Новости за 24.04.2019

Севернокорејскиот лидер Ким Џонг Ун пристигна во рускиот град Владивосток на Далечниот Исток со воз, еден ден пред средбата со рускиот претседател Владимир Путин. Ким денеска ја помина руската граница кај станицата Хасан, каде што беше пречекан од група девојчиња во руски народни носии кои му подарија букет цвеќе и го пречекаа на традиционален начин со леб и сол. Руската новинска агенција Интерфакс објави дека во руската делегација која го пречекала севернокорејскиот лидер биле заменик министерот за надворешни работи Игор Моргулов... Читать дальше...

Шкотската влада соопшти дека ќе продолжи со легислативата за да дозволи уште еден референдум за независноста на Шкотска од Велика Британија, кој веројатно ќе се одржи кон средината на 2021 година. Првата министерка Никола Стурџон денеска пред пратениците во Единбург изјави дека се надева законот да биде комплетиран до крајот на годинава. Таа рече дека владата има за цел референдумот да се одржи пред крајот на мандатот на сегашниот парламент, кој истекува во мај 2021 година. Шкотските гласачи... Читать дальше...

Пратениците денеска во трето читање, ги изгласаа и законите за практиканство, за влада, за спорт, за финансиска поддршка на инвестициите, како и законот за Изборниот законик, кои претседателот на државата Ѓорге Иванов претходно одби да ги потпише. Овие закони Собранието ги изгласа на седница одржана на 27 март 2019 година. Собранието во претпладневниот дел на седницата ги усвои законите за централен регистар на население, за извршување на санкциите за електронско управување и електронски услуги... Читать дальше...

Филхармонијата, заедно со Хорот на Операта и солистите Весна Ѓиновска-Илкова, Елени Матос од САД, Дејвид Јунгхон Ким од Кореја и Милан Силјанов, под диригентство на Емил Табаков од Бугарија утре вечер ќе го изведе едно од најмоќните дела во историјата на музиката - „Реквием“ од Џузепе Верди.

Украинскиот министер за надворешни работи Павло Климкин ја оцени како „агресија и мешање“ одлуката на рускиот претседател Владимир Путин за поедноставување на процедурата за добивање руско државјанство за луѓето кои живеат во делови од источна Украина кои се под контрола на руските сепаратисти. Неименуван западен дипломат, пак, оцени дека се работи за „многу провокативен чекор“ кој ги подрива напорите за намалување на напнатоста во Донбас. Ваквиот развој на настаните следува и откако новоизбраниот... Читать дальше...

Снежана Гиевска вдомила многу повеќе бездомни животни отколку Општина Тетово. Таа е револтирана што Општината не се грижи за бездомните животни, како и за несовесните граѓаните кои ги трујат мачките и кучињата.

Бугарското обвинителство почна голема национална истрага за „многу“ случаи за кои постои сомнеж за измама во врска со програмите на ЕУ за рурален развој со кои беа обезбедени над 100 милиони евра за изграба на туристички преноќишта ширум земјата. Отворена е истрага и против поранешниот заменик министер за економија, Александар Манолев, рече портпаролката на обвинителството Румијана Арнаудова. Обвинителството наредило полицијата да ги провери сите проекти за преноќишта (Bed and breakfast) кои добиле... Читать дальше...

Антикорупциска утврди дека кај шест од вкупно 18 случаи на вработувања на блиски роднини на функционери имало измени на актите за вработувања и тие не одговaрале на систематизацијата, туку критериумите во огласот биле местени за кандидатот што требало да биде вработен. Еден од таквите примери е вработувањето на синот на пратеничката Мира Стојчевска, Виктор, во ЕЛЕМ, за кого било измислено работно место. Антикорупциската комисија на денешната седница едногласно одлучи да поднесе прекршочна пријава... Читать дальше...

Приказната за жена од Обединетите Арапски Емирати која по 27 години се разбудила од кома е насловните страници на светските медиуми. Приказната за Мунира Абдула најпрво во понеделникот ја пренесе весникот Нешнал од Абу Даби. Весникот наведува дека во 1991 година школски автобус удрил во автомобилот во кој се возела Мунира и нејзиниот син. Детето тогаш поминало само со модрици. Таа тогаш имала 32 години. Нејзиниот син, кој сега има 32 години, навел дека неговата мајка минатата година се разбудила во болница во Германија. Читать дальше...

