Новости за 23.08.2019

Реформите во обвинителството се дел од пошироките реформи поврзани со владеењето на правото што се приоритетни за ЕУ, за НАТО и за граѓаните на Северна Македонија, па затоа политичките партии мора да го стават интересот на земјата пред сè, вели британската амбасадорка во Скопје, Рејчел Галовеј во интервју за МИА, во однос на потребата од донесување нов закон за Јавно обвинителство и спојувањето на сегашното СЈО со Основното јавно обвинителство за организиран криминал. „Ефективноста и интегритетот... Читать дальше...

Законот за Јавно обвинителство, со кој треба да се реши статусот на СJO, следната недела оди во Собрание каде е закажана седница за вторник, иако засега се уште нема договор меѓу работните групи на власта и опозицијата. Собраниската седница за предлог-законот е закажана за 27 август, по враќањето на пратениците од колективниот одмор. За законот е потребно двотретинско мнозинство, односно поддршка од 80 пратеници. Од Министерството за правда за МИА изјавиле дека засега нема закажно нова средба... Читать дальше...

Пензионерите велат дека сакаат повисоки пензии по најавите за зголeмување на платите. Имено имаше ветување за поголема минимална плата за 500 денари. Дел од економистите велат дека евентуалната рецесија во Германија и домашната политичка ситуација може да го отежнат социјаланиот дијалог.

Северна Кореја е подготвена за дијалог, но и за конфронтации со САД, изјави севернокорејскиот министер за надворешни работи Ри Џонг-хо. „Доколку САД се уште сонуваат за тоа дека се ќе постигнат со санкции, мораме или да ги пуштиме да продолжат да сонуваат или да им ги растуриме соништата. Ако се обидат да ни се спротивстават со санкции и не го напуштат таквиот конфронтирачки став, тоа ќе биде нивната погрешна сметка“, рече Ри, а пренесе севернокорејската агенција КЦНА. Тој го обвини американскиот... Читать дальше...

Затоа што е лице од посебен интерес поради безбедносна проценка специјалната обвинителка Катица Јанева не е сместена во женското притворското одделение, вели директорот на истражниот затвор Скопје, Есад Рахиќ во интервју за Радио Слободна Европа.

Германските власти ги зголемуваат резервите на таблетки од јод кои можат да им помогнат на граѓаните во случај на нуклеарен инцидент. Нарачани биле скоро 190 милиони таблетки за да се обезбеди, како што е наведено, „безбедна и масовна распределба во случај на радиолошка или нуклеарна криза“. Според проценките, тоа е за четири пати повеќе од сегашните резерви. Германија планира до 2022 година постепено да ги затвори сите нуклеарни централи, но неколку соседни земји како Белгија, Франција, Швајцарија и Чешка имаат нуклеарки.

Италијанскиот претседател Серџо Матарела изјави дека го прифатил барањето на политичките лидери да им остави уште време за формирање нова коалиција како алтернатива на предвремените избори. Тој додаде дека лидерите му рекле оти е можен договор меѓу нив. Затоа, како што рече, со нив повторно би се сретнал во вторник. Италијанскиот министер за внатрешни работи Матео Салвини инсистира на тоа да се оди на предвремени избори, бидејќи тоа било најдобар начин за излез од кризата.

Портпаролката на Алексеј Навални, Кира Јармиш соопшти дека рускиот опозициски лидер излегол од притвор откако московскиот суд го отфрли барањето запродолжување на казната. Навални, кој е истакнат критичар на Кремљ, беше осуден во минатиот месец на 30 дена за повикување луѓе да учествуваат во недозволен протест. Додека бил во затвор, Навални бил однесен во болница со сериозен исип на лицето за кој лекарите рекле дека е алергиска реакција. Некои приврзаници се сомневаа дека тој бил отруен. Тој помина... Читать дальше...

Во ненадејната бура на планинскиот венец Татри во Полска и во Словачка загинале петмина туристи, вклучувајќи и едно 12 годишно момче, а повредни биле уште најмалку 90 луѓе од кои повеќето кога гром удрил врз група Полјаци кои се качувале на врвот Гевонт. На Татрите често пати доаѓа до појави на летни бури, а громови посебно многу удираат на врвот Гевонт откако на него во 1901 година бил поставен голем метален крст.

Русија и Соединетите држави во Обединетите нации меѓусебно се обвинија за напуштање на договорот за контрола на ракетите со среден дострел. Притоа Москва предупреди на нова трка во вооружување, а Вашингтон побара детали за неодамнешната мистериозна експлозија во која загинаа петмина руски нуклеарни инженери.

Францускиот претседател Емануел Mакрон изјави дека шумските пожари во Амазон претставуваат меѓународна криза. Тој притоа најави дека со лидерите на членките на Групата седум стопански најразвиени земји на светот на претстојниот викенд во Франција ќе разговара за „оваа вонредна состојба“. „Нашата куќа гори буквално. Амазон се белите дробови на нашата планета кои произведуваат 20 насто од нашиот кислород“, рече Макрон. Според бразилските власти, годинава во Амазон биле забележани над 75.000 шумски пожари, 84 насто повеќе од претходната година.

„Секој што се огрешил од законот треба да одговара. Горди сме дека како извршна власт овозможивме услови независниот правосуден систем да работи и да го врати владеењето на правото“, изјави премиерот Зоран Заев по завршувањето на седницата на Централниот одбор на СДСМ. Тој повика без разлика на кој и да се однесува можноста за учество во криминал и корупција, тоа да биде до крај истражено. На новинарско прашање дека италијански новинар најавил нови „бомби“и оти Заев во нив наводно е лично инволвиран за набавки во здравството... Читать дальше...

Ќе биде сончево и топло со мала до умерена облачност. Ќе дува слаб до умерен ветер од североисточен правец, особено изразен вдолж Повардарието каде повремено ќе засилува. Утринската температура ќе биде од 11 до 19, а дневната од 29 до 38 степени. Во Скопје и околината слично време. Утринската температура ќе биде околу 17, а дневната ќе достигне до 35 степени.