Новости за 26.05.2021

Улуттук коопсуздук боюнча мамлекеттик комитеттин (УКМК) маалымат кызматы эркин журналист Али Токтакуновдун Баткендеги май куюучу бекеттер тууралуу иликтөөсүнө байланыштуу билдирүү таратты. Анда Баткендеги май куюучу бекеттердин бири УКМКнын төрагасы Камчыбек Ташиевге таандык болгон деген маалымат чындыкка дал келбейт деп айтылат. “Томас жана Ко” компаниясы Ташиевге 2016-жылга чейин гана таандык болгон. Чагымчыл адамдар атайын кызматтын жана УКМК жетекчилигинин ишмердүүлүгүн жаманатты кылуу максатында элге туура эмес маалымат таратып жатат. Читать дальше...

Дүйшөмбүдөн Бишкекке учуп келген учак артка кайтарылды. Экс-президент Сооронбай Жээнбеков жана анын депутат иниси Асылбек Жээнбеков "кадыр-баркын коргоо" үчүн абактагы активист Мелис Аспековду сотко беришти. Беларус оппозициясы Лкашенкого каршы нааразылыктын жаңы толкунун даярдап жатканын билдирди.

"Талибан” кыймылы кошуна өлкөлөрдү өз базаларын АКШнын пайдалануусуна бербөөгө чакырып, андай кадам жоопсуз калбай турганын эскертти. Мунун алдында айрым маалымат каражаттары Пакистан Вашингтон менен бул жаатта макулдашууга жетишкенин кабарлашкан. Ага чейин Пентагон аскерлерин Ооганстандан чыгарып кеткенден кийин согушкерлерге каршы күрөшүү үчүн региондо жаңы база орнотууну көздөп жатат деген божомолдор жазылып келген. Америкалык база жайгашышы мүмкүн деген өлкөлөрдүн арасында Тажикстан менен Өзбекстан да аталган. Читать дальше...

18-апрелде Орусиянын аба майданынан кармалган Баткен районунун Көк-Таш айылынын тургуну Эсенбай Мажитовдун бөгөт чарасы бүгүн, 26-майда Төмөнкү Новгород шаардык сотунда каралып, бир айга камакта калды. Бул тууралуу анын ишине көз салып жаткан Жогорку Кеңештин депутаты Бурул Аманова билдирди. “Сотто тажик прокуратурасы Мажитовду Дүйшөмбүгө өткөрүп берүү сунушун келтирген экен. Алар мыйзам чегинде иш алып барабыз деп айтышкан. Бирок Орусия соту тергөө иштери аяктагыча Мажитовду Төмөнкү Новгород шаарындагы абакта бир айга калтырды”... Читать дальше...

26-майда Тажикстандын Тышкы иштер министрлиги өз жарандарын Кыргызстанга барбай же кошуна өлкө аркылуу каттабай турууга чакырды. Мекеменин расмий сайтындагы маалыматка караганда, мындай чара Кыргызстан министрлер кабинетинин алдын ала айтпай туруп 21-майда токтом кабыл алгандыгына байланыштуу көрүлүп жатат. Жеке адамдарга жана транспорттун бардык түрү менен жүргүнчү же жүк ташыган ишкерлерге Кыргызстандын аймагынан эмес, транзит үчүн үчүнчү өлкөлөр аркылуу өтчү маршруттарды колдонуу кеңеши берилет. Читать дальше...

Европалык авиациялык коопсуздук агенттиги аймактагы авиакомпанияларга Беларустун үстүнөн учпоону сунуштады.

"Азаттык" "Кыргыз темир жолу" мамлекеттик компаниясынын жетекчилери шектелген "коррупциялык схема аныкталды" делген кылмыш ишинин чоо-жайын, кыңыр ишке айыпталгандардын дагы деле кызматта отурганын иликтеди.

