Новости за 16.07.2021

Кыргызстанда билим алып жаткан тажикстандык студенттер өз мекенине кайтарылат. Бул тууралуу Тажикстандын билим берүү жана илим министри Махмадюсуф Имомзода Дүйшөмбүдөгү маалымат жыйынында билдиргенин "Азаттыктын" тажик кызматы жазды. Анда министр Кыргызстандын жогорку окуу жайларында билим алып жаткан тажикстандык студенттер өз өлкөсүндөгү окуу жайларга которулуу үчүн арыз бериши керектигин айткан. Министр эмне себептен мындай чечим кабыл алынган түшүндүргөн эмес. Бирок "Азаттыктын" тажик кызматы... Читать дальше...

“Сапат” билим берүү мекемесинин президенти Орхан Инандыга Анкара прокуратурасы "террорчул уюмду башкаруу" беренеси боюнча айыбын угузду. Прокурорлор аны 15 жылдан 22 жылга чейин эркинен ажыратууну өтүндү. Бул тууралуу Түркиянын мамлекеттик "Анадолу" маалымат агенттиги билдирди. Айыптоо корутундусунда ошондой эле, Инанды "Гүлен" кыймылынын Борбор Азия боюнча жооптуу кишиси болгону, кыймылдын жетекчилери менен тыгыз мамиледе иш алып барганы жана Түркиядан чет өлкөгө качкан кишилерге жарандык алууга көмөктөшкөнү жазылган. Читать дальше...

Ири суммадагы акчасын уурдаткан Бишкек тургуну шектүүнү милицияга өзү кармап бергени менен аны бошотуп жиберген күч органдарына нааразы болуп прокуратурага кайрылды. Ал кылмышкер менен милиция өнөктөш деген ойдо.

Бишкектин мурунку мэри Азиз Суракматов 150 миллион сом төлөп, абактан чыкты. Беларуста милиция кызматкерлери “Белсат” телеканалынын жана “Азаттыктын” беларус кызматынын журналисттеринин үйлөрүн тинтип жатат. Жалал-Абадда ушул күндөрү Чубак ажы Жалиловду эскерүү иш чаралары өтүүдө.

Ооганстандагы конушун таштап, качып чыккан памирлик кыргыздардын арасында соңку төрт жылдан бери Бишкекке келип, окуп жаткан студент Турганбай Абдулвахид уулунун туугандары да бар. Турганбай алар менен он беш күн мурун байланышып сүйлөшкөн. Анда туугандары жагдай кооптуу экенин айтып беришкен. “Кичи Памирде атамдын бир туугандары, таякелерим жашайт. Акыркы жолу үч жума мурун сүйлөшкөнбүз, анда “бизге Талибандар жакындап келе жатат, кыйналып калышыбыз мүмкүн, баралыбы” деп сурашкан. Биз өзүңөр чечкиле деп айтканбыз”. Читать дальше...

Учурда миңдеген мектеп бүтүрүүчүлөрү маанилүү тандоонун алдында турат. "Азаттык плюс" бул ирет кесипти туура тандоо жөнүндө талкуу уюштуруп, абитуриенттерге көмөкчү болгусу келди.

Украинанын жаңы ички иштер министри болуп Жогорку Раданын депутаты Денис Монастырский бекитилди. Анын талапкерлигин президент Владимир Зеленский сунуштаган. Президент депутаттарга Монастырскийдин талапкерлигин тааныштырып жатып, "Биз чынында эле сиз министр болушуңузду каалап жатабыз" - деп билдирди. Жыйынтыгында Жогорку Раданын 271 мүчөсү жаңы министрди дайындоо үчүн "макул" деген добуш берди. Денис Монастырский мурдагы ички иштер министри Арсен Аваковдун жакын адамы экенин маалымат каражаттары жазып чыкты. Читать дальше...

