Новости за 26.10.2020

4-октябрдагы шайлоого байланыштуу Жазык кодексинин «Шалаакылык» беренеси боюнча козголгон ишти аягына чыгарып, андайга кайсы органдар жол бергенин так аныктоо зарыл. Мындай пикирин бүгүн, 26-октябрда Бишкекте өткөн брифингде юрист Айжан Орозакунова билдирди. Орозакунова азыркы тапта тергөө иштери Борбордук шайлоо комиссиясына (БШК) карата гана жүрүп жатканын туура эмес деп эсептейт. Ал шайлоо өнөктүгүнө катышкан башка да тараптардын жоопкерчилигин кароо зарыл экенин белгиледи: «Териштирүү добуш сатып алуу болгону... Читать дальше...

Президенттин милдетин аткарып жаткан премьер-министр Садыр Жапаров 26-октябрда Мамлекеттик чек ара кызматынын төрагасы Уларбек Шаршеевди кабыл алып, кыргыз-тажик чек арасындагы кырдаалды турукташтыруу маселесин талкуулады. Бул тууралуу президентке караштуу president.kg сайты жазып чыкты. Маалыматка караганда, Шаршеев Баткен районунун Үч-Дөбө айылындагы 25-октябрдагы окуя тууралуу кабар берди. Анын маалыматы боюнча, Тажикстандын жарандары чек аранын талаштуу тилкесине суу түтүктөрүн орното баштаган. Читать дальше...

21-22-октябрда Жогорку Кеңеш Баш мыйзамды өзгөртүүгө жол ачкан мыйзам долбоорду кызыл чеке талаш менен талкуулап, кабыл алды. Жыйынга катышкан 80ден ашык депутаттын көпчүлүгү мыйзам долбоорун колдоп беришти. Каршы болгон айрым эл өкүлдөрү парламенттин чечимин Конституцияга каршы аракет катары баалап жатышат.

Парламенттик кайра шайлоону жана мөөнөтүнөн мурда президенттик шайлоону өз маалында эмес, Конституцияны өзгөрткөндөн кийин өткөрүү тууралуу мыйзамдын юридикалык күчү жок, анткени ал Баш мыйзамды одоно бузуу менен кабыл алынды. Бул тууралуу бүгүн 26-октябрда Бишкекте Көз каранды эмес юристтер тобу уюштурган брифингде айтылды. «Адилет» укуктук клиникасынын өкүлү Искендер Какеев Конституция боюнча Жогорку Кеңештин мөөнөтү беш гана жыл экенин, жаңы курамын шайлоону башка убакытка которууга уруксат жок экенин айтты. Читать дальше...

Бишкек мэриясынын алдында 26-октябрда кишилер тобу чогулду. Алар мэрдин милдетин аткарып жаткан биринчи вице-мэр Нариман Түлеевдин кызматтан кетишин талап кылып жатышат. Чогулгандар президенттин милдетин аткарып жаткан премьер-министр Садыр Жапаровдон Түлеевди кызматтан алууну талап кылышты. Алар «Кызматка Нариман Түлеевден башка, таза адам келсин!», «Түлеев кетсин!» деп кыйкырып турушат. Окуяны чагылдырып жүргөн журналисттер чогулгандар мэриянын имаратына кирүүгө аракеттенип, бирок милиция кызматкерлери ага жол бербегенин кабарлашты. Читать дальше...

Кыргызстанда парламенттик шайлоодон кийин түзүлгөн саясий кырдаал өлкө алдында укуктук бир топ кооптуу жагдайларды жаратууда. Бул тууралуу 26-октябрда Бишкекте өткөн брифингде өзүлөрүн «Көз каранды эмес юристтер бирикмеси» деп тааныштырган жаш юристтер тобу билдиришти. Топтун курамына «Адилет» укуктук клиникасынан Искендер Какеев, «Прецедент» коомдук бирикмесинен Бекболот Касаболотов, конституциялык укук боюнча эксперт Сания Токтогазиева, юрист жана адвокат Айжан Орозакунова, көз каранды эмес юрист Таттыбүбү Эргешбаева кирди. Читать дальше...

Ильястын "Сипар" клубу ордо калаанын "Соро компания" командасын утуп, өз тарыхында алгачкы жолу өлкө чемпиону болууга жетишти.

Бишкек шаардык мэриясынын 26-октябрдагы маалыматына караганда, учурда мэрдин милдетин Нариман Түлеев аткарып жатат. Мекеме биринчи вице-мэр Нариман Түлеев мыйзамдын негизинде мэрдин милдетин аткарып жатканын билдирди. Аны «Баш калаанын макамы жөнүндө» мыйзамга таянуу менен кызматтан кеткен мурдагы мэр Азиз Суракматов 21-октябрда кызматка дайындап кеткенин эске салды. Түлеевдин кызматтан бошотуу тууралуу арызы үч күн ичинде каралышы керек болчу. «Бирок ал каралбагандыктан, Нариман Түлеев биринчи... Читать дальше...

