Новости за 07.08.2016

Մակեդոնիայի մայրաքաղաք Սկոպյեում գիշերը տեղի ունեցած փոթորիկների պատճառով սկսված անսպասելի ջրհեղեղները առնվազն 15 մարդու կյանք են խլել, 6 մարդ համարվում է անհետ կորած: «Սա աղետ է: Մենք երբևէ նման բան չենք տեսել», - «Ֆրանսպրես» գործակալության փոխանցմամբ` հայտարարել է Սկոպյեի քաղաքապետ Կոցե Տրայանովսկին: Տեղի լրատվամիջոցների փոխանցմամբ, մայրաքաղաքում քամու արագությունը հասել է մինչև 70 կմ/ժ, իսկ ջրի բարձրությունը որոշ տեղերում հասել է մեկուկես մետրի:

«Սասնա ծռեր» զինված խմբի անդամ Թաթուլ Թամրազյանի պաշտպան Մոնիկա Մարգարյանն այսօր «Ազատությանը» տեղեկացրեց, որ բողոքարկելու է իր պաշտպանյալի կալանավորման որոշումը: Հիշեցնենք` երեկ հայտնի դարձավ, որ «Սասնա ծռեր» խմբի անդամներ Արմեն Լամբարյանն ու Թաթուլ Թամրազյանը երկու ամսով կսլանավորվել են, նրանց մեղադրանք է առաջադրվել ու դատական նիստից հետո տեղափոխվել են «Դատապարտյալների հիվանդանոց»:

Հայաստանի ողջ տարածքում օգոստոսի 8-12-ը սպասվում է առանց տեղումների եղանակ, օդի ջերմաստիճանը 10-11-ը կբարձրանա 1-2 աստիճանով և Արարատի, Արմավիրի մարզում և Վայոց ձորի մարզի նախալեռներում կկազմի 38-39 աստիճան, տեղեկացնում է ՀՀ արտակարգ իրավիճակների նախարարության պաշտոնական կայքը: Երևանում օգոստոսի 10-ից 12-ը օդի ջերմաստիճանը կբարձրանա մինչև 39 աստիճան:

ԱՄՆ Կենտրոնական հետախուզական վարչության նախկին ղեկավար Մայքլ Մորելը հայտարարել է, որ նախագահի հանրապետական թեկնածու Դոնալդ Թրամփը կարող է լինել Կրեմլի «ակամա գործակալ» և կոչ է արել ամերիկացի ընտրողներին աջակցել դեմոկրատ թեկնածու Հիլարի Քլինթոնին: «Եթե հետախուզական տերմինաբանությամբ խոսենք, կարելի է ասել, որ Պուտինը հավաքագրել է Պրն. Թրամփին որպես Ռուսաստանի Դաշնության ակամա գործակալ», - ասել է Մորելը:

Իրանի հարավային Բուշեր նահանգում գազամուղի պայթյունից առնվազն մեկ մարդ զոհվել է, երեքը` վիրավորվել, հաղորդում են իրանական լրատվական գործակալությունները: Պայթյունի պատճառները դեռ պարզ չեն, մոտակա գյուղերն էվակուացվել են անվտանգության նկատառումներով:

2015 թվականի հունիսի 23-ին Երևանի Բաղրամյան պողոտայում, Ազատության հրապարակում և հարակից տարածքներում ոստիկանության ծառայողների կողմից առերևույթ բռնության գործադրմամբ զուգորդված պաշտոնեական լիազորություններն անցնելու, պաշտոնեական դիրքն օգտագործելով` լրագրողի մասնագիտական օրինական գործունեությանը խոչընդոտելու, ուրիշի գույքը դիտավորությամբ ոչնչացնելու կամ վնասելու վերաբերյալ ՀՀ հատուկ քննչական ծառայությունում իրականացված նախաքննության ընթացքում ոստիկանության ևս երկու ծառայողների՝ ոստիկանության կապիտան Տ. Читать дальше...

«Հարավկովկասյան երկաթուղի» ՓԲԸ տեղեկացնում է, որ օգոստոսի 7-ին, Երկաթուղայինների օրվա կապակցությամբ, երթևեկությունը «ՀԿԵ» ՓԲԸ հանրապետության բոլոր էլեկտրագնացքներով կլինի անվճար:

Բելգիայում երկարաշեղբ դանակով` մաչետեով հարձակվողը օգոստոսի 6-ին երկու կին ոստիկանի է վիրավորել` այդ ընթացքում գոռալով «Ալլահ Ակբար»: Ոստիկաններից մեկը հոսպիտալացվել է: Բելգիայի վարչապետ Շառլ Միշելը ասել է, որ նախնական տեղեկություններով տեղի ունեցածը ահաբեկչական հարձակում է: «Բելգա» լրատվական գործակալությունը հաղորդել է, որ դեպքի վայրում գտնվող մեկ այլ ոստիկան կրակել է վիրավորել է հարձակվողին, ով, որոշ ժամանակ անց, մահացել է: Բելգիան ահաբեկչական հարձակումների հավանական թիրախ է համարվում Բրյուսելում... Читать дальше...

Ամերիկյան քաղաքացիական իրավունքների միությունը հրապարակել է ԱՄՆ նախագահ Բարաք Օբամայի` նախկինում պետական գաղտնիք համարվող քաղաքականությունը ներկայացնող փաստաթուղթ` օտարերկրյա պետություններում անօդաչու թռչող սարքերով (ԱԹՍ) հարձակումների մասին: 18 էջ ծավալով փաստաթուղթը հրապարակելու համար իրավապաշտպան կազմակերպությունը դատի էր տվել իշխանություններին` Տեղեկատվության ազատության մասին օրենքի պահանջները չկատարելու համար: Փաստաթղթում նշվում է, որ ահաբեկիչների դեմ ԱԹՍ-ներով հարձակումները օտար պետությունների տարածքում թույլատրելի են` պայմանով... Читать дальше...

Վրաստանի ներքին գործերի նախարարությունը տեղեկացրել է, որ երկրի հյուսիս-արևմուտքում գտնվող Ուշբա լեռան վրա հայտնաբերվել են չորս օտարերկրացի լեռնագնացների մարմիններ: Իշխանությունները չեն հրապարակել մահացած օտարեկրացիների անունները, սակայն նշել են, որ նրանցից մեկը ռուսաստանցի է, մեկը` էստոնացի, երկուսը` Իսրայելի քաղաքացիներ: Նախնական տեղեկություններով` լեռնագնացները գահավիժել են անդունդը և տեղում մահացել: