Новости за 17.03.2019

ولسمشر اشرف غني نن د متحده عربي اماراتو له ولیعهد شیخ محمد بن زایدالنهیان سره په پلازمېنه ابوظبي کې وکتل. د ولسمشر ویاند هارون چخانسوري ازادي راډیو ته په استول شوي بیان کې ویلي چې ولسمشر غني د اماراتو د ولیعهد په رسمي بلنه هغه هېواد ته تللی او په نننۍ کتنه کې یې د دواړو هېوادونو د دوه اړخیزو اړیکو د پراختیا، په افغانستان کې په بېلابېلو برخو کې د اماراتو د پانګونو، د ترورېزم پرضد د ګډې مبارزې او نورو مسایلو په اړه خبرې وکړې. ښاغلي چخانسوري زیاته کړه چې د اماراتو مشرانو په دې کتنه کې د افغان حکومت په مشرۍ د سولې د هڅو ملاتړ وکړ. Читать дальше...

د بغلان په مرکز پلخمري ښار کې نن ماسپښین په یوه موټر کې ځای پرځای شوی ماین وچاودېد چې درې کسان یې ټپیان کړل. د بغلان د پولیسو ویاند احمد جاوید بشارت ازادي راډیو ته وویل چې چاودنه په یوه کرولا موټر کې شوې او په درېیو ټپیانو کې یې یو ماشوم هم شامل دی. پولیسو د پېښې د عواملو او څرنګوالي په اړه څېړنې پیل کړي دي.

د اسلامي دولت ډلې یا داعش د خوست د یوې ټلویزیونې شبکې د خبریال سلطان محمود خیرخواه د وژنې مسؤلیت منلی دی. شپېته کلن خیرخواه د ژمن ټلویزیون خبریال و چې د جمعې په ورځ په خوست کې په ډزو ووژل شو. د خبریالانو د خوندیتوب ټولنې په یوه بیان کې پر افغان حکومت غږ کړی چې د خبریالانو د خوندیتوب لپاره جدي اقدامات وکړي.

د پاکستان پولیس وايي چې د بلوچستان ایالت په یوه رېل ګاډي کې د چاودنې په پېښه کې لږترلږه ۴ کسان وژل شوي او اووه نور ټپیان دي. دا چاودنه د کوټې د جنوب ختیځ په ۳۰۰ کیلومترۍ کې په مراد جمالي ډېرۍ سیمه کې شوې ده. یوه عیني شاهد نذیر احمد د پېښې په ځای کې خبریالانو ته وویل: "ناڅاپه یوه چاودنه وشوه او بیا د ډزو غږ شو، ورپسې د رېل ګاډي ویلونه او ډبې له پټلۍ واوښتې او لېرې ځای ته ګوزار شوې." د دې سیمې د پولیسو قوماندان عرفان بشیر وايي، دا رېل ګاډی له راولپنډۍ څخه کوټې ته روان و چې پر لاره د ریموټ کنټرول... Читать дальше...

د افغانستان د بهرنیو چارو وزارت په دغه هېواد کې د ملګرو ملتونو رول ارزښتمن بولي او وايي چې په افغانستان ...

رويټرز خبري اژانس د نيو زيلينډ پر دوو جماتونو د مارچ ۱۵مې د ډزو پېښو په تړاو په خپله ليکنه کې د يوه افغان د مېړانې کيسه کړې.

د صوابۍ سره تړاو لرونکې دغه پېغله په حیات اباد میډیکل کمپلېکس کې کار کوي. نوموړې په دې وروستیو کې یو ناول لیکلی چې په ارمي پبلک سکول د شوې حملې پس منظر کې لیکل شوی دی. دغه لیکواله وايي، له بریده وروسته پر اغېزمنو شویو کورنیو چې څه تېر شوي، هغه دې پخپلو سترګو لیدلي او دا ناول یې لیکلی دی.

