Новости за 29.01.2022

Një film i ri dokumentar tregon ngjarjet e muajve të parë të pandemisë COVID-19 në njërin nga spitalet më të goditura në Nju Jork. “Vala e Parë”, nën regjinë e Matthew Heineman, është xhiruar në Qendrën Mjekësore Hebreje në Llong Ajllënd. (Përgatitën: Valona Tela, Bujar Tërstena)

Presidenti rus, Vladimir Putin ka urdhëruar administratën e tij që të shqyrtojë një sistem të ri për të ndaluar përmbajtjen “toksike” në internet, ndonëse hollësitë nuk janë bërë të ditura. Sistemi i ri është përshkruar si “regjistër vetërregullues i përmbajtjes toksike”, me qëllim të “mbrojtjes së të rinjve”. Kremlini do të analizojë këtë sistem deri më 1 qershor, transmeton agjencia e lajmeve, Reuters. Për urdhrin e së enjtes, është raportuar fillimisht të shtunën, më 29 janar në mediat ruse. Читать дальше...

Partitë në pushtet në Itali i kanë kërkuar të shtunën presidentit, Sergio Mattarella që të vazhdojë një mandat të dytë, pasi kanë dështuar që të gjejnë kompromis për një kandidat të ri. Mattarella, 80-vjeçar, i cili ka thënë më parë se nuk dëshiron të vazhdojë një mandat të dytë, ende nuk ka komentuar zhvillimet e fundit. Kryeministri italian, Mario Draghi ka folur me Mattarellan të shtunën, duke i thënë se ai duhet të mbajë pozitën e presidentit “për të mirën dhe stabilitetin e këtij shteti”, ka thënë një burim qeveritar. Читать дальше...

Kërkesat për poçerinë tradicionale shqiptare thuhet të jenë rritur. Por, në poçaritë e Shqipërisë aktualisht janë të punësuar më pak artizanë sesa në kohën e komunizmit. (Përgatitën: Trim Haliti dhe Arben Hoti)

Ministria e Shëndetësisë në Kosovë ka njoftuar se të shtunën, më 29 janar, janë regjistruar 3,628 raste të reja me koronavirus, pas testimit të 14,479 mostrave. Shkalla e pozitivitetit nga mostrat e marra është 25.05 për qind. Në 24 orët e fundit nuk ka pasur viktima me këtë virus.  Autoritetet shëndetësore kanë njoftuar edhe se 697 persona janë shëruar derisa 33,952 persona janë ende aktivë në koronavirus. Kosova ka nisur fushatën e vaksinimit kundër koronavirusit në mars të vitit të kaluar. Читать дальше...

Maqedonia e Veriut shpreson në zgjidhjen e mosmarrëveshjeve me Bullgarinë në kuadër të grupeve të punës që u zyrtarizuan më 25 janar, në mbledhjen e dy qeverive në Sofje. Edhe kryeministri bullgar, Kiril Petkov, gjatë raportimit të tij para deputetëve të Kuvendit Popullor në Sofje, më 27 janar, tha se dy vendet janë në rrugë të mbarë për një fillim të mbarë, por për dallim nga më parë kur tha se pret rezultate në gjashtë muajt e parë të vitit, kësaj radhe nuk dha afate nëse brenda kësaj periudhe mund të pritet një marrëveshje finale. Читать дальше...

Të shtunën në Prishtinë është mbajtur një protestë kundër shtrenjtimit të energjisë elektrike. Protesta është organizuar Partia Sociademokrate (PSD). Me mbishkrimet, ”Ju e rrisni çmimin, ne rezistencën”, “Krejt rrogat në rrymë”, “Krejt dhe shtrenjtë”, “Lypëm dritë, gjetëm terr” dhe thirrjet “Populli i bashkuar ka për të fituar”, qytetarët kanë shprehur pakënaqësitë e tyre ndaj propozimit të Zyrës së Rregullatorit të Energjisë (ZRRE) për tarifat e reja të energjisë. Protestuesit janë nisur nga... Читать дальше...

Dy prej fotoreporterëve më me përvojë të luftës në Ukrainë kanë folur për Radion Evropa e Lirë rreth atmosferës përgjatë vijës ndarëse në Donbas, teksa frika për një pushtim të plotë nga Rusia po rritet. Anatolii Stepanov: "Më qetë se në Kiev" Në vijat e frontit duket më qetë sesa në Kiev. Kështu është zakonisht – sa më larg kryeqytetit, dhe sa më afër frontit, aq më qetë është. Të gjithë këtu e dinë se çfarë duhet të bëjnë. Këtu nuk ka histeri, si ajo që shihet në media aktualisht. Gjatë muajit të fundit... Читать дальше...

