Новости за 11.03.2020

(Казан, 11 март, «Татар-информ»). Бүген Башкортстан Республикасына эш сәфәре кысаларында Татарстан Премьер-министры урынбасары, Бөтендөнья татар конгрессы Милли шура рәисе Васил Шәйхразыев Бөек Ватан сугышы ветераннары Әсхәт Минһаҗетдинов һәм Ришат Исмәгыйлевтә кунакта булды. Аларга Бөек Ватан сугышында җиңүнең 75 еллыгы белән котлады һәм Бөтендөнья татар конгрессы медальләрен тапшырды. Бу турыда Бөтендөнья татар конгрессы сайтында хәбәр ителә.

(Казан, 11 март, «Татар-информ», Гөлнар Гарифуллина). Казанның 4 нче гимназия-интернатының рус теле һәм әдәбияты укытучысы Анна Ихсанова «Казанның ел укытучысы-2020» бәйгесендә абсолют җиңүче булды. «Татар-информ» хәбәрчесенә ул җиңүгә омтылышта балаларга һәм әдәбиятка мәхәббәт ярдәм иткәнен әйтте.

(Казан, 11 март, «Татар-информ», Зилә Мөбәрәкшина). Казанда «Ябалак» дип аталган татарча интеллектуаль уен үткәрелде. Чарада катнашкан татар яшьләре әлеге уенны белемгә тартылу һәм эрудицияне киңәйтә дип саный. Бу хакта Динара Галләмова белән Йолдыз Шәрәпова «Татар-информ» хәбәрчесенә уен тәмамланганнан соң сөйләде.

(Казан, 11 март, «Татар-информ», Рузилә Мөхәммәтова). Татарстан Дәүләт советы депутатлары күренекле артист Исламия Мәхмүтова истәлеген һәм исемен мәңгеләштерү өчен ул эшләгән театр бинасына яки ул соңгы елларда яшәгән йорт диварына мемориаль такта кую инициативасы белән чыккан. Тәкъдим хаты Татарстан Республикасы Премьер-министры Алексей Песошин исеменә язылган.

(Казан, 11 март, "Татар-информ"). Хәзер «Азан» радиосын туры эфирда тыңлаудан тыш, аерым сәхифәләрне «Азан» радиосы сайтының «Тапшырулар» битендә һәм azan.fm подкастлары аша тыңларга мөмкин. Рубрикаларда ислам белән бәйле төрле темалар карала. Гаилә-хокук мәсьәләләре, намаз дәресләре, догалар, мәчетләр тарихы, күренекле мөселманнарның биографияләре, әхлакый тәрбия һәм башкалар бар. Бу турыда Татарстан Диния нәзарәте матбугат хезмәте хәбәр итте.

(Казан, 11 март, «Татар-информ»). Казанның җәмәгать транспортында йогышлы авырулар, грипп, ОРВИ һәм коронавирусны кисәтү максатыннан дезинфекция режимы көчәйтелә. Бу турыда мэриянең матбугат хезмәте хәбәр итә.

(Казан, 11 март, «Татар-информ», Гөлнар Гарифуллина). Татарстанның Архив эше буенча дәүләт комитеты «Госманлы империясе архивында Казан турында» җыентыгын тәкъдим итәргә әзер. Бу хакта Татарстан Дәүләт Советының Мәгариф, мәдәният, фән һәм милли мәсьәләләр комитеты утырышында дәүләт комитеты рәисе Гөлнара Габдрахманова сөйләде.

(Казан, 11 март, «Татар-информ», Рузилә Мөхәммәтова). «Безнең җыр» иҗат лабораториясендә туган җырларның авторлык хокукларын проектны уздырган «Калеб» яңа буын җыены үзенә алмый. Бу хакта бүген проект буенча уздырылган матбугат конференциясендә Гүзәл Сәгыйтова әйтте.

(Казан, 11 март, «Татар-информ», Марат Ишкильдин). Казанда 1904 елда салынган И.В.Әүхәдиев исемендәге Казан музыка көллиятен 109 млн сумга ремонтларга ниятлиләр. Объектта ремонт эшләре 2021 елга кадәр дәвам итәчәк. Бу хакта дәүләт сатып алулары сайтында хәбәр ителә.

(Казан, 11 март, «Татар-информ», Рузилә Мөхәммәтова). Йолдыз Миңнуллина шигыренә язылган җырлар «Безнең җыр» гиҗат лабораториясенең гала-концертына үтмәгән. Оештыручылар моның сәбәпләрен аңлаттылар.

(Казан, 11 март, «Татар-информ»). Дөньяда Covid-19 коронавирусы таралу пандемия рәвешен алды. Бу хакта РИА Новости Бөтендөнья сәламәтлек саклау оешмасы генераль директоры сүзләренә сылтама белән хәбәр итә.

(Казан, 11 март, «Татар-информ», Елена Сәләхова). Бу атнада Татарстанда көннәр 10 градуска кадәр җылытачак. Бу хакта Татарстан Хөкүмәте йортында комиссия утырышында Татарстан Гидрометеорология һәм әйләнә-тирә мохитне күзәтү идарәсе башлыгы Сергей Захаров хәбәр итте.

