Новости за 17.01.2018

Ракометните репрезентации на Македонија и на Германија одиграа нерешено со резултат 25:25 на последниот натпревар од групата Ц во Загреб. Со нерешениот резултат нашиот тим остана на првото место на табелата со 5. Наредната фаза која се игра во хрватскиот град Вараждин избраниците на тренерот Раул Гонзалес ќе ја стартуваат со 3 бодови. Најефикасен на натпреварот беше Филип Талевски со 6 погодоци. Репрезентацијата на Македонија претходно оствари победа над Словенија и Црна Гора.

Владата изрази жалење за одлуката на претседателот Ѓорге Иванов да не го потпише указот за Законот за употреба на јазиците. Од Владата наведуваат дека сите одредби во законското решение за употребата на јазиците се во согласност со амандманот 5 од Уставот на Република Македонија. Со законот, посочуваат дека се унапредува употребата на јазиците на сите заедници во земјата. „Мотивот за донесување на овој закон е грижата за сите граѓани во Република Македонија, во која градиме општество еднакво за сите. Читать дальше...

Дваесет и пет години има македонска настава во Словенија. Единствен наставник пратен од МОН е Зекирија Шаиновски од Дебар. Дополнителната настава ја слушаат над 60 ученици во седум училишта.

Mожно е прашањето за името да се реши во наредните шест месеци, рече медијаторот Метју Нимиц. Но македонскиот преговарач Васко Наумовски вели дека предлозите се далеку од достоинствено решение и дека нема голем простор за оптимизам. Нимиц вели дека ова е важно регионално прашање, кое е од особена важност за безбедноста на регионот. Медијаторот најави дека во следните недели ќе ги посети Скопје и Атина.

Претседателот Ѓорѓе Иванов денеска изјави дека не го потпишал указот за Законот за употреба на јазиците и за тоа писмено го известил и Собранието. Според него, законот бил усвоен без јавна расправа, без научна дебата, без вклученост на академската и стручна јавност и без опозиција. „Не е добро прашања кои се веќе апсолвирани да се отвараат за остварување краткорочни политички поени и на штета на трајните интереси на Република Македонија и македонскиот народ“, рече Иванов. Иванов порача дека закон... Читать дальше...

Руската проминентна организација за човекови права Меморијал соопшти дека нејзиното седиште во Ингушетија била запалено во терористички напад. Според организацијата, нападот бил со цел тие да прекинат со работа и да го напуштат Северен Кавказ. Водечкиот член на организацијата Олег Орлов изјави дека безбедносните камери покажале оти двајца маскирани мажи пристигнале во седиштето на организацијата во Назран доцна вечерта и влегле во канцелариите преку прозорците. Амнести Интернешнел соопшти дека... Читать дальше...

Претседателот на Европската комисија, Жан Клод Јункер изјави пред Европскиот парламент дека земјите од Западен Балкан заслужуваат вистинска европска перспектива. „Целта мора да биде јасно поставена. Целта е влез на Западен Балкан во ЕУ и тоа ќе се постигне кога ќе бидат исполнети условите,“ рече Јункер во Стразбур. Тој најави дека ќе патува во Западен Балкан во февруари и март и потенцира дека приклучувањето кон ЕУ не паѓа од небо, туку на тоа мора да се работи. Според него, сите гранични конфликти... Читать дальше...

НАТО ќе ја покани Македонија да се приклучи како негова земја членка, откако ќе се постигне взаемно прифатливо решение за спорот за името во рамките на ОН, изјави генералниот секретар на НАТО Јенс Столтенберг. Тој во интервју за МИА истакнува дека позицијата на Алијансата останува непроменета, односно дека сите одлуки се донесуваат врз основа на консензус на сите сојузници. Столтенберг ги поздрави обновените преговори меѓу Македонија и Грција, но додаде дека не е во негова надлежност, решавањето на спорот за името.

Собранието донесе Закон за урбано зеленило преку кој е предвидено да се зголеми процентот на зелени површини во урбаните средини и да запре уништувањето на зеленилото. Со Законот треба да се воведе целосен систем за планирање, подигање, поддржување, заштита и реконструкција на зеленилото, финансирање и управување, информира пратеникот Диме Велковски од владејачка СДСМ. Тој вели дека со Законот се предвидува најмалку 20 проценти од секоја градежна парцела да бидат наменети за зелена површина, додека... Читать дальше...

