Новости за 05.01.2020

Иракта парламент «Ислам мамлекети» террордук уюмуна каршы түзүлгөн коалиция менен макулдашууну токтотууну жана чет өлкөлүк аскерлердин баарын өлкөдөн чыгарууну колдогон резолюция кабыл алды. Буга Багдаддагы эл аралык аэропорттун жанында Ирандын таасирлүү генералы Касем Сулеймани аба соккусунан өлтүрүлгөнү негиз болду. Анын алдында ушундай сунуш менен парламентке премьер-министрдин милдетин аткаруучу Адил Абдул Махди кайрылган болчу. Ал муну АКШ баштаган бир катар мамлекеттер менен алакка-катышты кайрадан карап чыгш үчүн зарыл деп негиздеген. Читать дальше...

Жалал-Абадда күзөттө турган аскер өзүнүн бутуна мылтык менен атып алганын Мамлекеттик чек ара кызматы билдирди.  Расмий кабарга ылайык, мекеменин Ыкчам кызмат башкармалыгынын аскери 5-январда күзөттө турган маалда өзүнүн бутуна кокустан атып алган. Анын саламаттыгы канааттандырарлык.  Айрым сайттар аскер күзөткө чыгуудан баш тартып өзүнүн бутуна атканын жазышты. Мамлекеттик чек ара кызматы муну тастыктаган жок.  Кыргызстандын Жалал-Абад облусу Өзбекстандын Анжиян жана Наманган облустары менен чектешет. Читать дальше...

Санкт-Петербургда белгилүү орусиялык хирург жана онколог дарыгер Андрей Павленко дүйнө салды. Соңку тогуз айдан бери ашказандын өсмө илдети менен күрөшкөн дарыгер онкологиялык ооруларды дарылоо тууралуу блог жазып, операция жасап, бейтаптарга кеңеш берип келди. 1-январда ал Фейсбуктагы жеке баракчасы аркылуу онкологиялык дартка чалдыккандарга кайрылып, өмүрү аяктап баратканын, бирок мындай диагноз менен айыгып кетсе да болорун айтып, ошондуктан күрөштү уланта берүүгө чакырган. Андрей Павленко... Читать дальше...

Ош шаарына жакын Төлөйкөн айылында 4-январда жол тандабас автоунаалардын жарышы өттү. Анда темир тулпар ышкыбоздору спорт жана стандарт категориясында таймашты. «Off road» жарышын Ош шаарында «Барс» авто сүйүүчүлөр клубу алгачкы жолу өткөрдү. Уюштуруучулардын айтымында, таймаш калаа тургундарын жигердүү жашоо образына үндөйт. Ага 1000ге чукул көрөрман чогулуп, жалпысынан 27 автоунаа катышты.  Аталган клубдун жетекчиси Жоомарт Мамытов «Азаттыка» иш-чаранын катышуучулары адырлар менен тоолордо унааларын сынап... Читать дальше...

Муз үстүнө Жумгал, Нарын жана Ат-Башы райондорунан түзүлгөн хоккей командалары чыгып, күч сынашты.

Кыргызстанда коммерциялык эмес жана өкмөттүк эмес уюмдардын ишин жөнгө салуучу мыйзамдарды өзгөртүү жөнүндө сунуш түшүп жатат. Жогорку Кеңештин депутаты Бактыбек Райымкулов сунуш кылган долбоор коомдук талкууга коюлду. Эгер мыйзам долбоору кабыл алынса, «Коммерциялык эмес уюмдар жөнүндө» жана «Юридикалык жактарды, филиалдарды (өкүлчүлүктөрдү) мамлекеттик каттоо жөнүндө» мыйзамдарга өзгөртүү жана толуктоо кирет. Иштелип чыккан долбоорго ылайык, коммерциялык эмес уюм жыл сайын каржы маселелери... Читать дальше...

2019-жылдын 30-декабрынан 2020-жылдын 5-декабрына чейинки окуяларга кыскача сереп.

