Новости за 18.02.2018

Српскиот претседател Александар Вучиќ потврди дека дијалогот меѓу Белград и Приштина ќе продолжи на 26 февруари во Брисел. Тој најави и дека ќе се состане со косовскиот претседател Хашим Тачи кон крајот на овој или на почетокот од идниот месец. Според него, потребно е да се постигне компромис со Албанците кој е од витално значење за Србија и за српскиот народ.

Африм Гаши е избран за претседател на Движењето „БЕСА“ на денешниот конгрес што се одржа во Тетово. За него гласале 522 делегати, 12 биле против и осум воздржани од вкупно 575 делегати. Гаши изјави дека БЕСА отсега ќе биде партија не само на Албанците, туку на сите народи кои живеат во Македонија и кои ги бараат нивните права коишто им следуваат. За Биљал Касами рече дека нивните патишта се веќе одвоени и оти без разлика на тоа каква одлука ќе донесе судот, борбата за барање на правадата, ќе продолжи до крај.

Кабинетот на летонскиот премиер соопшти дека агенцијата за антикорупција го уапсила гувернерот на централната банка Илмар Римшевич. Според соопштението, бил извршен претрес и на канцеларијата на гувернерот. Во соопштението не се наведуваат детали за случајот, но се посочува дека апсењето на Римшевич не претставува закана по финансискиот систем на земјата. Кабинетот на премиерот ќе се состане утре за да направи анализа на ситуацијата.

САД, Британија и Франција бараат од Советот за безбедност на ОН да го осуди Иран поради тоа што не успеал да спречи ракети од земјата да паднат во рацете на бунтовниците Хути во Јемен. Според нацрт резолуцијата, трите земји исто така сакаат советот да преземе мерки против Иран поради прекршување на санкциите поврзани со рактетите. Со резолуцијата ќе им се дозволи на членките на советот да воведат санкции за било какви активности поврзани со употребата на балистички ракети во Јемен. Нацрт резолуцијата треба да биде усвоена на 26 февруари... Читать дальше...

Украинскиот претседател Петро Порошенко изјави дека донел одлука да сведочи на судењето на поранешниот шеф на државата Виктор Јануковиќ, кој е обвинет за предавство. „Злото мора да се казни, затоа за прв пат во историјата на Украина јас донесов одлука да бидам дел од судењето“, рече Порошенко. На Јанукович му се суди во отсуство. Тој ја напушти функцијата во февруари 2014 година и избега во Русија по протестите во земјата поради неговата одлука да го напушти договорот со ЕУ со цел да ги подобри трговските односи со Москва.

Иранскиот министер за надворешни работи Џавад Зариф изјави дека критиките од страна на израелскиот премиер Бенјамин Нетанјаху за неговата земја не заслужуваат одговор. Зариф го даде коментарот на безбедносната конференција во Минхен каде Нетанјаху изјави дека има впечатливи сличности меѓу Иран и нацистичка Германија и дека лидерството од земјата сака да го уништи Израел. Зариф без да го спомене името на Нетанјаху посочи дека тие сведочеле на циркус. Иран, според Нетанјаху, претставува најголема... Читать дальше...

Двајца Палестинци биле убиени од страна на израелската војска во појасот Газа. Израелската војска соопшти претходно дека нивни воени авиони спровеле напади врз цели на Хамас во појасот Газа откако четири војници беа повредени во експлозија долж границата меѓу двете земји. Израелското министерство соопшти дека двајца од војниците се наоѓаат во тешка состојба и дека ова е најтешкиот инцидент од 2014 година на границата со појасот Газа кој е под контрола на исламистичката група Хамас. Според министерството... Читать дальше...

Претседателот на Косово, Хашим Тачи изјави дека Србија само губи време во блокирањето на неговата земја, бидејќи косовската независност е неповратен процес.Тој им порача на властите во Белград да не се занимаваат со Косово, туку да се посветат на своите проблеми. Тачи во интервју за телевизијата Н1 повтори дека очекува 2018-тата да биде година на „историски договор“ меѓу Приштина и Белград. „Тој договор ќе доведе до целосна нормализација на нашите односи и воедно и до помирување на нашите народи. Читать дальше...

