Новости за 19.05.2020

19-май күнү Өзгөчө кырдаалдар министрлигинин (ӨКМ) Ош шаардык башкармалыгынын өздүк курамынан №1 үй-бүлөлүк медициналык борборунун кызматкерлери коронавирус илдетине тестке анализ алышты. Жыйынтыгында кызматкерлердин арасынан вирус табылган жок. Бул тууралуу мекеменин басма сөз кызматы маалымдады. Кыргызстанда жалпысынан күч түзүмдөрүнүн 70ке жакын кызматкери коронавирус илдетин жугузрган, алардын басымдуу бөлүгү милиция кызматкерлери. (TSh)

Бишкек мэриясынын Санитардык-экологиялык инспекциясы өзгөчө кырдаал шартын аткарбагандарды аныктоо максатында рейд жүргүзүп жатканын маалымдады. 19-май түнү Ленин районунун ыкчам тобу "Кара-Суу" чайканасы иштеп жатканын аныктаган. Мэриянын маалыматына ылайык, чайкананын бардык бөлмөлөрү эс алуучуларга толуп, кызматкерлер толук курамда иштеп жатышкан. Кафенин ээси Конгантиева тааныштарын тосуп жатканын айтып түшүндүргөн. Факт Тартип бузуу кодексинин 293-беренеси  ("Аткаруу тартибинин чечимин бузуу... Читать дальше...

Тажикстандын Саламаттык сактоо министрлигинин 19-майдагы маалыматына ылайык, өлкөдө соңку бир сутка ичинде 207 адам коронавирус жугузуп алганы ырасталды. Натыйжада өпкөнү сезгенткен илдетке чалдыккандардын жалпы саны 1936 кишиге жетти. Соңку 24 сааттын ичинде COVID-19 илдетинен кайтыш болгондор катталган жок. Бирок тажик бийлиги коронавирус бар экенин ырастагандан берки 20 күндүн ичинде 41 киши бул илдеттен кайтыш болду.  Тажикстан Борбор Азия өлкөлөрүнүн ичинен жаңы коронавирустан өлгөндөрдүн саны боюнча биринчи орунда турат. Читать дальше...

Казакстандык белгилүү укук коргоочу Айман Умарова автоунаасы өрттөнүп кеткенин кесиптик ишмердиги менен байланыштырды. Ал кимдир-бирөөлөр ага залал келтирүүнү көздөгөнүн «Азаттыктын» казак кызматына билдирди.  Анын айтымында, окуя 18-май күнү кечинде Алматыдагы Ал-Фараби проспектисинде болгон. Укук коргоочу автоунаасын айдап баратканда тормозу иштебей калган.  «Муну кесибим менен байланыштырам. Акырын келе жатып, тормозду бассам, иштебей калды. Кабатырлана баштадым. Бурулуп чыгайынбы же секирип... Читать дальше...

Ош шаарындагы борбордук көчөлөрдүн биринде милиция кызматкерлери менен айдоочунун ортосундагы келишпестик тартылган видео 16-май күнү Интернет булактарына чыкты.

Өлкө боюнча саламаттык сактоо системасында 649 жасалма дем алдыруучу аппарат бар. Алардын 479у иштейт. Бул тууралууу биринчи вице-премьер-министр Кубатбек Боронов 19-майдагы басма сөз жыйынында билдирди. Бороновдун айтымында, 134 аппаратты оңдосо болору аныкталган. Анын ичинен учурда 41 аппарат оңдолуп, ишке берилди. Ал эми 77 аппараттын эскилиги жетип, жарактан чыккан. «Учурда аппараттарды оңдоого тапшырма берилди. 93 аппарат учурда оңдолуп жатат», - деди Боронов. Бул аппараттардын сырткары сегиз аппарат гуманитардык жардам катары келди. Читать дальше...

Бириккен Улуттар Уюму (БУУ) Ооганстанда куралдуу чабуулдардан мерт болгон адамдар көбөйгөнүн билдирип, бардык тараптарды зордук-зомбулукту токтотууга чакырды. Уюмдун Ооганстандагы миссиясы мындай мазмундагы билдирүүсүн 19-майда таратты. Анда Ооганстанда адам өлүмүнүн көбөйүшүнө «Талибан» кыймылынын чабуулдары да, ооган күчтөрүнүн операциялары да себеп болуп жатканы белгиленген. Маалыматка ылайык, өткөн айда талибдердин чабуулдарынан 208 жайкын тургун, ооган күчтөрүнүн операцияларынан 172 катардагы адам каза тапкан. Читать дальше...