Хорватияда бүгүн келерки беш жылга мамлекет башчыны шайлоонун экинчи туру өтүп жатат. Экинчи турга чыккан эки талапкердин бири азыркы президент, башкаруучу «Хорватиянын демократиялык биримдиги» партиясынан Колинда Грабар-Китарович, экинчиси – оппозициялык «Социал-демократиялык партиянын» өкүлү, мурдагы премьер-министр Зоран Миланович. Былтыр 22-декабрда өткөн биринчи турда Миланович 29,55% добуш алган, ал эми азыркы мамлекет башчысы Грабар-Китаровичке 26,65% тийген. (RK)

Францияда полиция пенсия системасын реформалоого каршы чыгып жаткан демонстранттарга каршы көздөн жаш агызуучу газ колдонду. Күч кызматкерлери менен кагылышуу 4-январда Париждин эл көп топтолгон Түндүк жана Чыгыш вокзалдарында болду. Францияда нааразылык акциялары бир нече айдан бери токтобой жатат. Президент Эммануэл Макрон мамлекетте универсал пенсия системасын киргизүүнү каалайт. Эгер ал ишке ашса, ири жөлөкпул менен мөөнөтүнөн мурда пенсияга чыгууга тыюу салынат. Кесиптик кошуундар «бул... Читать дальше...

Дүйшөмбү шаарында АКШнын Тажикстан менен кызматташтыгы талкууланат. Кошмо Штаттардын мамлекеттик катчысынын Түштүк жана Борбор Азия боюнча жардамчысынын биринчи орун басары Алиса Уэллс 6-7-январда бул өлкөдө иш сапарында болот. Мамлекеттик департаменттин маалыматына караганда, «коопсуздук жаатында аймактагы кызматташтыкты тереңдетүү, экономика жана энергетика тармактарында байланыштарды кеңейтүү, адамдар ортосунда мамилени бекемдөө» маселелери талкууланат. Кошмо Штаттар 2019-жылы Борбор Азиядагы... Читать дальше...

Ирандын түштүк-батышында жайгашкан Ахваз шаарында бүгүн түмөндөгөн адамдар көчөгө чыгып, маркум генерал Касем Сулеймани менен коштошуп жатышат. Мамлекеттик телеканал түз эфирден көрсөткөн видеодон кара кийинген адамдар анын сүрөтүн көтөрүп жөө жүрүшкө чыкканын көрүүгө болот. Ирандын тандалма атайын аскер бөлүгүнүн башчысы Касем Сулеймани жана дагы бир нече адам жума күнү Багдад шаарында америкалык аскерлердин авиа соккусунан улам өлтүрүлгөнүн Пентагон расмий тастыктады. Трамп ал «согуш башташ үчүн эмес... Читать дальше...

6-январда түнкүсүн жаан-чачын болбойт. Күндүз   Ош, Жалал-Абад, Баткен облустарынын тоо этектеринде жана тоолуу райондорунда, Чүй, Талас облустарынын тоолуу аймактарында кар жаайт, өрөөндөрдө жаан-чачын болбойт.  Ысык-Көл, Нарын облустарында жаан-чачын болбойт. Батыш тараптан келген шамалдын ылдамдыгы секундасына 4-9 метрден, күндүз кээ бир тоолуу райондордо 15-20 метрге чейин жетет. Абанын температурасы: Чүйдө түнкүсүн -1…-6, күндүз 2…7; Таласта түнкүсүн -1…-6, күндүз 1…6; Баткенде, Ошто... Читать дальше...

Жерге-Тал районунун кулуну Жээнбай Камаровдун Улуу Ата Мекендик согуштагы эрдиги.

Өзбекстан Тажикстан менен чек арасын минадан тазалап бүттү. Бул тууралуу «Азаттык» радиосунун өзбек кызматы «Asia-Plus» маалымат сайтына таянып жазды. Минадан тазалоо иштерин өзбек тарап өз каражатына жана өз күчү менен жүргүзгөнү кабарланды. Өзбек президенти Шавкат Мирзиёев 2018-жылы Тажикстанга алгачкы мамлекеттик сапар менен барганда эки өлкө 2019-жылдын аягына чейин жалпы чек ара тилкесин минадан тазалоону макулдашкан. Өзбекстан Тажикстан менен чектешкен тилкедеги тоолуу аймактарына өткөн кылымдын 90-жылдарынын акырында мина койгон. Читать дальше...

Кыргыз элинин кылымдар карыткан тарыхынын жүрүшүндө Евразияга чачыраган кыргыз топторунун ар биринин тилин, фолклорун, каада-салтын, этнографиясын жаңыча изилдөө көп тилдерди өздөштүрүүнү да талап кылат. Тарыхчынын кезектеги блогу.

