Новости за 11.05.2020

د هېواد په مختلفو ولایتونو کې د کرونا ویروس سره د مبارزې لپاره د محدودیتونو زیاتوالي په رسنیو کې د ښځینه خبریالانو حضور کم کړی دی.

د کابل اوسېدونکی بهترین پکتیاوال چې په کرونا ویروس اخته شوی و، اوس له دې ویروسه روغ رمټ شوی او عادي ژوند یې پیل کړی. نور جزئیات د فرید الله سعادت په راپور کې:

د افغانستان ملي امنیت ریاست او د کورنیو چارو وزارت په یوه ګډه اعلامیه کې راغلي چې د داعش شر ضیاالحق د افغان امنیتي ځواکونو په ګډو عملیاتو کې ونیول شو.

په غزني کې یو دیني عالم او د سولې ولسي حرکت غړی مولوي بهاوالدین په وسله وال برید کې وژل شوی دی. د ولایت ویاند وحیدالله جمعه زاده د دو شنبې په ورځ ازادي راډیو ته وویل: "مولوي بهاوالدین نن له غرمې وروسته د ښار د قره باغ اډې په سیمې کې ناڅرګنده کسانو په بې غږه توفنچه وژلی دی." ښاغلي دوجمعه زاده زیاتوي، مولوي بهاوالدین په دولت کې هېڅ رسمي دنده نه درلوده او په خپل شخصي کاروبار بوخت و. د غزني مدني فعالان وايي، مولوي بهاوالدین یو مدني فعال، دیني عالم او د سولې ولسي حرکت غړی و. په غزني کې ډېری وخت... Читать дальше...

محبوبه اخترزاده په افغانستان کې زېږېدلې او د پولیو ناروغۍ له کبله یې دواړې پښې فلج شوي. دې نسبتاً ستونزمن ژوند تر شا پرې ایښی او اوس په امریکا کې په یوه لوی شرکت کې سافټ ویېر انجنیره ده.

د افغانستان د ملي امنیت شورا د طالب زندانیانو د ازادېدو لړۍ په مشروط ډول د لنډې مودې لپاره ودروله.

اروپایي ټولنې په افغانستان کې د بشر دوستانه اوربند د غوښتنې ملاتړ وکړ. د افغانستان لپاره د اروپایې ټولني ځانګړي استازي رولاند کوبیا تېره ورځ پر خپله ټویټر پاڼه ولیکل چې اروپایې ټولنه او امریکا د اوربند په اړه چې اوس یو انتخاب نه بلکه اړتیا ده، په یوه نظر دي. نوموړی زیاتوي تقریباً ټوله نړۍ د دې ډول اوربند غوښتونکې ده.  د افغانستان ولسمشر محمد اشرف غني، د افغانستان د سولې لپاره د امریکا ځانګړي استازي زلمي خلیلزاد او ناټو په دې وروستیو کې له طالبانو غوښتي چې اوربند وکړي او له تاوتریخوالي لاس واخلي. Читать дальше...

د افغانستان د کورنیو چارو وزارت په کابل کې د وروستیو چاودنو په تړاو د ۱۲ مشکوکو کسانو د نیول کېدو خبر ورکړی. د دغه وزارت ویاند طارق آرین نن دوشنبه په یوه ویډیویې پیغام کې رسنیو ته ویلي چې دا کسان په تیرو دوو اونیو کې نیول شوي دي. هغه زیاتوي: "۱۲ تنه په کابل کې د ماینونو د ایښودلو په تړاو نیول شوي چې د تېرو دوو اوونیو په اوږدو کې ونیول شول او افغان کشفي ځواکونه لا هم د هغوی شبکې تعقیبوي، په همدې حال کې د سړک غاړي څلور ماینونه خنثی شوي، څلویښت لاسي بمونه، دوه ځان وژونکي له انتحاري واسکټونو سره... Читать дальше...

