Новости за 23.03.2019

Роберт Мюллер муфаттиши вижаи Амрико гузориши деринтизор дар бораи таҳқиқоти нақши Русия дар интихоботи соли 2016 дар Иёлоти Муттаҳидаро ба додситони кулл пешниҳод кардааст. Баъзе аз натиҷаҳои таҳқиқотро дар ин видео бубинед.

Нархи иҷозатнома барои сиёҳ кардани шишаи мошинҳо дар Тоҷикистон 27 дар сад афзудааст. Дар ин бора қарори ҳукумати Тоҷикистон содир шуд ва аз моҳи апрели имсол ба иҷро медарояд.

Рӯзи ҷумъа, 22-юми март, мусобиқоти интихобии қаҳрамонии Осиё-2020 (U-23) шуруъ шуд. Мунтахаби олимпии Тоҷикистон (U-23), ки ба гурӯҳи «F» шомил аст, аз бозии даври аввал озод буд.

​Пайвандони Саттор Каримов, маъруф бо тахаллуси Махсуми Абдусаттор гуфтанд, ки аз ҳоли ӯ дар зиндон хабар надоранд. Ин узви фаъоли ҳизби дар кишвар мамнӯи наҳзати исломӣ соли 2015 дастгир ва ба 28 соли зиндон маҳкум шудааст.

Дар ҷараёни таҳқиқот алайҳи 34 нафар иттиҳом эълон шуд. Навор бо забони русӣ аст.

Қосимҷомарт Тоқаев, иҷрокунандаи вазифаи президенти Қазоқистон, номи Остонаро расман ба Нурсултон иваз кард. Қарор дар ин бора рӯзи 23-юми март содир шуд. Табдили номи пойтахти Қазоқистон ба Нурсултон рӯзи 20—уми март аз тарафи Қосимҷомарт Тоқаев садо дод ва дарҳол аз тарафи порлумон ҳимоят ёфт. Тоқаев баъди ба истеъфо рафтани Нурсултон Назарбоев, президенти нахустини Қазоқистон, муваққатан идораи ҳукуматро дар ин кишвари ғанӣ аз нафти Осиёи Марказӣ ба даст гирифт. Ӯ рӯзи 20-уми март ба ҳайси президент қасам ёд кард. Читать дальше...

Дар натиҷаи таркиш дар ҷануби Афғонистон дастикам ду нафар кушта ва даҳҳо тани дигар захмӣ шудаанд. Таркиш рӯзи 23-юми март ҳангоми таҷлил аз рӯзи кишоварзон дар як майдони боз дар Лашкаргоҳи вилояти Ҳилманд рух додааст. Дар ин маърака тақрибан ҳазор нафар ҷамъ омада буданд. Умар Звок, сухангӯи волии Ҳилманд, нагуфт, ки дар байни кушташудаҳо ва захмиён намояндаигони ҳукумат ҳастанд ё не. Аммо хабаргузории “Рейтерз” ба нақл аз шоҳидон гуфт, волии Ҳилманд Муҳаммад Ёсинхон дар натиҷаи таркиш маҷруҳ шудааст. Читать дальше...

Тоҷир ва муштзани собиқи Узбекистон Ғафур Раҳимов, маъруф бо лақаби Ғафур-бойбача, аз мақоми президенти Анҷумани байналмилалии бокси ғайрикасбӣ (AIBA) истеъфо дод. Ӯ ҳамагӣ панҷ моҳ пеш ба ин мақом интихоб шуда буд. Раҳимов рӯзи 22-юми март сабаби истеъфояшро “ба баҳсҳои охир дар бораи мақоми бокс ҳамчун навъи варзиш” рабт дод. Вай ин баҳсҳоро на варзишӣ, балки “сиёсӣ” ва “ҳадафмандона” хонд. Вазорати молияи Амрико номи Ғафур Раҳимовро ба далели иртиботаш бо “мафияи фаромиллӣ” ба рӯйхати таҳримшудаҳо шомил кардааст. Читать дальше...

Чаҳор афсари марзбонии Эрон пас аз амалиёти наҷоти мақомҳои Покистон озод шуда, дубора ба кишвари худ баргаштаанд. Қаблан расонаҳои давлатии Эрон навореро нашр карданд, ки чаҳор нафар аз тарафи як гуруҳи ифротии мусаллаҳ асир гирифта шудаанд. Телевизиони давлатии Эрон рӯзи 22-юми март видеои навро нашр кард, ки дар он нишасти ҳавопаймои ҳомили чаҳор нерӯи сарҳадиро нишон медиҳад.  Генерал Муҳаммад Покпур, фармондеҳи нерӯҳои сарҳадӣ ва ҳамчунон раҳбари нерӯҳои инқилоби посдорон, аз раҳоии чаҳор марзбони эронӣ истиқбол кардааст.

Додгоҳе дар шаҳри Душанбе Муҳтадӣ Абдулқодиров – бародарзодаи Саидмукаррам Абдулқодирзода – раиси Шӯрои уламои Тоҷикистонро шартан аз зиндон озод кардааст. Манобеъ гуфтанд, ҳукми додгоҳи ноҳияи Исмоили Сомонии пойтахт охири ҳафтаи гузашта содир шуд.

​Рақиби дастаи “Истаравшан”-и шаҳри Истаравшан дар финали Ҷоми Лигаи футболи Тоҷикистон (ЛФТ) баъди натиҷагирии даври севуми мусобиқот, ки рӯзи 22-юми март дар шаҳри Гулистони вилояти Суғд баргузор шуд, бошгоҳи ССКА “Помир”-и Душанбе гардид.

Роберт Мюллер, прокурори вижа ва масъули таҳқиқи дахолати Русия дар интихоботи президентии соли 2016 дар Амрико, гузориши ниҳоии худро ба додситони кулли ИМА Виллиам Бар супурд.

Нерӯҳои демократии Сурия (SDF) ба раҳбарии курдҳо аз шикасти ҷангҷӯёни гуруҳи "Давлати исломӣ" дар шарқи ин кишвар хабар дод. Ин гуруҳ, ки аз ҳимояти Амрико бархӯрдор аст, рӯзи 23-юми март гуфт, охирин қаламрави таҳти тасарруфи ДИИШ-ро дар шарқи Сурия озод кардааст.

Доналд Трамп, раиси ҷумҳури Амрико, гуфт, тамоми минтақаҳои Сурия аз ҳузури ҷангҷӯёни гуруҳи тундрави “Давлати исломӣ” пок шудааст. Трамп дар ҳоле дар ин маврид сухан мегӯяд, ки дар минтақаи Боғузи Сурия ҳанӯз даргирӣ идома дорад. Трамп рӯзи 22-юми март ба хабарнигорон дар як нақша нишон дод, ки дар вақти интихоби ӯ дар соли 2016 ДОИШ дар куҷо буд ва акнун дар куҷо қарор дорад. Ӯ афзуд, вақти он расидааст, ки бигӯянд гуруҳи тундрави “Давлати исломӣ” дар ҳеч ҷои Сурия ҳокимият надорад. Қабл аз ин... Читать дальше...

Ҷойи кори доимӣ, маоши хуб, хона ва фарзандони солимро бисёре аз сокинони Тоҷикистон аз меъёрҳои аслии хушбахтӣ медонанд.