Бишкектин четиндеги «Семетей» обсерваторунан чыккан 541 кишинин 51и Талас облусунун тургундары болгон. 51 адам Талас облусуна келери менен Талды-Булак постунан обсервацияга алынды. Бул тууралуу өкмөттүн Таластагы ыйгарым укуктуу өкүлчүлүгүн басма сөз кызматкери Бакай Абдымалик «Азаттыкка» маалымдады. Анын айтымында, алардын колунда буга чейин эки жолу ПЧР-анализ алынып, «таза» деген маалымдамасы болгон. Бирок коопсуздук үчүн Кара-Буура жана Бакай-Ата райондорунда уюштурулган обсервацияларга жайгаштырылды. Читать дальше...

Билим берүү жана илим министрлиги жогорку (ЖОЖ) жана орто окуу жайларында дипломдук иштерди жактоо жана мамлекеттик экзамендерди өткөрүү боюнча буйрук чыгарды. Ага ылайык, бардык экзамендер онлайн түрүндө өткөрүлөт. Бул тууралуу министрликтин басма сөз кызматы маалымдады. Бирок маданият, искусство, дене тарбия, спорт адистиктери жана Ички иштер министрлигинин академиясынын бүтүрүүчүлөрү окуу жайына келип мамлекеттик экзамен тапшырат. Ал студенттер атайын жадыбалдын негизинде санитардык талаптар менен экзамен тапшырышы керек. Читать дальше...

Парламентке өтүүнүн босого чегин тогуздан беш пайызга түшүрүп, шайлоо күрөөсүн бир млн. сомго азайтуу боюнча мыйзам долбоору Жогорку Кеңештин тармактык комитетинен колдоо тапкан жок.

2010-жылдагы июнь окуяларына айыпталып өмүр бою түрмөгө кесилген укук коргоочу Азимжан Аскаровдун кыргыз өкмөтүнө карата жазган доо арызы 1-июнда Биринчи май райондук сотунда каралмай болду. Бул тууралуу анын жактоочусу Валерьян Вахитов «Азаттыкка» маалымдады. Анын айтымында, Бишкектин район аралык соту жоюлуп кеткендиктен андагы иштерди райондук соттор карап жатат. Аскаров «кыргыз өкмөтү Бириккен Улуттар Уюмунун сунуштарын эске албай жатат» деп Бишкектин район аралык сотуна арызданган. Сот 11-майга белгиленип... Читать дальше...

Республикалык штабдын маалыматына ылайык, 18-майда Нарын облустук бириккен ооруканасына COVID-19 диагнозу менен Нарын шаарынын биринчи вице-мэри Давид Курманов жаткырылды. Дарыгерлер анын абалын канааттандырарлык деп айтышууда. Саламаттык сактоо министринин орун басары Мадемин Каратаев Нарын облусунун тургундарына кайрылып, максатсыз көчөгө чыкпоону суранды.  Нарын облусу боюнча коронавирус менен ооруган 194 киши бар. Облус боюнча обсервацияда 126 адам турат, анын ичинен 42си медкызматкер. Коронавирус... Читать дальше...

Башкы прокурор Өткүрбек Жамшитов 19-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитетинде 2019-жыл ичинде аткарылган иштер жөнүндө отчёт берип жатып бир катар чуулгандуу иштер боюнча шектүүлөр тергөө менен кызматташууга макул болгонун кабарлады. Жыйында депутат Руслан Чойбеков: «Кайсы кылмыш иштери боюнча канча киши тергөө менен кызматташып жатат?» деп суроо узатты.  Башкы прокурор кримтөбөл Азиз Батукаевдин мыйзамсыз бошотулушу... Читать дальше...

Мурдагы президент Алмазбек Атамбаевдин жактоочусу Замир Жоошев Kaktus.media агенттигинин журналисттерине «Альфанын» 53 кызматкеринин көрсөтмөсүн берген.

Орусияда өндүрүш жайлары менен курулушта иш жанданып, мигранттардын айрымдары ишке чыгышты. Мигрант мекендештерин иш менен камсыздаган тажикстандыктар. Ирландияда карантинде отурган улгайган адамдарга дрондор азык-түлүк, дары-дармек жеткирип жатышат.

Орусияда COVID-19 илдети Москва, Ленинград облустарынан кийин эле Дагестанда тез жайылууда. АКШ президенти Дүйнөлүк саламаттык сактоо уюмуна эскертүү берип, 30 күндө ишин жакшыртпаса каржылоону такыр токтоторун билдирди. Украинада Курман айт жана Орозо айт мамлекеттик диний майрам катары расмий белгилене баштайт.

Коронавируска каршы күрөш боюнча Ысык-Көл облусунун ыкчам штабы Жети-Өгүз районунун акими - райондук ыкчам штабдын башчысы Мурат Раматов менен анын биринчи орун басары Улан Далиевдин обсервация жайын даярдоо боюнча иш-аракеттерин канааттандырарлык эмес деп тапты. Ошондой эле райондук жалпы дарыгерлер практикалык борборунун башчысы Канат Жумадыловдун ишти уюштурууда кетирген каталарына баа берүүнү Саламаттык сактоо министрлигине сунуш кылды. Облустун Жети-Өгүз районунун тургундарынын нааразылык акциясынан... Читать дальше...