د افغانستان نومیالۍ سندرغاړې اریانا سعید وايي، په وروستیو کې یې په کابل کې کنسرټ ورکړی ځکه چې موسیقي د افغان کلتور مهمه برخه ده. ځېنو مذهبي ډلو پر نوموړې تور پورې کړ چې تېر کال یې په پاریس کې د هغوی په وینا، ناسمې جامې اغوستې وې. د دې له کبله هغې ته ګواښونه هم وشول. د رویټرز او اې اېف پي اژانسونو له ویډیو څخه جوړ رپورټ وګورئ.

د مشال مرکې پاڼه کې درته هرکلی وایو. دا اوونۍ د غذايي ماهرې یا ( نیوټرېشنېسټ) فریحه جی سره غږېدلي یو.

د افغانستان د راتلونکو ولسمشریزو انتخاباتو اووه کاندیدان وايي، د افغانستان د سولې په خبرو کې ...

د افغانستان د عامې روغتیا وزیر په یاد وزارت کې په لویه کچه د فساد موجودیت ردوي، خو وايي چې د ټيټ رتبه ...

د افغانستان د سولې عالي شورا وايي، د کابل او واشنګټن ترمنځ سوءتفاهم او ستونزې به د سولې پروسه زیانمنه نه‌کړي.

د قبایلي ضلعو ځيني وکیلان او د قانوني چارو پوهان وايي، په سیمه کې د ایف سي ار قانون لاندې درج شوې ګڼې مقدمي تر اوسه فیصلو ته په انتظار پرتې دي.

د فاریاب امنیتي چارواکي وايي چې وسله‌والو طالبانو تېره شپه د قیصار ولسوالۍ په ارکلیک سیمه کې د ملي اردو پر پوستو پراخې تهاجمي حملې وکړې. د فاریاب د امنیه قوماندانۍ ویاند ترین یورش ازادي راډیو ته وویل، دا حملې د سهار تر څلورو بجو پورې روانې وې، خو یورش د دواړو خواوو د تلفاتو په اړه بې‌خبري وښوده. له دې مخکې د فاریاب په ولایتي شورا کې سرچینو ازادي راډيو ته ویلي و چې په ارکلیک کې د طالبانو په حملو کې د ملي اردو ۲۰ سرتېري وژل شوي او شل نور ټپیان او اسیران شوي دي. طالبانو تراوسه په‌دې اړه څه نه‌دي ويلي.

د بغلان امنیتي چارواکي، د بغلان سمنګان د لویې لارې د امنیت لپاره په شاوخوا سیمو کې د عملیاتو د پیل خبر ورکوي. د ۲۰۹ شاهین قول اردو د عامه نظم د لوا درستیزوال ډګرمن محمدنبي وايي، د شاهین په نوم دا عملیات د شنبې په ورځ پیل شوي او اوس په چشمه شېر او هغو سیمو کې روان دي چې د دې لویې لارې په اوږدو کې پراته دي او امنیتي ګواښونه په‌کې شته. ښاغلي نبي په جګړو کې د تلفاتو په اړه څه ونه ویل، خو یادونه یې وکړه چې دولتي ځواکونو د دې عملیاتو په ترڅ کې ښه پرمختګ کړی دی. دا عملیات په داسې حال کې پیل شوي چې... Читать дальше...

امنیتي چارواکي هغه راپورونه رد کړي چې ګنې پولیسو د طالبانو د پخواني چارواکي ملاعبدالسلام ضعیف کور محاصره کړی. د کابل امنیه قوماندان سید محمد روشندل نن ازادي راډیو ته وویل چې پېښه یوازې د امنیتي ګزمې او د ښاغلي ضعیف د کور د ساتونکو ترمنځ لفظي شخړه وه. ښاغلي روشندل زیاته کړه: "د ښاغلي ضعیف یوه ساتونکي چې وسله یې درلوده د هغه د کور په مخکې له امنیتي ګزمې سره مخامخ شوی او د هویت د تثبیت تر وخته د دوی ترمنځ ناوړه تفاهم رامنځته شو." له دې مخکې ځینو رسنیو راپور ورکړی وو چې امنیتي ځواکونونو له تېرې... Читать дальше...