Ош шаарындагы базарда эт саткан бир нече касапчы 26-майда лабораториянын этти акысыз текшерүүсүн талап кылып чыгышты. Касапчылардын айтымында мамлекеттик лаборатория бир жылдан бери этти акчага кароодон өткөрүп калган. "Лабораториядан уйларга 170 сомдон, койго 84 сомдон акча алып жатышат. Этти кымбат сатып атасыңар деп эл бизди жаман көрүп атат. Салыкты кымбаттаткан, эт Өзбекстанга чыгып ал да кымбат. Мурун лаборатория акысыз эле текшерчү да",-деди Тимур Сабиралиев. Чогулгандар малдын, тоюттун баасы күн сайын өсүп жатканын... Читать дальше...

“Азаттыктын” “2х1” форматындагы маегинин кезектеги коногу - Баткен облусунун мурдагы губернатору Султанбай Айжигитов болду. Маектешүүдө адис кыргыз-тажик чек арасынын өткөнү, бүгүнкүсү, келечеги жана көйгөйлөрдү чечүүнүн жолдору, өксүктөр тууралуу ой-пикири менен бөлүштү.

Кыргызстандагы орус тилдүү “Дело №...” медиасы гезит катары ишин токтотконун жарыялады. Басылма мунун себебин өлкөдөгү саясий кырдаал жана сөз эркиндигине болгон кысымга байланыштырды. Гезит буга чейин талаштуу жана чагымчыл мүнөздөгү материалдары менен таанымал эле. Ортодо резонанстуу иликтөөлөрдү да жасап турчу. Отуз жылдан бери жарык көрүп келген гезиттин тагдыры учурда талкууга түштү. Отуз жылдан кийинки кадам Республикалык апталык “Дело №...” басылмасы мындан ары кагаз түрүндө ишмердүүлүгүн... Читать дальше...

2020-жылы пандемиядан улам үзгүлтүккө учураган ажылыктын акчасынан улам козголгон кылмыш иши тергелип бүтө элек. Мусулмандар дин башкармалыгыннын комиссиясы ажылыктын кемиген акчасын эсептеп чыкты. Муфтийдин милдетин аткаруучу Жоробай ажы Шергазиевдин колу коюлуп, Аалымдар кеңешинин “Фейсбуктагы” баракчасында жарыяланган документте чогулган акча кандай коротулганы жана ушул тапта анын канчасы кемип турганы кенен жазылган. Мусулмандар дин башкармалыгынын он кызматкеринен куралган комиссия ажылыкка чогулган акчаны текшерип, учурда 1 млн. Читать дальше...

Тажикстандын Дүйшөмбү шаарынан Бишкекке учуп келген тажикстандык 177 жаран кайра артка жөнөтүлдү. Кыргызстан муну коңшу мамлекет менен чек арасы убактылуу жабылганы менен түшүндүрдү. Тажикстандын Бишкектеги консулу аба каттамдары токтотулганы тууралуу расмий Дүйшөмбүгө алдын-ала маалымат берилбегенин, жөнөкөй адамдар убара тартканын айтып чыкты. Дүйшөмбүгө кайтарылган тажикстандыктар Тажикстандын 300дөй жараны “Манас” эл аралык аэропортунда калып калганы тууралуу алгач “Азаттыктын” тажик кызматы жазып чыкты. Читать дальше...

Суперлигадан чыкпай жүргөн бул клубдар Европа футбол ассоциациялар союзунун нормативдик-укуктук базасын бузду деп шектелүүдө.

АКШда ынды кара Жорж Флойддун өлүмүнүн бир жылдыгына карата нааразылык акциялары уюштурулду. 25-майда митинг-пикет жана жүрүштөргө чыккандар өлкөдө расизм менен дискриминацияга чекит коюлушун талап кылышты. Мыйзам чыгаруучулар полицияны реформалоо боюнча Флойддун атынан аталган мыйзамды кабыл ала элек.  АКШ президенти Жо Байден 25-майда Ак үйдө маркум Жорд Флойддун өлүмүнүн бир жылдыгына байланыштуу анын үй-бүлө мүчөлөрүн кабыл алды. Байден мыйзам чыгаруучулар полицияны реформалоого жол ачкан документти кабыл аларына үмүт артарын билдирди. Читать дальше...

