Новости за 04.05.2020

د پاکستان دوو لويو اپوزيشن ګوندونو مسلم لېګ (ن) او پيپلز پارټي ويلي د تحريک انصاف حکومت به په آيين کې شوي اتلسم ترميم ليري کولو ته پرېنږدي.

د ازادي راډیو خبریال شاهپور صابر د یوه ویرجن کور ته تللی چې د هغه د خپلوانو په وینا د ایران پولیسو اړ ایستلی چې هریرود سین ته ځان واچوي. عبدالباري نور نشته. د ده د سفر ملګري د افغانستان او ایران په پوله کې د شنبې د ورځې د پېښې حال وايي. دا راپور ملالۍ بشیر وړاندې کوي

د افغانستان رسنیو مخکښه څېره مجاهد کاکړ مړ شو. کاکړ نږدې شپږ کاله له سرطان سره لاس او ګرېوان و او ساعت مخکې يې د المان په اخن ښار کې په يوه روغتون کې ساه ورکړه. خپلوان‌يې وايي چې ۵۲ کاله‌يې عمر درلود. کاکړ واده کړی و او دوه کوچني زامن ورڅخه پاتې شول. کاکړ په طلوع‌نيوز خصوصي ټلوېزيون کې د کار مخينه درلوده او څه موده‌يې مشر هم و. هغه په طلوع‌نيوز کې د سياسي خپرونو او مناظرو کوربه و. په شپږ کلنه موده کې چې کاکړ په سرطان اخته و، څه موده‌يې روغتيايي وضعیت ښه و، خو وروستيو کې يې وضعیت خراب او روغتون ته ولېږدول شو.

یونان د کرونا ویروس د خپرېدو د مخنیوي لپاره سلګونه کډوال د لیسبوس له کمپ څخه لېږدوي. اروپایې ټولني او د بشري حقونو سازمانونو له آتن څخه غوښتي چې ډېر اغېز منونکي کسان د کډوالو له کمپونو څخه چې په ټاپوګانو کې دي، د یونان خاورې ته دننه انتقال کړي.

ناټو په پاکستان د ایټالیا پخوانی سفیر په افغانستان کې د خپل ملکي استازي په توګه ټاکلی دی. د ناټو سرمنشي ینس سټولټنبرګ نن پر خپله ټویټر پاڼه ولیکل چې سټیفانو پونتیکوروو یې په افغانستان کې د دې سازمان د ملکي استازي په توګه ټاکلی . د سټولټنبرګ په خبره دا نوی استازی به د جون له لومړۍ نېټې څخه په افغانستان کې خپله دنده پیل کړي. پونتیکوروو چې په سیمه کې د کار تجربه لري او تر دې وړاندي په پاکستان کې د ایټالیا سفیر وو، د نیکولاس کې پر ځای په دنده ګمارل شوی دی. د ناټو سرمنشي د دې خبر د اعلان پر مهال... Читать дальше...

هغه ډاکتر چې په روسیې کې یې د یوه روغتون له کړکۍ ځان وغورځاوه، په نازک روغتیایې وضعیت کې دی. دغه ډاکتر د روسیې په ختیځ کې په یوه روغتون کې کار کاوه شکایت کړی وو چې سره له دې چې د کرونا ویروس نتیجه یې مثبته اعلان شوې وه، کار ته اړ ایستل شوی و. دا په روسیې کې په وروستیو ورځو کې دریم ځل دی چې دا ډول پېښه کېږي. د ډاکتر الکساندر شولیپوف همکارانو پرون وویل چې نوموړي د شنبه په ورځ د نوایا اوسمان ښارګوټي د روغتون له دویم پوړ څخه څخه ځان لاندي وغورځاوه. د ښاغلي شولیپوف سر ضربه لیدلې او تر جدي درملنې لاندې دی. Читать дальше...

افغانستان جمهوري ریاست طالبانو ته خبرداری ورکوي، که چېرې اوربند ته غاړه کې نږدې د کرونا ویروس له امله د هر ډول ناورین مسئوليت به د دوی پر غاړه وي.

