Новости за 03.05.2021

Польша, Украина жана Балтика өлкөлөрүнүн президенттери дүйшөмбүдө Варшавада жолугуп, кызматташтык жана демократиянын фундаменталдык принциптерин колдоо боюнча декларацияга кол коюшту. «Бардыгыбыз үчүн биздин жалпы коопсуздугубузга коркунуч туулган шартта биздин элдердин тилектештиги тынчтык, туруктуулук жана өнүгүү үчүн абдан маанилүү», - деп жазылган украин президенти Владимир Зеленскийдин расмий сайтында. Мамлекет башчыларынын жолугушуусу поляк королдугу менен Литва княздыгынын Посполита Конституциясынын... Читать дальше...

Борбордук шайлоо комиссиясы (БШК) 11-апрелде өткөн Токмок шаардык кеңештин шайлоосунун жыйынтыгын жокко чыгарды. Бул тууралуу “Азаттыкка” БШКнын төрайымынын орун басары Абдыжапар Бекматов билдирди. Маалыматка ылайык, аталган кеңештин шайлоосуна катышкан “Бирге”, “Эл биримдиги” жана “Республика” партиялары "шайлоодо административдик ресурс колдонулду", деп бирин-бири айыптап Боршайкомго арыз жазышкан. Ошондой эле партиялар бир үйгө жапырт каттоо маселесин да көтөрүшкөн. Арыз-дооматтар 3-майда БШКнын жыйынында каралып... Читать дальше...

Еврокомиссия COVID-19 илдетине каршы Евробиримдикте катталган гана вакциналар менен сапардан эки жума мурда эмделген чет элдиктерди анын аймагына киргизүүгө уруксат берүүнү сунуштады. Бул тууралуу Еврокомиссиянын сайтына чыккан билдирүүдө айтылат. Мындай уруксат Дүйнөлүк саламаттык сактоо уюму чукул кырдаалда колдонууга уруксат берген препараттар менен эмделгендерге дагы тиешелүү. Азыркы мезгилде Евробиримдиктин аймагында "AstraZeneca", "Pfizer/BioNTech", "Moderna" жана "Johnson & Johnson" компанияларынын вакциналары каттоодон өткөн. Читать дальше...

Кыргыз-тажик чек ара жаңжалында талкаланып, өрттөлгөн имараттарды калыбына келтирүү иштерине 700 миллион сом бөлүндү. Анын 500 миллион сому социалдык объектилерди курууга жана ремонттоого жумшалат. Калган 200 миллион сому талкаланып, өрттөлгөн турак жайларды калыбына келтирүүгө багытталат. Бул тууралуу премьер-министр Улукбек Марипов билдирди. Маалыматка ылайык, учурда зыяндын көлөмүн эсептөө үчүн атайын комиссия иш алып барууда. «Чек ара маселесин чечүү оңой эмес. Ага көп жылдык тажрыйба далил. Читать дальше...

3-майда Суусамыр-Талас-Тараз жолунун 11-чакырымында (Өтмөк ашуусунда) сел жүрдү. Бул тууралуу "Азаттыкка" Өзгөчө кырдаалдар министрлиги кабарлады. Маалыматка ылайык, 3-май күнү саат 19:30 чамасында жол жээгинде суу көбөйүп сел жүргөн. Учурда жол бир тараптуу ачык. Жол тейлөө ишканасынын эки оор техникасы тазалоо иштерин жүргүзүүдө. Өзгөчө кырдаалдар министрлиги 2-3-май күндөрү тоолуу аймактарда кар көчкү жана сел жүрүү коркунучу бар экенин эскерткен. (MKt)

Былтыр август айынан бери Беларустагы нааразылык акцияларын чагылдырганы үчүн куугунтукталган журналисттердин укугун сотто коргоп келген адвокат Сергей Зикрацкий 3-майда Литвага чыгып кетти. Быйыл март айынын этегинде ал адвокаттык лицензиясынан ажыраган. Адвокат бир ай мурун жеке менчик юридикалык фирмасын жапкан. "Азаттыктын" беларус кызматына Сергей Зикрацкий буларды айтты: "Мен үй-бүлөм менен кетип жатам. Себеби 2020-жылдын август айынан бери бизге бул өлкөдө жашоо ыңгайсыз болуп калды. Читать дальше...

