების შესახებ გადაწყვეტილებას იღებს პარლამენტის თავმჯდომარე პარლამენტის ბიუროსთან შეთანხმებით. „ეს იქნება სიმბოლური, მოკრძალებული აღნიშვნა იმ წვლილის, რაც მან [ირაკლი კობახიძემ] შეიტანა კონსტიტუციის, შესაბამისად, დემოკრატიის და სახელმწიფო ინსტიტუტების განვითარების პროცესში“, - თქვა არჩილ თალაკვაძემ ბიუროს სხდომაზე. ჯილდო თანხის გადაცემასაც ითვალისწინებს... Читать дальше...

რეგიონალური განვითარებისა და ინფრასტრუქტურის უკვე ყოფილმა მინისტრმა მაია ცქიტიშვილმა, საქართველოს პრემიერმინისტრობის კანდიდატის ირაკლი ღარიბაშვილის მიერ მთავრობის განახლებული შემადგენლობის წარდგენისას განაცხადა, რომ ის მინისტრთა კაბინეტში აღარ იქნება თავისი სურვილით. მან ირაკლი ღარიბაშვილს მადლობა გადაუხადა დაფასებისთვის, აღნიშნა, რომ მასთან 15-წლიანი ნაცნობობა და საერთო საქმე აკავშირებს, ამიტომ ბოროტად სარგებლობს ნაცნობობით და სთხოვს მიეცეს საშუალება, თავის ოჯახს დაუბრუნდეს. „გულწრფელად ვთხოვე... Читать дальше...

პარლამენტის შენობის წინ კარვების გაშლის მცდელობისას სამართალდამცავებმა 20 პირი დააკავეს. როგორც რადიო თავისუფლებას შინაგან საქმეთა სამინისტროს პრესსამსახურში განუმარტეს, 20-ვე პირი დაკავებულია ადმინისტრაციულ სამართალდარღვევათა კოდექსის 173-ე მუხლით, რაც გულისხმობს სამართალდამცავი ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას. პარლამენტის შენობის წინ სამოქალაქო აქტივისტებს სამართალდამცავებმა დღეს ორჯერ შეუშალეს ხელი კარვის გაშლაში. მათ კარვები წაართვეს.  ... Читать дальше...

საქართველოს პრემიერმინისტრობის კანდიდატმა ირაკლი ღარიბაშვილმა პარტიის პოლიტსაბჭოს მთავრობის განახლებული შემადგენლობა წარუდგინა. მისი გადაწყვეტილებით, მინისტრთა კაბინეტში ორი ახალი წევრი იქნება. კერძოდ, თავდაცვის მინისტრის თანამდებობას მინისტრის მოქმედი მოადგილე, ჯუანშერ ბურჭულაძე დაიკავებს. იცვლება რეგიონული განვითარებისა და ინფრასტრუქტურის მინისტრი მაია ცქიტიშვილი და მის ნაცვლად მინისტრის პორტფელს მისი ასევე მოქმედი მოადგილე ირაკლი ქარსელაძე ჩაიბარებს. ირაკლი ღარიბაშვილის თანახმად, მინისტრთა... Читать дальше...

ირანმა განაცხადა, რომ „დაუყოვნებლივ შეწყვეტს“ თავის მოქმედებას, რომელიც ეწინააღმდეგება 2015 წლის ბირთვულ შეთანხმებას, როცა აშშ გააუქმებს სანქციებს მის მიმართ. ირანის პირობა მოჰყვა აშშ-ის განცხადებას, რომ სურს კვლავ შეუერთდეს შეთანხმებას, რომელიც ტრამპის ადმინისტრაციამ დატოვა 2018 წელს და რის შემდეგად ირანს კვლავ დაუწესეს მკაცრი ეკონომიკური სანქციები. როცა სანქციები მოიხსნება, „ჩვენ დაუყოვნებლივ გავაუქმებთ არსებულ ზომებს“, განაცხადა ირანის საგარეო საქმეთა მინისტრმა, მოჰამად ჯავად ზარიფმა, ტვიტერით 18 თებერვალს. Читать дальше...