Апелацискиот суд донесе одлука со која му го потврди притворот на пратеникот Крсто Муковски, односно како неосновани ги одби неговите жалби. Жалбите на пратеничката Жаклина Пешевска и на Борис Дамовски се на мислење во Вишото јавно обвинителство, а во Апелацискиот суд се уште нема стигнато предмет за пратеникот Љупчо Димовски, на кого му беше продолжен куќниот притвор.

Претседателот на Собранието Талат Џафери, лидерот на ДУИ Али Ахмети и други министри, пратеници и функционери од партијата денеска положија цвеќе пред споменикот на Ѓерѓ Кастриот – Скендербег по повод 550 годишнината од неговата смрт. Ахмети изјави дека Скендербег е национален херој на Албанците и на сите народи кои го сакаат мирот на Балканот.  „Скендербег е најсимболичната фигура на Албанците и на другите народи на Балканот и инспирација за сите потиснати народи. Тој останува централна личност за сите народи на Балканот кои го сакаат мирот.

Генералниот секретар на НАТО Јенс Столтенберг од вечер пристигнува во Скопје каде што ќе престојува во дводневна посета. Средбите со македонските политичари ги почнува утре. Прво ќе разговара со министерот за надворешни работи Никола Димитров, потоа во Вилата Водно ќе го прими претседателот Ѓорге Иванов, па ќе има средби и со министерката за одбрана Радмила Шекеринска Јанковска и со претседателот на Собранието Талат Џафери. Според агендата, напладне Столтенберг ќе им се обрати на пратениците по што... Читать дальше...

Владата на Република Македонија изразува длабоко жалење за бруталното убиство на еден од политичките лидери на Србите на Косово, соопшти денеска владината прес-служба. „Со целосно разбирање за траумите од овој нецивилизиран чин, се надеваме на воздржаност, како и на брза реакција на надлежните во Република Косово, низ институционална постапка да се разјаснат околностите и да се откријат организаторите и извршителите на ова брутално убиство“, наведуваат од Владата.  Оттаму изразуваат и надеж дека... Читать дальше...

Украинската војска соопшти дека двајца нејзини војници се убиени и петмина се повредени, откако експлозивна направа оштетила воено возило во источниот дел на земјата, каде опстојува конфликтот со сепаратистите поддржани од Русија и покрај договорот за прекин на огнот. Во друга денешна изјава Министерството за одбрана соопшти дека двајца други војници биле повредени, откако сепаратистите го прекршиле прекинот на огнот три пати во последните 24 часа употребувајќи автоматски пушки, митралези и гранати. Читать дальше...

Западен Балкан, сигурна и стабилна Европа и дигиталните вештини се меѓу приоритетите на бугарското претседавање со Советот на ЕУ, изјави бугарскиот премиер Бојко Борисов во денешното излагање пред европскиот Парламент во Стразбур. Тој истакна оти Бугарија и Македонија дале исклучителен пример дека со тактичност и добронамерност државите од Балканот можат да ги решаваат проблемите и дека се надева на завршување на процесот меѓу Скопје и Атина околу името, кој како што рече, на државата ќе и даде перспектива за ЕУ и НАТО. Читать дальше...

Министерката за образование и наука Рената Дескоска изјави оти е неспорно дека има дијалог меѓу Владата и синдикатите, но и оти нејзиниот впечаток е дека со мерките што ги преземаат одат дури и пред барањата на синдикатите. Таа рече дека мерките кои со задоволство биле прифатени од наставниците и професорите е можноста што ја добиле за компензација на работни денови работени во саботите со деновите меѓу Нова година и Божиќ. „Сите мерки што ги правиме во рамките на реформите ќе дадат бенефит не само за учениците, туку и за наставниците. Читать дальше...