Жалал-Абадда коронавирус жуктуруп алган бейтаптар үчүн кычкылтек баллондору жетишпей жатат. Облустук оорукананын жугуштуу оорулар бөлүмүндө бейтаптардын жакындары өз акчасына кычкылтек баллонун сатып келип, ыктыярчылардын көмөгү менен аны орнотуп жатышат.

Сейсмология институтунун маалыматына караганда, 25-октябрь күнү саат 23:33тө Ош облусунда күчү төрт баллга жеткен жер титирөө катталган. Жер титирөө Алай районунун Эркечтам аймагында 2,5 балл, Нура айылында үч баллга чейин сезилген. Жер титирөөдөн эч ким жабыркап, эч нерсе кыйраган жок. Буга чейин 22-октябрь күнү да ушул эле аймакта күчү үч баллга жеткен жер титирөө болгон. (DU)

20-декабрга белгиленген парламенттик кайра шайлоого катышуу ниетин билдирген партиялардын арасында 4-октябрдагы шайлоодо биринчи орундарга чыккан эки партия жок. Борбордук шайлоо комиссиясынын (БШК) маалыматына караганда, кайра шайлоого катышууну каалагандардан маалымдама кабыл алуу мөөнөтү 24-октябрда аяктады. Жалпысынан 48 партиядан маалымдама түштү, алардын арасында 4-октябрдагы шайлоодо алдыга чыкканы айтылган «Биримдик» жана «Мекеним Кыргызстан» жок. 4-октябрда Кыргызстанда кезектеги парламенттик шайлоо өткөн. Читать дальше...

Коронавируска каршы күрөш боюнча республикалык штабдын 26-октябрдагы маалыматына караганда, соңку бир сутка ичинде коронавирус дагы 420 кишиден жаңы аныкталды. Марттан бери вирус жугузуп алгандардын расмий эсеби 56 170 адамды түздү. Анын 47 843ү сакайганы айтылды. Бир күндө 227 адам ооруканалардан айыгып чыкты. Кыргызстанда пневмонияны козгой турган коронавирус аныкталган март айынан бери илдеттен кайтыш болгондордун саны Саламаттык сактоо министрлигинин жаңы эсеби боюнча 1134 кишиге жетти. ... Читать дальше...

Араван районуна караштуу Юсупова айыл аймагында милиция кызматкерине кол көтөргөн жаран 24-октябрь күнү кармалып, убактылуу кармоочу жайга киргизилген. Бул туурасында Ош облустук ички иштер башкармалыгынын басма сөз кызматы кабарлады. Ош ОИИБнын маалыматына караганда 23-октябрь күнү райондук күзөт бөлүмчөсүндө кызмат өтөгөн милиция кызматкери үйүнө бараткан учурда мурун эки ирет «Ээнбаштык» беренеси менен соттолгон жаран ага кол көтөргөн. Ал милицияны оозго алсыз сөздөр менен сөгүп, бетине жана мойнуна коюп жиберген. Читать дальше...

Кыргыз-тажик чек арасында жекшемби күнү чыр чыккан айылда бүгүн абал туруктуу. Бул тууралуу бүгүн, 26-октябрда Кыргызстандын Мамлекеттик чек ара кызматы кабарлады. Мекеменин маалыматына караганда, Баткен облусунун Баткен районунун Үч-Дөбө жерлигинде катталган чыр күчөп кетпеши үчүн жана кырдаалды турукташтыруу максатында ал жакка Мамлекеттик чек ара кызматынын төрагасынын биринчи орун басары Абдикарим Алимбаев барды. Ал күч түзүмдөрүнүн ишин координациялайт. Буга чейин өкмөттүн Баткен облусундагы... Читать дальше...

Борбордук шайлоо комиссиясы (БШК) парламенттик кайра шайлоо өткөрүү тууралуу чечимин жокко чыгарган соттун токтомуна каршы арызданат. Бул тууралуу 26-октябрда «Азаттыкка» Боршайкомдун басма сөз катчысы Руслан Изреков билдирди. Быйыл 4-октябрда Кыргызстанда кезектеги парламенттик шайлоо өтүп, нааразылык акцияларынан кийин, 9-октябрда Боршайком анын баштапкы жыйынтыгын жокко чыгарган. Шайлоо ыплас өткөнүн билдирип чыккандардын митинги башаламандыкка айланып, 6-октябрда өлкөдө бийлик алмашкан. БШК... Читать дальше...

Алдын ала маалыматтар боюнча, Жастин Гэтжиге россиялык спортчу менен беттешкени үчүн 440 миң доллар төлөнгөн.

«Манас» эл аралык аэропортунун кызматкерлери жаңы жетекчи Бактыбек Сыдыковду «эски кадр» катары сыпаттап, анын дайындалышына каршылык көрсөтүүдө. Мындан тышкары Сыдыковдун аэропорт менен байланыштуу бизнеси бар экени да айтылып жатат. «Манас» мамлекеттик ачык акционердик коомуна Бишкек, Ош, Каракол, Баткен шаарларындагы жана Ысык-Көлдүн Тамчы айылындагы беш эл аралык жана жер-жерлердеги алты аймактык аэропорт кирет. Жаңы бийлик «Манаска» эски адамды алып келди 2015-жылы «Республика - Ата Журт»... Читать дальше...