Лейлек районунун Тажикстан менен чектеш бир нече айылындагы ок атышуулардан улам там-жайын таштай качкандар 2-майда кайрадан үйлөрүнө кайта баштады. Эң эле көп жабыр тарткан Максат жана Арка айылдарына бул күнү УКМКнын төрагасы Камчыбек Ташиев да барган. Максат айылында үйлөрдүн көпчүлүгү толук өрттөнүп кеткен, элдин мал жандыктары, үй эмеректери менен баалуу буюмдары, мүлкү тонолгон. Жаңжалдан кийинки Максат жана Арка айылдарынын тургундарына "Азаттыктын" казак кызматынын жетекчиси Төрөкул Дооров жолугуп, алардын арыз-арманын укту.

Чек арадагы кагылыштан курман болгон кыргызстандыктардын саны 36га жетти. Ал эми Тажикстан тараптан 16 адам каза тапканы айтылууда. Тажикстандын Башкы прокуратурасы Кыргызстандын аскер кызматкерлерине жана жарандарына каршы кылмыш ишин козгоп, чек арадагы окуяны «агрессия» деп баалады. Ооган бийлиги "Талибан" кыймылы менен соңку эки күн ичиндеги кагылышууларда 100дөн ашуун талиб жок кылынганын билдирди. //"Бүгүн Азаттыкта". 03.05.21.//

Бириккен Улуттар Уюмунун (БУУ) Кыргызстандагы туруктуу координатору Озонниа Ожиело Баткен облусунда чек ара чатагында талкаланган имараттарды калыбына келтирүүгө жардам көрсөтүүгө даяр экендигин билдирди. Калыбына келтирүү иштери кыргыз бийлигинин өтүнүчү менен жасалат. Ожиело мындай пикирин бүгүн, 3-майда тышкы иштер министр Руслан Казакбаев менен жолугушууда айткан. Маалыматка ылайык, жаңжалдан кийин Баткенде кыйраган имараттарды калыбына келтирүү иштерине байланышуу БУУга бир канча өтүнүчтөр түшүп жатат. Читать дальше...

3-май - Дүйнөлүк басма сөз эркиндигинин күнү катары белгиленет. Кыргызстанда сөз эркиндигинин абалы кандай? Кыргыз журналистикасында кандай тенденциялар болуп жатат? Журналисттердин ишине тоскоолдук жараткан кандай тобокелчиликтер бар?

Кыргызстан элинин ассамблеялар кеңешинин төрагасы, мамлекеттик ишмер Абдыганы Эркебаев кыргыз-тажик чек арасындагы кагылышуунун себептери, кесепеттери, аны кайталабоонун жолдору тууралуу “Азаттыктын” суроолоруна жооп берип, кеп-кеңештерин айтты.

9-майга чейин Кыргызстан менен Тажикстандын ортосундагы 112 километр чек ара сызыгы аныкталмай болду. Бул тууралуу чек араны тактоо боюнча комиссияны жетектеген УКМКнын төрагасы Камчыбек Ташиев билдирди. Азырынча тажик тарап бул тууралуу маалымат жарыялай элек. Жаңы протоколдун мазмуну, эки элдин кызыкчылыгы 2-майда Камчыбек Ташиев Баткендин Максат айылында жергиликтүү эл менен жолугушуусунда 9-майга чейин кыргыз-тажик чек ара тилкесиндеги 112 чакырымды чийип, тактап чыгуу тапшырмасы берилгенин жарыялады. Читать дальше...

Ош шаарында регби боюнча эл аралык мелдеште Казакстандын курама командасы жеңүүчү болду. 2-3-майда өткөн турнирге беш команда катышты. Алар: Казакстандын Нурсултан жана Алматы шаарлары, Өзбекстандын курама командасы жана Кыргызстандан эки команда болду. Мелдештин жыйынтыгында 1-орунду Казакстандын Нурсултан шаары алса, 2-орунду да Алматы шаарынын командасы илип кетти. Ал эми 3-орунду Өзбекстандын курама командасы ээлеп, кыргызстандык спортчулар байгелүү орунга илинбей калышты. Мелдешти Ош шаардык... Читать дальше...

