Новости за 28.02.2022

Владимир Зеленский, раисҷумҳури Украина, рӯзи 28-уми феврал хост, кишварашро ҳарчӣ зудтар ба узвияти Иттиҳоди Аврупо бипазиранд. Ин хост пас аз он матраҳ шуд, ки ҳамлаи низомии Русия ба Украина панҷ рӯз боз идома дорад.

Мулоқоти ҳайатҳои Украина ва Русия шоми 28-уми феврал дар марзи Беларус ба поён расид. Намояндагони ду тараф пеш аз даври дувуми музокирот барои машварат ба пойтахтҳои худ рафтаанд.

Даҳҳо донишҷӯ ва муҳоҷири тоҷик рӯзи 28-уми феврал ҳамроҳ бо ҳазорон паноҳандаи украинӣ аз хоки ин кишвар вориди Лаҳистон (Полша) шудаанд.

Як ҳайати Украина рӯзи 28-уми феврал гуфтугӯро бо намояндагони Русия оғоз карданд, ки ба сабаби таҷовузаш ба Украина зери таҳримҳои сахти иқтисодии кишварҳои ғарбӣ қарор гирифт. Бо гузашти панҷ рӯз аз ҳамла ду тараф дар як маҳалле дар марзи Ҷумҳурии Беларус гуфтушунид доранд.

Сафорати Тоҷикистон дар Киев эълон кард, ки 4 ҳазор шаҳрванди кишвар дар Украина қарор доранд ва аз ин шумора 101 нафари онҳо донишҷӯ ҳастанд.

Пас аз он ки кишварҳои "Гурӯҳи 7" (G7) таҳримҳои молии сахтеро барои муҷозоти президенти Русия бинобар ҳамлаи бедалелаш ба Украина ҷорӣ карданд, пули миллии Русия тақрибан 25 дарсад суқут кард ва ба ҳадди поинтарини худ расид.

Чанде аз донишҷӯёни тоҷик дар Украина гуфтанд, ки дар пайи шиддат гирифтани ҷанг дар он кишвар худро савораву пиёда ба Полша ё Лаҳистон расондаанд.

Ҳамлаҳои Русия дар Украина ҳамчунон идома дорад. Аз оғози ҷанг 5 рӯз мегузарад. Иёлоти Муттаҳида ва ҳампаймонҳояш алайҳи муассисаҳои молии Русияро бештар кардаанд.

Мурофиаи Чоршанбе Чоршанбиев, варзишкори муҳорибаҳои омехта, 28-уми феврал дар Боздоштгоҳи муваққатии Вазорати адлия оғоз шуд. Додрас Сафар Нурализода мурофиаро кушода ё боз эълон кард, аммо хабарнигори Радиои Озодиро ба он роҳ надоданд.

Дар ҳоле ки Русия дар бораи теъдоди сарбозони захмӣ ё кушташудааш дар ҷараёни ҳамла ба Украина сукут меварзад, Киев ба хонаводаҳои сарбозони рус муроҷиат кардааст, ки шахсияти хешовандони асирафтода ва ё кушташудаи худро шиносоӣ кунанд.

Ҳайати Украина барои гуфтугӯ бо намояндагони Русия ба марзи Беларус рафтааст. Маскав ба далели ҳамлаи беасосаш ба Украина бо таҳримҳои сахти иқтисодии Ғарб рӯбарӯст.

Хабарнигори Радиои Озодиро ба мурофиаи аввалини Чоршанбе Чоршанбиев, варзишкори муҳорибаҳои омехта, ки ба даъватҳои интернетии сарнагун кардани ҳокимияти Тоҷикистон айбдор мешавад, роҳ надоданд.

