Новости за 24.10.2020

د کابل ښار د ۱۳مې امنیتي حوزې اړوند په دشت برچي سیمه کې یو ښوونیز مرکز ته څېرمه په یوه کوڅه کې د شوي ځانمرګي برید له امله لږ تر لږه ۱۳ کسان وژل شوي او ۳۰ تنه نور ټپیان دي. د کورنیو چارو د وزارت ویاند طارق ارین رسنیو ته استول شوي پیغام کې ویلي، یو کس ځان پورې چاودېدونکي توکي تړلي وو او غوښتل یې د کوثر دانش په نوم یو ښوونیز مرکز په نښه کړي. ارین زیاتوي، د کوثر دانش مرکز ساتونکو بریدګر پېژندلی خو برید ګر ځان پورې تړلي چاودېدونکو توکو ته چاودنه ورکړې. نوموړی وايي، ممکن د وژل شویو او ټپیان د شمېر په برخه کې بدلون راشي. Читать дальше...

د اکتوبر پر ۲۵مه، د پاکستان جمهوري غورځنګ اتحاديې لخوا په کوټه کې جلسې کولو تیاریاني روانې دي، زموږ همکار صمد شبنم د کوټې د ولس سره خبرې کړي دي چې هغوی د حکومت کارکردګۍ او د اپوزیشن دې جلسې ته په څه نظر ګوري؟ نور په دې ویډیو کې:

د قرغزستان د ټاکنو مرکزي کمېسیون وايي ټاکل شوې د ولسمشرۍ تر وخت مخکې ټاکنې د راروانې جنورۍ میاشتې پر لسمه وشي.   دغه کمېسیون په یوه اعلامیه کې ویلي، دا پرېکړه په پلازمېنه بشکېک کې د دوی په یوه بېړنۍ غونډه کې شوې ده.  د ولسمشرۍ تر وخت مخکې د ټاکنو خبر په داسې حال کې خپرېږي، چې په قرغزستان کې د څو اوونیو د ناکراریو په نتیجه کې حکومت نسکور او ولسمشر سورونبای جینبیکوف استعفی ته اړ شو.  دا ناکرارۍ او مظاهرې وروسته له هغې پیل شوې، د اکتوبر د څلورمې په پارلماني ټاکنو کې د پراخو درغلیو او سرغړونو ادعا وشوه.

پاکستان سږ کال تر ۸۰۰ زیاتو افغان محصلانو ته د لوړو زده کړو بورسونه ورکړل.  په کابل کې د پاکستان سفارت وایي هڅه کوي له افغان دولت سره د دوه اړخیزو اړیکو له لارې دغه بهیر لا پیاوړی کړي.  د دغه سفارت نن په کابل کې پر ۸۵۸ افغان محصلانو بورسونه ووېشل چې په طب، کمپیوټر ساینس، اقتصاد او ځينو نورو رشتو کې دي. د دغه سفارت د معلوماتو له مخې، دا پرورګرام په ۲۰۰۹ کال کې پیل شوی او تر دې دمه یې په لړ کې له ۳۰۰۰ زیات افغان محصلانو په پاکستان کې په بشپړ سکالرشیپ زده کړې کړي دي.

د پاکستان د شخصي ټېليويژن چېنل (جيو نيوز) خبريال عمران علي سيد د څه باندې ۲۲ ساعتونو له تری تم کېدو وروسته پيدا شوی او په کراچي کې د خپلې مور کور ته تللی دی.   جيو نيوز خبر ورکړی چې نوموړي له خپلې مېرمنې سره پر ټیليفون خبرې کړې او د خپلې روغتيا ډاډ يې هم ورکړی دی. تر اوسه لا څرګنده نه ده چې هغه چا برمته کړی و او تر اوسه چېرته و؟  د نوموړې پر برمته کېدو د بشري حقونو سازمانونو، د خبريالانو اتحاديو او سياستوالو سخت غبرګونونه ښودلي وو او د هغه د سمدستي خوشې کولو غوښتنې يې کړې وې. د پاکستان... Читать дальше...