Кыргызстандын эгемендигине жана демократиялык өнүгүүсүнө салым кошкон коомдук ишмер Жыпар Жекшеевдин "Атуулдук ар-намыс ойгонгондо" аттуу китебинин бет ачары болуп өттү.

25-майда АКШ президенти Жо Байден Ак үйдө маркум Жорд Флойддун үй-бүлө мүчөлөрүн кабыл алды. Жолугушууда мамлекет башчы мыйзам чыгаруучулар полицияны реформалоого жол ачкан документти кабыл аларына үмүт артарын билдирди. 46 жаштагы ынды кара Флойд былтыр 24-майда Миннеаполисте полиция кызматкеринин колунан жан берген. Дерек Шовин аттуу тартип коргоочу анын моюнун тогуз мүнөттөн ашуун жерге ныгыра басып турган. Флойддун өлүмү расизмге жана полициянын зордук-зомбулугуна каршы толкундоолорго түрткү болду. Читать дальше...

Кытай улуттук куткаруучу армиясы Кыргызстандын куралдуу күчтөрүнө техникалык колдоо көрсөттү. Бүгүн, 26-майда Кытайдан келген аскер техникасын тапшыруу аземи болду. Бул тууралуу Коргоо министрлиги маалымдады. Аземге коргоо министри Таалайбек Өмүралиев, Кытайдын Кыргызстандагы ыйгарым укуктуу элчиси Ду Дэвен катышты. Жардамдын алкагында кыргыз армиясына аскер машиналары, инженердик-чалгындоочу жана байланыш аппараттары келди. Бул техникалык колдоо эки өлкөнүн Куралдуу күчтөрүнүн кызматташтыгы тууралуу келишимдин алкагында ишке ашты. Читать дальше...

Охотск деңизинде Орусия жана Жапониянын кемелери сүзүшкөндө жапониялык үч балыкчы каза тапты. Хоккайдо аралынын жээгинде болгон окуя тууралуу Kyodо жана "Интерфакс" агенттиктери кабарлашты. Кырсык жээктен 23 километр алыс жерде, Жапониянын суусунда болгонун буга чейин NHK телеканалы билдирген. Жапониялык чакан кайык менен деңиз азыктарын ташып бараткан орусиялык “Амур” соода кемеси сүзүшкөн. Балыкчылардын кайыгы аңтарылган, орусиялыктар беш кишини алып чыкканда, үчөө жансыз болчу. Орусия тараптан эч ким жабыркаган жок. Читать дальше...

Беларустун оппозициясы Александр Лукашенкого каршы нааразылык акциялардын "жаңы баскычын" даярдап жатканын билдирди. 26-майда бозгунда жүргөн Светлана Тихановская, оппозиция лидерлери түзгөн Координациялык кеңеш жана башка демократиялык күчтөр биргелешкен билдирүүдө “мыйзамсыз режимдин аракеттери өлкөнү дүйнө картасындагы кара такка айлантууда" деп белгилешти. Оппозиция “террорду биротоло токтотуу” үчүн убакыт келди, күтүп отурууга болбойт деп эсептейт. Дүйнөдөгү бир катар жетекчилер өткөн... Читать дальше...

Кыргызстан менен Тажикстандын чек ара, суу, жайыт, жол жаатындагы пикир келишпестиктери бүгүн эле эмес, тээ союз доорунан бери эки тараптын теӊ бийлигинин кайдыгерлигинин кесепетинен уланып келаткан көйгөйлөр. Коомчулук муну абдан жакшы билет. Союз тарагандан кийин деле бул кооптуу көйгөйлөрдүн азыркы күнгө чейин чечилбей кала бергендиги акыр-аягында ушундай кандуу коогалаӊга кириптер кылды. Бул эки өлкөнүн теӊ карапайым калкы үчүн чоӊ кайгы болду. Кадим замандардан бери коӊшулаш жашаган эки... Читать дальше...

