Новости за 21.01.2022

Autoritetet italiane kanë raportuar të premten se 1,913 mjekë dhe dentistë janë pezulluar nga detyra, pasi kanë refuzuar që të vaksinohen kundër koronavirusit. Asociacioni Kombëtar i Mjekëve dhe Dentistëve, ka thënë se mjekët kanë dështuar që të prezantojnë dëshminë e vaksinimit. Njoftimi i 21 janarit vjen pas pezullimit të 1,656 mjekëve në muajin nëntor të vitit të kaluar. Profesionistëve mjekësorë u është kërkuar të jenë të vaksinuar kundër koronavirusit, prej miratimit të ligjit të ri, që ka nisur të zbatohet në muajin prill. Читать дальше...

Rusia ka grumbulluar rreth 127,000 trupa pranë kufijve me Ukrainën. Në rast të një pushtimi, ushtria e Ukrainës do të ishte dukshëm në disavantazh numerik, dhe disa ekspertë perëndimorë besojnë se forcat e Kievit mund të mposhten shpejt. Por, analistët ukrainas përmendin disa resurse, përfshirë pajisje të ofruara nga fuqitë perëndimore, të cilat e bëjnë Ukrainën një fuqi më të fortë sesa që ajo mund të duket.

Takimet vjetore të Forumit Ekonomik Botëror, të caktuara fillimisht në muajin janar, do të zhvillohen në Davos, Zvicër nga 22 deri më 26 maj. “Pas të gjitha takimeve virtuale në dy vjetët e fundit, liderë nga politika, biznesi dhe shoqëria civile, do të takohen më në fund personalisht”, ka thënë themeluesi dhe drejtori ekzekutiv i këtij Forumi, Klaus Schwab, përmes një deklarate. Edicioni këtij viti pritet të shënojë herën e parë që liderët botërorë do të takohen personalisht, prej shpërthimit të pandemisë. Читать дальше...

Afganët e evakuuar në Kosovë, rrezikojnë që t’iu ndalohet hyrja në Shtetet e Bashkuara, për shkak të lidhjeve të dyshuara me talibanët dhe grupe tjera terroriste, kanë thënë zyrtarët amerikanë, raporton e përditshmja amerikane, Wall Street Journal. Kjo nënkupton që personat e dyshuar mund të mbesin pa vend që i strehon. Më pak se 10 afganë janë shpallur të shpallur të papërshtatshëm për të hyrë në SHBA, pasi zyrtarët për siguri kanë gjetur informacion skualifikues për ata gjatë procesit të verifikimit... Читать дальше...

Qeveria e Kosovës ka miratuar të premten, 21 janar, masa të reja për luftim të pandemisë së koronavirusit, pas rritjes së numrit të rasteve të infektimit në këtë shtet. Në vendim është thënë se situata epidemiologjike është e qetë, mirëpo rreziku mbetet pasi varianti Omicron është dominues. Sipas vendimit të Qeverisë, qytetarët që hyjnë në Kosovë duhet të jenë të vaksinuar plotësisht dhe të kenë edhe dozën përforcuese. Ata që nuk kanë dozën përforcuese, duhet të kenë test negativ të llojit PCR, të vlefshëm për 48 orë. Читать дальше...

Organizata Botërore e Shëndetësisë (OBSH), ka thënë se dozat përforcuese të vaksinave kundër koronavirusit duhet t’iu ofrohen fillimisht personave më të cenueshëm. Kështu, OBSH ka qëndruar larg deklaratave të mëhershme se dozat përforcuese janë të panevojshme për të rinjtë e shëndetshëm. Në një konferencë për media të premten, 21 janar, OBSH ka thënë se rekomandon dozën përforcuese të vaksinës së prodhuar nga Pfizer/BioNTech, duke nisur nga grupet me prioritet të lartë, katër deri në gjashtë muaj pas vaksinimit të plotë. Читать дальше...

Shfrytëzimi i lavatriçes, enëlarëses e bojlerit pas orës 22:00 do të ndihmonte që qytetarët e Kosovës të paguajnë më pak për rrymën e shpenzuar, thonë nga Kompania Kosovare për Distribuim të Energjisë Elektrike (KEDS). Skemën e shpenzuesve të energjisë elektrike në Kosovë, 68 për qind e përbëjnë konsumatorët shtëpiakë. Mesatarja e faturës së tyre mujore është rreth 30 euro, apo 450 kilovatë në orë energji elektrike. Nga data 1 tetor deri më 31 mars, në Kosovë aplikohet tarifa e ulët e rrymës, prej orës 22:00 deri në 07:00. Читать дальше...

Bashkimi Evropian ka thënë se do të rikthejë prezencë “minimale” në Afganistan, për qëllime humanitare, teksa kriza e madhe ekonomike ka përbllur miliona afganë me varfëri. Megjithatë, blloku evropian ka thënë se ky veprim nuk nënkupton njohje të administratës së udhëhequr nga talibanët. Ky vendim, i konfirmuar nga zëdhënësi i BE-së, Peter Stano më 21 janar, përbën njoftimin e parë të tillë nga fuqitë e Perëndimit, prej kur shumica e qeverive kanë tërhequr stafin e tyre nga Kabuli, pas rënies së Afganistanit nën talibanët... Читать дальше...