د هرنايي لېویزو چارواکیو مشال راډیو ته ویلي لومړی د پېښې پرمهال یو کانکیندونکی وژل شوی وو خو وروسته چې یې ژوبل کسان ځايي روغتون ته ولېږدول نو دوو یې په روغتون کې ساه ورکړه.

د سوات په روغتون کې د کورونا وایرس ناروغانو د ځانګړې څانګې کارکوونکي وايي، پوره احتیاط کوي او هڅه کوي چې د ټولو ناروغانو ښه درملنه وشي. په روغتون کې تر اوسه له ۱۰۰ څخه د زیاتو کسانو تشخیص شوی خو ځینې یې په روغتون کې داخل دي. روغتیاپالان وايي، په کور کې هم د کورنیو له غړو بېل او لیرې اوسي. ویډیويي رپورټ.

د افغانستان په شمال کې د غالۍ اوبدونکو ټولنه وايي چې په دغه زون کې د غالۍ اوبدنې صنعت د له منځه تلو په حال کې دی.

کروندګر وایي، د اقتصادي بې‌وزلۍ او کرنيزو محصولاتو ته‌یې د بازار د نشتوالي له امله کوکنار کرلي. صادق رښتینی د کندهار ژړۍ ولسوالۍ ته تللی او دا وېډیو راپور یې برابر کړی:

د لغمان کروندګر وایي، د نامعلوم دښمن له خوا ثمر ته د رسېدونکو ونو بوټو د وهلو له ویرې اوس ټوله شپه د خپلو کروندو په ساتلو سبا کوي.

د امریکا ولسمشر تېره شپه اعلان وکړ چې فکر کوي هېواد به یې د روان میلادي کال تر پایه د کرونا ویروس ضد واکسین جوړ کړي.

د ښځو د حقوقو یو ملاتړي بنسټ، د قطر له ملکې غوښتي چې په قطر کې له مېشتو طالب مشرانو وغواړي، څو اوربند وکړي.

د افغانستان عامې روغتیا وزارت په تېرو ۲۴ ساعتونو کې په څو ولایتونو کې د کرونا ویروس د ۱۹۰ مثبتو پېښو ثبت خبر ورکوي.

چارواکي وايي، په پکتیکا کې ۱۷ وسله‌وال وژل شوي. د پکتیکا امنیتي چارواکي وايي چې تېر ماښام وسله‌والو د یاد ولایت په سروبي ولسوالۍ کې د پولیسو پر امنیتي پوستو بریدونه کړي چې په ځوابي عمل کې ۱۷وسله‌وال وژل شوي او ۱۰ نور ټپیان شوي دي. د پکتیکا د امنیه قوماندانۍ ویاند شاه محمد ارین نن رسنیو ته وویل: "طالبانو د سروبي ولسوالۍ د منګاروتو په سیمه کې د پولیسو پر پوستو ډله‌ییز بریدونه وکړل چې د پولیسو په چټک غبرګون او ځوابې ډزو کې وسله‌والو ترهګرو ته درنه مرګ‌ژوبله واوښته. د هغوی ۱۷ تنه وژل شوي او ۱۰ نور یې ټپیان شوي دي. Читать дальше...

د اپرېل پر درېمه د پنډۍ - اسلام آباد خبریالانو په اسلام آباد کې د پارلیمان د ودانۍ مخې ته احتجاجي مظاهرې کړې چې پکې يې غوښتنه کوله چې حکومت دې ورته تحفظ ورکړي او له څو میاشتو راهیسې مېډیا ادارو د دوی تنخاګانې نیولي هغې دې ورته ورکړي. د سراج ظهیر راپور

