Новости за 16.03.2019

Як ширкати азими давлатии Чин (China State Machinery Industry Construction Group Inc) ният дорад, бо харҷи 300 миллион доллар дар шаҳри Кӯлоби Тоҷикистон корхонаи нассоҷӣ бисозад.

Даври дувуми музокироти ҳайатҳои Тоҷикистону Қирғизистон, ки рӯзи 16-уми март оғоз ёфта буд, ба анҷом расид. Хабарнигори бахши қирғизии Радиои Озодӣ аз ҷои ҳодиса гузориш дод, ки ҳайатҳо ба раҳбарии муовинони нахуствазири ду кишвар ба марзи деҳаи Оқсойи Қирғизистон ва ҷамоати Ворухи Тоҷикистон рафтаанд. Интизор меравад, онҳо бо сокинони ду деҳа ва раҳбарони маҳалҳо вазъият дар сарҳадро баррасӣ кунанд. Дар ҳоли ҳозир роҳи Ӯш-Бодканд-Исфана ва роҳе, ки шаҳри Исфараро бо ҷамоати Ворух мепайвандад, бастааст. Читать дальше...

Беҳрӯзи Хоҷазода, паҳлавони маъруфи тоҷик, дар мусобиқаи байналмилалии Ekaterinburg Grand Slam 2019 оид ба ҷудо (Judo, дзюдо), ки дар шаҳри Екатеринбурги Русия ҷараён дорад, медали биринҷӣ гирифт.

Бино ба санадҳое, ки Идораи пизишки қонунии Вашингтон ошкор кард, устухони гардани Михаил Лесин, вазири собиқи матбуоти Русия, пеш аз маргаш шикаста буд. Аснод ҷузъиёти навро аз рӯзҳои охири ҳаёти ӯ бозгӯ мекунад.

Даҳҳо ҳазор нафар дар Дави миллӣ, ки рӯзи шанбе ба муносибати иди Наврӯз дар Тоҷикистон баргузор шуд, ширкат карданд

Ҳамид Исмоилов, сардори бахши Осиёи Марказии радиои Би-би-сӣ ва муаллифи романи "Базми ҷинҳо", ба суолҳои хабаргузории расмии Узбекистон (УзА) посух надодааст. Исмоилов дар Лондон зиндагӣ мекунад ва ҳафтаи гузашта ҷоизаи Бонки Аврупоии Таҷдид ва Рушдро соҳиб шуд.   Хабарнигори УзА ба Ҳамид Исмоилов муроҷиат кардааст, то ба чанд суол дар бораи адабиёт ҷавоб гӯяд. Вале Исмоилов гуфтааст, ду сол қабл мақомоти Узбекистон ӯро бе сабаб аз кишвар ронданд. Ва афзудааст, то замоне мақомот аз ӯ расман узр нахоҳанд, ба Узбекистон нахоҳад рафт. Читать дальше...

Доналд Трамп, раиси ҷумҳури Амрико, шоми 15-уми март бо радди як қатъномаи Конгресс аввалин ветои давраи раёсати ҷумҳурии худро содир кард, то маблағи сохтмони девор дар марз бо Мексикаро таъмин кунад. Трамп дар Кохи Сафед гуфт, “Конгресс ҳақ дорад, қатъномаро тасвиб кунад ва ман вазифа дорам, ки онро рад намоям.” Раиси ҷумҳури Амрико рӯзи гузашта бо як шикасти хиҷолатовар рӯбарӯ шуд, зеро сенаторҳо, аз ҷумла беш аз даҳ сенатори Ҳизби Ҷумҳурихоҳ, раъй доданд, то фармони ӯ барои эълони ҳолати фавқулода дар марз бо Мексика лағв шавад. Читать дальше...

Даври дувуми музокироти намояндагони Тоҷикистону Қирғизистон барои ҳалли муноқишаҳои марзӣ рӯзи 16-уми март идома кард. Хадамоти давлатии марзбонии Қирғизистон гуфт, музокирот дар ҳудуди ин кишвар ва дар минтақае бо номи “Дача” ҷараён дорад. Ҳайати Тоҷикистонро муовини нахуствазир Азим Иброҳим ва ҳайати Қирғизистонро муовини сарвазири он кишвар Ҷениш Раззоқов раҳбарӣ мекунанд. Музокирот рӯзи 14-уми март ва пас аз муноқишаи маргбор миёни сокинони Исфараи Тоҷикистон ва Бодканди Қирғизистон оғоз ёфта буд. Читать дальше...

Брентон Таранти 27-солаи австралиягӣ, ки ба ҳамла болои ду масҷид дар Зеландияи Нав муттаҳам аст, рӯзи 16-уми март бори нахуст дар додгоҳ ҳозир шуд. Ӯ дар даст завлона ва дар тан либоси сафеди хоси зиндониҳоро дошт. Додраси додгоҳи Крайстчерч, шаҳре, ки рӯзи 15-уми март болои ду масҷид ҳамла сурат гирифт, Брентон Тарантро расман ба қатл муттаҳам кард.  Тарант ба эълони иттиҳоми қатл ҳеч вокуниш нишон надод ва то 5-уми апрел дар боздошт хоҳад монд.  Рӯзи ҷумъа бар асари ҳамлаи террористӣ ба ду масҷид дар шаҳри Крайстчерчи Зеландияи Нав... Читать дальше...

Даври дувуми музокироти намояндагони ҳукуматҳои Тоҷикистону Қирғизистон дар масъалаи ҳалли муноқишаҳои марзӣ поён ёфт. Тарафҳо ба ҷойи гунаҳкор кардани якдигар, ба пайдо намудани роҳи ҳалли низоъ оғоз кардаанд.

Ҷудочии тоҷик Ёқубҷон Назиров, ки чанде боз дар Русия машқу тамрин мекунад, дар сабқати навбатӣ ширкат кард

Ҳудуди 300 муҳоҷири корӣ аз Тоҷикистон дар гузаргоҳи “Петухово” дар ҳудуди транзитии марзи Қазоқистону Русия дармондаанд. Ин гузаргоҳ дар қаламрави вилояти Курган воқеъ буда, аксари автобусҳое, ки аз Тоҷикистон ба Русия равуо мекунанд, маҳз тавассути ҳамин нуқта мегузаранд.

Се рӯз боз ягона роҳи мошингарди Исфара – Ворух, ки аз байни деҳаи Оқсойи Қирғизистон мегузарад, бастааст. Онро сарҳадбонони қирғиз баъди ҷанҷоли рӯзи 13-уми март маҳкам кардаанд.

Се рӯз боз ягона роҳи мошингарди Исфара – Ворух, ки аз байни деҳаи Оқсойи Қирғизистон мегузарад, бастааст. Онро сарҳадбонони қирғиз баъди ҷанҷоли рӯзи 13-уми март маҳкам кардаанд.