Ончӣ имрӯз байни Русия ва Украина мегузарад, ҳамаро ба ду ҷабҳа бурдааст. Бархе аз амалкарди Русия ҳимоят мекунанд, бархи дигар "шараф ба Украина" мегӯянд, қисме ҳам бетарафанд. Савумиҳо “Ба мо дахл надорад” ва “Ин ҷанги мо нест” мегӯянд. Албатта, ин ҳаққи онҳост, ки интихоби озод дошта бошанд.

Кишварҳои Иттиҳоди Аврупо баъди дархости Киев барои муқобала бо ҳамлаҳои Русия ба Украина ҳавопаймоҳои ҷангӣ интиқол медиҳанд.

Дастаи «Регар-ТадАЗ»-и Турсунзода, ки дар бозии ниҳоӣ бар “Ҳосилот”-и Фархор бо ҳисоби 4:0 ғолиб омад, бори сеюм Ҷоми Федератсияи футболи Тоҷикистонро ба даст овард. Бозии ниҳоии Ҷоми ФФТ-2021 миёни дастаҳои “Регар-ТадАЗ” ва “Ҳосилот” 26-уми феврал дар Варзишгоҳи марказии Душанбе баргузор шуд. Артур Фозилов ду гол, Шуҳрат Элмуродов ва Фатҳулло Фатҳуллоев якголӣ ба самар расониданд. Ба ин тартиб, “Регар-ТадАЗ” бо Ҷоми ФФТ ва медалҳои тилло, “Ҳосилот” бо медалҳои нуқра сарфароз гаштанд. Дастаҳои... Читать дальше...

Сафорати Қирғизистон дар Украина хабар дод, аз 680 қирғизизистоние, ки дар Украина қарор доранд, 300 нафар дар қайди консулгариҳо ҳастанд. Рӯзи 27 феврал 14 қирғизистонӣ ба Лаҳистон ва 18 каси дигар ба Молдова рафтааст. 96 тани дигар омодаи сафар ба Маҷористон (Венгрия), 15 тан ба Лаҳистон ва 4 тани дигар ба Руминия ҳастанд. Неруҳои мусаллаҳи Русия аз 24 феврал ба ҳудуди Украина ҳамла мекунанд. Оҷонсии СММ дар умури паноҳандагон рӯзи 26 феврал хабар дод, ки бештар аз 120 ҳазор украинӣ ин кишварро тарк кардааст. Читать дальше...

Мақомоти Иттиҳоди Аврупо рӯзи якшанбе гуфтанд, ки аз ибтидои ҷанги Русия дар Украина марзҳои Украина бо Иттиҳоди Аврупоро ҳудуди 300 ҳазор кас убур кардаанд. Иттиҳод ҳамзамон мегӯяд, мунтазири фирориҳои бештар аст. Ба ҳамаи касоне, ки вориди Иттиҳоди Аврупо шудаанд, кӯмак расонида шудааст. "Танҳо рӯзи шанбе аз Украина 77 ҳазор кас фирор кардааст", - хабар медиҳанд мақомоти гумруки Лаҳистон. Қисме аз фирориҳоро Олмон ва кишварҳои дигари Иттиҳоди Аврупо пазируфтаанд. Дар Аврупо гирдиҳамоиҳои... Читать дальше...

Як гуруҳ аз фаъолони ҷамъиятӣ дар Қазоқистон бо маҳкум кардани ҷанги Русия зидди Украина эълом карданд, ки барои кӯмак ба Украина кӯмаки тиббӣ ҷамъ меоранд. "Мо, мардуми воҳиди сермиллати Қазоқистон, ки ҳодисаҳои фоҷиавии моҳи январро аз сар гузаронидем, имрӯз бо ташвиш ва дард хушунати низомии Кремл зидди Украинаро пайгирӣ дорем", - омадааст дар муроҷиати фаъолон, ки дар саҳифаи сиёсатшинос Досим Сатпаев нашр шудааст. Зери ин муроҷиатнома ҳомии ҳуқуқ Бахитҷон Торегожин, рӯзноманигорон Ёрмурод Бапӣ... Читать дальше...