Новости за 14.04.2021

Къилба гонан Ростоврчу тIеман кхело сацам арахецна террорхойн тоба кхолларна пхеа дагестанхочун дов дерзош. I8, 5 шо хан тоьхна набахтехь яккха Абдулкеримов Мурадна, 17,5 шо кхайкхийна Пирвелиев Феликсна, 18 шо – Нарчавов ИсмаьIална, 17 шо – Меджидов Бахьавдина, 17,5 – Рамазанов Гусейнна. Набахтин халчу хьелашкахь токхур ю цара массара а шайна тоьхна хенаш, хаам бо Интерфаксо. Талламо бахарехь, бехкебинчара ягийна йий духку туька, кечлуш хилла полисхочунна тIелата. Амма Iалашо кхочуш ца йина цара, шаьш лецар бахьана долуш. Читать дальше...

Нохчийчоьнан куьйгалхочо цкъа а даре ца до, шен дукха зударий хиларх. Амма, "Проектан" журналистийн хаамашца, Кадыров Медни йоцург а, ю цуьнан шолгIа, официалехь хьахош йоцу зуда Хазуева Фатима. Нохчийчохь цкъа бен хилла йоцчу хазаллин конкурсан декъашхо яра иза.  Соьлжа-ГIалара Кадыровн резиденцина уллора Кишиевн кIоштара шахьар цуьнан долахь ю. Мехкан куьйгалхочун администрацехь 80 эзар алапа а догIуш, балхахь ю иза. Оцу регионехь дика ахча ду иза. 2020-чу шарахь Кишиевн кIоштан дозана тIехь маьждиг дира... Читать дальше...

Францино депортаци йина Гадаев Мохьмад Нохчийчуьрчу Хьалха-Мартанан полицехь ву; Кадыровна ца лаьа оппозиционере Навальныйга Къуръан дIакхачадойтийла; ши оьмар кхачаяллалц набахтехь Iийр волчу амир "Магасна" кхоалгIа кхел ю еш

Оппозиционеран Навальный Алексейн Краснодарерчу штабан белхахой лецна, уьш кхечу гIалара репортаж яккха шайн машенахь боьлхучу юкъанна. ДIабигина Краснодарерчу полицин урхалле. Кавказ.Реалиигахь йолчу информацица, Охан-беттан 14-чохь некъан инспекцино сацийна машен, оппозиционераш лецнарг ву полицин капитан Голубев Виктор.  Цо хIоттийра хьалхо штабан координаторна Панченко Анастасияна "ламастехь йоцчу боршачу нехан-зударийн юкъаметтигашна пропаганда ярна" протокол, тохийтира 50 эзар сом гIуда. Панченкос хаийтина редакцига... Читать дальше...

Коронавирусна дуьхьал бертаза вакцина еш хиларх дийцинчу воккхачу стага массо а къинтIера ваьккхина. Хьалхо цо хаам бинера, Нохчийчоьнан Iедалхоша пенси дIахададош хиларх вакцина яйта дуьхьал болчийн.

Францино депортаци йинчул тIаьхьа Новый Уренгой гIаларчу полицино Нохчийчоьнан ницкъхошка дIавелла хилла Гадаев Мохьмад лаьцна кхобуш ву Хьалха-Мартанарчу полицехь, хаам бина Оьрсийчуьрчу Human Rights Watch цхьаьнакхетараллин векала Локшина Татьянас, адвокатна тIе а тевжаш. Цо бахарехь, адвокат ца витина Гадаевна тIе, яздо "Кавказский узел" газето. "Гергарчаьргара таханенна (Охан-беттан 13-чохь - Ред.) йолчу информацица, Гадаев ницкъхоша Закан-Юьртарчу шен ден хIусаме валийна. Магийна ненаца доцца къамел дан. Читать дальше...

Ростоврчу тIеман кхело листа долийна ГIалгIайчуьрчу Тазиев Iелин (амир "Магас") кхоалгIа бехктакхаман дов – иза ишта а ву хьалха йинчу шина кхело хIоразза а велла дIаваллалц набахтехь кхаба кхачийна. Масех терроран тохар дарна, ГIалгIайчохь президент лаьттинчу Евкуровна кIело ярна бехке а веш, оьмар кхачаяллалц иза маршонах ваккха сацам бира йинчу кхелаша. ХIинца Тазиев Iелина бехкедо тIеман гIера "Вилайат ГIалгIайчоь" ("Кавказ Имаратан " гIалгIайн сектор) кхоллар а, бандтобанашна коьртехь латтар а... Читать дальше...