Në Hong Kong është fshehur një nga memorialët e fundit publikë për ata që janë vrarë në protestat e Tiannamenit. Kaligrafia – e pikturuar mbi një urë – ka nderuar protestuesit pro-demokracisë, të cilët janë vrarë nga autoritetet kineze në Pekin më 1989. Ky memorial është fshehur me metal të shtunën nga Universiteti i Hong Kongut, i cili e ka konsideruar punën si mirëmbajtje rutinore. Mirëpo fshehja e memorialit vjen në kohën kur Pekini ka rritur shtypjen ndaj disidentëve politikë në Hong Kong. Читать дальше...

Austria është duke relaksuar gradualisht kufizimet për luftim të pandemisë së koronavirusit, pavarësisht numrit të lartë të infektimeve ditore. Duke nisur nga 5 shkurti, ora policore do të zbatohet nga mesnata, për dallim nga ora 22:00 sa është tani. Nga 12 shkurti, nuk do të ketë më kërkesë për testim apo pasaportë të vaksinës në sektorin e shitjes, ka thënë kancelari Karl Nehammer nga Vjena më 29 janar. Prej 19 shkurtit, njerëzit me një test negativ në koronavirus, por pa dëshmi të vaksinimit apo shërimit nga ky virus... Читать дальше...

Në vitin 2011, Sadete Bucolli - Gërbeshi kishte vendosur të futej në biznes, duke hapur çerdhen e parë në Lagjen e Vreshtave në Prishtinë. Sot, ajo ka në pronësi katër çerdhe, në të cilat ka arritur të punësojë më shumë se tridhjetë gra.

Në kohën kur në strukturat e Bashkimit Evropian po bëhen përgatitjet për sanksione ndaj Rusisë, në rast të agresionit të ri në Ukrainë, është aktualizuar edhe një herë çështja e përshtatjes së partnerëve të BE-së me politikën e saj të jashtme dhe sidomos me masat ndëshkuese. Raportet e BE-së ndaj Rusisë, por edhe masat ndaj lidershipit të Bjellorusisë, deklaratat për mbrojtjen e të drejtave të njeriut në shtetet e Afrikës dhe Azisë, janë parë shpesh si test edhe për gatishmërinë që shtetet e rajonit... Читать дальше...

Prej kur talibanët kanë marrë pushtetin në Afganistan, në gusht të vitit të kaluar, janë kryer më shumë se 100 vrasje të ish-punëtorëve shtetërorë, sipas disa dyshimeve që konsiderohen të besueshme nga Kombet e Bashkuara. Më shumë se dy të tretat e vrasjeve dyshohet se janë kryer nga autoritetet de fakto dhe bashkëpunëtorët e tyre, sipas një raporti të brendshëm  të Sekretarit të Përgjithshëm të OKB-së, Antonio Guterres, të cilin e ka siguruar agjencia e lajmeve, dpa. Xhihadistët e të ashtuquajturit... Читать дальше...

Gjenerali amerikan, Mark Milley ka thënë se pushtimi i Ukrainës nga ana e Rusisë do të ishte “i tmerrshëm” dhe do të rezultonte me një numër të madh të viktimave. Gjenerali Milley e ka përshkruar pozicionimin e gati 100,000 trupave ruse afër kufirit të Ukrainës, si hapin e tillë më të madh prej Luftës së Ftohtë. Mirëpo Sekretari amerikan i Mbrojtjes, Lloyd Austin ka thënë se konflikti mund të shmanget ende përmes diplomacisë. Rusia mohon se planifikon të pushtojë Ukrainën dhe se e sheh përkrahjen amerikane ndaj këtij shteti si kërcënim. Читать дальше...

Popullsia e Rusisë është zvogëluar për më shumë se gjysmë milioni më 2021 dhe sëmundja COVID-19, që shkakton koronavirusi, është konsideruar fajtorja kryesore për këtë gjë. Rusia ka pasur 145.5 milionë banorë në muajin janar, gati 700,000 më pak sesa një vit më parë, sipas të dhënave zyrtare të publikuara nga Agjencia shtetërore e Statistikave, Rosstat. Zëvendëskryeministrja ruse, Tatyana Golikova, ka thënë COVID-19 është shkaku kryesor për këtë trend. Zyrtarisht, task-forca ruse për koronavirus... Читать дальше...

Presidenti turk, Recep Tayyip Erdogan, ka shkarkuar kreun e agjencisë shtetërore të statistikave, sipas një dekreti të publikuar më 29 janar. Ky njoftim është bërë disa javë pasi Sait Erdal Dincer, shef i Institutit Turk të Statistikave ka publikuar raportin që tregon se shkalla e inflacionit është më e larta në 19 vjet. Në vend të Dencer është emëruar, Erhan Cetinkaya. Erdogan nuk ka dhënë sqarim për emërimin e Centinkayas, i cili më parë ka shërbyer si zëvendësshef i rregullatorit bankar të Turqisë. Читать дальше...