د ټولبند تر نرمېدو وروسته په سوات کې بازارونه پرانیستل شوي او ګڼ خلک د اختر لپاره د شیانو اخیستو ته ورځي. دوکانداران وايي، لازم احتیاطي تدابیر یې نیولي چې د کورونا وایرس مخه ونیسي. په دې ویډیو کې مو د مینګورې بازار ته بیایو.

د افغانستان د ملي امنیت ریاست د سویل ختیځې اسیا لپاره د داعش ډلې مشر ضیاالحق چې په شیخ ابو عمر خراساني مشهور دی، له نورو مهمو کسانو سره یوځای نیولی دی. د افغانستان د ملي امنیت ریاست او د کورنیو چارو وزارت په یوې ګډې اعلامیې کې چې نن دوشنبه خپره شوه راغلي چې یاد کس د ملي امنیت او د پولیسو د ۲۲۲ ځانګړي قطعې په ګډو عملیاتو کې ونیول شو. اعلامیه زیاتوي په دې عملیاتو کې د جنوبي آسیا لپاره د داعش ډلې د استخباراتو مسول ابوعلي او د عامه اړیکو مسول صهیب هم نیول شوي دي. د اعلامیې له مخې دا عملیات د ملي... Читать дальше...

د افغانستان د بشر حقونو خپلواک کمېسیون وايي ، ډېر ژر به خواله رسنیو کې یوې بې وزلې ماشومې سره د خیریه بنسټ د مسئول د چلند په تړاو څېړنې بشپړې کړي.

په داسې حال کې چې میلیونونه کسان بې دندې شوي او اقتصاد له رکود سره مخامخ دی، په ټوله نړۍ کې حکومتونه غواړي چې خپل اقتصاد بېرته پر پښو ودروي.

کيا بلوڅ، د ساجد حسېن د مرګ علت په اړه څه نشي ويلای خو دوی دواړو چې په بلوچستان کې څه ليدلي او بيا له هغه ځای څخه راوتلي دي نو ځکه تل ورسره نامالومه وېره ملګرې وي.

د بېلاروس په پلازمېنه مېنسک کې د مې پر نهمه د دویمې نړیوالې جګړې د بریا په مناسبت پوځي پرېډ شوی. دا په داسې حال کې ده چې اروپايي هېوادونو او امریکا سږکال د بریا ورځې غونډې لغوه کړې. د مېنسک پرېډ ته زرګونه کسان ورغلي ول. نور په ویډیويي رپورټ کې.

د کابل پولیس وایي نن سهار په پلازمېنه کابل کې په څلورو چاودنو کې د یوه ماشوم په ګډون څلور ملکي وګړي ټپیان شوي دي. د کابل د امنیه قوماندانۍ ویاند فردوس فرامرز نن رسنیو ته وویل چې دا د سړک غاړې ماینونو چاودنې وې چې د کابل په ۱۷مه، ناحیه کې وشوې. تر اوسه د دې پېښي مسؤلیت چا نه‌دی منلی.

د عامې روغتیا وزارت د معلوماتو پر بنسټ، د کرونا ویروس په نویو ثبت شویو کې ډېری پېښې بیا هم په کابل کې دي.

یوه ایرانې کښتۍ په تصادفي ډول د همدې هېواد د سمندري تمریناتو پر مهال په توغول شوي راکټ لګېدلې چې له امله یې ۱۹ کسان په کې وژل شوي او ۱۵ نور ټپیان شوي دي. د ایران سمندري ځواکونو نن دوشنبه د یوې اعلامیې په خپرولو وویل چې دا پېښه د یکشنبې په ورځ په عمان خلیج کې د تمریناتو پر مهال شوې ده.  تر دې وړاندي د ایران دولتي رسنیو د یوه کس د وژل کېدو خبر ورکړی و. د ایران نیمه دولتي خبري آژانس ایسنا راپور ورکړی چې دا کنارک نومې کښتۍ یوه ملاتړې کښتې وه چې تر پېښې وروسته په سیمه کې یوې وچې ته انتقال شوې ده. Читать дальше...