Ministria e Shëndetësisë në Kosovë, ka njoftuar se të premten, më 21 janar, janë regjistruar 2,943 raste të reja me koronavirus, pas testimit të 11,563 mostrave. Shkalla e pozitivitetit nga mostrat e marra është 25.45 për qind. Në 24 orët e fundit është regjistruar një viktimë. Autoritetet shëndetësore kanë njoftuar edhe se 317 persona janë shëruar derisa 12,396 persona janë ende aktivë në koronavirus. Sa i përket vaksinimit, autoritetet kanë administruar edhe 4,467 doza të reja të vaksinës kundër koronavirusit. Читать дальше...

Zhbllokimi i perspektivës së vendeve të Ballkanit Perëndimor për anëtarësim në Bashkimin Evropian është parakusht për ringjalljen e procesit të dialogut Kosovë-Serbi, thotë në një intervistë për Radion Evropa e Lirë, Bodo Weber, ekspert për Ballkanin dhe bashkëpunëtor i lartë i Këshillit për Politika të Demokratizimit në Berlin. Sipas tij, ky zhbllokim duhet të ndodhë, ndërmjet Qeverisë gjermane dhe presidentit francez, Emannuel Macron. Pa plotësimin e parakushteve, ai shprehet mjaft skeptik se të dërguarit e posaçëm të BE-së dhe SHBA-së... Читать дальше...

Disa banorë të qytetit Futaba, qyteti i vetëm i pabanuar në Japoni që ende po shërohet nga efektet e rrezatimit nga shkrirja e centraleve bërthamore në vitin 2011, janë rikthyer të jetojnë për herë të parë që nga tërmeti masiv dhe cunami që i detyroi ata të largoheshin.   Shumicën e zonave të tjera, autoritetet i kanë shpallur të sigurta dhe i kanë rihapur ato pas përpjekjeve të shumta për dekontaminim gjatë dekadës së fundit.   Në Futuba, vetëm 15 nga 7 mijë banorët që jetonin atje përpara se ta godiste tragjedia... Читать дальше...

Pas dy vjetësh me infektime, viktima dhe kufizime, koronavirusi duket se ka marrë një formë të re. Varianti i ri Omicron është duke u përhapur më shpejt se çdo variant tjetër, por rezulton të jetë më pak i ashpër. Flitet se pandemia shpejt mund të njihet si endemi. Cilat janë gjasat?

Diplomatët më të lartë të Shteteve të Bashkuara dhe të Rusisë, kanë filluar bisedimet në Gjenevë, në një përpjeke të vazhdueshme për të lehtësuar tensionet e ngritura prej javësh, mes shqetësimeve se Rusia do ta pushtojë Ukrainën, pavarësisht paralajmërimeve për pasoja të rënda. Sekretari amerikan i Shtetit, Antony Blinken, dhe ministri i Jashtëm rus, Sergei Lavrov, filluan takimin më 21 janar në përpjekje që të shmangin një luftë të mundshme në Evropë. I ulur përballë ministrit të Jashtëm rus... Читать дальше...

Presidenti i Kazakistanit, Qasym-Zhomart Toqaev, thotë se një “hendek i papranueshëm” mes të pasurve dhe të varfërve çoi në protesta vdekjeprurëse antiqeveritare që tronditën vendin e Azisë Qendrore në fillim të janarit. Të premten më 21 janar, Toaqev tha se nevojiten “reforma reale” për të adresuar problemet e ngritura nga disa prej protestuesve. Duke folur me përfaqësuesit e bizneseve kryesore të vendit të pasur me naftë, ai tha se “hendeku midis agjendës së deklaruar social-ekonomike dhe situatës... Читать дальше...

Gjermania shënoi një rekord prej 140,160 rastesh të reja me koronavirus të premten, tha ministri gjerman i Shëndetësisë, i cili paralajmëroi se deri në mesin e muajit shkurt, mund të ketë të paktën 400 mijë raste të reja në ditë. Sipas tij, kjo shifër do të arrihej me një skenar optimist nëse dozat përforcuese ofrojnë mbrojtje më të madhe, tha Karl Lauterbach, gjatë një diskutimi me drejtuesit e Qeverisë gjermane, bëjnë të ditur burime të agjencisë Reuters. Sipas këtyre burimeve, numri mund të... Читать дальше...

Italia është gati të zgjedhë presidentin e ri dhe synon nxisë unitetin, pas grindjeve politike. Silvio Berlusconi mendon se është i përshtatshëm për këtë pozitë. Manjati i medias, miliarderi dhe tri herë kryeministër i Italisë, që hyri në politikë gati 30 vjet më parë, Berlusconi, po synon t’i shtojë karrierës së tij edhe pozitën më të lartë në këtë shtet. Berlusconi ishte dënuar për mashtrim me tatime dhe ishte përjashtuar nga Senati. Por, sa i përket shembullit të tij nga ana morale, 85-vjeçari... Читать дальше...

Reuters Rritja e tensioneve ndërmjet Moskës dhe fuqive perëndimore ka rritur mundësinë e vendosjes së sanksioneve të reja ndaj Rusisë, që ndoshta do të ishin sanksionet më të rënda që janë vendosur deri më tani, nëse Kremlini sulmon Ukrainën. Javën e kaluar, demokratët në Senatin amerikan prezantuan një projektligj për vendosjen e sanksioneve gjithëpërfshirëse ndaj Qeverisë dhe zyrtarëve ushtarakë rusë, përfshirë edhe ndaj presidentit Vladimir Putin dhe institucioneve bankare, nëse Rusia përfshihet në veprime armiqësore ndaj Ukrainës. Читать дальше...