Новости за 28.12.2020

Азербайжан жикчил Тоолуу Карабак аймагындагы чабуулда бир жоокери окко учканын, экинчиси жарадар болгонун билдирди. Коргоо министрлиги 28-декабрда маалымдагандай, мурунку күнү «армениялык мыйзамсыз куралчан топ» Агдам айылында азербайжандык аскердик бөлүккө кол салган. Министрлик чабуул койгондордун бардыгы жок кылынганын кошумчалап, келечекте мындай аракеттерге каршы катуу чара көрүлөрүн эскертти. Расмий Ереван жана Тоолуу Карабактын де факто бийлиги билдирүүгө байланыштуу комментарий бере элек. Читать дальше...

Мектептин жоктугунан окуучулар мугалимдин үйүндө билим алып жаткан Жумгалдын Кең-Суу айылына мектеп курулмай болду. 28-декабрда Жогорку Кеңештин депутаты Марлен Маматалиев ушундай убада бергенин «Азаттыкка» ишкер, активист Нурсултан Кубанов билдирди: «Агай менен жолуктук. Салынбай турган мектептин курулушу бүтө турган болду. Мектеп техникалык жактан толук жабдылат. Балдарга компьютер сатылып алынат». 21-декабрда «Азаттыктын» «Данисте» телеберүүсүндө Нарын облусунун Жумгал районундагы Кең-Суу айылы тууралуу баяндалган. Читать дальше...

Февралда Ухандагы коронавирустун эпидемиясы тууралуу кабарлаган жарандык журналист Чжан Чжан соттолду.  Ал бейтаптарга толгон ооруканалардан, крематорийден тарткан видеороликтер интернетке кеңири тарап кеткен болчу.  37 жаштагы мурдагы юрист Шанхайдагы сот тарабынан төрт жылга абакка кесилгенин анын адвокаты маалымдады. Чжанга Ухандагы башаламандыкты айтып берип, «жаңжалдарга шыкакчы» болгон деген айып тагылды. Адвокаттын айтымында, соттолуучунун саламаттыгы камтама кылууда. Июнда ал камакта отурганда ачкачылык жарыялап... Читать дальше...

Орусия жана Өзбекстан Орусияда иштөөнү каалаган өзбек жарандарынын миграциялык процесстерин жөнөкөйлөштүргөн макулдашууга кол коюшту. Бул тууралуу өткөн аптанын соңунда өзбек тышкы мекемеси кабарлады. Документке Өзбекстандын сырткы эмгек миграциясы боюнча агенттиги менен Орусиянын Ички иштер министрлигине караштуу «Паспорт- виза сервис» мамлекеттик ишканасынын жана "Көп функционалдуу миграция борборунун" өкүлдөрү кол коюшту. Маалыматка караганда, эми Орусияда иштөөгө уруксат алуунун мөөнөтү кыскарып, тиешелүү кагаздарды алуу жеңилдемекчи. Читать дальше...

Президенттикке талапкер Садыр Жапаровдун «мектепте ыйман сабагын окутуш керек» деген пикирин талкуулап көрөлү.

Бул наамга "Ливерпулдун" чабуулчусу Мохаммед Салах, бразилиялык футболчу Роналдиньо жана "Барселонанын" капитаны Лионель Месси ат салышкан.

Коюу тумандан улам учактарды учуруу жана кабыл алуу иштери убактылуу токтогон Ош эл аралык аэропорту кайрадан штаттык режимде иштей баштады. «Манас» эл аралык аэропортунун басма сөз катчысы Алия Курбанова Ошто аба майдандын аймагында туман тарап, аба ырайы турукташып калганын билдирди. 28-декабрда эртең менен коюу туманга байланыштуу аэропортко коно турган жана уча турган бир нече авиакаттамдар кармалган. Учуу жана конуу түштөн кийин калыбына келди. (NT)

Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы кыргыз-казак чек арасындагы «Ак Тилек» көзөмөл-өткөрмө бекетинде иштеген жол инспекторлорун жана алардын жетекчисин колго түшүрдү. Бул тууралуу 28-декабрда УКМКнын басма сөз кызматы кабарлады. Мекеменин маалыматына караганда, 25-декабрда Чүй облусунун ички иштер башкы башкармалыгынын Жол коопсуздугун уюштуруу бөлүмүнүн башчысы Шайырбек Бопонов, 24-декабрда анын кол астында иштеген үч инспектор кармалды. Атайын... Читать дальше...

ЕККУнун Демократиялык институттар жана адам укуктары боюнча кеңсесинин байкоочулар миссиясы Кыргызстандагы президенттик шайлоо өнөктүгүнө байланыштуу орто аралыктагы баяндамасын жарыялады. Анын чоо-жайы тууралуу суроолорго миссиянын жетекчиси Тамаш Месерич жооп берди.