Претседателот на Шри Ланка Мајтрипала Сирисена денеска побара министерот за одбрана и началникот на полицијата на поднесат оставки, зашто безбедносните сили не реагирале на предупредувањата пред самоубиствените напади во кои на католичкиот Велигден беа убиени над 350 луѓе, а стотици беа повредени. Оваа информација денеска беше соопштена од претседателството. Сè уште не се знае кој ќе ги замени тие функционери. Сирисена во вчерашното телевизиско обраќање рече дека има намера во наредните 24... Читать дальше...

Поради здравствени проблеми на сведокот Стевица Јосифовски, денешното рочиште за предметот „Маџар телеком“ на Специјалното јавно обвинителство, се одложи за 8 мај, кога ќе сведочи професорот Борче Давитковски. Сведокот Јосифовски ќе сведочи на 19 јуни по барање на обвинителката Лиле Стефанова, со образложение дека треба да се подготви за неговото сведочење, бидејќи истиот во 2009 година во Јавното обвинителство дал исказ дека во тек е независна внатрешна истрага одобрена од одборот на директори на компанијата... Читать дальше...

Државната комисија за спречување на корупцијата (ДКСК) на денешната седница донесе одлука за поведување две прекршочни постапки против претседателот на државата Ѓорге Иванов за донесени укази за унапредување и поставување старешини во Армијата за време на изборниот период, објавени во Службени весник на 26.02.2019 година, што претставува непочитување на забраните утврдени на Изборниот законик и Законот за спречување корупција и судир на интереси. Како што беше појаснето, претседателот Иванов со... Читать дальше...

Централната изборна комисија (ЦИК) на Косово не ја завери најголемата партија на косовските Срби, Српската листа (СЛ) и нејзините четворица кандидати за вонредните локални избори во северно Косово на 19 мај, јави дописникот на МИА од Приштина. На денешната седница на ЦИК беа присутни девет од 11 членови, за заверка на кандидатите на СЛ гласаа седум члена, а за да им се признае правото за учество на избори беа потребни осум гласа. Од гласање апстинираа двајцата членови на Комисијата од редовите на опозициското Движење Самоопределување (ВВ). Читать дальше...

За неполни две недели папата Франциск доаѓа во прва официјална посета на Република Северна Македонија. Надлежните уверуваат дека земјата е подготвена за пречек на исклучителниот гостин, а премиерот Зоран Заев историската посета ја сфаќа како охрабрување дека доаѓаат подобри времиња за земјата

Скендер Бузаку, кој тврди дека е новиот поглавар на Исламската верска заедница повикувајќи се на решение на Основниот суд Скопје 2, изјави дека не сакал да создава немири, физички судири и најави дека сите постапки ќе ги водат по институционален пат, а потоа ќе ја преземел функцијата. Бузаку за МИА тврди дека немаат пристап во седиштето на ИВЗ бидејќи, неговиот претходник Сулејман Реџепи, како што вели, ја узурпирал институцијата. “Ако не ги напушти просториите, ние ќе одиме по судски пат, по пат на извршители... Читать дальше...

Рускиот претседател Владимир Путин ja потпиша одлуката со која се поедноставува процедурата за луѓето кои живеат во делови од источна Украина кои се под контрола на руските сепаратисти да добијат руско државјанство. Одлуката која се очекува да биде критикувана од украинската и од владите во западните земји е објавена денеска на официјалната интернет страница на Кремљ. Ваквиот развој на настаните следува и откако ново избраниот украински претседател ја отвори можноста за промени во нарушените односи... Читать дальше...

Основниот суд Скопје 2 денеска преку соопштение го појаснува решението за промена во раководството на Исламската верска заедница што доведе до тензии во таа институција. Од судот објаснуваат дека одлуката ја донеле врз основа на поднесена неотповиклива оставка на Реис Ул Улема Сулејман еф Реџепи примена на ден 25.03.2019 година, по што, како што пишуваат, Ријасетот на ИВЗ на 30.03.2019 година, одржал вонредна седница на која ја прифатил оставката и го избрал Скендер Бузаку. Барањето, наведува судот... Читать дальше...

