Новости за 15.03.2020

(Әлки, 15 март, «Татар-информ», «Әлки хәбәрләре», Люция Низамиева). Республика клиник хастаханәсе табибларыннан торган күчмә поликлиника Әлки районының Яңа Алпар, Иске Чаллы, Чуаш Кичүе авылларында булды һәм әйләнә-тирә авыллар халкына медицина хезмәте күрсәтте. 400 кеше тикшерү узды. Бу турыда район басмасы хәбәр итә.

(Теләче, 15 март, «Татар-информ», «Теләче-информ», Фәнил Нигъмәтҗанов). Теләченең оешма-предриятиеләрендә эшләүчеләр «Җиңү безнең йөрәкләдә» дип исемләнгән сәнгать фестиваленең икенче этабын башлады. Бу турыда район басмасы хәбәр итә.

(Ютазы, 15 март, «Татар-информ», «Ютазы таңы»). Бу көннәрдә Ютазы районы Урыссу гимназиясендә «Федераль дәүләт белем бирү стандартлары нигезендә татар теле һәм әдәбиятын иҗади укыту алымнары һәм ысуллары» дигән темага төбәкара семинар булып узды. Бу турыда район басмасы хәбәр итә.

(Кукмара, 15 март, «Татар-информ», «Хезмәт даны», Алсу Сәләхетдинова). 2020 елда үзара салым акчаларының күп өлеше Кукмара юлларын төзекләндерүгә тотылачак. Бу турыда район басмасы хәбәр итә.

(Казан, 15 март, «Татар-информ», «Ватаным Татарстан», Сәрия Мифтахова). Шәһәрдән кайтып авылда эш башлаган Айнур Зарипов: «Эштән курыкмасаң, авылда да җитеш тормышта яшәп була»

(Казан, 15 март, «Татар-информ», Рузилә Мөхәммәтова). Шамил Закиров рухына Камал театры сәхнәсеннән Коръән укылып дога кылынды. Коръән укырга Мансур хәзрәт Җәләлетдинов чакырылган иде. Театрда аның элеккеге директорын искә алу кичәсе бара.

(Казан, 15 март, «Татар-информ»). Татарстанда ике автомобиль бәрелешкән. Аларның берсенең йөртүчесе һәлак булган. Бу хакта «Татар-информ»га авария шаһитлары хәбәр итте.

(Казан, 15 март, «Татар-информ»). Кичә Сургутта «Сандугач» татар мәдәнияте коллективы концерты узды. Бөтен шәһәргә һәм округка танылган татар ансамбле катнашучылары татар тормышындагы иң мөһим вакыйгаларның берсе - туйга багышланган театральләштерелгән «Туй» концерт-тамашасын күрсәтте. Бу хакта Бөтендөнья татар конгрессы матбугат хезмәте хәбәр итә.

(Казан, 15 март, «Татар-информ»). 26 гыйнвардан 28 мартка кадәр Ульяновск өлкәсендә Барый Тарханов исемендәге үзешчән һәм халык театр коллективларының V ачык өлкә фестивале уза. Бу хакта Бөтендөнья татар конгрессы матбугат хезмәте хәбәр итә.

(Казан, 15 март, «Татар-информ»). 17 марттан Россия Украина һәм Молдавия белән тимер юл элемтәсен вакытлыча туктата. Бу хакта «Федераль пассажир компаниясе» («Россия тимер юллары» бүлендек компаниясе) матбугат хезмәтенә сылтама белән РИА Новости хәбәр итә,

(Казан, 15 март, «Татар-информ»). Татарстан Республикасының Свердловск өлкәсендәге Даими вәкиллеге инициативасы һәм этномәдәни (татар) компонентлы мәктәп директорлары Советы ярдәме белән Свердловск өлкәсендә татар язучыларының проза әсәрләрен укучылар арасында VIII бәйге узды. Бу хакта Татарстан Республикасының Свердловск өлкәсендәге Тулы вәкаләтле вәкиллеге матбугат хезмәте хәбәр итә.

(Казан, 15 март, «Татар-информ»). Башкортстанда «Смартфонсыз мәктәп» пилот проектын гамәлгә ашырырга ниятлиләр. Бу хакта «Башинформ» хәбәр итә.

