Новости за 14.08.2016

Օգոստոսի 14-ին վեց ռուսաստանյան Ту-22М3 հեռահար ռմբակոծիչներ, օդ բարձրանալով Ռուսաստանի Դաշնության տարածքում գտնվող օդանավակայանից, կենտրոնացված հարված են հասցրել Սիրիայի տարածքում գտնվող «Իսլամական պետության» դիրքերի ուղղությամբ: Ռուսաստանի պաշտպանության նախարարության պաշտոնական կայքը հաղորդում է, որ հարվածի հետևանքով ոչնչացվել է ահաբեկիչների 2 կառավարման հենակետ, զենք-զինամթերքի 6 խոշոր պահես, 2 տանկ, 4 զրահամեքենա և 7 ամենագնաց:

Շվեյցարիայում օգոստոսի 13-ին 27-ամյա տղամարդը դանակով հարձակվել է գնացքի ուղևորների վրա, վիրավորել նրանցից 7-ին և հրկիզել գնացքի վագոնը։ Դանակահարավածներից մեկը՝ 34-ամյա մի կին, այսօր մահացել է, վիրավորներից 3-ի վիճակը գնահատվում է ծայրահեղ ծանր։ Հարձակումն իրականացրած տղամարդը ծանր այրվածքներ է ստացել և տեղափոխվել է հիվանդանոց։ Շվեյցարիայի ոստիկանության տվյալներով, կասկածյալը որևէ ահաբեկչական կազմակերպության հետ կապեր չի ունեցել։ Միջադեպը տեղի է ունեցել Սալեզի երկաթուղյին կայարանում։   ... Читать дальше...

Հայաստանի ողջ տարածքում oգոստոսի 18,19-ին սպասվում է առանց տեղումների եղանակ, oգոստոսի 15-17-ը Շիրակում, Լոռիում ,Տավուշում օրվա երկրորդ կեսին և գիշերվա առաջին կեսին սպասվում է կարճատև անձրև և ամպրոպ, ամպրոպի ժամանակ‵ քամու ուժգնացում‵ 15-20 մ/վրկ արագությամբ, տեղեկացնում է ՀՀ արտակարգ իրավիճակների նախարարության պաշտոնական կայքը: Երևանում օգոստոսի 15-19-ը սպասվում է առանց տեղումների եղանակ, առավելագույն կանխատեսվող ջերմաստիճանը՝ օգոստոսի 19-ին՝ 38 աստիճան։

Հայ Առաքելական եկեղեցին այսօր նշում է Սուրբ Աստվածածնի տոնը։ Էջմիածնի Մայր Տաճարում մատուցվել է տոնական Սուրբ Պատարագ, որի ավարտին Մայր Աթոռի Բաց խորանին կատարվել է Խաղողօրհնեքի արարողություն: Մայր Աթոռ Սուրբ Էջմիածնի պաշտոնական կայքում հրապարակված հաղորդագրության համաձայն, տոնին հաջորդող օրը՝ օգոստոսի 15-ին, Ս. Էջմիածնի Մայր Տաճարում կմատուցվի Մեռելոց Ս. Պատարագ:

Ռուսաստանի հյուսիս-կովկասյան Դաղստան հանրապետության Թաղիրքենդ-Կազմալյար գյուղում անվտանգության ծառայությունները շրջափակել են մի առանձնատուն, որտեղ ենթադրաբար զինյալներ են թաքնվում։ Պաշտոնյաները հայտարարել են, որ զինյալներից մեկը սպանվել է։ Դաղստանում պարբերաբար տեղի են ունենում արյունալի բախումներ հանցավոր խմբավորումների և Հյուսիսային Կովկասում իսլամական խալիֆայություն ստեղծելու մասին հայտարարող զինյալների մասնակցությամբ։

Միացյալ Նահանգների փոխնախագահ Ջո Բայդենը օգոստոսի 24-ին կայցելի Թուրքիա՝ անցած ամիս այդ երկրում տեղի ունեցած հեղաշրջման փորձից հետո Անկարայի և Արևմուտքի միջև ծագած լարվածության ֆոնին։ Հեղաշրջման փորձի տապալումից հետո սա ամերիկյան առաջին բարձրաստիճան պաշտոնյայի այցն է Թուրքիա։ Բայդենի այցի նախաշեմին Թուրքիայի վարչապետ Բինալի Յըլըրըմը հայտարարել է, որ բարելավել է Վաշինգտոնի դիրքորոշումը ԱՄՆ-ում գտնվող թուրք հոգևորական Ֆեթուլլահ Գյուլենին արտահանձնելու հարցում․ վերջինիս Անկարան մեղադրում է հեղաշրջման... Читать дальше...

Գերմանիայի արտգործնախարարը հայտարարել է, որ Սիրիայի քաղաքացիական պատերազմի կիզակետում հայտնված Հալեպ քաղաքին անհրաժեշտ է անհապաղ հումանիտար օգնություն ցուցաբերել և դա իրականացնելու համար կարող է «օդային կամուրջ» ստեղծելու անհրաժեշտություն առաջանալ։ Արտգործնախարար Ֆրանկ-Վալտեր Շտայնմայերը Welt am Sonntag թերթի հետ զրույցում հայտարարել է, որ Գերմանիան բանակցություններ է վարում Միացյալ Նահանգների, Ռուսաստանի և Միացյալ ազգերի կազմակերպության հետ՝ սիրիական այդ քաղաքին «հրատապ մարդասիրական աջակցություն»... Читать дальше...

Վարչապետ Հովիկ Աբրահամյանն աշխատանքային այց է կատարել Լոռու մարզ: ՀՀ կառավարության տեղեկատվության և հասարակայնության հետ կապերի վարչության տարածած հաղորդագրության համաձայն, Հովիկ Աբրահամյանը այցելել է Սպիտակի թռչնաբուծական ֆաբրիկա, Վանաձորի տեխնոլոգիական կենտրոն, Վանաձորի նախկին ճոպանուղու տարածք, որտեղ Հովիկ Աբրահամյանին են ներկայացվել ճոպանուղու վերագործարկման հետ կապված ծրագրերն ու խնդիրները: Այնուհետև վարչապետ Աբրահամյանին է ներկայացվել Վանաձորի հիվանդանոցային համալիրի կառուցման աշխատանքների ընթացքը... Читать дальше...