Новости за 13.05.2020

Борбордук шайлоо комиссиясынын маалыматына ылайык, “АЮ холдинг” компаниясынын ээси Шаршенбек Абдыкеримов жана Жаныбек Жоробаев Жогорку Кеңештин депутаттык мандатын алышты.  13-майда “Кыргызстан” фракциясынын депутаттары Алмазбек Эргешов менен Жаныбек Исаев мандатын тапшырган. Алар жергиликтүү басылмаларга алдыдагы шайлоого даярдануу үчүн ушул кадамга барышканын айткан.  2019-жылы 22-сентябрда Бишкекте партиянын VI съезди өтүп, анда партиянын саясий кеңеши төрагалыкка парламент депутаты Канатбек Исаевди шайлашкан. Читать дальше...

АКШнын Мамлекеттик департаментинин Түштүк жана Борбор Азия боюнча бюросу укук коргоочу Азимжан Аскаровго карата чыгарган Жогорку соттун чечиминен кийин билдирүү таратты. Бюронун "Твиттердеги" баракчасына “Апелляциялык арыз берүү мүмкүнчүлүгүн пайдаланып болгондугуна байланыштуу президент Сооронбай Жээнбековдон анын (ред: Аскаровдун) улгайган жашына, ден соолугуна жана дүйнөдө жайылып жаткан COVID-19 илдетинин коркунучуна байланыштуу ырайым кылып, бошотууну суранабыз”, – деп жазылган.  Ал эми... Читать дальше...

Анжиян шаарындагы кандуу окуяга 15 жыл толду. Өзбек бийлиги билдиргендей, ал каргашада 187 адам каза болгон. Айрым байкоолорго караганда, миңден ашуун адам өлгөн.

Жогорку сот 2010-жылдагы июнь окуялары боюнча өмүрүнүн аягына чейин эркинен ажыратылган укук коргоочу Азимжан Аскаровдун кассациялык арызын карап, мурдагы соттордун өкүмүн күчүндө калтырды.

Президент Сооронбай Жээнбеков 13-майда башкы прокурор Өткүрбек Жамшитовду кабыл алып, органдын ишмердүүлүгү жөнүндө талкуулады. Бул тууралуу президенттин басма сөз кызматы маалымдады. 2019-жылы прокуратура тарабынан 36 миңден ашуун мыйзам бузуу аныкталган жана мамлекеттин пайдасына 1 миллиарддан ашуун сом кайтарылганы белгилүү болду. Президент Сооронбай Жээнбеков прокуратура органдары өлкөдө мыйзам үстөмдүгү жана анын бекемделиши камсыз болушу керектигин белгиледи. Мамлекеттик бийлик органдарында... Читать дальше...

Президент Сооронбай Жээнбеков кол койгон жарлыкка ылайык, Судьялар кеңешинин сунушу менен Нарын райондук сотунун судьясы Эркинбек Мамбеталиев, Ош облустук сотунун судьясы Мыктыбек Касымалиевдин ыйгарым укуктары мөөнөтүнөн мурда токтотулду. Бул тууралуу президенттин сайтында жазылды. Судьялар өз каалоосу менен иштен бошотулган. Ал эми Судьялар кеңешинин сунушу боюнча, мөөнөтү аяктагандыгына байланыштуу, 7-майдан тартып Бишкек шаарынын Райондор аралык сотунун судьясы Нурия Бекбаеванын ыйгарым укугу токтотулду. Читать дальше...

Жогорку Кеңештин депутаты Мирлан Жээнчороев 13-майдагы парламент жыйынында ачылышына өкмөт башчы катышкан долбоорлордун ишке ашпай калганын айтып, алардын тагдырына кызыкты. “Искра Азия” 1 млрд. сом келет дегенсиз, 70 гектар Чүйдө жана Ат-Башыдагы логистикалык борбор. Үчөөнүн тең лентасын кескенсиз. Эмне себептен иштебей калды?”. Премьер-министр Мухаммедкалый Абылгазиев Ат-Башыдагы логистикалык борбордон башка эки долбоор тең күчүндө экенин билдирди. Жакында инвесторлор келерин айтты. Ошондой эле Мирлан Жээнчороев мамлекеттен 345 млн. Читать дальше...

АКШ президенти Дональд Трамптын шайлоо штабынын мурдагы башчысы, 71 жаштагы Пол Манафорт коронавирус коркунучунан улам үй камагына чыгарылды. Бул тууралуу бир катар америкалык басылмалар жазып чыкты. Пол Манафорт салык жашырып, банктык мыйзам бузууларга барганы үчүн айыпталып, 2018-жылы март айында үч жыл 11 айга эркинен ажыратылган. Прокуратура аны бул кылмышы үчүн 19-24 жылга эркинен ажыратууну суранган. Убагында Украинада, Филиппинде жана Африканын бир катар өлкөлөрүндө иштеген политтехнолог... Читать дальше...

