Новости за 01.12.2019

Холандската полиција соопшти дека нема докази дека уапсениот осомничен за нападот на три лица со нож во Хаг имал терористички мотив. Тројца тинејџери беа повредени во инцидентот кој се случи во петокот вечер на прометна улица. Полицијата соопшти дека осомничениот, 35-годишен маж кој вчера беше уапсен во засолниште за бездомници бил сослушан. „Прелиминарно не се пронајдени знаци што би укажале дека имало терористички мотив. Кој бил мотивот, тогаш, се уште се истражува“, се наведува во соопштението на полицијата.

Генералниот секретар на Обединетите нации, Антонио Гутереш во пресрет на двонеделниот глобален самит во Мадрид изјави дека светот мора да ја запре „војната против природата“ и да најде повеќе политичка волја за борба против климатските промени.  „Едноставно мора да престанеме да копаме и дупчиме и да ги искористиме огромните можности што ги нудат обновливите извори на енергија и решенија засновани на природата. Намалување на емисиите на стакленички гасови - најмногу од горење на фосилни горива... Читать дальше...

Премиерот Зоран Заев денеска порача дека судството мора да се прочисти од нечесни судии и обвинители. СДСМ ја обвини ВМРО-ДПМНЕ дека стои зад иницијативата до Уставниот суд за помилувањата. Опозицијата реагираше дека Заев го руинирал правниот систем, а лидерот на ВМРО-ДПМНЕ, Мицкоски побара на амнестираните да им се забрани да се занимаваат со политика.

Организаторите на петочниот марш за чист воздух соопштија денеска дека нема потреба од одржување на средба со премиерот Зоран Заев се додека не добијат доказ дека надлежните сериозно ја разбираат загриженоста на граѓаните околу загадувањето.  „Ние, претставниците на подолу потпишаните граѓански иницијативи, обединети како Зелена Револуција, сметаме дека во овој момент простор за нови средби со Премиерот, или со други претставници на државните институции, може да бидат возможни, САМО доколку видиме... Читать дальше...

Лидерот на ВМРО-ДПМНЕ, Христијан Мицкоски на денешната прес-конференција обвини дека премиерот Зоран Заев и СДСМ ја враќаат темата со Уставниот суд за да не одговараат за актуелните скандали.  „Заев и СДСМ ја наметнуваат темата за Уставен суд, затоа што прават подготовка на терен за некоја идна аболиција на Заевци и луѓето од власта која треба да се испорача од Пендаровски, а кои се плашат од одговорноста за аферите сега, како и еден вид задоцнета испорака од власта за услуги кај дел од луѓето... Читать дальше...

Ирачкиот Парламент ја прифати оставката на Владата на премиерот Адел Абдел Махди по двомесечните протести на кои загинаа повеќе од 400 луѓе. Сега претседателот на законодавниот дом ќе побара од шефот на државата Бархам Салех да именува нов премиер. Абдел Махди ја најави оставката по немирите. Ајатолахот ал Систани ја осуди употребата на сила против демонстрантите и ги повика законодавците да ја прекинат нивната поддршка за владиниот кабинет.

Започна регистрацијата на кандидатите за парламентарните избори во Иран кои ќе се одржат во февруари, наредната година. Регистрацијата ќе трае до 7 декември, а изборите ќе бидат тест за популарноста на претседателот Хасан Рохани и неговите сојузници по немирите во земјата предизвикани од протестите против покачувањето на цената на бензинот. Амнести Интернешнел соопшти дека 161 лице загинало во протестите. Изборите ќе се одржат на 21 февруари, а новиот Парламент ќе започне со работа во мај.

Албанскиот премиер Еди Рама денеска ја повика меѓународната заедница да испрати финансиска и експертска помош за земјата да закрепне по силниот земјотрес во кој загинаа 51 лице, а илјадници останаа без своите домови. Според него, иако Владата работи на ребаланс на буџетот, ќе биде невозможно да се направи се без поддршка на меѓународните партнери.

Претседателот Стево Пендаровски во интервју за бугарската агенција БГНЕС изјави дека не ја прифаќа иницијативата за „Мини шенген“ ако е компензација или алтернатива за членство во ЕУ. Според него, „Мини шенген“ има структурни слабости и не треба да биде нова Југославија. Тој мисли и дека ЕУ ја фатила грешката која ја направила во октомври. „Ако ЕУ и на Самитот во Загреб кој е закажан за време на хрватското претседателство за 6 мај, ако и тогаш од не знам кои мотиви, причини не донесе политичка одлука... Читать дальше...