د افغانستان برښنا شرکت مسؤلین وایي د کابل په چمتله سیمه کې د دې شرکت پر کارکوونکو ځای پر ځای شوی ماین چاودلی، څلور تنه په‌کې ټپیان شوي دي. د برښنا شرکت ویاند وحیدالله توحیدي نن ازادي راډیو ته وویل چې دغه کارکوونکي د برښنا د یوې الوزول شوې ستنې د ترمیم لپاره سیمې ته تللي ول. هغه زیاته کړه: "له بده مرغه نن سهار یو ماین چې په مخفیانه ډول ځای پر ځای شوی وو، زموږ پر همکارانو وچاودېد چې زموږ څلور تنه همکاران ټپیان شوي دي او د دوو تنو حالت نازک دی. د دې ترڅنګ کله چې زموږ همکاران له سیمي ووتل، درېیمه... Читать дальше...

ولسمشر ټرمپ او مايک پومپيو دواړه پر چين سختې نيوکې کوي او د وايرس په اړه دغه هېواد د شفافيت پر نشتوالي تورنوي.

د مې پر درېیمه د اسلام اباد او راولپېنډۍ خبریالانو د رسنیو ازادۍ ورځې په مناسبت د پاکستان پارلېمان مخې ته احتجاج وکړ. دوی دعوه وکړه چې د رسنیو مالکانو ورته له میاشتو راهیسې تنخاګانې نه دي ورکړې. خبریالانو همداراز، له حکومته د تحفظ غوښتنه هم وکړه. د پاکستان د اطلاعاتو او خپرونو وزیر سېنېتر شبلي فراز احتجاج ته ورغی او خبریالانو ته یې ډاډ ورکړ چې تر اختر مخکې به تنخاګانې ورکړل شي او د نورو ستونزو هواري هوډ یې هم وکړ. ویډیويي رپورټ.

د هلمند والي محمد ياسين رسنيو ته وويل چي د ګرشک ولسوالۍ په نهر سراج ولسوالۍ کې د طالبانو په موټر بم بريد کې د ملي امنيت ۵ سرتېري وژل شوي او د ۱۰ په شااوخوا کې ټپيان دي. دغه موټر بم د افغان ځواکونو په يوه ټولي شوی دی او طالبانو يي پړه په غاړه اخیستې ده. دا د روان کال د فبرورۍ مياشتې د ۲۹مې د سولې تر توافق وروسته چې د طالبانو او امريکايي لوري ترمنځ وشو لومړی لوی بريد دی چې افغان ځواکونو ته مرګ‌ژوبله اړوي، يوې سرچينې د نوم نه‌ښودلو په شرط ازادي راډيو ته وويل په ياد بريد کې د ملي امنيت ۱۸ سرتېري... Читать дальше...

د امریکا د بهرنیو چارو وزیر ویلي چې په کافي اندازه شواهد شته چې ښیې د کرونا ویروس د چین له لابراتوارونو راپورته شوی دی. مایک پومپیو د امریکا د استخباراتي ادارو پر هغې نتیجه ګیرۍ څه ونه ویل چې وایې دا ویروس د انسان د لاس جوړ شوی نه دی. هم مایک پومپیو او هم د امریکا ولسمشر ډونالډ ټرمپ پر چین سخت انتقادونه کوي او هغه هيواد د کرونا ویروس د خپرېدو په برخه کې د شفافیت په نشتوالي تورنوي.  هاخوا چینایې ورځپاڼې چې د دې هېواد د واکمن کمونست ګوند پورې اړوند دي، د چارواکو له قوله راپور ورکوي چې امریکا... Читать дальше...

د ازادي راډیو اوونیزه "ژوند په شېیو کې" پروګرام د ساعت تاریخچې ته ځانکړی شوی.

د افغانستان امنیت شورا وايي چې پرون‌یې د پلچرخي له زندان څخه د وړمې ورځې په دوام ۹۸ نور طالب بندیان خوشې کړي چې له دې سره د خوشې شویو طالبانو شمېر ۷۴۸ ته رسېږي.

په نړۍ کې سلګونو کسانو لستوڼي رانغښتي چې د کوویډ-۱۹ پر ضد د تجربې په توګه واکسین شي.