(Казан, 15 март, «Татар-информ»). Танылган опера җырчысы Аида Гарифуллина Россиянең атказанган артисты исеменә лаек булды. Бу турыда мәгълүмат Россиянең Хокукый мәгълүмат порталында чыкты.

Неблагоприятные метеорологические явления на 16 марта 2020 г.: снег, мокрый снег, ночью и утром в отдельных районах , метель, сильный ветер порывами до 15 м/с, на дорогах гололедица.

(Казан, 14 март, «Татар-информ»). Мәскәүдә яңа коронавирус инфекциясе (2019-nCOV) таралу куркынычы булу сәбәпле, дин тотучыларга намазны өйдә укырга киңәш ителде. Бу турыда Мәскәү шәһәренең Милли сәясәт һәм төбәкара багланышлар департаменты хатында хәбәр ителә.

(Казан, 15 март, «Татар-информ»). Җомга, шимбә, якшәмбе көннәрендә Волгоградның күргәзмәләр үзәгендә хәләл азык-төлек, көнчыгыш тәм-томнары, шулай ук мөселман киемнәре, зәркән бизәнү әйберләре, декоратив-гамәли сәнгать әйберләре күргәзмәсе булды. Бу хакта Бөтендөнья татар конгрессы матбугат хезмәте хәбәр итә.

Предлагаем Вам взглянуть на обычные ситуации общения, но под другим углом.

(Казан, 15 март, "Татар-информ"). Россия Федерациясендә «Ялкынны туктат!» («Останови огонь!») федераль кампаниясе башлана. Әлеге чара урманнарда, шул исәптән коры үләнгә үз белдегең белән ут төртү аркасында да, янгын чыгу куркынычын киметүгә юнәлтелгән. Бу турыда Татарстан Урман хуҗалыгы министрлыгы матбугат хезмәте хәбәр итте.

(Казан, 15 март, «Татар-информ», Артур Казанцв). Россия Дәүләт Думасы депутаты Валентина Терешковага каршы интернетта башланган кампания аның тормышында да, ил тормышында да берни дә үзгәреш ясамаячак. «Татар-информ» корреспонденты белән әңгәмәдә Татарстанның халык шагыйре Ренат Харис шундый фикерен әйтте.

(Казан, 15 март, «Татар-информ»). Абыйлы-сеңелле ике бала Әлмәттә шәхси йортларның берсендә ис газы белән агуланып хастаханәгә эләккән. Бу хакта «Татар-информ»га Татарстан буенча Эчке эшләр министрлыгының матбугат хезмәтендә хәбәр иттеләр.

Государственные программы, направленные на развитие собственного дела в сельской местности, в полном об'еме сохранятся и в 2020 году.

(Казан, 15 март, «Татар-информ»). Кортизон һәм ибупрофен кебек ялкынсынуга каршы препаратларны кабул итү яңа Covid-19 тибындагы коронавирус белән авырган кешенең хәлен начарайтырга мөмкин. Бу хакта Франциянең сәламәтлек саклау министры Оливье Веран Твиттерда хәбәр итте.

(Казан, 15 март, «Татар-информ», Әдилә Зыятдинова). Казанда «Ак Барс Арена» стадионында Ирек Миңнәхмәтов белән хушлашу мәрасиме тәмамланды. Чара стадионның үзәк холлында узды. Ирек Миңнәхмәтов 13 мартта Казанда кырыгынчы яшендә кинәт вафат булды.

(Казан, 15 март, «Татар-информ»). Кинәт вафат булган Татарстан эшмәкәре Ирек Миңнәхмәтов креатив һәм тәртипле кеше иде, андыйлар сирәк очрый. Бу хакта эшмәкәр белән хушлашу мәрасимендә Автошәһәр мэры Наил Мәһдиев хәбәр итте.

(Казан, 15 март, «Татар-информ», Егор Никитин). Татарстан Яшьләр эшләре министры Дамир Фәттахов сүзләренчә, Ирек Миңнәхмәтовның фаҗигале үлеме башка сыймый. Ул бу фикерен «Татар-информ» хәбәрчесенә әйтте