Алтай Республикехь 38 шо долчу нанна кхело таIзар кхачийна цо шен йоI етташ лелорна. ЙоI дIаяьккхина доьзалера. Талламчашна билгалдаьлла нанас, бусалба динца ма-доггIу ца леларна, 12 шо долчу беранна етташ хилла хилар. Мачаш юху аьчка Iайг, аннаш дуьлу аьчка гIирс, хIуманаш тIеухкург тухуш хилла йоIанна кест-кеста, яздо меттигерчу "Алт.КП" газето. Ша хьийзор, еттар лан а ца делла, цIера едда йоI, дIадийцина дерриг а лулахошка, ткъа цара полици кхайкхина. Ломан Алтайн кхело бехкейина нана бер гIелонехь кхабарна а... Читать дальше...

Оьрсийчоьно шен эскарийн ши арми а, тIеман десантан кхо цхьаьнакхетаралла а кхачийна пачхьалкхан малхузерчу дозанашна герга, дIахьедина Оьрсийчоьнан тIеман министра Шойгу Сергейс шинарин дийнахь. Североморскехь буьйранчийн кхеташо дIахьош ву Шойгу. Интерфакс агентство даладо тIеман министран дешнаш: "Iаморан-бIаьхойн Iалашонаш кхочушъян хьажийна эскарш оцу кIошташка. И гIулч яьккхина, Шойгус бахарехь, НАТО-н агIор иккхинчу кхерамна дуьхьал. Эскарша шаьш кхоччуш пачхьалкханна кхерамзалла латтон кийча дуйла гайтина, аьлла министра. Читать дальше...

Нохчийчоьнан куьйгалхочо Кадыров Рамзана шогачу дешнашца дIахаийтина шена ца лаьийла набахтехь кхобучу Оьрсийчуьрчу оппозиционере Навальный Алексейга Къуръан дIакхачадойтийла. Цунна хетарехь, тутмакх "шен политикан Iалашонца гIерта Дезачу жайнах пайдаэца, цо, шеко а йоцуш, провокацеш ярхьама лелор ду цу тIера аяташ, иза дан Iаьмначу Европехь а санна". Къуръан тутмакхе дIадала мегар ду, нагахь санна цо басалба дин тIеэцнехь, яздина Кадыровс шен телеграм-каналехь. Цо доьху набахтин белхахошка Навальныйга Къуръан ца кхачийтар... Читать дальше...

Оппозицерчу политикан Навальный Алексейн ХIинжа-ГIаларчу штабан координатор Атаев Эдуард а, цунна гIодеш хилла жигархо Манапов Мурад а лаьцна латтош ву полицино, административан низам талхорна бехке варца. И шиъ лоьхура гергарчара а накъосташа а, цIеххьана зIенера валар бахьана долуш. Атаев карош воцу дара ши де-буьйса, волу меттиг ца хууш, Манапов лехна дийнахь-буса. "Тхо даккхийде цхьана доккхачу зуламна бехке уьш ца бина. Даккхийде царна тIехь къизалла ца латтийна. Мархин беттан хьалхарчу денна совгIат ду иза ала а тарло"... Читать дальше...

Гадаев Мохьмадна депорт яле хьалха Кавказ.Реалиин корреспонденто къамел динера цуьнца, федералан эскаршна дуьхьал тIом бинчул тIаьхьа цо набахтехь хан яккхарх а Умарпашаевн гIуллакна тIехула ша теш муха хилла а, Францехь шех Iиттаделлачу зуламех а. - Францехь ахь мухIажаран статус ехнехь, хьуна депорт ян бакъо яц. Дуьххьара хьуна негатив а кхаьчна, ахь цунна латкъам бой, тIаккха а ара ца воккху цара хьо шайн пачхьалкхера. КхозлагIа а негатив йогIий, тIаккха цхьа а дуьхьало а йоцуш, хьуна депорт йойла ду церан. Читать дальше...