Новости за 03.03.2020

(Казан, 3 март, «Татар-информ»). ТР «Зәй урманчылыгы» дәүләт казна оешмасының Кушник кишәрлеге урманчысы Александр Бычков Түбән Кама муниципаль районының Иске Чишмә «Ручеек» балалар бакчасында тәрбияләнүче балалар өчен дәрес үткәрде. Бу турыда ТР Урман хуҗалыгы министрлыгы сайтында хәбәр ителә.

Биш сәгатькә соңарып башланган мәхкәмә утырышында Азат Мифтаховның үз адвокаты катнаша алмады.

(Казан, 3 март, «Татар-информ»). Түбән Камада Советлар йорты бинасы түбәсенә тагын бер әләм — ТАССРның 100 еллыгы хөрмәтенә багышланганы куелды. Бу турыда Түбән Кама муниципаль районы рәсми сайтында хәбәр ителә.

(Казан, 3 март, «Татар-информ», «Шәһри Казан», Лилия Локманова). Аны җәйге иртәдә сусыл яшел үләннәр өстенә җыела торган таң чыгы белән чагыштырыр идем. Ул да нәкъ чык тамчылары төсле саф һәм чиста, тавышы исә шундый ук шифалы төсле тоелды миңа. К.Тинчурин исемендәге Татар дәүләт драма һәм комедия театры артисты Айсылу Мөсәлләмова турында сүзем.

(Казан, 3 март, "Татар-информ"). Ульяновск өлкәсенең Димитровград шәһәрендә танылган язучы, рәссам, Халыкара «Филантроп» премиясе лауреаты Гакыйль Сәгыйров истәлегенә багышланган әдәби-музыкаль кичә булды. «Очрашкан саен сез дусларым белән, якты хислэр кала өстәлеп…» дип аталган кичәдә шагыйрь сүзләренә язылган жырлар яңгырады. Бу турыда Бөтендөнья татар конгрессы матбугат хезмәте хәбәр итте.

(Казан, 3 март, «Татар-информ», Рузилә Мөхәммәтова). «Татмедиа» акционерлык җәмгыятенең генераль директоры Шамил Садыйков «Сабантуй» журналында (2014 елга кадәр — «Сабантуй» газетасы, 1990 елга кадәр — «Яшь ленинчы» газетасы) төрле елларда эшләүчеләргә яңа баш мөхәррир — Зилә Хөснетдинованы тәкъдим итте. Яңа баш мөхәрриргә тапшырылган редакция бүген үзенең беренче редколлегия утырышына җыелды.

(Казан, 3 март, «Татар-информ»). ТАССР төзелүнең 100 еллыгына багышланган Татарстан сайтында дизайн яңартылды.

(Казан, 3 март, «Татар-информ», Гөлнар Гарифуллина). Татарстанда проектлау стадиясендәге спорт корылмалары исемлеге билгеле. Бу хакта мәгълүмат Татарстан Министрлар Кабинетында брифингта билгеле булды.

(Казан, 3 март, «Татар-информ»). Татарстан Президенты Рөстәм Миңнеханов Россия Мәдәният министрлыгы башлыгы Ольга Любимовага Татарстанда «Мәдәният» илкүләм проектын гамәлгә ашыру турында сөйләде. Киңәшмәдә шулай ук республика Мәдәният министрлыгы башлыгы Ирада Әюпова да катнашты. Бу хакта федераль ведомствоның матбугат хезмәте хәбәр итә.

(Казан, 3 март, «Татар-информ»). Казанда Җиңү проспекты буенча 56нчы номерлы йорттан ерак түгел 50 машина урынына исәпләнгән яңа түләүле муниципаль парковка барлыкка килде. Бу хакта Казан транспорт комитеты хәбәр итә.

(Казан, 3 март, «Татар-информ»). Иң массакүләм спорт төрләренең берсе буларак, Татарстанда волейбол яңа үсеш дәрәҗәсенә иреште. Татарстан Волейбол федерациясенең президенты, Дәүләт Советы Рәисе Фәрит Мөхәммәтшин шулай дип саный. Бу турыда Татарстан Дәүләт Советы матбугат хезмәте хәбәр итте.

(Казан, 3 март, «Татар-информ», Гөлүзә Ибраһимова). Казанда сәламәтлеге чикле булган балалар укый торган 4 номерлы интернат-мәктәпкә «Мәгариф» милли проекты кысаларында 4 млн сумга яңа җиһазлар кайтарганнар. Бу хакта мәктәп директоры Зөлфия Габидуллина мәктәптә журналистлар белән очрашу вакытында сөйләде.

(Казан, 3 март, «Татар-информ»). Татарстан мөфтие Камил хәзрәт Сәмигуллин Россия Конституциясенә «дәүләт барлыкка китерүче халык» төшенчәсен кертүгә каршы булуын белдерде. Рус теле «тигез хокуклы халыклар берлегенә керүче дәүләт барлыкка китерүче халык теле буларак» бирелгән Россия дәүләт теле турындагы нигезләмәдә әлеге төшенчә бар. Бу хакта «Интерфакс» хәбәр итә.