په داسې حال کې چې په فرانسې او اسپانیې کې پرمیلیونونو وګړو نن د کرونا ویروس د مخنیوي لپاره لګول شوي بندیزونه کم شوي خو بریتانیا دا بندیزونه نور هم وغځول. د بریتانیا صدراعظم بوریس جانسن په دغو بندیزونو کې ډیر لږ کموالی اعلان کړ. په فرانسې کې تر اتو اونیو وروسته خلک کولی شي د ګرځېدو له ځانګړي جواز پرته د باندې ووځي او ځیني دکانونه به پرانیستل شي خو رستورانتونه، سینما او تیاتر به لا هم تړلي وي. هسپانویان هم چې د دې ویروس د ډېرو ځپل شویو سیمو لکه مادرید او بارسلونا بهر ژوند کوي، کولی شي رستورانونو او بارونو ته چې خلاصه فضا لري، ولاړ شي. Читать дальше...

پاکستانۍ موصلاتي ادارې په دغه هېواد کې ټول نارجسټر بند موبایلونه د کورونا وبا بیړې پر مهال تر یوې میاشتې بیرته چالو کړي دي.

وروسته له هغې چې د روانې میلادي میاشتې په لومړۍ نېټه د ایران پوله‌ستاتو ځواکونو شااوخوا ۵۰ افغان کارګر له شکنجې وروسته اوبو ته وغورځول دغې پېښې په هېواد کې سخت غبرګونونه راوپارول.

د بخښنې نړیوال سازمان یا ایمنسټي انټرنیشنل وايي، د سوریې په شمال لویدیځ کې یې د تېر کال په اوږدو کې د سوریې د دولتي ځواکونو او روسیې د پوځ له خوا ۱۸ داسې بریدونه ثبت کړې دي چې له جنګي جرایمو سره انډول دي.

په لوګر کې درې تنه انسان تښتوونکي نیول شوي. د لوګر امنیتي چارواکي وایي چې د دې ولایت د مرکز پل علم اړوند د لومړۍ حوزې پولیسو هغه درې تنه انسان تښتوونکي نیولي چې د وسایطو او انسانانو په تښتولو کې یې لاس درلود. د لوګر د امنیه قوماندانۍ ویاند شاهپور احمدزي نن دوشنبه ازادي راډيو ته وویل: "یادو کسانو غوښتل د صرافانو مارکېټ په سیمه کې د وسایطو د غلا سربېره یو صراف وتښتوي چې د لوګر ولایت د امنیه قوماندانۍ د لومړۍ امنیتي حوزې د منسوبینو له‌خوا ونیول شول." د ښاغلي احمدزي په وینا دغو درېیو انسان تښتوونکو... Читать дальше...

د افغانستان دفاع وزارت په زابل او لغمان ولایتونو کې د طالبانو د بریدونو د شنډولو خبر ورکوي. د دغه وزارت اعلامیه زیاتوي چې طالبانو تېره شپه پلان درلود د زابل د میزان ولسوالۍ په زرداد کلي او د قلات په اومکۍ سیمه کې بریدونه وکړي. اعلامیه زیاتوي دولتي ځواکونه چې په دفاعي حالت کې وو، د هوایي ځواک په ملاتړ اقدام وکړ چې په نتیجه کې ۶ طالبان وژل شوي او درې نور ټپیان شوي دي او په دې توګه‌یې برید شنډ شو. دفاع وزارت دا هم ویلي چې د طالبانو څلور موټرسایکلونه او یوه اندازه وسلې او مهمات له‌منځه تللي دي. Читать дальше...

په پاکستان کې د کورونا وایرس وبا مخنیوي لپاره ټولبند د خیبر پښتونخوا د سیلګرۍ کاروبار هم ځپلی. د شانګلې د هوټلونو مالکان او کارکوونکي وايي، کاروبار یې په ټپه درېدلی او تاوان یې کړی دی. نور په ویډیويي رپورټ کې.

د ازادي راډیو اوونیزه 'ژوند په شېیو کې' پروګرام د وچې ډوډۍ تاریخچې ته ځانګړی شوی چې د وچې ډوډۍ په ډولونو کې څومره بدلون راغلی دی؟