Өзгөчө кырдаалдар министрлиги тараткан маалыматка ылайык, Орусиянын жараны 16-июлда Ак-Суу районунун өзгөчө кырдаалдар бөлүмүнө кайрылган. Ал үй-бүлөсү менен (5 киши) ​Каракол-Алакөл жайлоосуна барышканын, отун тергени кеткен 29 жаштагы кызы дайынсыз жоголуп кеткенин билдирген. Ушул тапта Ак-Суу районунан жана Каракол шаарынан 15 куткаруучу, Ички иштер министрлигинин 15 кызматкери издөө иштерин жүргүзүп жатат. (BTo)

Ооганстанда Пакистан менен чек арадагы өкмөттүк аскерлер менен талибдердин салгылашы маалында Reuters агенттигинин журналисти Даниш Сиддики каза болду. Журналист жана дагы бир ооган офицери 16-июлда Спин-Болдактагы базардагы салгылаш учурунда окко учкан. Сиддики ушул аптанын башында Кандагар аймагында иштеп, ооган аскерлеринин операцияларын чагылдырып жүргөн. “Даниш чыгаан журналист, мыкты жолдош жана ата, сүйүктүү кесиптешибиз эле. Азыркыдай оор учурда анын үй-бүлөсүнүн кайгысын бөлүшөбүз”, - деп билдирди Reuters агенттигинин жетекчилери. Читать дальше...

Европанын батышындагы бир нече мамлекетте эки-үч күн катары менен тынбай жааган жамгырдан улам дарыялар нугунан чыгып, калктуу конуштарды каптады. Германияда суу ташкын 100дөн ашуун адамдын өмүрүн алды. Миңден ашык кишинин дайыны белгисиз. Бул өлкөдө жабыркагандардын арасында кыргызстандыктар жок. Немистердин ADR телеканалы 16-июлда билдиргендей, Германиянын батышындагы суу ташкындан 80ден ашуун киши көз жумду. Кёльн шаарынын түштүгүндөгү Арвайлер районунда 1300дөн көп киши дайынсыз болуп жатканы кабарланды. Читать дальше...

Орусиянын Москва облусундагы Химки шаарында төрт кыргыз жараны бычакталган фактыга байланыштуу эки адам кармалды. Бул тууралуу Кыргызстандын Ички иштер министрлиги кабарлады. Ага ылайык, аталган шаардагы "Блок пост" бильярд клубунда 9-июлда түндө чыр чыгып, төрт кыргыз жаранын белгисиз адамдар бычактап кеткен. Химкидеги полиция Кылмыш-жаза кодексинин 213-беренесинин 2-бөлүмүнүн (Курал же курал катары колдонулган буюмдарды колдонуу менен жасалган ээнбаштык) негизинде кылмыш ишин козгогон. Кармалган эки адам күнөөсүн мойнуна алган. Читать дальше...

Германиянын батышында суу ташкындан жабыркагандардын арасында кыргызстандыктар жок. Бул тууралуу Кыргызстандын Германиядагы элчилигинин Бонн шаарындагы бөлүмүнүн башчысы Чинара Токталиева билдирди. "Биз Дюссельдорф шаарынын Өзгөчө кырдаал бөлүмү менен байланыштабыз. Азырынча жабыркагандардын арасында кыргызстандыктар жок. Болбой эле койсун. Негизинен дарыянын жээгинде жайгашкан кыштактарды суу каптап кетиптир. Биз жабыркаган аймактардагы кыргызстандыктар жана тийиштүү жергиликтүү мекемелер менен байлынышып, кабар алып жатабыз". Читать дальше...

Кыргызстанда жашаган айрым памирликтер Тажикстанга качып өткөн кыргыздардын көйгөйүнө коомчулуктун көңүлүн бурууга, аларды коопсуз жайга көчүрүүнү бийликтен суранып жатышат. Расмий Бишкек Кичи Памирден качып чыккандарды Кыргызстанга алып келүү аракети уланып жатканын кабарлады.

