Новости за 26.07.2021

Бириккен Улуттар Уюму май, июнь айларында Ооганстанда набыт болгон жана жараат алган жайкын тургундардын саны кескин өскөнүн кабарлады.  Улуттар Уюмунун Ооганстанга көмөктөшүү миссиясы быйыл алты айда 5180ден ашык жайкын тургун жабыркаганын жарыялады. Алардын ичинен 1659 жаран набыт болгону миссиянын 26-июлда тараткан баяндамасында айтылат. Бул көрсөткүч былтыркы жылга салыштырмалуу 47% көп. Буга “Талибан” кыймылы менен өкмөттүк күчтөрдүн май айынан баштап күчөгөн салгылаштары себеп катары көрсөтүлгөн. Читать дальше...

Бир кезде көк майсаң баскан жайлоолор төрт түлүк малдын көбөйгөнүнөн, кен-байлыктарды казуудан жана климаттын өзгөрүүсүнөн улам жылдан жылга кыскарууда. Ондогон жыл мурда жайыттар өлкөнүн жалпы аймагынын 50 пайызын ээлеп турса, адистер бул сан эбак эле 45 пайызга түшүп калганын айтышат. Соңку беш жылда эле Кыргызстанда жайыттардын аянты 25 миң гектарга кыскарган.

Жапониянын борбору Токио шаарында XXXII жайкы Олимп оюндары кызуу жүрүүдө. 23-июлда башталган оюндарга дүйнөнүн 207 өлкөсүнөн 11300 спортчу катышып жатат. Алар спорттун 33 түрү боюнча таймашууда. Жалпысынан 339 медалдар топтому ойнотулат. Мелдештер 8-августта аяктайт.

Жогорку Кеңештин иштөө тартибин жөнгө салган мыйзам долбоорлору жазылып, коомдук талкуудан өтүп жатат. Буга чейинкидей парламентте өкмөттү куроо укугу жок болгондуктан коалициялык көпчүлүк же оппозициялык азчылык болбойт. Сунушталып жаткан документке ылайык, бир мандаттуу округдардан шайланып келгендер депутаттык топторго бириге алат. Парламенттин ишин баштан-аяк жөнгө салган “Жогорку Кеңештин регламенти жөнүндө” жана “Жогорку Кеңештин депутатынын статусу жөнүндө” мыйзам долбоорлору июнь айынын ортосунан бери коомдук талкууда турат. Читать дальше...

Дүйнөдө коронавируска чалдыккандардын саны соңку жумаларда күч алды. Адистердин айтымында, инфекция негизинен вакцина албагандардын арасында жайылып жатат. Мындан улам бир катар мамлекеттердин бийлиги эмделбегендерге каршы чектөөлөрдү киргизүүнү караштырууда. Францияда медиктер сөзсүз вакцина алышы шарт Франциянын парламенти 26-июлда медицина кызматкерлерин коронавируска каршы вакцина алууга милдеттендирген мыйзамды жактырды. Ошондой эле, жаңы мыйзамга ылайык, жарандардан медициналык паспортту... Читать дальше...

Ар кандай жанрдагы чыгармаларды, дүйнөлүк хиттерди комузга салып жүргөн белгилүү комузчу Эламан Каныбеков бул ирет сабизден үйлөмө аспап жасады.

Президент Садыр Жапаров менен Улуттук коопсуздук комитетинин төрагасы Камчыбек Ташиевдин бейрасмий сүрөтү социалдык тармактарда талкуу жаратты. Мунун алдында эки саясатчынын достугуна байланыштуу ар кандай күдүк ой, түрдүү божомол күчөй баштаган эле. Бул жагдай кыргыз саясатындагы "достук", "тандем" сыяктуу көрүнүштөрдү, алардын эмне менен аяктаганын эске салды. Садыр Жапаров менен Камчыбек Ташиевдин жанаша, суу жээгинде отурган сүрөттөрүн алгач журналист Өткүрбек Рахманов "Фейсбуктагы" "Камчыбек Ташиев" аттуу баракчага жүктөгөн. Читать дальше...

Курорттук Ысык-Көлдүн Чолпон-Ата шаарында күнүнө 200гө жакыш киши вакцина алып жатат. Алардын айрымдары чет элдик туристтер.

Улуттук коопсуздук комитети (УКМК) жыл башынан бери коррупцияга каршы күрөштүн алкагында 6 миллиард сомдой каражат өндүрдү. Муну мыйзамсыз баюуга жана жемкорлукка айыпталган ондогон аткаминерлер төлөп берди. Ошол эле мезгилде кармалгандар айыппул менен бошоп кетип жатканын сындагандар да арбын. "Азаттык" теманы атайын талдап көрдү.

Түркияда коронавируска чалдыккандардын саны кескин көбөйдү. Саламаттык сактоо министрлиги калктын төрттөн бири гана коронавируска каршы вакцинанын эки дозасын алганын, калганы такыр эмделе электигин кабарлады.