Украинада 25-октябрда жергиликтүү кеңештерге шайлоо өттү. Добуш берүү президент Владимир Зеленскийдин, анын "Эл кызматчысы" партиясынын рейтинги төмөндөп жаткан маалга туш келди.

Өлкөдө бойдон алдырууга дээрлик тыюу салган чечимге каршы нааразылык акциялары бир нече күндөн бери уланып жатат. Жекшембиде ар кайсы шаарларда адамдар католик храмдардын жанына чогулуп, нааразылыгын билдиришти. Познанда ондогон адамдар чокунуу маалында храмдын жанына чогулуп, «Католик аялдардын да абортко укугу бар» деген жазуусу бар плакаттарды кармап турушту. Лодзиде храмдын жанындагы митингге эки миңдей киши катышты. Айрым шаарларда Конституциялык соттун чечимине каршы сөздөрдү храмдардын дубалдарына жазып кетишти. Читать дальше...

Ли Гон Хи Сеул шаарында 78 жашында дүйнөдөн кайтты. Анын өлүмүнүн себеби ачык айтылган жок. Айрым маалыматтарга ылайык, ал алты жыл мурда жүрөгү кармап, ошондон кийин корпорация башчылыгын уулуна өткөрүп берген. Ли Гон Хи Түштүк Кореядагы байлардын бири болгон. «Forbes» журналы анын байлыгын 21 миллиард долларга баалаган. Ал «Samsung» корпорациясын 1987-жылдан бери жетектеп, кыска убакытта арзан товар чыгарган компанияны дүйнөдөгү электроника жана компьютердик техника чыгарган лидер ишканалардын катарына кошту. Читать дальше...

Алыкул Осмонов атындагы улуттук китепканада коомдук саясий, мамлекеттик ишмер Исхак Раззаковдун 110 жылдыгына карата илимий конференция жана «Алтынды дат баспайт» аттуу китеп-сүрөт көргөзмөсү уюштурулду. Көргөзмө «Улут сыймыгы», «Элине өтөгөн эмгек», «Эскерүүлөр» аттуу үч бөлүктөн турду. Анда И. Раззаков жөнүндөгү китептер, гезит-журналдардагы макалалар, фотодокументтер жайгаштырылды. Мындан тышкары Исхак Раззаковдун 110 жылдыгына карата Сооронбай Жусуевдин «Исхак» поэмасын Султан Ибраимов атындагы Ош улуттук драма театры... Читать дальше...

Президенттин милдетин аткаруучу, премьер-министр Садыр Жапаров 25-октябрда Кочкор районуна жумушчу сапары менен барган учурда инвесторлорго ыңгайлуу шарт түзүүгө убада берди. Сапар учурунда Садыр Жапаров райондогу Мантыш айылында курулуп жаткан социалдык айылдын курулушунун пайдубалын түптөөгө катышты. Жапаров курулуштун долбоору менен таанышып, аны каржылап жаткан Катар өкмөтүнүн өкүлдөрү менен баарлашты. «Мен курулуш тармагындагы кыйынчылыктарды өтө жакшы билем. Жетекчилер бюрократия жаратып, акча үмүт этип, жарым жылдап созуп жүрө беришет.

Бул тууралуу өкмөттүн Баткен облусундагы өкүлчүлүгүнүн басма сөз кызматы кабарлады. Маалыматта жазылгандай, 25-октябрда облустун Тажикстан менен чектеш жайгашкан Үч-Дөбө айылынын аймагында болгон окуяга байланыштуу эки тараптын жергиликтүү бийлик өкүлдөрү жолугуп, сүйлөштү. Кыргызстан тараптан өкмөттүн Баткен облусундагы өкүлүнүн аппаратынын укук тартип, коопсуздук жана өзгөчө кырдаал бөлүмүнүн башчысы Мусурманбек Турсуматов, Баткен районунун акиминин орун басары А. Набиев, Тажик Республикасынын... Читать дальше...

Тоолуу Карабактагы согуш жүрүп жаткан аймакта дүйшөмбүдөн тартып элдешүү келишими күчүнө кирет. Бул маалымат АКШ, Азербайжан жана Армения биргелешип тараткан билдирүүдө жазылган. Өткөн аптада АКШнын мамкатчысы Майк Помпео Азербайжандын жана Армениянын тышкы иштер министрлери менен сүйлөшкөн. Вашингтондогу жолугушууда Армениянын тышкы иштер министри сүйлөшүүлөргө Түркиянын кандай формада болбосун аралашуусуна каршылыгын билдирди. Ал Стамбулдун Бакуну колдоп жатышы - маселенин олуттуу бөлүгү экенин белгиледи. Читать дальше...