د کابل ښار د دیارلسمې امنیتي حوزې اړوند د دشت برچي په سیمه کې یو ښوونیز مرکز ته څېرمه په یوه کوڅه کې د شوي ځانمرګي برید له امله د وژل شویو کسانو شمېر ۱۳ او ټپیانو ۳۰ ته ورسېد. د کورنیو چارو وزارت ویاند طارق ارین رسنیو ته استول شوي پیغام کې ویلي، یو کس ځان پورې چاودېدونکي توکي تړلي و غوښتل یې د کوثر دانش په نوم یو ښونیز مرکز په نښه کړي. ښاغلی ارین زیاتوي، د کوثر دانش مرکز ساتونکو بریدګر پېژندلی خو برید ګر ځان پورې تړلي چاودېدونکو توکو ته چاودنه ورکړې چې په پایله کې یې تر دا مهاله ۱۳ کسه وژل شوي او له ۳۰ زیات ټپیان دي. Читать дальше...

د پاکستان په بلوچستان ایالت کې پولیس وايي، تېره شپه د پوځي عملیاتو په نتیجه کې د یوې ممنوعه ډلې ۴ غړي وژل شوي دي.  پولیسو وژل شوي کسان «تروریستان»  بللي دي.  د بلوچستان د کورنیو چارو ایالتي وزیر میر ضیا لانګو وویل، په دغو عملیاتو کې چې پرون ناوخته شوي، د ټروریزم ضد ډیپارټمنټ دوه پولیس ټپیان شوي هم دي.   لانګو نن وویل، دا عملیات د بلوچستان ایالت د مستونګ په دشت سیمه کې وروسته له هغې وشول چې د مشکوکو کسانو په اړه استخباراتي اطلاعات ورورسېدل.

د ننګرهار لسګونو حق الزحمه ښوونکو نن په جلال اباد کې یو سوله ییز لاریون وکړ.  دوی پر مسئولینو تور پورې کړ چې ګوندې فساد ته لاره هواروي او پر رسمي بستونو د ګمارنې لپاره بیا ځلي ازموینې ورکولو ته اړایستل کېږي.  دوی وایي، درې کاله یې په ښوونیز ډګر کې خدمتونه ترسره کړي، خو په خبره یې، اوس چې د رسمي ښوونکو په توګه باید وګمارل شي، د دوی پرځای نوي ښوونکي جذبول کېږي.  یو تن لاریون کوونکي وویل: "نوم مې همایون حضرتي دی، دوی فقط دا غواړي چې ۱۵سوه ډالر وکړې نو رسمي کوي مو، مونږ هېڅ نه لرو، مونږ سره پیسې... Читать дальше...

د پاکستان ډیموکریټک موومنټ تر چتر لاندې د حکومت خلاف د اپوزیشن ګوندونو جلسه د اکتوبر پر ۲۵مه د کوټې په ایوب لوبغالي کې ترسره کېږي. په دغه جلسه کې د ګډون کولو لپاره د ځینو اپوزیشن ګوندونو مشران کوټې ته رسېدلي او ځینې نور بیا پر لاره دي. د مسلم لیګ (ن) مرستیاله مشره مریم نواز او د پاکستان پیپلز ګوند یو مشر او پخوانی وزیراعظم یوسف رضا ګیلاني د اکتوبر پر ۲۴مه کوټې ته ورسېدل. ټاکل شوې چې د اکتوبر پر ۲۴مه به دعوامي نېشنل ګوند مرکزي نایب صدر امیر حیدر خان هوتي او د همدې ګوند مرکزي جنرل سېکټري میا افتخار حسین هم کوټې ته ورسېږي. Читать дальше...

په کابل ښار کې ځینې هټیوال او اوسېدونکي لاهم د جنايي جرمونو پر زیاتېدو اندېښنه لري. یو تن هټیوال وايي: "حالات تغیر نه دي کړي، هر څه د پخوا غوندې دي، موږ د سهار ۸ بجې راځو او ماښام ۵ بجې خپل دوکانونه بندوو، موږ حتی نشو کولای چې تر ۷ بجو پورې خپل دوکانونه خلاص پرېږدو، د دې لپاره چې حالت ډېر خراب دی، غله راځي لوڅه یې دې، تېره شپه له همدغه ځایه یو مسافر مزار ته تله، غلو یې مخه ونیوله او ټولې پیسې او ټیلیفونونه ترې واخسته او ښه یې ووهه." دغه راز د کابل ښار یوه اوسېدونکي وویل: "په تېره یوه اونۍ کې... Читать дальше...