Якутиялык легионер Дүйнө кубогунда байгелүү орунга жетишкен. Ал азербайжандык Жамаладдин Магомедовду 11:0 эсебинде утуп, коло медалга татыган.

Кыргызстан өз тарыхында биринчи жолу дүйнөлүк масштабдагы эпидемия менен күрөшүүдө. Түмөндөгөн адамдарга оору жугуп, миңдеген адамдар каза тапты. Жалпы карантин, жабык чек аралар, бейтаптарга орун жетпей кыйналган ооруканалар менен стационарларга айланган мектеп, кафелер...

Кыргызстанда коронавирус жугузуп алып ооруканаларда дарыланып жаткан 1265 кишинин 65инин абалы өтө оор. 346 бейтаптын абалы оор, 831и орто, 23 кишинин ден соолугу канааттандырарлык деп бааланууда. Бул тууралуу Коронавируска каршы күрөш боюнча республикалык штаб 28-декабрда билдирди. Маалыматка караганда, учурда вирус жугузуп алганы расмий аныкталган 1960 бейтап үй шартында дарыланып жатат. Саламаттык сактоо министрлигинин жаңы эсеби боюнча Кыргызстанда коронавирус пандемиясы башталган март... Читать дальше...

Кыргызстандык спортчу, алгачкы жолу октагонго чыккан мушкер Султанбек Парпибаев кызыктуу таймаш көрсөтөм деген ой менен көрүүчүлөрдү күлкүгө салды.

Кыргыз Эл артисти Султан Каримовдун дарылануусуна каражат чогултуу үчүн атайын эсеп ачылды. Ырчы абалы быйыл июнда оорлогонун «Азаттыкка» 28-декабрда айтып берди: «2015-жылдан бери кант диабети, панкреатит болчу. Эми бөйрөгүм пиелонефрит болуп... Инсулин алчу эмесмин. Дарысын иччүмүн, нормалдуу эле болчу. Быйыл июнда кант көбөйүп кетип, аябай оор абалда калдым». Каримовду Түркиядан дарылатууга 30 миң доллар талап кылынып жатканы, анын Улуттук филармониядагы айлык маянасы 13 миң сом экени белгилүү болду. Читать дальше...

«Биримдик» саясий партиясынын лидери Марат Аманкулов партия мүчөлүгүнөн баш тартып, лидерликтен да кетти. Бул тууралуу ал Жогорку Кеңештин депутаты Дастан Бекешевдин «Telegram» каналындагы кыска маегинде 27-декабрда билдирди:  «Ооба, бул чындык. Мен төрагалык кызматтан кетип, партиядан чыктым. Азыр эч бир партияда мүчө эмесмин. Эч бир партияга азырынча кирбейм». Ошону менен катар Аманкулов Бекешевдин кийинки шайлоого катышуу тууралуу суроосуна жооп берип, «шайлоо да менин пландарыма кирбейт»... Читать дальше...

Өкмөткө караштуу Айлана-чөйрөнү коргоо жана токой чарба агенттигинин кызматкерлери директор Динара Кутманованын кызматтан кетишин талап кылышууда. Алар 28-декабрда эртең менен мекеменин алдына чогулушуп, директорду Эмгек кодексин бузуп, мыйзамсыз иштерди жасап жатат» деп сындап чыгышты. Нааразы тарап Кутманова боюнча бийликке кайрылуу жибергенин жана мөөнөтсүз нааразылык акциясын баштаганын да билдирди. Агенттиктин директору Динара Кутманова "Азаттыкка" комментарийинде нааразылык акциясын тармакты... Читать дальше...

Борбордук шайлоо комиссиясы (БШК) президенттикке талапкер Садыр Жапаровдун ыйгарым укуктуу өкүлү Александр Мощиндин арызы боюнча укук тартибин коргоо органдарына кайрылды. Бул тууралуу 28-декабрда “Азаттык” радиосуна БШК мүчөсү Абдыжапар Бекматов билдирди: “Өзүбүз тактаганга мүмкүнчүлүк болбогондуктан, биз укук коргоо органдарына кайрылганбыз. Ички иштер министрлигине (ИИМ) кат жөнөткөнбүз”. Премьер-министрлик кызматты убактылуу тапшырып берип, азыр президенттикке ат салышып жаткан Жапаровдун өкүлү Боршайкомго 23-декабрда кайрылып... Читать дальше...

COVID-19га каршы күрөш боюнча республикалык штабдын 28-декабрдагы маалыматына караганда, соңку бир сутка ичинде вирус Бишкек шаарында дагы бир кишинин өмүрүн алды. Бир күндө вирус дагы 162 кишиден жаңы аныкталды. Марттан бери илдет жугузуп алгандардын расмий эсеби 80 535 адамды түздү. Анын 75 057си сакайганы айтылды. Бир күндө 237 адам ооруканалардан айыгып чыкты. Кыргызстанда пневмонияны козгой турган коронавирус аныкталган март айынан бери илдеттен кайтыш болгондордун саны Саламаттык сактоо... Читать дальше...