68 килограммдык салмактагы жаш спортчу Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону.

Кыргызстан Бишкек шаарына жаратылыш газы менен жүрүүчү автобустарды сатып алуу үчүн Европа реконструкциялоо жана өнүктүрүү банкынан (ЕРӨБ) насыя алып жатат. Министрлер кабинети менен ЕРӨБдүн ортосунда түзүлгөн келишим Жогорку Кеңештин Бюджет жана финансы комитетинде колдоо тапты. Долбоордун жалпы наркы 33 млн. евро. Анын 25 млн евросу насыя, 8 млн. евро гранттык жардам. 1,7 млн. евро техникалык жардам катары бекер берилет. Насыя 1% менен 12 жылга берилет. Анын 3 жылы жеңилдетилген мөөнөт. Бишкек... Читать дальше...

27-июлда Кыргызстандын аймагында түнкүсүн жаан жаабайт. Күндүз Нарын облусунун кээ бир райондорунда, Чүй, Ош, Ысык-Көл облустарынын тоолуу жерлеринде өткүн өтүп, күн күркүрөйт,  Чүй, Ош, Ысык-Көл облустарынын дыйканчылык аймактарында жана Талас, Жалал-Абад, Баткен облустарында жаан жаабайт. Батыш тараптан келген шамалдын ылдамдыгы секундасына 4-9 метрге, күндүз кээ бир райондордо 15-20 метрге жетет. Абанын температурасы: Чүй облусунда түнкүсүн 20...25, күндүз 33…38; Талас жергесинде түнкүсүн 17...22... Читать дальше...

Казакстанда 25-июлда алгачкы жолу айыл акимдерин шайлоо өттү. Мындай мыйзамга былтыр президент Касым-Жомарт Токаев кол коюп, "өлкөдөгү саясий жаңылануунун жаңы этабы" деп жарыялаган. Бирок оппозиция буга чейин орноп калган бийлик вертикалын өзгөртө албасын айтышууда. Казакстанда биринчи жолу айыл акимдери же айыл өкмөт башчыларын шайлоо өттү. Өлкөдөгү 429 айыл акиминин орду үчүн 2200дөн ашык талапкер ат салышты. 24-июлда казак президенти Касым-Жомарт Токаев "Твиттердеги" баракчасына бул аракеттер... Читать дальше...

Кыргызстанда мамлекеттик ипотека боюнча жаңы программа башталды, насыя алуунун жол-жобосу өзгөрдү. Мамлекеттик ипотекалык компаниянын (МИК) маалымат катчысы Жылдыз Бекбаева “Азаттыкка” билдиргендей, “Менин үйүм 2021-2026» турак жай программасы 25-июлда расмий түрдө күчүнө кирди. Эгер буга чейин ипотекалык насыя жылдык үстөгү 6-8 пайыз менен 15 жылга берилип келген болсо, эми 4 пайыз менен 25 жылга чейинки мөөнөткө бериле баштайт. Мурдагыдай дарыгерлер, мугалимдер жана башка социалдык жактан аз... Читать дальше...

Парламенттин ишин жөнгө салган мыйзамдарды жаңы Баш мыйзамга шайкеш келтирүү үчүн жаңы жазылган мыйзам долбоорлору боюнча парламенттик угуу өтүп жатат. Жогорку Кеңештин тармактык комитетинде өтүп жаткан парламенттик угууга беш мыйзам долбоору чыгарылды. «Жогорку Кеңештин регламенти»,  “Депутаттардын статусу” жөнүндө конституциялык мыйзам долбоору жана “Айрым мыйзам актыларына өзгөртүүлөрдү киргизүү”, Жогорку Кеңеш тарабынан контролдук иш-милдеттерди жүзөгө ашыруунун тартиби”, Жогорку Кеңештин ишин... Читать дальше...

Бишкекте директору былтыр коронавирустан каза болгон мектептин жаңы жетекчиси да дүйнө салды. Шаар башкармалыгынын басма сөз кызматы 25-июлда №78 мектептин директору Мурат Жумалиев 61 жашында каза  тапканын кабарлады. Мугалимдин өлүмүнө эмне себеп болгону айтылган жок. Мурат Жумалиев мугалимдик кесипке өмүрүнүн 39 жылын арнап, буга чейин Бишкектеги №5 улуттук компьютердик гимназияны, №85 мектепти жетектеген. №78 мектепке директор болуп бир жыл мурда, аталган мекеменин жетекчиси Элнура Музаева коронавирустан каза болгондо дайындалган. Читать дальше...