Орусияда коронавирустан бир суткада 799 киши каза болду. Бул пандемия башталгандан берки рекорддук көрсөткүч. 6-июлдан бери Орусияда күн сайын 700дүн тегерегинде киши жарык дүйнө менен кош айтышып жаткан. Ал эми соңку төрт күндө вирустун курмандыктары көбөйүп кетти. Мындай кырдаалды орус бийлиги коронавирустун “дельта” вариантынын жайылышы менен түшүндүрүүдө. Акыркы суткада өлкө боюнча 25 700дөн ашык адам вирус жуктурган. Эң көп Москва шаарында катталууда. Орусияда коронавируска каршы оперативдик... Читать дальше...

Москвадагы "Кузьминки" метросунун аймагында болгон калайман муштушка байланыштуу 71 кыргызстандык 15 күнгө камакка алынды. Кыргызстандын Ички иштер иштер министрлиги (ИИМ) Тажикстандын 31 жаранына да ушундай эле чечим кабыл алынганын билдирди. Маалымат боюнча, Москвадагы кыргызстандыктар менен  тажикстандыктардын жаңжалына катышы бар жалпы 102 адам кармалган (ред: алардын 71 кыргызстандык, 31 тажикстандыктар). Москвада 11-июлда “Кузьминки” метросунун жанында ондогон мигрант калайман мушташка катышкан. Читать дальше...

Чүй облусундагы "Талды-Булак сол жээк" кенин иштеткен "Алтынкенге" байланыштуу түзүлгөн депутаттык комиссия аталган кыргыз-кытай ишканасына барды. Жогорку Кеңештин басма сөз кызматынын билдиришинче, депутаттар уу калдык сакталган жайды көрүп, ишкананын экологиялык зыян-кесепети тууралуу маселе көтөрүштү. Ошондой эле, кымбатчылыктан улам жумушчулардын маянасын көбөйтүү тууралуу сөз болду. “Алтынкен” 2015-жылы Кытай менен биргеликте түзүлгөн, Кыргызстандын андагы үлүшү 40% . Расмий маалыматка ылайык... Читать дальше...

Ооганстандын өкмөттүк күчтөрү Пакистан менен чек арадагы Спин-Болдак бекети үчүн “Талибандын” согушкерлери менен салгылашууда. Бул бекетти согушкерлер эки күн мурун ээлеп алганы кабарланган. Спин-Болдак бекети талибдер үчүн стратегиялык мааниге ээ. Дал ушул жай аркылуу Пакистандагы Белужистан аймагына түз каттоого жол ачылат. Аталган аймакта Пакистандагы “Талибан” кыймылынын күчтөрү жайгашкан. Аймактагы тургундардын айтымында, бекет 14-июлда талибдердин колуна өткөн. Анын алдында шаарчадагы базарда айыгышкан кармаш болгон. Читать дальше...

Кыргызстан мусулмандар дин башкармалыгы Курман айт күнү майрамдык намаздын пандемияга байланыштуу жобо-шартын жарыялады. Ага ылайык, майрамдык намаз мечиттерде гана окулат, келген жарандардын баары бет кап тагынып, ортодогу 1,5 метр аралык сакталышы шарт. Жарандардын кол алышып, кучакташып көрүшүүсүнө тыюу салынат. Ар бир адам дааратты үйүнөн алып, өзүнүн жайнамазын көтөрө келиши керек. Дене табы көтөрүлгөндөр, сыркоологондор жана жаш балдар мечитке киргизилбейт. Муфтият жума намазы окулуп бүтөрү менен жарандарды көпкө кармалбай... Читать дальше...

Германиянын батышындагы суу ташкындан каза болгондордун саны 90го чамалады. 1600дөн ашык адам дайынсыз. Кельндин түштүгүндөгү Арвайлер районунда 1300дөй адам кабарсыз болууда. Бул Германиядагы соңку жылдардагы эң көп адам өмүрүн алган жаратылыш кырсыгы болуп калды. Акыркы күндөрү тынбай жааган жамгырдан улам дарыялар нугунан чыгып, калктуу конуштарды каптады. Автотрассаларда каттам токтоду. Жолдор бузулуп, байланыштын жок болушу куткаруу иштерине тоскоол болууда. Түндүк Рейн-Вестфалия, Рейнланд-Пфальц аймактарынын тургундары эвакуацияланды.

