Новости за 09.04.2021

په هرات ولايت کې نږدې ۴۰۰ لیتره شراب او نور نشه‌يي مواد ونيول شول. د هرات ولایت له نشه‌يي موادو سره د مبارزې ځانګړو پولیسو په هرات ښار کې د استوګنې پر يوه کور عمليات وکړل چې په نتيجه کې يې د شرابو جوړولو لپاره چمتو شوي ۳۷۰ کيلوګرامه وراسته شوي کشمش او ۱۰ لیتره شراب ونيول شول. د هرات د امنيه قوماندانۍ وياند عبدالاحد ولي‌زاده ازادي راډيو ته وويل، په دوهم ګام کې پولیسو یو بل نفر په هرات ښار کې له ۱۱ کيلوګرامو چرسو سره ونيو. دې سړي غوښتل چې دا چرس د پرچون په بڼه پر معتادينو باندې وپلوري.

په ننګرهار ولایت کې تر ۱۰۰ جريبو ډېرې ځمکې د کوکنارو له بوټو څخه پاکې شوې. د افغانستان په ګرمو ولايتونو کې د کوکنارو اړولو په لړ کې د ننګرهار پولیسو په خوګياڼو ولسوالۍ کې ۹۱ جريبه، په سپين غر ولسوالۍ کې ۱۹ جريبه او روداتو ولسوالۍ کې شپږ جريبه ځمکه د کوکنارو له بوټو څخه پاکې کړې.   د ننګرهار د والي وياند عطاالله خوګياڼي ازادي راډيو ته وويل، دوی هڅه کوی چې د خلکو په همکارۍ دا کمپاين پسې وغځوي او د دې ولايت په نورو سیمو کې هم د کوکنارو بوټي واړوي.

سږ کال د لږو واورو او باران ورېدو له امله خلکو ته د وچکالۍ اندېښنې پيدا شوې دي. دغه ډول دا اندېښنې هم ورته پيدا شوي چې سږ کال به له وچکالۍ سره سره د افغانستان په ډېرو ولایتونو کې کوکنار وکرل شي. د هلمند ځايي چارواکي وايي چې په روان شمسي کال کې به وچکالي وي او د طالبانو تر نفوذ لاندې سيمو کې به د کوکنارو کښت هم ډېر وي. د هلمند د والي وياند عمر ځواک ازادي راډيو ته وايي، هغه سيمې چې د دولت په واک کې دي هلته بزګرو ژمنه کړې چې کوکنار به نه‌کري او د دولت د ځينو امتیازاتو په بدل کې به حلال او قانوني کښت ته مخه کوي. Читать дальше...

د پکتیا ولایت د استوګنې په يوه کور کې تر ۹۰ کيلوګرامو ډېر نشه‌يي مواد ونيول شول. د پکتيا د امنيه قوماندانۍ وياند لعل محمد ازادي راډيو ته وویل، له نشه‌يي موادو سره د مبارزې ځانګړو پولیسو د حمل مياشتې پر ۱۷مه نېټه د استوګنې پر يوه کور عملیات وکړل چې په نتيجه کې يې ۹۳ کيلوګرامه چرس ونيول شول. د دې نشه‌يي موادو د ساتلو په تور تر اوسه پورې څوک نه‌دي نيول شوي.

د نړۍ د فوټبال ستوری زلاتان ابراهیموویچ د استرېکس په نوم د فلمونو د لړۍ په نوې برخه کې د انتي ویروس رول لوبوي. د فرانسوي فلمونو دا لړۍ په نړۍ کې ډېره مشهوره ده. سېلک روډ پروډکشن د اسټرېکس او اوبلېکس په نوې برخه کې د ابراهیموویچ د رول لوبولو خبر تأیید کړی او په خپله ده هم پر خپل انستاګرام د انتي ویروس کلمه پر یوه سره چوکاټ لیکلې او خپره کړې یې ده.  د اسټرېکس او اوبلېکس د فلمونو لړۍ د کامیکس یا د هغو تصویري کیسو پر اساس جوړېږي چې فرانسوي لیکوالانو البرت اودېزرو او رېنې ګوسیني لیکلي او تصویري کړي دي. Читать дальше...