(Казан, 3 март, «Татар-информ»). 12 һәм 13 мартта Кәрим Тинчурин исемендәге Татар дәүләт драма һәм комедия театрында Луиза Янсуар һәм Резеда Гарипова пьесасы буенча куелган «Карурман» спектакленең премьерасы була. Бу хакта театрның матбугат хезмәте хәбәр итә.

(Казан, 3 март, «Татар-информ», Гөлүзә Ибраһимова). Сәясәт белгече Руслан Айсин татарларга көчсез хәлдә калмас өчен аңлы элита кирәк дип саный. Бу фикерен ул «Татарстан — Яңа Гасыр» телеканалында чыга торган «Ком сәгате» тапшыруында әйтте.

(Казан, 3 март, «Татар-информ», Шабдан Ниязов). Казан Россиянең миллионер-шәһәрләре арасында шәһәр хуҗалыгын цифрлаштыру индексы рейтингында икенче урынны алды. Бу хакта РИА Новостига Россия төзелеш һәм торак-коммуналь хуҗалык министры Владимир Якушев хәбәр итте.

(Казан, 3 март, «Татар-информ»). Матбугат чараларында мәктәпкә кораллы һөҗүмне булдырмый калу турында хәбәр таралды. Татарстан Мәгариф һәм фән министрлыгы әлеге мәгълүматка ачыклык кертте. Массакүләм мәгълүмат чаралары язган очрак былтыр булган. Бу хакта ТР Мәгариф һәм фән министрлыгының матбугат хезмәте җитәкчесе Алсу Мөхәммәтова хәбәр итте.

(Казан, 3 март, "Татар-инфом"). Самара өлкәсенең Тольятти шәһәре милли-мәдәни мохтарияте ТАССРның 100 еллыгы һәм Бөек Җиңүнең 75 еллыгына әзерләнү уңаеннан, «Язлар моңы» ачык шәһәр фестиваленә әзерләнә. Бәйрәм 22 мартта була. Бу турыда Бөтендөнья татар конгрессы матбугат хезмәте хәбәр итте.

(Казан, 3 март, «Татар-информ»). Төзелеш өлкәсендә илкүләм проектларны гамәлгә ашыру буенча координацион штаб булдыру карарлар кабул итү һәм мәгълүмат алмашу вакытын кыскартырга мөмкинлек бирде. Шул турыда Россия вице-премьеры Марат Хөснуллин Россия Президенты Владимир Путин белән очрашуда әйтте. Бу хакта Кремль матбугат хезмәте хәбәр итә.

Коммунарка бистәсендәге хастаханә комплексында авыруларны аерым бүлмәләрдә тоту мөмкинлеге бар.

(Казан, 3 март , «Татар-информ»). Россия Президенты Владимир Путин Эдуард Хиалиевны Җәзаларны үтәтү федераль хезмәтенең Татарстан буенча идарәсе башлыгы вазифасына билгеләде. Бу хакта «Татар-информ»га ведомствоның матбугат хезмәтендә хәбәр иттеләр.

(Казан, 3 март, «Татар-информ», Рәмис Латыйпов). Мәдәният министры Ирада Әюпова «Татар-информ»га интервьюсында шоу-бизнес өлкәсе вәкилләренең җанисәп алдыннан милләтләрен үзгәртеп әйтүләренә карата фикерен белдерде.

(Казан, 3 март, «Татар-информ»). Казанның «Гаилә» мәчетендә «Васыятьнамә — киләсе буыннарга әйтер сүз» бәйгесенә йомгак ясалачак. Бу хакта ТР Диния нәзарәте матбугат хезмәте хәбәр итә.

(Казан, 3 март, «Татар-информ»). Россия Вице-премьеры Марат Хөснуллин Россия Федерациясе Президенты Владимир Путинга торак, юллар һәм транспорт инфраструктурасы төзелеше өлкәсендәге илкүләм проектларның үтәлеше турында сөйләде. Аның сүзләренчә, финанслау барлык проектлар буенча да алынган. Бу хакта Кремль матбугат хезмәте хәбәр итә.

(Казан, 3 март, «Татар-информ»). Бүген Татарстан Республикасы мөселманнары Диния нәзарәте резиденциясендә Россия мөселманнарының Үзәк Диния нәзарәте рәисе Тәлгать хәзрәт Таҗетдин булды. Мөфтияттә кунакны Татарстан мөфтие Камил хәзрәт Сәмигуллин каршы алды. Камил хәзрәт очрашу башында ук Тәлгать хәзрәткә Коръән елы кысаларында Татарстан мөфтияте тарафыннан татар телендә нәшер ителгән «Кәлам Шәриф. Мәгънәви тәрҗемә» китабын тапшырды. Бу хакта ТР Диния нәзарәте хәбәр итә.