Новости за 29.08.2020

Дар Минск 29-уми август ҳазорон зан бар зидди Лукашенко раҳпаймоӣ намуданд

Даҳҳо соҳибкори бозори марказии ноҳияи Шаҳритуси вилояти Хатлон аз тақсими, ба гуфтаи онҳо, нодурусти нуқтаҳои савдо эътироз карданд. Ин бозор моҳи майи имсол оташ гирифт ва пас аз се моҳ дигарбора фаъол шуд.

Ҳукумати Белорус аккредитатсия ё иҷозаи кори чанде аз рӯзноманигоронро, ки ҷанҷолҳои баъд аз интихоботро дар ин кишвар бозтоб медоданд, бекор кардааст.

Як марди эронӣ барои сар буридани духтари 14-солаи худ ба нӯҳ соли зиндон маҳкум шуд.

Ҳазорон нафар хостори ислоҳот дар соҳаи пулис ва низоми додгоҳӣ дар Иёлоти Муттаҳидаи Амрико шуданд.

Як вакили мудофеъ дар Қирғизистон гуфт, маъмурони амниятӣ дар ин кишвар 34 ҷавонро аз деҳаҳои Бӯстон ва Ҳуснободи шаҳри Ҳисор дастгир ва ба убури ғайриқонунии сарҳад муттаҳам кардаанд.

Борону обхезӣ ҳаёти даҳҳо сокини Покистонро аз байн бурд. Танҳо дар шаҳри Карочӣ камаш 50 кас ба ҳалокат расидааст.

То чанд рӯзи дигар инқилоб дар Бухоро садсола мешавад. Инқилобе, ки ба аморат хотима гузошт ва боиси ба сари қудрат омадани ҷавонбухориён – ҷадидон шуд, ки ҳукуматашон дер напоид ва пурра ба тобеияти Маскав гузашт.

Мақомоти интизомии Санкт-Петербург монеи кушодани намояндагии созмони "Маркази тоҷикон" ва мулоқоти ҳомиёни ҳуқуқ бо даҳҳо муҳоҷир дар ин шаҳр шудаанд. Онҳо сабаби тасмимро ба чораҳои пешгирӣ аз паҳншавии коронавируси нав рабт додаанд. Иззат Амон, ҳомии ҳуқуқи муҳоҷирон дар Русия, рӯзи 29-уми август ба Радиои Озодӣ гуфт, қаблан иҷозаи баргузор кардани мулоқотро дар як майдони варзишӣ аз мақомоти расмии Санкт-Петербург гирифта буданд. "Як ҳафта пеш ҳудуди 1000 меҳмон, ки аслан муҳоҷирони корӣ буданд, даъват шуданд. Читать дальше...

Аз аввали моҳи сентябр маоши кормандони буҷавӣ, нафақа ва стипендия дар Тоҷикистон понздаҳ дарсад боло хоҳад рафт. Коршиносони мустақил мегӯянд, амалан гап сари шохисбандии маош меравад ва бе роҳандозии ислоҳоти фарогири иқтисодӣ боло бурдани маоши мардум имконнопазир аст.

Вазирони корҳои хориҷии Иттиҳодияи Аврупо ба зидди 20 мансабдори баландпояи Белорус таҳрим ҷорӣ карданд. Ин афродро ба тақаллуб дар интихоботи президентии 9-уми август ва саркӯби эътирозгарон дар Белорус муттаҳам медонанд.

Дар маркази вилояти Суғд панҷоҳ касро барои риоя накардани қоидаҳои беҳдоштӣ, аз ҷумла надоштани ниқоби тиббӣ, ҷарима кардаанд. Дар ин бора дафтари матбуоти ҳукумати Хуҷанд рӯзи 29-уми август хабар дод. Ба иттилои манбаъ, ин афрод дар пайи як амалиёти намояндагони давлат дар бозору марказҳои дилхушӣ ҷарима шудаанд: "Маълум гардид, то ҳол аксари фурӯшандагон ва харидорон қоидаҳои оддии беҳдоштиро риоя намекунанд. Шаҳрвандон озодона бидуни ниқоб хариду фурӯш менамоянд." Бино ба тағйироте, ки порлумони... Читать дальше...

Федератсияи байналмилалии карате рейтинги ҷаҳониро оид ба ин намуди варзиш нашр кард, ки дар он намояндагони Тоҷикистон низ дар мавқеъҳои гуногун ҷой гирифтаанд

Садҳо ҷавони тоҷик, ки барои таҳсил дар донишгоҳҳои кишварҳои хориҷӣ қабул шудаанд, аз мақомот талаб доранд, сафари онҳоро бо парвози чартерӣ ё ғайринақшавии ҳавопаймоҳо таъмин кунанд.

"Дӯстони амрикоии ман, имшаб бо сипоси самимона ва хушбинии бепоён пешниҳоди номзадӣ ба мақоми раиси ҷумҳури Амрикоро мепазирам.” Бо баёни ин ҷумлаҳо, президент Доналд Трамп пешниҳоди Ҳизби Ҷумҳурихоҳро барои иштирок дар интихобот қабул кард.

Раиси ҷумҳур Доналд Трамп, пешниҳоди Ҳизби ҷумҳурихоҳ барои ширкат дар интихоботро пазируфт. Рӯзи 27-уми август дар ҳавлии Кохи Сафед ӯ рақибаш аз Ҳизби Демократ, Ҷо Байденро танқид кард ва ӯро чапгарое номид, ки манофеи Амрикоро ҳимоят намекунад.