Мамлекет башчы Сооронбай Жээнбеков Евразия Экономикалык Биримдигинин ичиндеги (ЕАЭБ) тоскоолдуктар алынбаса сотко кайрылуу мүмкүнчүлүгүн караштыруу маселесин көтөрдү. Бул тууралуу ал 19-майда уюмдун курамындагы мамлекеттердин онлайн жолугушуусунда айтты. Президенттин басма сөз кызматы тараткан маалыматта «Евразия экономикалык комиссиясынын (ЕЭК) тоскоолдуктарды жоюу боюнча чечимдерин кээ бир мүчө мамлекеттер толук аткарбай жатканын белгилөө менен, мамлекет башчы ЕЭК Коллегиясына тоскоолдуктарды... Читать дальше...

Айгүл Бекбаева кесиби боюча модельер. Төрт баласын жалгыз багып жаткан эне ушул тапта үйүнөн буюртма алып, аны велосипед менен кардарларына жеткирип жатат. Айгүл Бекбаева карантинде өзгөчө тигүү тармагында иштеген кыз-келиндерге оор болгонун айтууда.

АКШнын президенти Дональд Трамп Дүйнөлүк саламаттык сактоо уюму (ДССУ) 30 күндүн ичинде ишин жакшыртууга милдеттенме албаса, бул уюмду каржылоону тыптыйпыл токтотуп коёрун эскертти.

Өзбекстандын Тышкы иштер министрлиги мамлекеттик органдарды иш кагаздарын жалаң өзбек тилинде жүргүзүүгө милдеттендире турган мыйзам долбоору боюнча Орусияда айтылган пикирлерге жооп кайтарды. «Мамлекеттик тил тармагын көзөмөлдөөгө байланышкан маселелер мамлекеттин ички саясатынын өзгөчө укугу болуп эсептелет жана сырттан кийлигишүүгө жол берилбейт», - деп жазылган билдирүүдө. Өткөн жумада Орусиянын Тышкы иштер министрлигинин расмий өкүлү Мария Захарова Өзбекстандагы бул мыйзам долбоорунун тарапташтары «азчылыкты түзөрүн» билдирген. Читать дальше...

Былтыр зордуктоо боюнча Кылмыштар менен жоруктардын бирдиктүү реестрине 767 кылмыш иши катталды. Анын 100ү гана сотко жетти. Бул тууралуу башкы прокурор Өткүрбек Жамшитов 19-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитетинде 2019 - жыл ичинде аткарылган иштер жөнүндө отчёт берип жатып билдирди. Депутат Айсулуу Мамашова зордуктоо фактылары жетиштүү иликтенбей жатканын айтып, башкы прокурорду буга көңүл бурууга чакырды.   ... Читать дальше...

20-майда Ысык-Көл облусунун көпчүлүк аймактарында, Чүй, Талас, Нарын облустарынын кээ бир райондорунда, Ош, Жалал-Абад, Баткен облустарынын тоо этектеринде жана тоолуу жерлеринде маал-маалы менен жаан жаап, күн күркүрөп, бийик тоолуу райондордо кар жаашы ыктымал. Ош, Жалал-Абад, Баткен облустарынын өрөөндөрүндө жаан-чачын жаабайт. Батыш тараптан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетиши мүмкүн.​ Абанын температурасы... Читать дальше...

Маркум Зайырбек Ажыматовдун ысымы ал туулуп-өскөн айылдын маданият үйүнө ыйгарылмай болду. Мындай чечим 19-майда Жалал-Абад облусунун Аксы районунун Ак-Жол айылдык кеңешинин сессиясында кабыл алынды. Сессияга катышкан 19 депутат бул мекемеге Ажыматовдун ысымын ыйгаруу тууралуу Кыргызстандын Жазуучулар союзунун сунушун бир добуштан колдоду. Аталган маданий жайга буга дейре эч кимдин ысымы берилген эмес болчу. Эми айыл депутаттарынын чечими Маданият, маалымат жана туризм министрлигине бекитүүгө жөнөтүлөт. Читать дальше...

АКШнын президенти Дональд Трамп коронавирустун алдын алыш үчүн малярияга каршы дарыны ичип жатканын билдирди. Ал соңку бир жарым жумадан бери гидроксихлорохин дарысын жана цинк витаминин ичип жатканын, эч кандай тескери таасирин байкабаганын 18-майда Ак үйдөгү брифингде айтты. Трамп бир нече күн сайын коронавируска текшерүүдөн өтүп жатканын кошумчалады.  Адистер гидроксихлорохиндин COVID-19 илдетинин алдын аларын ырасташкан эмес. Нью-Йорктогу ар бирине 1400дөй бейтап катышкан эки изилдөө бул препараттын... Читать дальше...