Премьер-министрдин милдетин аткаруучу Артем Новиков эскиче адат менен иш алып барган мамлекеттик жетекчилерге чара көрүлөрүн эскертти. Бирок бардык талапкерлерге бирдей шарт түзүлбөй, административдик ресурс тымызын түрдө бир талапкердин пайдасына жүрүп жатканы боюнча маалыматтар бар экени айтылды. Садыр Жапаровдун шайлоо штабынан муну жалаа катары кабыл алып, алардын үгүт өнөктүгү мыйзам чегинде жүрүп жатканын белгилешти.​ Өкмөттүн кезектеги убадасы Премьер-министрдин милдетин аткаруучу Артем... Читать дальше...

Евробиримдик коронавируска каршы эмдөөнү жекшембиде расмий баштады. Эксперттердин белгилешинче, калктын 70% эмделгенден кийин жамааттык иммунитет пайда болот. БУУ жакыр өлкөлөрдү вакцина менен камсыздоо маселесин көтөрдү.

Борбордук шайлоо комиссиясы (БШК) 25-декабрга карата президенттикке талапкерлердин шайлоо фондуна түшкөн каражат тууралуу маалымат берди. Ага ылайык, 18 талапкердин фондуна жалпысынан 104 463 444 сом которулуп, анын 94 640 746 сому коротулду. Президенттикке талапкерлердин ичинен эң көп каражат Садыр Жапаровдун шайлоо фондуна чогулду - 51 млн. 461 миң сом. Ал бул акчанын 50 млн. 439 миң 859 сомун чыгымдады.   Бабыржан Төлбаевдин банктык эсебине 14 млн. 224 миң 572 сом которулуп, 9 млн. 264 миң 488 сому шайлоо иштерине коротулду. Читать дальше...

Баш мыйзамдын долбоорунун биринчи вариантын Конституциялык кеңешменин мүчөлөрү секцияларда талкуулап жатат. Бул тууралуу кеңешменин төрагасы Бекбосун Бөрүбашев «Азаттык» радиосунун суроолоруна жооп берип жатып билдирди. Анын айтымында, Конституциялык кеңешме азыр юрист жана лингвист адистерден турган эксперттик топ менен да иштешүүдө. «115 берененин барын жалпы жыйынга алып чыкканда өтө татаал болот экен. Ал жердеги 100гө жакын киши бири-биринин сөзүн укпайт. Ошондуктан биз биринчи вариантты секцияларга чыгарып атабыз. Читать дальше...

Коомдук телерадиоберүү корпорациясында (КТРК) 28-декабрда президенттикке талапкерлердин биринчи теледебаты болот. Бул күнү талапкерлер Канатбек Исаев, Клара Сооронкулова, Адахан Мадумаров, Аймен Касенов, Бактыбек Калмаматов жана Каныбек Иманалиев (саат 20:00дөн 22:30га чейин) телетаймашка чыгат. Калган 12 талапкер 29-30-декабрь күндөрү КТРКдагы дебатка катышат. Кыргызстанда кезексиз президенттик шайлоо 10-январда өтөт. 18 талапкер 15-декабрдан бери үгүт иштерин жүргүзүп жатат. (BTo)

Европа Биримдигинин (ЕБ) курамныдагы өлкөлөрдө жекшемби күндөн тартып коронавируска каршы калкты «Pfizer» жана «BioNTech» компанияларынын вакцинасы менен жапырт эмдөө башталды. «Интерфакс» агенттигинин маалыматына караганда, эмдөөдө тобокелдик тобуна кирген жарандарга, анын ичинде улгайган адамдарга артыкчылык берилет. Германия, Франция, Австрия, Италия, Испания жана Болгария эмдөө иштерин жекшемби күндөрү баштаса, Белгия менен Люксембургда 28-декабрда, Нидерландда 8-январда башталганы жатат. ... Читать дальше...

Дүйнөдөгү шаарларда абанын булгануу деңгээлин күнү-түнү аныктап турган «AirVisual» тиркемесинде Бишкек кайрадан алдыңкы сапка чыкты. Кыргызстандын баш калаасынын абасы 28-декабрга карата эң көп булганып, ондогон шаарлардын арасында биринчи орунда турат. Экинчи сапта Бангладештин Дакка шаары, андан ары Чэнду (Кытай), Индиянын Калькутта шаары жана башка калаалар бар. 2019-жылдын ноябрь айында да Бишкек дүйнөдөгү абасы эң булганыч шаардын бири аталган. Айлана-чөйрөнүн абалын шаарларга орнотулган «Airnow» жабдуусу аныктайт. Читать дальше...