Бул тууралуу "Азаттыкка" өкмөт аппаратынын маалымат менен камсыздоо бөлүмүнүн башчысы Толкун Камчыбекова билдирди. Ага ылайык, ушул тушта кыргыз-тажик чек арасындагы коогада мерт болгондорго жана жабыркагандарга төлөнүүчү кенемтенин көлөмүнө байланыштуу маселе  каралып жатат. 28-30-апрель күндөрү кыргыз-тажик чек арасындагы куралдуу жаңжалда набыт болгон кыргызстандыктардын саны 36га жетип, 183 киши жараат алды. Үй-жайын таштап, коопсуз жайга көчүрүлгөндөрдүн саны 58 миңге чамалады. Жүзгө жакын турак жай талкаланып, өрттөлдү. Читать дальше...

Активисттер, журналисттер эл аралык коомчулукту 28-29-30-апрелде болгон кыргыз-тажик чек арасындагы куралдуу кагылышка жана андан жабыркаган элдин абалына көңүл бурууга үндөп жатышат. 1-майда кыргыз өкмөтү бирдиктүү маалымат таратып туруу үчүн медиа штаб түздү. Баткенде абал курчуп турганда маалымат каражаттарында, социалдык медиада талкуу күчөдү. Басылмалардан тышкары социалдык тармактарда отургандар маалыматтарды чет тилдерге которуп, дүйнө коомчулугуна жеткирүүгө аракет жасашты. Кыргыз-тажик... Читать дальше...

Армениянын Улуттук жыйынында Никол Пашиняндын талапкерлигин премьер-министрликке шайлоо учурунда ага бир депутат "макул", үч депутат "каршы" добуш берди, ал эми 75 эл өкүлү такыр эле добуш берген эмес. Армениянын Конституциясына ылайык, мөөнөтүнөн мурун парламенттик шайлоо өткөрүү үчүн премьер-министрдин талапкерлиги үчүн Улуттук жыйындын депутаттары добуш берет. Буга чейин кызматтан кеткенин жарыялаган Никол Пашинян премьер-министрдин милдетин аткаруучу болуп калган. Анын талапкерлиги парламенттеги... Читать дальше...

Жарандык активист Өндүрүш Токтонасыров кырыз-тажик чек арасындагы кырдаалга эл аралык коомчулуктун көңүлүн буруу максатында пикетке чыкты. Ал 3-майда Бириккен Улуттар Уюмунун (БУУ) Бишкектеги өкүлчүлүгүнүн алдында акция өткөрүп, Кыргызстандын айылдарына Тажикстан кол салганы жазылган плакат көтөрүп турду. Токтонасыров окуядан бери бир жумадай убакыт өтсө да БУУ тарабынан реакция болбой жатканына нааразылык билдирди. Ал өтүнүчү жазылган катты БУУ өкүлчүлүгүнө тапшырып кетти. Ушундай эле пикетти... Читать дальше...

Бул тууралуу Жогорку Кеңештеги Эл аралык иштер, коргонуу жана коопсуздук комитетинин мүчөсү, депутат Абдувахап Нурбаев "Азаттыкка" билдирди. Аталган комитети бүгүн, 3-майда чек арадагы соңку кырдаалдан улам жабык жыйынга чогулду. "Биздин комитет эл аралык коомчулукка кайрылуунун долбоорун даярдаган. Бирок депутаттар аны эл аралык юристтер менен дагы иштеп чыгып, бир-эки жерин тактап, парламенттин кийинки отурумунда, парламенттин атынан чыгаралы деген сунуштап жатат. Ошонун үстүнөн кайрадан иштеп жатабыз. Читать дальше...

Коронавирус пандемиясы майыптагы бар адамдардын жашоосун да оорлотту. Кымбатчылык кыйнап жаткан учурда угуусу начар адамдар иш таппай кыйналууда. Программист болом деп баристага айланган Женя 24 жаштагы Женя Шабунин Бишкектеги "Ололо" борборунда кофекана иштетет. Анын кулагы начар угат. Маектешинин сөзүн оозунун кыймылынан окуп түшүнөт. Пандемия башталгандан бери беткап кийген маектештерин жакшы түшүнө албай жатканын айтты: "Беткап тагынып турганда түшүнүү кыйын. Айрым адамдар "кулагым жакшы укпайт" десем түшүнбөй... Читать дальше...