Өлкө башчысы Садыр Жапаров 16-июлда кол койгон жарлыкка ылайык, Бекбосун Бөрүбашев президенттин кеңешчиси болуп дайындалды. Бөрүбашев укуктук маселелер боюнча эксперт катары белгилүү. 2020-жылы ноябрь айында ошол кездеги президенттин милдетин аткаруучу Талант Мамытов аны Конституциялык кеңешменин төрагасы кылып дайындаган. Быйыл 5-майда өлкө башчы Садыр Жапаров кол койгон президенттик башкарууга багытталган Конституцияны ал жетектеген Конституциялык кеңешме жазган. 66 жаштагы Бекбосун Бөрүбашев Бишкек шаарында төрөлгөн. Читать дальше...

Президент Садыр Жапаров “Президенттин облустагы ыйгарым укуктуу өкүлү жөнүндө” жарлыкка кол койду. Жарлык расмий жарыяланган күндөн тартып жети күндөн кийин күчүнө кирет. Бул тууралуу өлкө башчынын басма сөз кызматы кабарлады. Маалыматка ылайык, президенттин облустагы ыйгарым укуктуу өкүлү өзү жетектеген аймакта президент аныктаган мамлекеттин ички жана тышкы саясатын ишке ашырат. Жергиликтүү өз алдынча башкаруу жана укук коргоо органдарынын ишин тескейт. Ал президенттин демилгеси же Министрлер... Читать дальше...

Талибдер абактагы 7000дей согушкери бошотулса, үч айга чейин тынчтык орнотууга убада кылды. Расмий Кабул муну аткарылгыс оор шарт деп атады. Бийлик "Талибан" ээлеп алган жерлерде элдин мүлкүн кыйратып, калкты караңгылыкка түрткөн эски эрежелерди киргизип жатат деп сындады. Ооган өкмөтүнүн өкүлү Ахмад Надири "Талибан" үч айга ок атышууну токтотуп, тынчтык сүйлөшүүлөрдү улантуу үчүн 7 миңдей согушкерин абактан бошотууну талап кылганын билдирди. Болбосо, алар АКШ аскерлерин алып чыгары менен чоң чабуул болорун эскерткен. Читать дальше...

Режиссер Бакыт Мукул жана куудул Күмөндөр Абылов биргелешип толук метраждуу комедиялык фильм жаратышты. Тасмада коррупцияга баткан аткаминерлер, өз ишин аткаруудан эринген бюрократтар сынга алынат.

АКШ менен Германия Орусиянын энергоресурстарды өз коңшуларына карата курал катары колдонуусуна каршы турат. Бул тууралуу 15-июлда Вашингтондо Жо Байден Германиянын канцлери Ангела Меркел менен жолуккандан соң маалымат жыйында билдирди. Эки лидер НАТОдогу өнөктөштөрдүн кызыкчылыгын Орусиянын агрессиясынан коргоо боюнча чогуу аракет көрөрүн билдирди. Маалымат жыйынында “Түндүк агым-2” газ куурунун тагдыры да башкы темалардын бири болду. Президент Байден долбоорду ишке ашырууга катышып жаткан немис компанияларына тынчсыздануусун билдирди. Читать дальше...

Улуттук коопсуздук боюнча мамлекеттик комитеттин (УКМК) тергөө абагында кармалып турган төрт адам короновирус белгилери менен ооруканага жаткырылды. Маалыматты УКМКнын басма сөз кызматы билдирди. Бирок кайсы ооруканага которулганы кабарланган жок. Кыргызстанда коронавирустун үчүнчү толкуну жүрүп жатат. Саламаттык сактоо жана социалдык өнүктүрүү министрлигинин жаңы эсебине ылайык, Кыргызстанда коронавирус пандемиясы башталган 2020-жылдын март айынан бери 2 154​ адам каза болду. Вирус 146 миңден ашык адамга жугуп... Читать дальше...