Новости за 26.04.2018

Работена како прва претстава од новиот репертоар чија заложба е да се занимава со општествено ангажирани теми, в сабота, на 28 април, во Народниот театар - Битола премиерно ќе биде изведена „Јулие Цезар (Res publica или Cosa Nostra)“, од Вилијам Шекспир во режија и сценска адаптација на гостинот од Србија, Златко Паковиќ.

Претседателот на Европскиот совет Доналд Туск го повика Косово да ги подобри односите со Србија за да постигне напредок кон долгорочната цел за членство во Европската унија. „Без целосна нормализација на односите со Србија и целосно прифаќање на договорите, не гледам како може да биде постигнат пробив во односите со ЕУ“, изјави Туск на заедничка прес-конференција со косовскиот претседател Хашим Тачи. Тој додаде дека тоа ќе биде тешко, но и дека е „претпазлив“ оптимист.

Американскиот Сенат го потврди изборот на досегашниот шеф на ЦИА, Мајк Помпео, за нов државен секретар. На новата позиција го чекаат горливи проблеми како иранската нуклеарна програма и Северна Кореја со чиј лидер неодамна се сретнал. Речиси веднаш по изборот, Помпео треба да замине на состанок на НАТО во Брисел, што е уште една чувствителна тема од надворешната политика на американскиот претседател Доналд Трамп.

Точно е дека мојот прв братучед Трајче Заев ја купи оранжеријата на фирмата „Мам“ за да произведува канабис, потврди денеска пред пратениците премиерот Зоран Заев и информира дека вкупната инвестиција ќе достигне повеќе од 10 милиони евра, а во моментов се вработени скоро 30 граѓани од Свети Николе. Одговорајќи на прашање од пратеничката Благица Ласовска, Заев рече дека е етички и со закон дозволено да се произведува лек од канабис, независно дали станува збор за член на семејството Заеви. Тој воедно апелира... Читать дальше...

Средбата за името во Виена, грчката реакција за изјавата на Хан за тоа дека решение е можно за две недели, групата „Охрид“ која ќе го олеснува патот кон ЕУ и НАТО и најавена владина реконструкција, топ теми во медиумите.

Неколку десетици луѓе денеска се собра на протест пред Кривичниот суд каде што побараа затворски казна за убиството кај Смилковско Езеро. Велат дека се организирале сами за да бараат правда за жртвите и затвор за убијците. На дел од транспарентите што ги носеа имаше прашање до премиерот Зоран Заев дали мирно спие. На овој протест не присуствуваа родителите на убиените момчиња, но за медиумите изјавија дека ќе почекаат да видат како ќе постапува Специјалното јавно обвинителство.

Вкупно 736 лица завршиле со отслужувањето затворска казна, согласно Законот за амнестија. Со Законот се опфатени вкупно 2.345, од кои 576 се целосно ослободени бидејќи согласно законот казната им завршила, а 160 се ослободени согласно членот 206 од Законот за извршување санкциии, според кој директорот на установата може да го отпушти осуденото лице и пред истекот на казната најмногу 30 дена, ако осуденото лице издржало најмалку три четвртини од казната затвор, доколку осуденото лице не добило условен отпуст. Читать дальше...

Фудбалскиот сојуз на Турција денеска пред Европската фудбалска федерација (УЕФА) поднесе кандидатура за организација на Европското првенство во 2024 година. Турција заедно со Грција сакаше да го организи Европското првенство во 2008 година, а потоа се кандидира и самостојно во 2012 и во 2016 година, но никогаш не беше домаќин на големо фудбалско натпреварување. Единствен противкандидат на Турција е Германија. Западна Германија беше домаќин на Европското првенство во 1988 година, а Германија, овојпат обединета... Читать дальше...

Дозвола за влез во Шенген зоната државјаните од Западниот Балкан ќе мора да побараат во иднина преку интернет без разлика што не им е потребна виза. Освен тоа, тие ќе треба да платат и такса од седум евра што е дел од мерки што Европската унија ги воведува за поголем надзор на надворешните граници, одлучија амбасадорите на Унијата, јави дописникот на МИА од Брисел. По поднесување барање, граѓаните од Западниот Балкан во рок од четири дена ќе добијат одговор, односно 96 часа откако во системот ќе се обработи барањето... Читать дальше...