Конор Макгрегор акыркы ирет октагонго 2018-жылдын күз айларында чыккан. Анда Хабиб Нурмагомедовдон утулуп, ошондон бери реванш самап келет.

Кой-Таш окуясы боюнча шектүүлөрдүн мүлкү камакка коюлду. Бул тууралуу 5-январда Ички иштер министрлиги кабарлады. Мекеменин басма сөз кызматы тараткан билдирүүдө шектүүлөрдүн туугандарынын мүлкүнө карата эч кандай чечим кабыл алынбаганы айтылат. «2019-жылдын 7-8-август күндөрү болгон окуя боюнча сотко чейинки өндүрүштүн алкагында мамлекетке жана жарандарга келтирилген чыгымдын ордун толтурууну камсыз кылуу максатында Жазык-процессуалдык кодекстин 123-беренесинин негизинде жана Мамлекеттик каттоо... Читать дальше...

Москвада киши колдуу болгон кыргызстандык жигиттин сөөгү жакынкы күндөрү үйүнө жөнөтүлөт. Бул тууралуу Кыргызстандын Орусиядагы элчилиги кабарлады. Мекеменин маалыматына караганда, иш тергеле баштады, азырынча моргдогу документтер бүтпөй жатат. 25 жаштагы Адилет Байсабаев 31-декабрда бычак жеп каза болгонун «Азаттыкка» анын жакын тууганы Айсалкын Кадырбаева билдирди: - Москвада агасы чуркап жүрөт. Алып келе албай жатышат. Өлгөндөн да ушинтип күтүп отурган жаман экен. Барып-келип иштеп жүрчү. Маркумдун артында эки кичинекей кызы калды. Читать дальше...

2019-жылы электрондук медицинага өтүү, дарылардын санариптик базасын түзүү, жугуштуу эмес ооруларга каршы күрөшүү, дарыгерлердин маянасын көбөйтүү сыяктуу аракеттер байкалды.

Сербия президенти Александр Вучич Черногорияга пландалган сапарын бул өлкөдөгү диний укуктар тууралуу жаңы мыйзамдын тегерегиндеги талаш-тартыштан улам токтотту. - Мен барбай турган болдум. Бул чечим серб патриархы Ириней менен макулдашылды. Биз алардын эгемендигин урматтайбыз, - деди Вучич 4-январда Белграддагы басма сөз жыйынында. Вучич 7-январда православдардын Рождество майрамына карата Черногориядагы серб чиркөөлөрүнө барганы жаткан. Бирок черногориялык бийлик өкүлдөрү анын сапары бул... Читать дальше...

АКШ президенти Дональд Трамп эгер Тегеран каршы чабуул жасай турган болсо Ирандын 52 объектисине сокку уруларын эскертти. «Эскертүү болсун. Эгер Иран америкалыктарга жана америкалык объектилерге каршы сокку ура турган болсо биз Иранда көп жыл мурда барымтага алынган 52 адамдын символу катары ирандык 52 объектини бутага алабыз», деп жазды Трамп «Твиттердеги» баракчасына. Трамп белгилегендей, «бутага алына турган объектилердин деңгээли өтө жогору жана алар Иран үчүн, Ирандын маданияты үчүн маанилүү». Читать дальше...

Промоутерлик компания ар бир салмак категориясы боюнча ондон мыкты мушкерди аныктаган. Спортчулардын рейтинги соңку беттештерине карап түзүлгөн.

Беларус январь айында Орусиядан 650 миң тонна мунай сатып алмай болду. Бул тууралуу «Белнефтехим» ишканасынын жетекчи орун басары Владимир Сизов билдирди. «Мунайды кайра иштетүү заводдорубуздун ишин үзгүлтүккө учуратпоо жана ички рынокту тиешелүү көлөмдө камсыз кылуу үчүн орусиялык мунай компанияларынын бири менен алгачкы этапта 100-130 миң тонна тууралуу макулдаштык. Жалпысынан бул айда 650 миң тонна мунай келет деп болжолдоп жатабыз», деди Сизов. Мунай маселесин Беларус менен Орусиянын жетекчилери 30-31-декабрда бир нече ирет талкуулап... Читать дальше...

2019-жылы коррупцияга шектүү катары кармалып, абактан бошоп кеткен аткаминерлер менен саясатчылардын тизмеси.