Илјадници луѓе излегоа на протести за построги закони за контрола на оружјето во САД по нападот во средо училиште во американската сојузна држава Флорида при кој загинаа 17 лица. Десетици ученици од средното училиште каде се случи нападот учествуваа во протестите. Сведоци на нападот говореа пред насобраната толпа повикувајќи ги законодавците да направат промена во законоите за контрола на оружјето. Тие упатија критика и до претседателот Доналд Трамп кој добил милиони долари поддршка за време на... Читать дальше...

Израелскиот премиер Бенјамин Нетанјаху изјави дека Иран претставува најголема закана за светот и ја повика меѓународната заедница да се конфронтира со „режимот“ во Техеран кој е закана за мирот. Тој за време на безбедносната конференција во Минхен го осуди иранското лидерство и упати критика за меѓународниот нуклеарен договор од 2015 година. Нетанхају смета дека има впечатливи сличности меѓу Иран и нацистичка Германија и дека лидерството од земјата сака да го уништи Израел. Тој порача и дека нема проблем со граѓаните на Иран.

Американскиот секретар за одбрана Џим Матис изјави дека САД се уште истражуваат кој го наредил нападот врз сириската база во која биле сместени опозициски сили и воени советници кои се поддржани од неговата земја. „Што и да се случило, ние ќе се обидеме да откриеме. Ние очигледно ќе работиме со секој што може да ни одговори тоа прашање“, рече Матис при неговото враќање во Вашингтон по завршувањето на еднонеделната посета на Европа. Тој порача дека руските власти со кои САД се во координација не... Читать дальше...

Израелската војска соопшти дека нивни воени авиони спровеле напади врз цели на Хамас во појасот Газа откако четири војници беа повредени во експлозија долж границата. Изарелското министерство за одбрана соопшти дека двајца од војниците се наоѓаат во тешка состојба и дека ова е најтешкиот инцидент од 2014 година на границата со појасот Газа кој е под контрола на исламистичката група Хамас. Според министерството, целта на нападите биле шест воени локации.

Рускиот министер за надворешни работи, Сергеј Лавров изјави дека со поставувањето на Србија пред изборот „Русија или Западот“, Европската Унија ја повторува истата грешка што ја предизвикала кризата во Украина. Тој во интервју за Еуроњуз, посочи дека смета оти ЕУ води двојна политика со Србија, бидејќи од една страна преговара со неа за членство, а од друга и дава сигнали дека нема да влезе во Унијата се додека не го признае Косово и не ја следи надворешната политика на Брисел, што би подразбирало и воведување санкции кон Русија. Читать дальше...

Ирански патнички авион се урна во планинскиот регион во централната покраина Исфахан, при што загинаа сите 66 лица, јавија медиуми од земјата. Авионот на компанијата Асеман Ерлајнс полетал од аеродромот во Техеран. Во авионот се превезувале 60 патници и 6 членови на екипажот. Се уште не се знае причината за несреќата. Лошите временски услови ги спречиле спасувачките екипи да стигнат до местото на настанот.

Времето во Македонија ќе биде претежно облачно. Во текот на ноќта ќе има повремени локални врнежи од дожд, а на планините снег. Утринската температура ќе се движи од минус еден до четири, а дневната од осум до 13 степени. Во Скопје слично време, преку денот претежно облачно. Утринската температура ќе се спушти до два, а дневната ќе достигне до девет степени.

Во изминатиот период се фетишизира прашањето на задолжувањето. Порано беше цело време на дневен ред, сега многу помалку слушаме, иако и сегашната влада ги прави оние редовни задолжувања. Јавноста очекува повеќе пари да се трошат за инфраструктура, вели професор Трајко Славески, член на извршниот комитет на ВМРО-ДПМНЕ, во неделното интервју на Радио Слободна Европа.