پکتیا کې د مڼو باغداران وايي، سږکال یې حاصلات ډېر او ښه دي خو نه بازار لري او نه سړې خونې چې ویې ساتي. دلته د یو شمېر کورنیو د عوایدو یوازینۍ سرچینه همدا باغونه دي. د پکتیا یو بڼوال حسن قادري د خپل سږني حاصل په اړه ازادي راډیو ته وویل: " نسبتاً د تېر کال په مقایسه سږ کال حاصلات ښه دي، په دې کې موږ درې قسمه مڼې لرو، مڼې څلور قسمه دي موږ درې قسمه لرو، بیروتۍ، مارلینګ او زیړه مڼه، جاپانۍ مڼه موږ نه ده کرلې، ځکه ځای ورته نه لرو". هغه وايي، د خپل باغ رسېدلو مڼو ته چې ګوري سترګې یې پرې خوږې شي، خو... Читать дальше...

پرستو بابُر چې ۲۶ کاله عمر لري په بلخ کې یو له محدودو ښځینه وو سوداګرو څخه یوه ده. آغلې پرستو ته په مزارشریف کې د اورینت کېک او کلچې تولیدي کارخونې مسئولیت ور په غاړه دی. پرستو وايي، چې د ښوونې او روزنې له پوهنځي فارغه شوې ده، خو په تخصصي برخه یې د کار فرصت د نه شتون په خاطر په ۲۰۱۵ میلادي کال کې یې په کور کې د وطني کېک او کلچو پخلی پيل کړ. پرستو بابُر وايي، چې په سر کې یې خپل فعالیت د کورنۍ د نورو غړو په مرسته پر مخ وړه، خو دوه کاله وروسته کله چې په بازار کې یي د پېرونکو شمېر زیات شو او تولید... Читать дальше...

د افغانستان په  جلال اباد ښار کې یو شمېر ټولنیزې فعالې مېرمنې، د اکتوبر پر ۲۴مه، د ننګرهار ولایتي شورا مخته ورټولې شوې وې او له افغان حکومت او طالب استازو يې د تلپاتې سولې لپاره د اوربند غوښتنه کوله. دوی په دواړو لورو غږ وکړ چې د ښځو د تېرو کلونو لاسته راوړنې دې د سولې قرباني نه کړي. په دې موقع ټولنیزې فعالې مقدسې احمدزۍ په افغان دولت او طالب استازو غږ وکړ چې اوربند دې وکړي او داسې سوله  دې راولي چې د ښځو د تېرو کلونو لاسته راوړنې په کې وساتل شي. نوموړې وویل: "نننۍ راټولېدنه مو په افغان... Читать дальше...

ټاکل شوې چې نن ماښام د نړۍ دوې مخکښې فوټبال لوبډلې بارسلونا او ریال ماډریډ یو د بل په وړاندې ولوبېږي.   دواړو لوبډلو نننۍ لوبې ته وار له مخې د پوره چمتوالي خبر ورکړی.   دا لوبه نن ماښام د افغانستان په وخت ۶:۳۰ بجې د بارسلونا په کوربه توب نیو کمپ فوټبال لوبغالي کې پیلېږي.   د دې دوو لوبډلو ترمنځ لوبه د ایلکلاسیکو په نوم یادېږي، چې تر دې دمه ۲۷۷ ځلې یو د بل پر وړاندې په خپل تاریخ کې لوبېدلې.   په دې ۲۷۷ لوبو کې ۱۰۰ځلې ریال ماډرید او ۱۱۵ ځلې بیا بارسلونا بریا خپله کړې ده، خو ۶۲ ځلې بیا د دې دوو لوبډلو ترمنځ لوبه مساوي پای ته رسېدلې ده.