Доколку Хрватска го повлече својот амбасадор од Белград, Србија повторно ќе преземе реципрочни мерки и веднаш ќе го повлече на консултации својот амбасадор од Загреб, изјави денеска српскиот министер за надворешни работи Ивица Дачиќ. Хрватските медиуми, повикувајќи се на владини извори, претходно денеска објавија дека доколку Белград го прогласи нивниот министер за одбрана Дамир Крстичевиќ за персона нон грата, официјален Загреб ќе одговори со повлекување на амбасадорот. Српската Влада на денешната... Читать дальше...

Претседателот на Европскиот совет Доналд Туск, седум претседатели и еден премиер ќе бидат гости на претседателот Ѓорге Иванов, кој е домаќин на состанокот на лидерите на земјите во Процесот Брдо-Бриони, што ќе се одржи утре во Скопје. Како што соопштија од кабинетот на Иванов, своето присуство официјално го потврдиле претседателите на Хрватска, Колинда Грабар Ќитаровиќ, на Словенија Борут Пахор, на Србија Александар Вучиќ, на Црна Гора Филип Вујановиќ, на Албанија Илир Мета, на Косово Хашим Тачи... Читать дальше...

НАТО соопшти дека може дополнително да ги обезбедува авганистанските парламентарни избори закажани за октомври по зголемувањето на нападите во земјата. Генералниот секретар на НАТО, Јенс Столтенберг порача денеска дека нивниот главен придонес ќе биде да се осигураат оти изборите ќе бидат спроведени во безбедна атмосфера и ќе продолжат со поддршка на авганистанските сили преку тренинзи, совети и финансии. Но, тој по средбата со министрите за надворешни работи на земјите членки на НАТО истакна и... Читать дальше...

Хрватската претседателка, Колинда Грабар Китаровиќ денеска ја поздрави препораката на ЕК за отворање на претпристапни преговори за членство на Македонија во ЕУ. Таа по средбата со претседателот Ѓорѓе Иванов во Скопје порача дека Хрватска ќе направи се што е во нејзина моќ до јуни да се донесе одлука за Македонија за датум за почеток на преговори. Според неа, отворените билатерални прашања не само што можат туку мора да се решаваат паралелно со евроинтеграцијата.  „Мислам дека треба да се покаже... Читать дальше...

Талибанците го убиле во заседа заменик гувернерот на источната авганистанска покраина Логар. Според полицијата, функционерот патувал за Кабул кога се случил нападот. Се уште никој не преземи одговорност за нападот во кој тешко биле повредени и телохранителите на жртвата. Талибанците имаат контрола врз големи реони на покраината и често извршуваат напади врз авганистанските безбедносни сили.

Претседателот Ѓорге Иванов денеска изјави дека засега не е планирано одржување лидерска средба по вчерашните разговори за спорот со името во Виена меѓу македонскиот и грчкиот министер за надворешни работи, Никола Димитров и Никос Коѕијас и медијаторот на ОН Метју Нимиц. Иванов по средбата со неговата хрватска колешка Колинда Грабар Китаровиќ истакна и дека нема информации за текот на преговорите. Тој порача дека прашањето за што се разговарало треба да биде упатено до Димитров или Владата.

Претседателот на Европската комисија, Жан Клод Јункер во неговиот говор пред грчките пратеници и претседателот на земјата изјави дека e потребно брзо решавање на спорот за името. „Господине претседателе, пред вашиот парламент ќе кажам нешто што кажав кога неодамна бев во Скопје, каде што беше поставено прашањето за името на оваа земја. Јас не сум надлежен да ви дадам некоја насока, ниту идеи ниту пак правци во однос на прашањето што треба во секој случај да го решите меѓу вас. Но, дозволете ми... Читать дальше...