(Казан, 11 март, «Татар-информ»). 13 марттан башлап Россия Италия, Франция, Германия һәм Испания белән авиаэлемтәне вакытлыча чикли. Бу хакта ТАСС хәбәр итә.

(Казан, 11 март, «Татар-информ», Рузилә Мөхәммәтова). «Безнең җыр» иҗат лабораториясендә туган җырлар элеккеге буын яраткан җырларны кабатламый. Оештыручылар тамашачыга яңа заманның затлы җырларын вәгъдә итә. Бүген «Татар-информ»да иҗат лабораториясе нәтиҗәләре турында фикер алыштылар.

(Казан, 11 март, "Татар-информ"). Мәскәүдә мәктәп укучыларының программалаштыру буенча XIV ачык олимпиадасы узды. Казан федераль университетының Николай Лобачевский исемендәге лицее укучылары җиңүчеләр һәм призерлар арасында. Бу турыда Татарстан Мәгариф һәм фән министрлыгы матбугат хезмәте хәбәр итте.

(Казан, 11 март, «Татар-информ»). Россия Конституциясендәге сәламәтлек саклау өлкәсенә кагылышлы төзәтмәләр халыкның бушлай сыйфатлы медицина ярдәме алу мөмкинлеген арттырачак. Ул Россиянең кайсы почмагында яшәүгә карамаячак. Бу турыда Россия Дәүләт Думасы депутаты, Татарстанның элеккеге сәламәтлек саклау министры Айрат Фәррахов «Ватаным Татарстан» хәбәрчесе соравына җавап итеп сөйләде.

(Казан, 11 март, "Татар-информ"). Башкортстанда Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Россиянең Югары мөфтие, Россия Үзәк диния нәзарәте рәисе Тәлгать Таҗетдин белән очрашты. Алар ТАССРның 100 еллыгын, Бөек Җиңүнең 75 еллыгын бәйрәм итү һәм 2020 елгы Бөтенроссия халык санын алу һ.б. турында сөйләште. Бу турыда Бөтендөнья татар конгрессы хәбәр итте.

(Казан, 11 март, «Татар-информ»). Казанда әнисе пычак белән чәнчегән игезәк малайларның исән калганын Балалар республика клиник хастаханәсеннән чыгарганнар. Бу турыда хастаханә матбугат хезмәтендә хәбәр иттеләр.

Дөньяда коронавирусның яңа төре таралу белән бәйле вазгыятьне пандемия дип атарга мөмкин диелде.

Казанда “Рәхмәтулла” мәчете төзелешенә каршы чыгучылар мөрәҗәгате нигезендәге мәхкәмә утырышының бүгенгесеннән дә карар чыкмады. Мәчет төзелешенә каршы як үз хокукларының ничек бозылганын төгәл генә әйтмәде. Мәчет адвокатлары фикеренчә, төзелешкә каршы булучылар мәхкәмә процессын махсус суза.

(Казан, 11 март, «Татар-информ»). Татарстанда «Бердәм Россия» төбәк бүлегенең башкарма комитеты җитәкчесе Андрей Кондратьев Татарстан Үзәк сайлау комиссиясе рәисе итеп сайланган очракта партия әгъзасы булмаячак. Бу хакта Андрей Кондратьев Россия Үзәк сайлау комиссиясе утырышында хәбәр итте.

(Казан, 11 март, «Татар-информ»). 19-21 мартта Бөтендөнья татар конгрессының Башкарма комитеты IX Бөтенроссия татар авыллары эшмәкәрләре җыенын уздыра. Быел әлеге җыенга Россия Федерациясенең 39 регионыннан, шулай ук Татарстаннан 900 кече бизнес вәкилләре һәм фермер хуҗалыклары җитәкчеләре җыелачак. Алар татар авылының бүгенгесе һәм киләчәге турында фикер алышачак. Бу турыда оештыручылар хәбәр итте.

В соцсетях обратили внимание на мощный кулак Минниханова.

(Казан, 11 март, «Татар-информ»). Татарстан Дәүләт Советы Рәисе урынбасары Марат Әхмәтов Чүпрәледә очрашу вакытында республика законнарын үзгәртү буенча конкрет тәкъдимнәр барлыкка килүен, республиканың авыл хуҗалыгы тармагында кызыксындыру өчен өстәмә чаралар эшләнүен, авыл халкының социаль активлыгын арттыруга игътибар итәргә кирәк булуын әйтте. Бу турыда Татарстан Дәүләт Советы матбугат хезмәте хәбәр итте.

(Казан, 11 март, «Татар-информ», Арсений Кәримов). Рубль бәясе төшүнең уңай яклары бар, чөнки чит ил инвесторларын Татарстанга инвестицияләр кертү өчен җәлеп итә башлады. Бу турыда Татарстан Инвестицион үсеш агентлыгы җитәкчесе Талия Миңнуллина сөйләде.