Улуттук коопсуздук мамлекеттик комитети (УКМК) 24-июлда кармалган Бишкектин вице-мэри Азамат Сагындык уулуна козголгон кылмыш иши тууралуу маалымат таратты. Анда, мурда алынган параны кайтарып берүү учурунда кармалган мэрия кызматкери вице-мэр Азамат Сагындык уулуна каршы көрсөтмө бергени айтылат. УКМК 23-июлда мурда алынган паранын 6 миң долларын кайтарып жаткан учурда мэриянын кызматкерин кармаган. Тергөөнүн маалыматы боюнча кармалгандар Азамат Сагындык уулу менен сүйлөшүп алып, Кытай грантынын... Читать дальше...

Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды.

Ош облусунда 15 жашар кызды зордуктоого шектелген жарандын үстүнөн сот иши уланууда. Кордук көргөн секелек көз жарып, уулу төрт айлык болуп калды. Анын жакындары 63 жаштагы шектүүгө карата соттук иштер созулуп жатат деп нааразы. Мектеп жашындагы секелек биз менен жолугууга баласын көтөрүп келди. Ал азыр 16 гана жашта, төрт ай мурда көз жарган. Бала кыял, али энелик сезимди туйбаган кыздын айтымында, бир жыл мурдагы зомбулук Араван районундагы өзү жашаган Чек-Ават айылында, үйүнүн жанында болгон. Читать дальше...

Баткен облусунун Лейлек районунда жергиликтүү кеңештердин аял депутаттары үчүн "Элеттик аялдардын жергиликтүү деңгээлде чечим кабыл алууга катышуусун күчөтүү" деп аталган тренинг жыйынтыкталды. 24-25-июль күндөрү Ак-Суу жана Сумбула айылдарында өткөрүлгөн иш-чараны "Активист" коомдук бирикмеси USAIDдин "Жигердүү жарандар" долбоорунун алкагында уюштурду. Уюштуруучулардын айтымында, депутат кыз-келиндердин активдүүлүгүн арттыруу, чечимдерди кабыл алууга активдүү катыштыруу маселелери айтылып, алардын укуктары... Читать дальше...

Коронавируска каршы республикалык ыкчам штабдын бүгүнкү, 26-июлдагы маалыматына караганда, кечээтен бери Кыргызстанда бул инфекциядан 12 адам каза болду.  Жалпысынан өлкөдө коронавирустан каза болгондордун расмий саны 2261 адамга жетти. Соңку бир күн ичинде вирус дагы 973 адамдан табылды. Алардын эң көбү Бишкек шаарында (637) жана Жалал-Абад облусунда (92). Өлкөдө бул оору жуккандардын расмий катталган саны 158 120 адамга жетти. Бир күндө 1568 адам айыгып чыкты. Азыр ооруканада 4187 адам жатат, дагы 13 691 бейтап үйдөн дарыланууда. Читать дальше...

Токиодо 23-июлда башталган Олимпиада оюндарынын үчүнчү күнүндө алты алтын алып Кытай спортчулары алдыга чыкты. Андан кийин Жапония беш, Америка Кошмо Штаттарынын спортчулары 4 алтын медаль алды. Өзбекстандык 19 жаштагы Улугбек Рашитов спорттун таэквондо түрүнөн өз өлкөсүнүн капчыгына алгачкы алтын медалын салды. Казакстандык спортчулар эки коло медаль алышты. Бүгүнкү күнгө карата спорттун бир нече түрүнөн жалпысынан 98 медаль ойнотулду. Токиодо Олимпиада оюндары 23-июлда расмий ачылган. Ага дүйнөнүн 207 өлкөсүнөн 11300 спортчу катышып... Читать дальше...

Индияда 24-июлдагы суу ташкынында бери дегенде 115 адам каза болду. Расмий маалыматтарга караганда, курмандыктардын саны мындан көбөйүшү мүмкүн. Анткени, алдыдагы күндөрү сел токтобойт деген божомол бар. Индиянын батыш тарабындагы Махараштр шаарында жүздөгөн адам дайынсыз экени кабарланды. Жаратылыш кырсыгынан улам бул калаада 150 миң киши коопсуз жайга көчүрүлдү. Гоа штатында да суу ташкыны болду. Акыркы кездери Европа жана Азия чөлкөмүндөгү суу ташкындары да бир канча кишинин өмүрүн жалмады.

Түркиянын коргоо министрлиги Сирияда эки аскери бронетранспортёр (БТР) чабуулунда мүрт кеткенин билдирди. Дагы эки жоокер жараат алды. Окуя Алеппо провинциясында түрк аскерлери көзөмөл кылып турган аймакта болгону 25-июлда кабарланды. Түркия кол салууну "террорчулар" ишке ашырганын маалымдады, бирок кайсы куралдуу топ экени тууралуу так айтылган жок. Түрк аскерлери жооп иретинде сокку урганы расмий айтылды. Түркия Сириянын аймагында аскердик операцияларды 2016-жылы баштаган. Максаты - ислам экстремисттеринин... Читать дальше...