Жогорку Кеңештин депутаты Дастан Бекешев президенттик администрациянын чыгымы кыскарбай, 800 миллион сом бойдон калганын сындады. Бул тууралуу ал 25-майда парламенттин Экономикалык жана фискалдык саясат боюнча комитетинин отурумунда билдирди. "Экономиканын деңгээли 9,8%  түштү. Донорлордон алган акча да бизге жардам бере албады. Коронавирустан эч кандай сабак алган жокпуз. Билим берүүнүн сапаты онлайн режимден улам өтө төмөн деңгээлге түштү. Дары-дармек менен камсыздоо колго алынган жок. Вирус... Читать дальше...

Президент Садыр Жапаров Орусиянын мамлекет башчысы Владимир Путин менен аконит (уу коргошун) маселесин расмий сүйлөшүүлөрдүн алкагында талкуулаган эмес. Бул тууралуу "Азаттык" радиосуна президенттин басма сөз катчысы Эрбол Султанбаев билдирди. 26-майда саламаттык сактоо жана социалдык өнүктүрүү министри Алымкадыр Бейшеналиев "Биринчи радионун" түз эфиринде сүйлөп жатып Садыр Жапаров Орусияда Владимир Путин менен уу коргошун тууралуу сүйлөшкөнүн айткан. 16-апрелде Алымкадыр Бейшеналиев брифинг өткөрүп... Читать дальше...

Мамлекеттик катчы Энтони Блинкен АКШ Газаны калыбына келтирүүгө жардам берерин билдирди. Жакынкы Чыгышта сапарда жүргөн Блинкен Палестина менен дипломатиялык канал катары пайдаланып келген Иерусалимдеги консулдукту кайра ачуу процессин алга жылдыруу аракети көрүлөрүн кошумчалады. Консулдук мурдагы президент Доналд Трамптын тушунда жабылган. Рамаллада палестин автономиясынын президенти Мамхуд Аббас менен жолугушуудан кийин Вашингтондун өкүлү быйыл палестиналыктарга кошумча 75 миллион доллар экономикалык колдоо катары берилерин... Читать дальше...

26-майда Бишкектеги Жусуп Баласагын атындагы улуттук университетте Кыргызстандын эгемендигине жана демократиялык өнүгүүсүнө салым кошкон коомдук ишмер Жыпар Жекшеевдин жаркын элесине арналган илимий-практикалык жыйын болду. Жыйынга президенттин кеңешчиси Арслан Койчиев, Улуттук илимдер академиясынын Тарых, археология жана этнология институтунун директору Абылабек Асанканов баштаган саясий жана коомдук ишмерлер, тарыхчылар, Жыпар Жекшеевдин жакындары катышты. Иш-чарада маркумдун "Атуулдук ар-намыс... Читать дальше...

Ирандын президенти Хасан Роухани өлкөнүн жогорку көсөмүн эмки айдагы президенттик шайлоого катышууну каалаган саясатчылардын катарын кеңейтүүгө чакырганын айтты. Анын алдында Сакчылар кеңеши жети талапкерди жактырганын билдирген. 26-майда кабинеттин жыйынында Роухани шайлоодо чыныгы атаандаштыкка шарт түзүү үчүн көбүрөөк талапкерди тандоо керектигин айтты. “Шайлоонун өзөгүн атаандаштык түзөт. Аны алып салсак, мааниси жок калат”, - деген президент Аятолла Али Хаменеиге маселени чечүүгө жардам берүүнү сурап кайрылганын кошумчалады. Читать дальше...