په هرات کې د کیون کیک بوکسېنګ ټاکنیزې سیالۍ ترسره شوې.   د هرات د بدني روزنې ریاست مسلکي او فني مدیر ضیا الحق ضیا نن له ازادي راډیو سره په خبرو کې د دي لوبو هدف د کاري پلان تطبیق او د غوره لوبغاړو ټاکل وبلل.   نوموړي وویل، چې په دې سیالیو کې ۸ کلبونو برخه اخیستې وه چې په پایله کې دلیران، لومړی، اتحاد استقلال دوهم او جونان میهن درېیم مقام خپل کړ.  یادې سیالۍ تېره ورځ پیل شوې وې.

افغانستان د اسیا ۲۰۲۱ کال باولېنګ سیالیو لپاره چمتووالی نیسي.   د افغانستان د باولېنګ فدراسیون وايي، هڅه کوي چې په یادو سیالیو کې ښې لاس ته راوړنې ولري.  د دې فدراسیون رییس ادریس فاروقي نن ازادي راډيو ته وویل، چې په همدې هدف د باولېنګ ټاکنیزې سیالۍ پیل شوي څو غوره کسان ترې انتخاب شي.   د دغه سیالیو لومړی پړاو نن پای ته ورسېد چې د ښاغلي فاروقي په وینا ۱۲ نجونې او ۱۲ هلکان ترې غوره شوي دي.   ټاکل شوې چې د اسیا د ۲۱۲۱ کال سیالۍ په هانګ کانګ کې ترسره شي.

دا اوونۍ په مشال مرکه کې ډاکټر ناصر خان زموږ ميلمه دی. نوموړی د اسلام اباد په شفا روغتون کې سپېشلسټ دی. ډاکټر ناصر خان یو له هغو ډاکټرانو څخه دی چې د کورونا وايرس وبايي حالاتو کې یې په روغتون کې پر کوويډ ـ ۱۹ ناروغۍ د اخته کسانو درملنه کوله. د پروګرام کوروبه ګل اياز دی.

په قطر کې د افغانستان د سولې د خبرو له تېزېدو سره، د سیمې یو شمېر هیوادونو ته د افغان سیاستوالو او دولتي چارواکو سفرونه ډېر شوي دي.  په تازه ورځو کې د افغانستان د ولسي جرګې رییس میر رحمان رحماني پاکستان او د حزب جمعیت اسلامي اجراییه رییس عطامحمد نور هند ته تللی دی.  د افغانستان د ولسي جرګې د رییس میر رحمن رحماني په مشرۍ د ملي شورا یو پلاوی د څلور ورځني سفر لپاره پاکستان ته تللی دی. ویل کېږي چې دغه سفر د پاکستان د رسمي بلنې له مخې شوی او دبحث اصلي موضوع به یې د افغانستان سوله وي. سربېره پر... Читать дальше...

د افغانستان د ولسي جرګې لومړی مرستیال محمد مېرزا کټوازی وايي، هېواد کې اوسنی امنیتي وضعیت او امنیتي ځواکونو ته اوښتې مرګ ژوبله ولسي جرګې ته د منلو نه ده. د افغانستان ولسي جرګې لومړی مرستیال وايي، د امنیتي بنسټونو مسوولین یې د ناامنیو او افغان ځواکونو ته د مرګ ژوبلې د ډېرېدو په اړه خپل کور ته ورغوښتي وو. محمد مېرزا کټوازي نن ازادي راډیو ته وویل، د امنیتي ځواکونو د تلفاتو لوړ شمېر افغانان اندېښمن کړې نو همدې لپاره یې د درېیو امنیتي بنسټونو له سرپرستانو سره خبرې کړې دي. ښاغلي کټوازي ګوتڅنډه کړې،... Читать дальше...

د بوسنیا په میرال کېمپ کې د صحت مرکز ته د پاکستان او افغانستان داسې ګڼ کډوال ورغلي دي چې وایي هغوی د بوسنیا نه کروییشیا ته د اوړېدو پر وخت وهل شوي دي. په دغو کې د ګڼو پناه غوښتونکیو پر بدنونو د وهلو نخښې شته. په بوسنیا کې چارواکو ویلي، هغوی په دې اړه مالومات کوي او ژوبل کډوال یې په میرال کې د صحت مرکز ته لیږلي او هلته یې درملنه روانه ده. روانه اونۍ ګڼ پاکستاني او افغان پناه غوښتونکي د بوسنیا د پولیسو یو سیمییز مرکز مخې ته ټول شول او د کروییشیا د پولیسو پرضد یې شعارونه ورکړل، هغوی وایي د کروییشیا پولیسو وهلي او ناوړه چلند یې ورسره کړی. Читать дальше...