Опозицијата за прв пат учествуваше на седница за поставување на пратенички прашања во Собранието. Тие прашуваа за состојбите во економијата и земјодолеството, бројноста на вработените во администрација, за безбедноста состојба, а упатија и забелешки за малиот број присутни министри.

Милијардерот и поранешен премиер на Грузија, Бидзина Иванишвили ќе ја преземе контролата врз владејачката партија „Грузиски сон“, која тој ја основа. Веста ја потврди премиерот Гиорги Квиркашвили кое е и актуелен лидер на партијата, но се повлекува од функцијата по барање на неговите колеги. Централно левичарската партија победи на парламентарните избори во 2012 година по долгата доминација на „Обединетото национално движење“ на поранешниот претседател на Грузија, Михаил Саакашвили. Иванишвили... Читать дальше...

Шефот на Канцеларијата на НАТО во Скопје, Горазд Бартол, изјави дека Алијансата сака да ја поздрави Македонија како 30 земја членка на НАТО, веднаш откако ќе го реши спорот околу името. Амбасадорот на Франција, Кристијан Тимоние, рече да излеземе од алтернативата - или интегарција или војна.

Премиерот Зоран Заев одговарајќи на пратеничко прашање за случајот „Монструм“ за петкратното убиство кај Смилковското езеро порача дека во таканаречените бомби немало конкретни докази, туку сериозни индиции за случајот. Тој истакна дека негова обврска како граѓанин, а во тоа време и како шеф на опозицијата, била комплетно да ги предаде бомбите во институција на системот, односно Специјалното јавно обвинителство. Родителите на убиените, како што истакна Заев, заслужуваат дополнителна истрага. Но... Читать дальше...

Грчкиот премиер Алексис Ципрас по средбата со претседателот на Европската комисија, Жан Клод Јункер порача дека неговата земја по прв пат на толку решителен начин се обидува да најде заемно прифатливо решение за името. Според него, Грција во последните години покажала дека треба да игра централна улога во обидот Европската унија во иднина да ја надгради нејзината меѓународна и регионална улога како сила на мир, стабилност и безбедност. Доказ за тоа, како што посочи, се напорите на земјата во справувањето... Читать дальше...

Намалувањето на февруарската просечна плата е резултат на сезонски промени кои се вообичаени за мали економии, велат од Владата по обвинувањата на опозицијата за економско цунами. Експертите велат дека на долг рок, просечната плата ќе расте, но нема да ги достигне очекувањата од 500 евра.

Генералниот секретар на НАТО, Јенс Столтенберг денеска порача дека само Македонија и 29-те земји членки на Алијансата можат да одлучуваат за членството на земјата и никој друг нема збор во процесот. Пред состанокот на министрите за надворешни работи на НАТО членките во Брисел, коментирајќи ја изјавата на рускиот амбасадор во Македонија дека земјата ќе стане „легитимна цел“ во случај на конфликт доколку влезе во Алијансата тој одговори: „Целата идеја дека Русија нема да прифати одредени земји да... Читать дальше...

Украина ја одбележува 32 годишнината од нуклеарната катастрофа во Чернобил со комеморативна служба и серија настани. Во главниот град на Украина, Киев стотици луѓе излегоа на марш на полноќ до Меморијалниот рид на хероите на Чернобил каде положија цвеќе и запалија свеќи. Претседателот Петро Порошенкона Фејсбук напиша дека Чернобил засекогаш ќе остане отворена рана за нив. Во соседна Белорусија во организација на опозицијата исто така ќе се одржи марш по името „Патот до Чернобил“.

Претседателот на ерменскиот Парламент, Ара Баблијан изјави денеска дека на 1 мај е превидено да се избере новиот премиер на земјата по оставката на Серж Саркисјан од функцијата. Владејачката Републиканска партија се соочува со притисок да му ја предаде власта на опозицискиот лидер Никол Пашинијан по протестите во Ереван. Но, и покрај оставката на Саркисјан и напуштањето на владејачката коалиција од страна на една од помалите партии, републиканците се уште го имаат мнозинството од 58 пратеници.... Читать дальше...