Руските локални власти соопштија дека 19 патници загинале, а 21 лице е повредено кога автобус паднал од мост во замрзната река во источниот дел на земјата. Министерството за вонредни ситуации соопшти дека автобусот патувал од Сретенск до Чита. Во автобусот се превезувале 43 патници, а два хеликоптери и медицински тимови се упатиле на местото на несреќата. Се истражуваат причините за несреќата.

Од ВМРО-ДПМНЕ денеска реагираат дека премиерот Зоран Заев преку Уставниот суд создава можност после, како што наведуваат, поразот на предвремени парламентарни избори да биде амнестиран за сите коруптивни афери и зделки познати во јавноста. „За да се оствари тоа, Уставниот суд ќе создаде пракса, Пендаровски ќе реализира. Одлуката на Уставниот суд е јасен показател дека тој, како и останатото судство, целосно се потчинија на волјата на Заев и СДСМ“, соопштуваат од опозициската партија.  Од партијата... Читать дальше...

Премиерот Зоран Заев во видео обраќање денеска порача дека во изминатите две и пол години се покажало дека судството останало последната тврдина на „заробената држава“, под контрола на одреден број судии и обвинители на моќни позиции. „Овие последни упоришта на „заробената правда“ продолжија да ги контролираат судските процеси во кои беа осомничени токму протагонистите на режимот. Злоупотребувајќи ја одвоеноста на судската од извршната власт, овие таканаречени Сваровски судски центри на моќ застанаа на патот на правдата“, истакнува Заев. Читать дальше...

Продемократските активисти се вратија на улиците во Хонг Конг по одржувањето на локалните избори во минатата недела. Протестите се одржаа по судирите со полицијата ден претходно. Вечерва се очекува да бидат упатени петте барања на движењето - вклучително и директни избори за законодавството во градот и раководството и истрагата за пријавената полициска бруталност против демонстрантите. Продемократските политички сили во Хонг Конг освоија убедливо мнозинство на изборите на 24 ноември со рекорден... Читать дальше...

Саудиска Арабија го презема претседавањето со Г20 од Јапонија соопштувајќи дека ќе се фокусира на жените и младите и на зачувување на планетата, како и на споделување на придобивките од технолошките достигнувања. Самитот на Г20 е закажан за 21 и 22 ноември наредната година во Ријад. Саудиска Арабија која е сојузник на САД се соочи со големи критики околу убиството на новинарот Џамал Кашоги. Американските разузнавачки служби заклучија дека принцот Мохамед бин Салман го наредил убиството. Амнести... Читать дальше...

Поранешната германска министерка за одбрана Урсула фон дер Лајен ја презема функцијата претседател на Европската комисија. Чарлс Мишел кој ја презема функцијата претседател на Европскиот совет изјави дека време е европскиот блок да стане посамоуврен, посигурен и поискрен на глобалната сцена, вклучувајќи го развојот на одбраната и безбедносните структури. Фон дер Лајен порача дека сака ЕУ да игра поактивна улога на меѓународно ниво. Фон дер Лајен го наследи Жан Клод Јункер, а Мишел доаѓа на местото на Доналд Туск.

Времето денеска ќе биде сончево, но студено со мала локална облачност. Ќе дува слаб до умерен северозападен ветр. Температура ќе биде во интервал од 6 до 12 степени. Во Скопје сончево и студено со мала локална облачност. Ќе дува слаб до умерен северозападен ветер. Температурата ќе достигне 7 степени.

Од една страна треба да инвестираме во енергетската ефикасност, но исто така треба да погледнеме и во тоа што го користиме да добиеме енергија, вели директорот на Германското друштво за интернационална соработка (ГИЗ), Давид Оберхубер, во неделното интервју на РСЕ.

Германското друштво за интернационална соработка во Македонија (ГИЗ) е концетриранo на проекти поврзани со доброто владеење, животната средина и правосудството. На овие теми разговараме со директорот на ГИЗ Давид Оберхубер во неделното интервју на Радио Слободна Европа.