لیدلي او اورېدلي به مو وي چې ځوانانو ډېر کله د فکري اختلافونو له وجې یو بل توهین کړي، وهلي او حتی وژلي دي. د دې اوونۍ په خپرونه کې په همدې موضوع خبرې کوو چې ولې ځوانان د فکري اختلافونو په خاطر د یو بل پښې وهي؟ او څنګه فکري مخالفتونه په مثبت ډول پالل کېدای شي؟ «تاندې څانګې» د ځوانانو لپاره د ازادي راډيو ځانګړې خپرونه ده چې په کابل کې یې همایون هېواد جوړوي، دا خپرونه د هرې شنبې په ورځ د څلور بجو او د یکشنبې د ورځې په سهار د اتو بجو په خپرونه کې خپرېږي. د دې خپرونې د اورېدو لپاره لاندې لېنک کېکاږئ... Читать дальше...

د غزني ولایت چارواکي وايي، د ماین چاونې د څلورو ښځو په ګډون ۸ ملکیان او یو پولیس وژلي دي.   د والي ویاند وايي، چاودنه نن سهار د دوهمې امنیتي حوزې اړوند د روضې کوتل په سیمه کې شوې ده.   واحد الله جمعه زاده ازادۍ راډیو ته وویل: "په ساحه کې د ملکیانو یو ټونس ډوله موټر هم رسېدلی چې ماین چاودلی، له بده مرغمه زموږ ۸ تنه ملکي هېوادوال چې ۴ تنه یې ښځې دي، شهیدان شوي دي، له بده مرغه یو پولیس هم شهید شوی او  ۳ تنه نور یې ټپیان دي." د غزني د ملکي روغتون مشر ډاکټر بازمحمد همت هم ویلي، چې روغتون ته د ۹ کسانو مړي وروړل شوي دي. Читать дальше...

د پولنډ د ولسمشر د کرونا ویروس یا کوویډـ۱۹ ناروغۍ ټېسټ مثبت ختلی دی.   د اندري دودا ویاند بلازي سپيچالسکي نن په ټویټر کې لیکلي، چې د ولسمشر معاینه پرون مثبته وختله، چې اوس د بهترۍ احساس کوي او ځان یې له نورو منزوي کړی دی.   په پولنډ کې په کرونا ویروس د خلکو د اخته کېدو پېښې زیاتې شوي او په نتیجه کې یې تر ۴۰۰۰ زیات کسان مړه شوي دي.

سوډان او اسراییل په خپلو کې د اړیکو عادي کولو موافقه وکړه.  د امریکا د متحدو ایالتونو ولسمشر ډونالډ ټرمپ وویل، چې دا موافقه د واشنګټن په منځګړیتوب شوې ده.  ولسمشر ټرمپ ویلي، درېیو نورو عرب هېوادونو هم له اسراییل سره د سولې موافقې ته لېوالتیا ښوولې ده.  څو اوونۍ مخکې بحرین او متحده عرب اماراتو هم له اسراییل سره د اړیکو عادي کولو موافقه وکړه.    فلسطین د دې اقدام سخت مخالفت ښوولی دی.

د خیبر پښتونخوا د وکیلانو صوبايي تنظیم د اکتوبر له ۱۷مې نېټې راهېسې په کاربندېز لاس پورې کړی. دا احتجاج او کاربندېز د حکومت لخوا په دیواني قانون کې د بدلون راوستلو په غبرګون پیل شوی. بل پلو، ولسي خلک چې بېلابېلو کیسونو کې یې په عدالت کې تاریخونه دي، وايي، د کاربندېز له وجې هغوی د ستونزو سره مخ دي. په دې اړه له پېښوره شبیرجان وېډیو رابور لري.