Германиянын канцлери Ангела Меркель 2015-жылы Бундестагдын расмий сайтына жасалган киберчабуулга Орусиянын тиешеси бар экенине жетиштүү далилдер бар экенин билдирди. Ал шаршембиде немис парламентинде сүйлөп жатып, мындан улам Москвага каршы чаралар көрүлүшү ыктымалдыгын айтты. Немис полициясы киберчабуулга байланыштуу орусиялык Дмитрий Бадин шек саналып жатканын билдирген. АКШ бул жаранга ушундай эле мүнөздөгү кылмыштардан улам издөө жарыялаган. "Spiegel" журналынын маалымдашынча, киберчабуулдан... Читать дальше...

Парламент төрагасы Дастан Жумабеков азыркы өкмөттү жакшы иштеп жатат деп эсептейт. Бул тууралуу Жумабеков 13-майдагы өкмөттүн 2019-жылдагы отчётуна добуш берер алдында билдирди. Анын айтымында, өкмөт СССР убагында да салынбаган курулуштарды бүтүрүп жатат. «Союз убагында салынбаган мектептер, бала бакчалар, жолдор көп болгон. Ошол айылдарга союз убагында салынбаган таза суу, мектеп, бала бакча салынды. Бул демек иштеп жатканынын көрсөткүчтөрү, ийгилик. «Жаман, жаман» дей берсек бизди эч ким «жакшы» дебейт. Читать дальше...

Жогорку Кеңеш өкмөттүн 2019-жыл үчүн отчётун канааттандырарлык деп тапты. Ага жыйынга катышкан 101 депутаттын 96сы «макул», бешөө «каршы» добуш берди.

Баткенде 8-майдагы чек ара чатагында жарадар болгон үч чек арачынын бири Султанбек уулу Мирбекке кечээ экинчи ирет операция жасалып, абалы орто оор деп бааланууда.

13-майда парламентте «Ата Мекен» фракциясынын атынан сөз сүйлөгөн депутат Каныбек Иманалиев өкмөттүн 2019-жылдагы ишин кескин сынга алды. Иманалиев Кыргызстанга эл аралык уюмдардын төмөн баа бергенин белгилеп, коңшу мамлекеттердин экономикалык өсүшү менен салыштырып, мурдагы СССРдин курамындагы өлкөлөрдүн арасында өнүгүү боюнча Кыргызстан акыркы орунда турганын эске салды. Ал ошондой эле коррупция тыйылбаганын, аткезчиликтен казына миллиондогон каражаттан кур калганын айтты. «СССРдин алкагында алтын чыгаруу боюнча үчүнчү орунда турабыз. Читать дальше...

Акыркы күндөрү мыйзамсыз байыган мамлекеттик кызматкерлердин байлыгы жөнүндө билдирүүлөрү талкуу жаратып жатат. Кубанычбек Жумалиевдин байлыгы боюнча айтып чыккан Сыймык Жапыкеевге ИИМ, депутаттын өзүнө болсо Финансы полициясы териштирүү ишин баштады. Акыркы коомчулуктагы маанай жана чакырыктар өлкөдөгү коррупцияга каршы күрөшкө алымсынбоонун белгисиби? Мындай жараяндардын кесепети эмне менен бүтүшү мүмкүн? Талкууга “Ата Мекен” партиясынын лидери Өмүрбек Текебаев, Жогорку Кеңештин депутаты Мирлан Жээнчороев... Читать дальше...

Жогорку Кеңештин Эл аралык иштер, коргоо жана коопсуздук комитети укук коргоочу Азимжан Аскаровдун ишине байланыштуу АКШнын демократ сенаторлорунун тобуна кайрылуу катын жиберди. Бул тууралуу 13-майда парламенттин басма сөз кызматы кабарлады. «Кайрылууда Аскаровдун иши боюнча сенаторлорду да, бир катар укук коргоочу уюмдарды да кызыктырып жаткан актуалдуу маалымат берилди. Аскаровдун саламаттыгы канааттандырарлык экени, медициналык жардам менен камсыз болгону, өлкөдө укук үстөмдүгүн бекемдөө иши жана сот реформасы жүрүп жатканы... Читать дальше...

13-майда Жогорку Кеңеш өкмөттүн 2019-жылдагы иши жөнүндө токтомду көпчүлүк добуш менен кабыл алды. 96 депутат «макул», беш депутат «каршы» деп добуш берди. Премьер-министр Мухаммедкалый Абылгазиев баштаган өкмөт мүчөлөрү бир күн бою депутаттардын суроолоруна жооп беришти. Өкмөт 2019-жылы ички дүң өнүмдүн көлөмү 4,5% арбыганын, эл аралык рейтингдеги Кыргызстандын көрсөткүчү жогорулаганын, инвестиция, экспорт сыяктуу бир топ тармактарда өсүш болгонун билдирди. Бирок айрым депутаттар өкмөттүн иши кескин сындап... Читать дальше...

