Новости за 17.12.2019

Поранешен офицер на белоруската полиција изјави дека учествувал во убиства на активисти на опозицијата и оти сега бара политички азил во неименувана европска земја. Коментарите на Јуриј Хаварски, дадени во интервју за „Дојче веле“, им додадоа масло на долгогодишните обвинувања дека безбедносните сили што ги надгледува претседателот Алeксандaр Лукашенко биле вмешани во исчезнувањето на лидерот на опозицијата Викар Ханчар, на бизнисменот Анатол Красуски и на уште двајца мажи во 1999 и 2000 година.... Читать дальше...

Окако ДУИ поднесе околу 5000 амандмани за измените на Изборниот законик односите со нивниот коалиционен партнер СДСМ се нарушени, барем таков е впечатокот во јавноста. Но,тоа според аналитичари, се должи на калкулациите за додворување на гласачите пред избори.

Додека трае собраниската расправа за буџетот за 2020, граѓаните ги прашавме на што најмногу треба да се трошат народните пари. Помодерно здравство, поквалитетно образование, повисоки плати, пензии и почист воздух. Овие според анкетираните се приоритетите за кои треба да се трошат парите од буџетот

Во несреќа на Средоземно море седум африкански мигранти се удавиле, додека 70 други биле спасени откако нивниот чамец потонал во обид да стигнат од Мароко во Шпанија. Спасените мигранти меѓу кои имало жени и бебиња биле вратени во мароканскиот приморски град Надор каде што им била пружена медицинска помош. Годинава во Шпанија пристигнаа околу 23.000 мигранти, додека 325 загинале во обидот да го минат Средоземното море.

Судот на Обединетите нации во Хаг соопшти дека во март ќе го сослуша жалбата на поранешниот командант на армијата на босанските Срби Ратко Младиќ кој е осуден на доживотен затвор за неговата улога во масовните убиства во Сребреница. Наречен „Месарот од Босна“, 77-годишниот Младиќ во 2017 година поднесе жалба на неговиот доживотен затвор. Судот кој ќе ја сослушува жалбата на Младиќ е официјално наречен Меѓународен механизам за меѓународни кривични трибунали во Хаг, и служи како сукцесивен суд на меѓународниот... Читать дальше...

Премиерот Зоран Заев денеска со владина делегација ќе престојува во официјална посета на Чешка, каде ќе биде пречекан од неговиот чешки колега Андреј Бабиш. Во состав на владината делегација, како што е најавено од владината Прес-служба, ќе биде и вицепремиерот за европски прашања Бујар Османи. Според агендата, планирано е премиерот Заев да оствари тет-а-тет средба со чешкиот премиер Бабиш, по што двајцата ќе одржат заедничка прес-конференција. Владината делегација ќе се сретне и со парламентарна делегација предводена од Радек Вондрачек... Читать дальше...

Во Конгресот продолжува аргументацијата за импичментот на претседателот Доналд Трамп. Пред клучното гласање за тоа во Претставничкиот дом, демократите во Сенатот побараа сослушување на четворица сегашни и поранешни советници на Трамп во врска со обвинувањата за злоупотреба на функцијата.

Претседателот на Србија Александар Вучиќ по повод пишувањата на германски „Шпигел“ дека Србија е закана за безбедноста и оти ја поддржува корупцијата во воената индустрија изјави дека аферата „Крушик“ била покрената да се разурне српската наменска индустрија и оти Србија планира дополнително да ја засили оваа индустриска гранка. „Допрва ќе помагаме. Како некој намерно да сака да ни ги затвори сите фабрики, да не произведуваме оружје“ изјави Вучиќ, наведувајќи дека биле во прашање големи интереси.

Десет странски филмови влегоа во потесниот список на остварувања кои се натпреваруваат за номинациите за Оскар. Меѓу десетте филмови е и македонскиот „Медена земја“. Во пошироката конкуренција имаше 91 филм. Ова е прва година што Оскар ќе ја доделува наградата под ново име: најдобар меѓународен долгометражен филм. Категоријата претходно беше позната како најдобар филм на странски јазик. Номинациите за 92-те награди на Академијата за филм ќе бидат објавени на 13 јануари. Церемонијата на доделувањето... Читать дальше...

Ќе биде сончево со мала облачност. По котлините во поголем дел од денот ќе се задржи магливо и постудено. Утринската температура ќе биде од минус три до три, а дневната од седум до 17 степени. Во Скопје и околината слично време. Утринската температура ќе биде околу нула, а дневната ќе достигне до седум степени.