Тажик бийлиги Согд облусунун Бобожон Гафуров районундагы Сурх, Ворух, Чорку жана Овчи-Калъача айылдарындагы куралдуу чек ара чатагынан жабыркаган үйлөрдү карап чыгып, 14 турак-жай толук бузулуп, эки үй,  бир курулуш жарым-жартылай жабыркаганы аныкталганы кабарланды. Бул тууралуу Тажикстандын «Ховар» улуттук агенттиги Согд облусунун Өзгөчө кырдаалдар жана жарандык коргонуу башкармалыгына таянып билдирди. Мындан сырткары Овчи-Калъача кыштагындагы мектептин имараты жана андагы үйдүн имараты жабыркаганы кабарланды. Читать дальше...

Кыргызстандын Ички иштер министрлиги чек ара чатагында Көк-Таш айылындагы "Головнойдон" 25 адам каза болгонун билдирди. Маалыматка караганда, аларга минометтун огу жаңырган. Жарадарлар көп кан жоготуудан көз жумган. Ал эми жарадарларга бараткан "Тез жардам" унаасы "Головнойго" 300-400 метр жетпей жол четинде оодарылып жатат.

«Мехр-5» деген аталыштагы операциянын алкагында Сириядагы «Аль-Хол» качкындар лагеринен 93 адам Ташкентке алынып келди. Алардын 24ү - аялдар, 69у - балдар. Бул тууралуу “Дарё” интернет басылмасы жазды. Өзбекстандын бул бешинчи операциясы АКШнын жана башка өнөктөш өлкөлөрдүн жардамы менен ишке ашты. Аялдар менен балдар бул лагерде үч жылдан ашуун кармалганы кабарланды. Бул аялдардын күйөөлөрү Сириядагы согуштарда каза болгон. Балдардын жетөө тоголок жетим. 2019-жылдан бери «Мехр» деген операциянын алкагында Сириядан... Читать дальше...

Кыргыз-тажик чек арасындагы коогада Арка-2 айылында беш жашар бала көз жумган. Бул тууралуу Баткен облустук Ички иштер башкармалыгынын басма сөз катчысы Дамира Юсупова "Азаттыкка" билдирди: "29-апрелде Лейлек районунун Арка айылына тажик тараптан ок атыла баштаганда адамдар үйлөрүнөн качып чыгышкан. Ошол маалда 2016-жылы төрөлгөн Абидин Турсунбаев каналга түшүп кетип каза болгон". Баланын өлүмүнө байланыштуу жагдайды Лейлек райондук милициясы териштирүүдө. 28-30-апрель күндөрү кыргыз-тажик... Читать дальше...

Кыргыз-тажик чек арасындагы коогада жабыркаган аймактарга электр энергиясын жана суу жеткирүү көйгөйү жаралды. Бул тууралуу өкмөттүн Баткен облусундагы ыйгарым укуктуу өкүлү Өмүрбек Суваналиев 3-майда “Азаттыкка” берген кыскача маегинде билдирди. - Баткен облусунун аймагында кырдаал тынч. Айыл өкмөттөрдөн тартып, облустун деңгээлине чейин калыбына келтирүү иштери жүрүп жатат. Келген гуманитардык жардам  жер-жерлерге жеткирилүүдө. Калаба маалында 58 миңдей адам үй-жайын таштап качып чыгышкан. Алардын арасынан үйү талкаланбагандары... Читать дальше...

Тажикстандын Башкы прокуратурасы Кыргызстандын айрым аскер адамдарына жана жарандарына каршы кылмыш ишин ачты. Кошуна өлкө кыргызстандыктарды башка мамлекетке каршы куралдуу күч колдонгон деп айыптап,  кыргыз-тажик чек арасындагы окуяны "агрессия" деп мүнөздөдү. Тажик Башкы прокуратурасынын билдирүүсү расмий сайтында жарыяланды. 2-майда Кыргызстандын Ички иштер министрлиги кыргыз-тажик чек арасындагы чатак учурунда "Головной" тилкесинде минометтен атылган октон кыргызстандык 25 адам каза болгонун билдирип, тергөө башталганын маалымдаган. Читать дальше...