Улуу Жеӊиштин 75 жылдыгына карата президент Сооронбай Жээнбековдун куттук сөзүн сынга алгандар өткөн кылымдын орто ченинде болгон согуш төрт эмес, беш жылга созулган деп чыгышты.

Ооган президенти Ашраф Гани коопсуздук күчтөрүнө «Талибан» кыймылынын жана башка уюмдардын жоочуларына чабуул коюуга буйрук берди.

Кыргызстанда өзгөчө кырдаал жарыяланган 22-марттан бери 536 үй-бүлөлүк зомбулук катталган. Бул мурунку жылдарга салыштырмалуу 42% көп. Мындай маалыматты ички иштер министри Кашкар Жунушалиев бүгүн, 13-майда парламент отурумунда депутат Аида Касымалиеванын суроосуна жооп берип жатып билдирди. Министрдин айтымында жалпы жыл башынан бери 2019 үй-бүлөлүк зомбулук учуру катталган. Бул былтыркы жылга салыштырмалуу 65% арбын. Депутат Аида Касымалиева карантин учурунда жашы жете элек он бала өмүрүн кыйганын эске салып... Читать дальше...

Быйыл февралда үч шаарда жапырт катталып, бирок паспортун алмаштырбагандар же паспорттун чибине жаңы дарегин жаздыра электер жергиликтүү кеңештерге шайлоого карата шайлоочулардын баштапкы жана контролдук тизмесине киргизилген жок. Бул тууралуу 13-майда Мамлекеттик каттоо кызматы кабарлады. Мекеменин маалыматына караганда, «Жергиликтүү кеңештин депутатын шайлоо жөнүндө» мыйзамга ылайык, тизмеге ошол жергиликтүү жамааттын мүчөсү болгондор гана кире алат. Мүчөлүк паспорттогу тийиштүү белги менен тастыкталат. Читать дальше...

“Эл үнүнө” эки балалуу келин кайрылып, COVID-19га текшерүүдө жана андан дарыланууда укугу басмырланбаганын билгиси келди.

Жогорку сот 2010-жылдагы июнь окуялары боюнча өмүрүнүн аягына чейин эркинен ажыратылган укук коргоочу Азимжан Аскаровдун өкүмүн күчүндө калтырды. Мындай чечимди Жогорку сот 13-майдагы отурумунда чыгарды. Аскаровдун кассациялык арызы боюнча алгачкы отурум 25-февралда болгон. 69 жаштагы укук коргоочу 2010-жылы июнь окуяларында массалык башаламандык уюштурууга жана киши өлтүрүүгө катышкан деп айыпталып, өмүрүнүн аягына чейин эркинен ажыратылган. Эл аралык уюмдар ишти кайра карап, аны эркиндикке чыгарууга үндөп келет. Читать дальше...

Орусиядан жакында, 17-майда кыргызстандык жарандарды алып келүү боюнча иштер жүрүп жатат. Мындан тышкары Дубайдан, Жапония жана башка чет өлкөлөрдөн мекенине кайта албай жаткан кыргызстандык жарандарды кайтарып келүү боюнча Тышкы иштер министрлиги иш жүргүзүп жатат. Мындай маалыматты биринчи вице-премьер-министр Кубатбек Боронов бүгүн, 13-майда парламентте билдирди. Анын айтуусунда алып келе албаган жарандарды ошол жактан колдоо боюнча да иштер жүрүп жатат, каражаттар жетиштүү. Чет өлкөлөрдөн... Читать дальше...

Кыргыз элинин уламыштарында: «... Илгери, илгери Күкүк деген жигит менен Зейнеп деген кыз болгон экен. Эки жаш бойго жетип калган кездеринде бири-бирин жакшы көрүп калып, баш кошуп, бала-чакалуу болуп, бактылуу өмүрлөрүн чогуу жашап өткөргүлөрү келишет. Үйлөнчү мезгил жакындап, куда болгусу келген ата-энелери эки жаштын тоюна камданып жаткан учурда күтпөгөн кырсык болуп... Күкүк эли-жерин коргош үчүн жоого аттанып кеткен бойдон дайынсыз жок болот. Зейнеп күтө берип... күтө берип... күйөөгө чыкпай...... Читать дальше...

«Росздравнадзор» 2020-жылдын 1-апрелинен кийин жасалган «Авента-М» үлгүсүндөгү жасалма дем алдыруучу аппараттарды колдонууга тыюу салды. Баштапкы маалыматтарга караганда, бул аппараттар Москва менен Санкт-Петербург шаарларында коронавирус жугузуп алгандар дарыланып жаткан ооруканалардагы өрткө себеп болгон. Кырсыктан алты киши көз жумган. Мунун алдында АКШда айрым штаттардын бийлик органдары Орусия берген «Авента-М» үлгүсүндөгү жасалма дем алдыруучу аппараттарды колдонуудан баш тартып, кайра кайтарып жатканы белгилүү болгон. Читать дальше...