Министерот за надворешни работи на Македонија Никола Димитров изјави дека очекува на денешната рунда разговори медијаторот Метју Нимиц да понуди првична рамка што ќе овозможи суштински напредок во решавањето на спорот за името. Тој смета дека чин на врвна политичка одговорност е да се искористи оваа шанса на позитивна атмосфера за решавање на дводеценискиот проблем, а во однос на исходот од обновениот процес Димитров за Дојче веле изјави: по природа сум оптимист, а во случајов сум оптимист со грижи.“... Читать дальше...

Висок претставник на Руската православна црква ја повика Русија да се врати на својот традиционален јулијански календар кој бил користен до февруари 1918 година. Во телевизиско интервју Александар Шчипков рече дека преместувањето на грегоријанскиот календар, од страна на болшевиците пред еден век, било лоша идеја. „Нивната цел беше да ја прекинат традицијата, психолошки да го разбијат рускиот народ и да ја парализираат нивната волја“, рече Шчипковкој е заменик претседател на одделот за односи со... Читать дальше...

Синдикатот за образование, наука и култура и Иницијативата за формирање Синдикат на Наставничкиот пленум стојат на истите барања, но меѓусебно се обвинуваат дека немаат легитимитет да ги застапуваат интересите на вработените во образованието.

Во пресрет на новата рунда разговори за името и подигнатиот оптимизам за компромис меѓу Македонија и Грција, аналитичарите на посетата на генералниот секретар на НАТО Јенс Столтенберг гледаат како на охрабрување за процесите што ќе следуваат.

Повеќе од 140 земји веќе ја нарекуваат земјата Република Македонија, изјави грчкиот заменик-министер за надворешни работи Јанис Аманатидис коментирајќи ја изјавата на медијаторот Метју Нимиц дека во предлогот за решавањето на спорот за името ќе биде содржан терминот Македонија, напоменувајќи оти привремената референца веќе го содржи тој термин. Тој за грчките медиуми наведе дека целта на Атина е сложено име за севкупна употреба кое ќе се корист во Македонија и надвор од неа и, како што рече, елиминирање на иредентизмот од страна на Скопје. Читать дальше...

За 27 март е одложено судењето за предметот на СЈО „Таргет-Тврдина“ кој се однесува на незаконското прислушување и за уништување на опрема за прислушување. Во Кривичниот суд денеска пристигнаа поранешната министерка за внатрешни работи Гордана Јанкулоска и поранешниот директор на УБК Сашо Мијалков кои се дел од обвинетите во споениот предмет, но на рочиштето беше кажано дека со новиот распоред за работа на судиите предметот и се доделува на судијката Џенета Бектовиќ која до 27 март треба да го проучи предметот и доказниот материјал. Читать дальше...

„Терминот „Македонија“ ќе биде содржан во предлог решението за името бидејќи веќе го имаат признаено повеќе од 100 земји во светот“, изјави за грчката ТВ Антена медијаторот на ОН Метју Нимиц пред денешната нова рунда разговори во Њујорк со преставниците на Македонија и на Грција, Васко Наумовски и Адемантиос Василакис. Притоа Нимиц посочи дека името со кое земјата е заведена во ОН е „поранешна југословенска република Македонија“, односно терминот Македонија е дел од името, а и Грција ја има признаено со тоа име. Читать дальше...

Американскиот претседател Доналд Трамп, минал „исклучително добро“ на тестот за деменција, кој беше спроведен во минатата недела, изјави вчера неговиот доктор Рони Џексон. Првиот претседателски тест на Трамп, како што додаде, бил со цел да ги детектира раните знаци на губење на меморијата и на други лесни когнитивни нарушувања. „Иако 71 годишниот Трамп е со прекумерна тежина и треба да ја намали масната храна и да вежба повеќе, „целокупното здравје на претседателот е одлично“, рече Џексон, кој додаде... Читать дальше...

Националниот координатор на Македонија во НАТО Стево Пендаровски изјави дека посетата на генералниот секретар на НАТО Јенс Столтенберг се случува во момент кога Македонија се наоѓа на важна крстосница. „Генералниот секретар на НАТО доаѓа да ни даде поттик, во период кога Македонија како држава се наоѓа на раскрсница и политички и безбедносно, во момент кога ги интензивираме преговорите за името со Грција, но и бидејќи Македонија е најстара земја-кандидат за влез во Алијансата“, рече Пендаровски во емисија на ТВ 24 вести. Читать дальше...