Хрватскиот премиер Андреј Пленковиќ денеска изјави дека на границите на Хрватска се ангажирани 6.500 полицајци со цел спречување на илегалната миграција. Тој додаде дека полицијата има многу добар увид каде, кога и како да реагира со цел хрватската територија да се заштити од илегални мигранти. “Нашата политика кон миграциите, па и кон Босна и Херцеговина е заснована на соработка меѓу државите и полициите. Таа е дневна, континуирана, интензивна и остварува темелни резултати – спречување илегални миграции”... Читать дальше...

Генералниот секретар на ВМРО-ДПМНЕ Игор Јанушев денеска одговарајќи на новинарско прашање за случувањата во Исламската верска заедница рече дека ги квалификуваат како “скандалозни и недозволиви” и дека најостро ги осудуваат. Според него се работи за директно мешање на државата во верските заедници”. “Да се потсетиме само во минатото дека потпретседателот на Заев, потпретседателот на СДСМ даваше квалификации за челникот, односно поглаварот на ИВЗ каде што го нарекуваше резил, зло, заштитена мечка и слично. Читать дальше...

Претседателот на Собранието Талат Џафери, по гласањето на дневниот ред на денешната 95. седница на барањето на пратениците од ДУИ за координација по една од точките, даде пауза од половина час. Пратеникот Артан Груби, побара третата точка од дневниот ред, која се однесува на Предлог-закон за Судскиот совет во второ читање, да биде прва точка од дневниот ред. Тој барањето го образложи со вчерашните случувања со Исламската верска заедница (ИВЗ) и Судот и како што рече, потребите за длабоки реформи во судството. Читать дальше...

МВР, Владата, Комисијата за верски заедници и политичарите се оградија од настаните и обидите за смена на власта во ИВЗ. Од друга страна, пак, досегашниот Реис Улема Сулејман Реџепи прстот го впери кон политичарите обвинувајќи ги за сеење верски раздор.

Јавното претпријатие „Комунална Хигиена“-Скопје е организатор на акција за чистење диви депонии што почна денеска во сите скопски општини. Во акцијата учествуваат администрацијата на претпријатието и општините, студентите од сите скопски универзитети, претставници од невладиниот сектор, како и средните и основните училишта. Почетокот на акцијата го означи директорот ЈП „Комунална хигиена“- Скопје, Абдусамед Шабани, a во акцијата денеска беа вклучени и вицепремиерот Бујар Османи и скопскиот градоначалник Петре Шилегов. Читать дальше...

Нема законски пречки за свикување седница во Собранието во изборна кампања, иако спикерот Талат Џафери најави дека нема тоа да го направи. На денешната седница дел аналитичари гледаат наѕирање на криза во владејачката коалиција, а други само морална димензија во однос на изјавите на Џафери.

Мојот и ставот на ДУИ за Исламската верска заедница (ИВЗ) е дека беше скандалозен и срамен чин на упад врз автономијата на уставно загарантираната автономија на верските заедници, во овој случај на ИВЗ, изјави денеска вицепремиерот за европски прашања Бујар Османи. Според него државата треба да ги преземе сите мерки да ја гарантира независноста и автономијата на верските заедници, вклучувајќи ја и ИВЗ. Проблемот во ИВЗ ескалира вчера попладне кога со одлука на судот за нов поглавар на ИВЗ беше назначен Скендер Бузаку... Читать дальше...

Американскиот сенатор Боб Менендез на средба со грчкиот премиер Алексис Ципрас ја истакна важноста на Договорот од Преспа за стабилноста и развојот на Југоисточна Европа, јави дописничката на МИА од Атина. Како што соопштуваат од кабинетот на премиерот на Грција, на средбата станало збор и за Договорот од Преспа, за кој Менендез му честитал на Ципрас. “Господинот Менденез ја истакна важноста на соработката како во рамките на НАТО, така и билатерално. Исто така потенцираше дека нашата земја е столб на стабилност и безбедност во регионот. Читать дальше...