په کابل کې د کاکړ تاريخ بنسټ يا کاکړ هیسټري فاونډېشن په نامه اداره د تېر وخت کيسو د ساتلو له لارې غواړي د افغانستان په سوله کې خپل کردار ترسره کړي.

د پاکستان د بهرنیوچارو وزارت تأیید کړې ده چې نهه وګړي یې د نیوزیلنډ په کرایست چرچ ښار کې پر دوو جوماتونو د برید په قربانیانو کې شامل دي. د یو پاکستاني نوم میا نعیم رشید ښودل شوی چې پنځوس کلن و او د بریدکوونکي د بې وسلې کولو هڅه یې کړې وه، خو دی او د طلحه په نوم ۲۲ کلن زوی یې دواړه ووژل شول. نوموړي ته د پاکستان صدراعظم د ملي هیرو لقب ورکړی. په نورو قربانیانو کې د افغانستان، بنګله‌دېش، ترکیې، سعودي عربستان، مصر، اردن، اندونیزیا، مالیزیا او امریکا وګړي شامل دي.

د بلوچستان د نصیر اباد ضلعې په ډېره مراد جمالي سیمه کې د مارچ پر ۱۷مه د اورګاډي پر پټلۍ د چاودنې له کبله لږ تر لږه درې کسان وژل شوي او څلور نور ژوبل شوي دي.

د افغانستان د بایسکل ځغلونې فدراسیون د یو ایراني روزونکي په ګمارلو ټينګار کوي. د دغه فدراسیون مشر محمد حسین حمیدي نن ازادي راډيو ته وویل چې له دې کاره یې هدف دا دی چې افغان لوبغاړي د بایسکل ځغلونې په برخه کې حرفووي زده‌کړې وکړي. نوموړي وویل، دغه غوښتنه یې د المپیک ملي کمېټې سره هم شرېکه کړې او هېله‌مند دي چې ومنل شي. دغه فدراسیون وايي، د بهرنيو روزونکو تر روزنې لاندې به افغان لوبغاړي معیاري زده کړې وکړي.

د بلخ د باسکټ‌بال د معلولینو ټيم په وروستیو سیالیو کې ۳۴-۲۷ پایلو سره کابل ټيم ته ماته ورکړه. د بدني روزنې عمومي ریاست وايي، په‌دغو لوبو کې د فارياب او ننګرهار ولايتونو لوبډلو درېيم او څلورم مقام ترلاسه کړ. دا سیالۍ نن په کابل کې د پارا المپیک فدراسیون او سره صلیب نړېوالې  کمېټې په همکارۍ ترسره شوې. په دغو سیالیو کې لوبغاړو ته جایزې هم ورکړل شوې.

د خیبر پښتونخوا د خزانې وزیر تیمور سلیم خان ویلي، په قبایلي ضلعو کې د پرمختیايي کارونو پوره کېدو وروسته به په هغو سیمو کې د ټیکس نظام پیلوي.

وروسته له دې چې ژیړ واسکټو معترضانو د پاریس ښار په شانزې لیزې واټ کې بیا د اعتراضونو لړۍ پیل کړه، د فرانسې حکومت نن په‌دې سیمه کې تصفیوي عمیات وکړل. ژېړ واسکټ لرونکو معترضانو پرون په دې واټ کې یو ځل بیا بانکونو او مغازو ته اور واچاوه. د دې واټ لوکسو مغازو، رسټورانټونو او بانکونو نن د هغو زیانونو ارزونه پیل کړه چې د اعتراضونو پرمهال د اور لګېدو په پېښو کې ورته اوښتې دي. د نړۍ دا پرتمین واټ پرون شنبې یو ځل بیا د اعتراضونو ډګر وو او داسې ښکارېده لکه جګړه چې په‌کې تېره شوې وي. ولسمشر ایمانوئل... Читать дальше...

د نیوزیلنډ صدراعظمه وایي، مشکوک بریدکوونکي پردوو جوماتونو تر بریدونو څو دقیقې مخکې له دېرشو زیاتو سیاستوالو...

افغان ولسمشر محمد اشرف غني په یو رسمي سفر د متحده عربي اماراتو پلازمینې ابوظبۍ ته ولاړ.